الا الدباب وش بانزينه 91 والا 95

[ZIAD_KSA]

نويت اشتري دباب للولد الله يصلحه بس ماادري الدباب ابو اربع كفرات وش بانزينه الله لا يهينكم خصوصا اني سالت ابو هناد قال ماادري
ودمتم لمحبكم واخيكم

[هاوي الله]

ههههههه سؤالك يضحك وفيه نوع من الإستهبال وفي نفس الوقت يمكن يكون صحيح .

موفق ,,

[ZIAD_KSA]

هاوي هدد ما قد سقت دباب ترى في النفود على كيفك ماتشوفني اتعلث في الولد والا بيني وبينك ابيه لي
ههههههههه
وشكرا لردك السريع

[كتاب]

هذا موضوع يعدد أنواع الدبابات وأنواع الوقود المستخدم
وهو مكتوب بالانجليزي

http://www.ethanolrfa.org/objects/pdf/2003recreational.pdf

يمكن لو حددت نوع الدباب ممكن أحد يقرأ الملف ويذكر نوع الوقود المستخدم . ولكني قرأت الملف بشكل سريع وأشوف انه يكرر في أغلب الأنواع ( لا تستعمل أقل من 87 ) . وأحيانا يوصي باستعمال نوع 91 .

لكن أرجو ملاحظة أن الملف يتعلق بموديلات 2003
والله أعلم

[ZIAD_KSA]

مشكور اخوي كتاب ماقصرت بس هذا يبيله مترجم انا سؤالي لاهل التجربه يعني وش يحطون اي نوع
ودمتم

[هاوي الله]

إلا والله سقته وانقلبت هههههههه ولعاد دانيت شي يطرى فيه كلمة ( باب ) هههههههه

يعني وش بيفرق من ناحية الدراهم إذا عبيته من 95 ؟ إلا هو كم لتر ؟

[سعد777]

اشتر ونخوك دباب بانشي 95 كذا شي روووووووووووووووعه وتعه في النفود ولا في الخيااااااااااااااااااااااااااااااال

[غالي]

والله اخوي من رايي بتلقى الجواب الشافي والكافي
هو سؤالك للوكاله
سوزوكي او هوندا او ياماها
طبعا هذي شركات الدبابات الدارجه
وريح بالك :)
اما انا اتوقع 91 ......... والسبب اكثر السيارات بانزين 91 وهي اكثر تقنيه بالمكينه وغيرها من الدباب
فاذا كان الدباب 95 فا هذي مشكله صراحه
شكرا لك :)

[دايم البر]

اسمع وانا اخوك:
اذا الدباب للولد استعمل بنزين 91
واذا الدباب لك انت فا استعمل 95
هاه....
امزح معك:D
للمعلوميه اغلب الدبابات 95 ماانصحك بالـ 91
الـ95 اضمن واحسن للمكينه ...
يمكن توفر ريالين في التعبئه ثم تخسر المكينه وش الفايدة؟؟:no2:
هذا رائيي وتقبل تحياتي

[ابوعزيزm]

يقول المثل : وش العصفور . . ووش مرقتة

أنا لو أني بمحلك كان ما أعبية إلا من الغالي لأن إستهلاك بنزين الدباب قليل التكلفة

لكن سؤال حلووو