استفسار بخصوص القرناس والمقيض

[الجرودي]

السلام عليكم ورحمة الله وبركاته

يالربع الحقوني هالسنه طيوري تأخرت بالقرناس ومدري وش السبب
واللي عنده شي لايبخل علي او يكون جرّب خلطه او علف
لأنها اول مره تصير معاي



والله لايهينكم

[شَعَّـاااال]

مساك الله بالخير أفضل طريقه للاسراع بالقرناس هي تنويع العلف

لان الطير يتأخر اذا كان عنده نقص في أنواع معينه من الفيتامينات التي

لا تتوفر في نوع واحد من العلف بعدين لا تقصر عليهن بشي وبالتوفيق

فيه ناس تعطي الطير حبوب spart rix وهي مفيده لكن لايجب الاكثار

منها خلال فترة المقيض لعل في كلامي شيء من الفائده .

مع تمنياتي مقدماً بمقناص طيب .

[الجرودي]

الله لا يهينك يا برد الحماد
وماقصرت بس اللي اعرفه ان الحبوب هذي

نستخدمها دوا للقلاع


والله كريم

[شَعَّـاااال]

مساك الله بالخير صدقت وهذا صحيح .

عموماً لا تهتم نوع العلف ورايح تطلع طيورك بالوقت المحد د أنشاء الله

وهذه الطريقه هي أفضل شي للقرنسه وحنا ترى مثلك طيورنا ما ذبت الا من الخوافي

وأعتقد أن الجو هالسنه سبحان الله يمكن يكون له دور ترى ياخوك ما جانا حر للحين

و بالتوفيق .

[المري]

مرحبا اخوي الجرودي

حياك الله كما ذكر اخوي برد الحماد تنويع العلف


وايضا قبل ربطة الطير اضعف الطير اشوي ومن ثم عش وغداء اسبوع وباذن الله

يقرنس.

[الف999]

وانا عندي نفس المشكله رابط الطيور من شهر ونصف ولا حذفت شى من الريش والعلف منوعه فري وجربيع وحمام والطيور صارت صنيعه

[سلطان العوني]

تلقى من يفيدك