يا أهل البطاريات وخُبراء البطاريات ...جاري البحث عن الجواب

[هاوي الله]

سلام الله عليكم وحياكم

نوعين من البطاريات:

1- إكسايد

2- اي سي ديلكو

ضمان البطاريتين = سنه

إكسايد صناعه إمريكيه

اي سي ديلكو صناعه إمريكيه + تجميع سعودي

والرمز I----- 80 D 26 L -----I لكلا البطارتين

س1/ هل يوجد تاريخ صناعة البطاريه على البطاريه أو في الكاتلوج المُرفق ؟

س2/ ماهو النوع الأفضل بين البطاريتين ؟

س3/ هل يوجد أفضل من هاتين البطاريتين ؟ وكم سعرها ؟

ولكم جزيل الشُكر ,,

[شعيب المسمى]

سلام الله عليكم وحياكم

نوعين من البطاريات:

1- إكسايد

2- اي سي ديلكو

ضمان البطاريتين = سنه

إكسايد صناعه إمريكيه

اي سي ديلكو صناعه إمريكيه + تجميع سعودي

والرمز I----- 80 D 26 L -----I لكلا البطارتين

س1/ هل يوجد تاريخ صناعة البطاريه على البطاريه أو في الكاتلوج المُرفق ؟

س2/ ماهو النوع الأفضل بين البطاريتين ؟

س3/ هل يوجد أفضل من هاتين البطاريتين ؟ وكم سعرها ؟




ياهلا بهاوي الهدد التاريخ تراه لزق بعني ماتضمنة خذه من اوكيل او الغرابي
ولا تبعد عن اسي دلكو افضل بطارية بالسوق تكرف سنتين واكثر ولا تقول لا
فمان الله

[الكوسه]

انا لي شهر مركب ايسي ديلكو ممتازه منول اعبي ما بين فتره وفتره الحين لا مرتاح واشوف العالم يمدحونه

[هاوي الله]

حيالله الأخوان شعيب المسمى + الكوسه

ماقصرتو ويعطيكم العافيه ,,

بالنسبه لي أنا عارف إن اي سي ديلكو ممتازه ولكن من حُب التجربه شريت إكسايد بسعر 230 ريال وضمان سنه

والله يبارك فيها إنشاءالله .

إكسايد أول مره أشوفها وصناعتها إمريكيه وعشان كذا إشتريتها .

وإذا فيه أحد من الأخوان يبي يُضيف معلومات وتجربه وخبره بالنسبه لبطارية إكسايد فتراني أنا وجميع الأعضاء

والزوار مانستغني وياليت يكون فيه معلومات إضافيه لجميع البطاريات .

الموضوع مفتوح على طول وياهلا ومرحبا ,,

[الكوسه]

السلام عليكم
كيف حالك
الله يسلمك المشكله ماتلاحظ ان راس ماله بطاريه يعني 230 تقرص الواحد شوي حتى ايس ديلكو ضمان سنه بـ180 190
يعني بطاريه ام خمسين تشغل النوتر زي العسل لان وضيفته بسيطه
وانت ابخص

[هاوي الله]

السلام عليكم
كيف حالك
الله يسلمك المشكله ماتلاحظ ان راس ماله بطاريه يعني 230 تقرص الواحد شوي حتى ايس ديلكو ضمان سنه بـ180 190
يعني بطاريه ام خمسين تشغل النوتر زي العسل لان وضيفته بسيطه
وانت ابخص

وعليكم سلام من الله ورحمه

هلا حياك الله يجمل حالك .. طال عمرك هاذي تجربه , ومُمكن بعد سنه أرفع هذا الموضوع وأقول .. ياأعضاء مكشات ترى بطارية الإكسايد أفضل من بطارية اي سي ديلكو بكثير , أنا أقول مُمكن .

ام خمسين صح تشغل الموتر , ولكن بيجي يوم وتسوي إشتراك(قران) لموترك أو تنتعه ! والسبب ام خمسين .

يعطيك العافيه على الرد المُفيد ,,

[القصبي]

يرجال لاتدرو غير اي سي ديلكو
رخيصة
ولاتحتاج الى تعبئة

[هاوي الله]

يرجال لاتدرو غير اي سي ديلكو
رخيصة
ولاتحتاج الى تعبئة

وأيضاً الإكسايد لاتحتاج إلى تعبئه .

واي سي ديلكو سعرها 210 والإكسايد 230 يعني فرق 20 بالنسبه لي ماتفرق .

[سفاري نجد]

السلام عليكم ورحمة الله وبركاته ،،،

انا جربت بطارية اي سي ديلكو ضمان 15 شهر يعني سنه و3 أشهر ما كملت الضمان الا هي منتهيه ،،،

نصحني الهندي اللي يشتغل عند الطيار للإطارات اللي قدام اسواق الربوه عنده اي سي ديلكو قلت ابغى غيرها افضل منها

نصحني بأكسايد ماركه امريكيه تجميع الامارات

وماهي عنده قالي ركبها وانت مطمن " انا زبون عندهم ترصيص واصلاح بنشر "

وكيلها التميمي وتصنع بالامارات العربيه المتحده وشريتها من الوكيل التميمي اللي بطريق خريص مفرق طريق النهضه

اللهم لك الحمد والشكر طولت اكثر من ضمانها ولا تهرب زي الاي سي ديلكو السيئه اول مره اجرب اي سي ديلكو واخر مره ،،،

نصيحتي خذ الاكسايد وانت مغمض عند الوكيل أفضل لان عندهم ضمان وعليها تاريخ ويشيك عليها كل فتره عندهم ،،،

فترة ضمان الأكسايد 18 شهر يعني سنه ونص

[ff-19]

انا وأعوذ بالله من كلمة انا شريت بطارية اكسايد للجمس حق الوالد والله يالربع الحين لها اكثر من اربع سنوات وأنصحكم بها النوع اللي اخذته لايقبل التعبئة مختوم ضمان سنة ونصف اول ماتم طرحها بالاسواق

[هاوي الله]

الأخوه :

سفاري نجد + ff-19

اشكركُم جزيل الشُكر على هذه المعلومات المُفيده ,,

بالنسبه لي أول ماشفت وناظرت بطارية الإكسايد وقرائتي لبعض المعلومات التي عليها , توقعت أنها ستكون أفضل من الإي سي ديلكو .

تحياتي للجميع ,,

[هاوي الله]

السلام عليكم ورحمة الله وبركاته ،،،

انا جربت بطارية اي سي ديلكو ضمان 15 شهر يعني سنه و3 أشهر ما كملت الضمان الا هي منتهيه ،،،

نصحني الهندي اللي يشتغل عند الطيار للإطارات اللي قدام اسواق الربوه عنده اي سي ديلكو قلت ابغى غيرها افضل منها

نصحني بأكسايد ماركه امريكيه تجميع الامارات

وماهي عنده قالي ركبها وانت مطمن " انا زبون عندهم ترصيص واصلاح بنشر "

وكيلها التميمي وتصنع بالامارات العربيه المتحده وشريتها من الوكيل التميمي اللي بطريق خريص مفرق طريق النهضه

اللهم لك الحمد والشكر طولت اكثر من ضمانها ولا تهرب زي الاي سي ديلكو السيئه اول مره اجرب اي سي ديلكو واخر مره ،،،

نصيحتي خذ الاكسايد وانت مغمض عند الوكيل أفضل لان عندهم ضمان وعليها تاريخ ويشيك عليها كل فتره عندهم ،،،

فترة ضمان الأكسايد 18 شهر يعني سنه ونص

الله يعطيك العافيه ,,

مدري كم سعر الإكسايد عند الوكيل التميمي ؟

[ابو انس2006]

أنا أنصح باكسايد بصراحه انها افضل من اي سي ديلكو

مركب أكسايد من عام 2004 والى الحين مشاء الله شغاله تمام

ال اي سي ديلكو عيبها انها تهرب من عند الاصبع

الاكسايد متازه وعن تجربة

[هاوي الله]

الله يعطيك العافيه أخوي كابريس ,,

شكلي بترك التجربه وبقول ألحين إن الإكسايد أفضل من الأي سي ديلكو والتجربه والبرهان في ردود الإخوان الله يعطيهم العافيه .

[ابو شموع]

الله يعطيكم العافيه بس عندي بطاريه مضبوطه لأبعد الحدود
المانيه المانيه الأصل وتحمل أسم ( فارتا ) بس بدون ضمان هي الأصليه
وفيه المانيه سعودي ( فارتا ) مع الضمان نصيحه هج عنه لاتقربك تجاريه
والله ياجماعه أنا مجربه فقط أبي الخير للجميع
وأسعاره مايقارب 170 ال 55
ولله يوفق الجميع ..............................................

[هاوي الله]

ابو شموع مشكوووور على مرورك ويعطيك العافيه

[هاوي الله]

يُرررفع لأجلكم ينفع

[alqadi2002]

ACDelco أنا مجربها وزي الحلاوة ,,,

إلكترونية وتريحك مرة وحلوة ..:good:

كان لدي مشكلة في إحدى البطاريات الخاصة بهم ولكن الضمان شالها ...;)
وعوضوني واحدة أخرى بدالها ,,,:cool:
أهم شي الضمان والتوكل على الله بعدها لي الامن أكثر من 3 سنوات على البطارية الجديدة ولا أحلى اهم شي ما تترها تسحب أنوار إضافية والسيارة طافية تخلص الكهرباء ثم تنحاس ...

هذا اللي أحببت مشاركتكم فيه ,,,

[azd]

الله يعطيكم العافيه بس عندي بطاريه مضبوطه لأبعد الحدود
المانيه المانيه الأصل وتحمل أسم ( فارتا ) بس بدون ضمان هي الأصليه
وفيه المانيه سعودي ( فارتا ) مع الضمان نصيحه هج عنه لاتقربك تجاريه
والله ياجماعه أنا مجربه فقط أبي الخير للجميع
وأسعاره مايقارب 170 ال 55
ولله يوفق الجميع ..............................................
يوجد بطاريات المانيه اسمها هوبك ضمان 3 سنوات بس غاليه

[efi4500_2002]

جربة بطاريه باقادر اخذت معي 4 سنوات

مع الكرف

[ff-19]

ماشاء الله عليك اول شي بشرناياأخي هاوي عساك بخيربعد سنتين ذكرت هذا الموضوع

ويش اخذت قبل سنتين ويش نوع البطارية للي اخذتها اوكم اجلست معك

اتوقع ان البطارية اللي قبل سنتين قربت تنتهي ولا لا

[جيناكم كشاته]

فيه بطارية acdelco

مكتوب عليها 7 سنوات

وضمان انها تشتغل 50 شهر

واسمها كذا بس الظاهر ما تجي عندنا

من الموقع شفتها

http://www.acdelco.com/parts/battery/professional-battery.jsp

http://www.acdelco.com/acdelcoapp/tech_quizzes/battery.jsp

[المحترف800]

طيب هل فيه احد يعيد شحن البطاريه من جديد يعني لو يخليها نص عمر ...

[822]

بالنسبة لي مستخدن بطاريات موتر كرفت وأشوفها زينة 260ريال سيارتي فور
والبطارية أمريكية الصنع

[التعـ King ـديل]

اي سي ديلكو عندي من 3 سنين كانت على موتر وفكيتها وركبتها على موتر ثاني والحين على الباترول والحمدلله كملت اكثر من 3 سنوات بعد ومازالت شغاله

ماشاءالله تبارك الله

[ابوبرق]

في بطارية اسمها اكترون وش رايكم فيها

[حسين السبيعي]

في بطارية اسمها اكترون وش رايكم فيها



انا مركبها من 6 شهور والي الان ماشيه والله يستر اول مره استخدم اكترون:confused:

[القلب المحروم]

بطارية اي سي دلكو انا شاريها من شارع الرين بالغرابي وماكملت ثلاث شهور الا وانواع التسربات رغم انها جافة

الحين خلص الضمان قبل شهر وخربت وكانها تحتري الضمان وبراحة كرهتها

وش افضل شي للفكتوريا

[هاوي الله]

بطارية اي سي دلكو انا شاريها من شارع الرين بالغرابي وماكملت ثلاث شهور الا وانواع التسربات رغم انها جافة

الحين خلص الضمان قبل شهر وخربت وكانها تحتري الضمان وبراحة كرهتها

وش افضل شي للفكتوريا
إقرأ الموضوع كامل واختر اللي يعجبك والظاهر إن الأسعار إرتفعت شوي

[a.h.m.a.d.]

لاتحوشک ال اي سي ديلكو وأنت بخير
والله ماكملت معي سنة
يوم وديتها للضمان قال موظفهم
اللمبة بيضاء مايشملها الضمان
بعد شيل وحط و000قال رح اشتك

[هارون97]

اي سي ديلكو

كانت ممتازة اما الان هج عنها يوم كانت تجي امريكي ممتازة انا مجربها ما تعيش 7شهور واذا عطيت احد اشتراك يخلف الله عليك

[naqeel]

في بطارية اسمها اكترون وش رايكم فيها

:no2: :no2: :no2: :no2: :no2: :no2: :no2:

سيئة للغاية ، عندي لها 6 شهور وخربت، وللاسف ضمانها سنة ويوم راجعت الوكيل بدأ يتهرب عن الصيانة والتعويض

[جيب شراع]

لا تفوتك بطارية اسمها nbc المانية وممتازة
ومجربه تكد معك سنتين بالراحة ويمكن زود

[احساس الصمت]

يسعد مسائكم جميعا
ياجماعه فيه بطاريه أسمها( روكيت)صناعه كوريه وكيلها باقادر في الصناعيه القديمه على طريق الخرج وانت متجه شمال من عند اشارة السالم للزجاج تمشي شوي يجي على يمينك
بس بصراحه لايعلى عليها من حيث الجوده والصبر تجلس معاك ثلاث سنوات او اكثر
انا اقول هالكلام لاني انا واغلب جماعتي نستخدمها من مده طويله ولا اشتكينا منها

[احساس الصمت]

طيب هل فيه احد يعيد شحن البطاريه من جديد يعني لو يخليها نص عمر ...

اخوي فيه واحد على طريق الدائري الجنوبي = شف وانت جاي من الدئري الشرقي ودخلت الدائري الجنوبي بس خلك مع الخدمه تجيك عمايرعلى يمينك فيها بناشر وقطع غيار شف آخر محل بالزاويه يفتح جنوب غرب مكتوب عليه اعادة شحن البطاريات = يشحن لك نص عمر
ارجوا اني افدتك بالوصف يالغالي

[ayaqaz]

يسعد مسائكم جميعا
ياجماعه فيه بطاريه أسمها( روكيت)صناعه كوريه وكيلها باقادر في الصناعيه القديمه على طريق الخرج وانت متجه شمال من عند اشارة السالم للزجاج تمشي شوي يجي على يمينك
بس بصراحه لايعلى عليها من حيث الجوده والصبر تجلس معاك ثلاث سنوات او اكثر
انا اقول هالكلام لاني انا واغلب جماعتي نستخدمها من مده طويله ولا اشتكينا منها


طمنتني الله يطمنك..

أمس بالليل يعني قبل أقل من 24 ساعة ركبت من نفس هذه النوعية (روكيت) صناعة كورية لا تحتاج الى تعبئة..

ركبتهاعلى سيارتي سوبربان 2001 أخذتها من جدة عند الوكيل باقادر ب 250 ريال وعليها ضمان سنة..

أسأل الله تعالى أن يبارك لي فيها ويعطيني خيرها ويصرف عني شرها..

وجزاكم الله خير..

أبوعبدالرحمن..

[احساس الصمت]

طمنتني الله يطمنك..





أمس بالليل يعني قبل أقل من 24 ساعة ركبت من نفس هذه النوعية (روكيت) صناعة كورية لا تحتاج الى تعبئة..


ركبتهاعلى سيارتي سوبربان 2001 أخذتها من جدة عند الوكيل باقادر ب 250 ريال وعليها ضمان سنة..


أسأل الله تعالى أن يبارك لي فيها ويعطيني خيرها ويصرف عني شرها..


وجزاكم الله خير..



أبوعبدالرحمن..

الله يبارك لك فيها ويعطيك خيرها ويكفيك شرها

[ayaqaz]

الله يبارك لك فيها ويعطيك خيرها ويكفيك شرها



اللهم آمين..

وياك أخي الحبيب..

[الضرغام11]

اخوي اكسايد انا مجربها على كذا سياره عمليه وتعيش اكثر من اي سي ديلكو بكثير بس دورتها قبل فتره بالسوق ماحصلتها قالوا انها انقطعت اتمنى تفيدنا من وين شريتها..

[fahadq8]

اس ديلكوووووووو ممتازه جربتها على كرسيدا ولكزس وجاكور كلهم عمرهم اكثر من سنتين وانا متاكد ان اللى ما اطول معاه فيها مشكله والا عمرها الافتراضى معاى سنتين واكثر

[ابو جنى 2005]

اخواني السلام عليكم ورحمة الله وبركاته
ما دام ان اخوي ابو شموع غير الموجة انا بغير مثله وبرضه من واقع تجربه بالجيوب يعني من 75 امبير وفوق
اما اي سي ديلكو بحول الله وقوته انه ما عاد تركب موتر لي ما تصلح ابد ابد والله يا جماعة ما كملت 8 شهور الا ودقة الموتر ضعيفة واشيك عليها واحصلها منتهية المهم مالكم بالطويلة فيه بطاريه كورية اسمها ( هنكوك ) واتوقع كل الربع يعرفونها 95 امبير وضمانها 18 شهر وسعرها 280 عقب ما رخصن البطاريات اول كان سعرها 340ريال المهم اللي يصرف كهرب لا يتعداها ( ثلاجة ـ جهاز نداء ـ لمبة كبوت ـ ماطور هواء ـ محول كهرب ) على ظهر المسيكينه
تقبلوا مروري
اخوكم ابو جنى

[سوبر VTC]

اخواني السلام عليكم ورحمة الله وبركاته
ما دام ان اخوي ابو شموع غير الموجة انا بغير مثله وبرضه من واقع تجربه بالجيوب يعني من 75 امبير وفوق
اما اي سي ديلكو بحول الله وقوته انه ما عاد تركب موتر لي ما تصلح ابد ابد والله يا جماعة ما كملت 8 شهور الا ودقة الموتر ضعيفة واشيك عليها واحصلها منتهية المهم مالكم بالطويلة فيه بطاريه كورية اسمها ( هنكوك ) واتوقع كل الربع يعرفونها 95 امبير وضمانها 18 شهر وسعرها 280 عقب ما رخصن البطاريات اول كان سعرها 340ريال المهم اللي يصرف كهرب لا يتعداها ( ثلاجة ـ جهاز نداء ـ لمبة كبوت ـ ماطور هواء ـ محول كهرب ) على ظهر المسيكينه
تقبلوا مروري
اخوكم ابو جنى



الهانكوك و القولدن الاندونسية تراهن ممتازات جدا
انا مركب قولدن اللي تعبى مقطر طبعا حاطه بطارية اضافيه في الخلف
لتشغيل احتياجاتي لمبة ماطور محول....الخ

على فكرة ترى فيه بطارية طويلة تركب للباترول شد بلد
هي تقريبا 90امبير و تعطي اذا شغلت الموتر 110امبير
للاسف نسيت اسمه
ووكيله باقادر سعره ب260ريال

[احساس الصمت]

اخوي اكسايد انا مجربها على كذا سياره عمليه وتعيش اكثر من اي سي ديلكو بكثير بس دورتها قبل فتره بالسوق ماحصلتها قالوا انها انقطعت اتمنى تفيدنا من وين شريتها..

اخوي شفها عند وكيلها الاصلي باقادر على طريق الخرج في الصناعيه القديمه وانت نازل من الجنوب للشمال بعد اشارة السالم للزجاج يجي على يمينك قبل ماتطلع الكوبري
انا سالت عنها قبل اسبوعين موجوده(بس شوري عليك اذا حصلتها لاتفوتها)
لك مني أجمل تحيه

[احساس الصمت]

على فكرة ترى فيه بطارية طويلة تركب للباترول شد بلد
هي تقريبا 90امبير و تعطي اذا شغلت الموتر 110امبير
للاسف نسيت اسمه
ووكيله باقادر سعره ب260ريال[/CENTER]

يمكن تقصدFB اليابانيه (فعلاَ وكيلها باقادر على طريق الخرج بالصناعيه القديمه)
البطاريه مافيها كلام بس غاليه جداَ جداَ لأنها مازالت تجي يابانيه اصليه
بالنسبه لي أنا أعتبر(روكيت الالكترونيه)كورية الصنع هي سيدة البطاريات حالياَ نظراَ لجودتها

[سوبر VTC]

يمكن تقصدFB اليابانيه (فعلاَ وكيلها باقادر على طريق الخرج بالصناعيه القديمه)
البطاريه مافيها كلام بس غاليه جداَ جداَ لأنها مازالت تجي يابانيه اصليه
بالنسبه لي أنا أعتبر(روكيت الالكترونيه)كورية الصنع هي سيدة البطاريات حالياَ نظراَ لجودتها



الله الله يابعدي
روكيت ممتازة 120امبير
اذا كان الموتر طافي تعطي تقريبا 95 امبير او 90

[الستانس]

والله الي جربت من acd سيئه لدرجه ما تتوقعها يخلص الضمان من هنا تخرب من هنا

وشف اللي يجوز لك من البطاريات

وانا قد شريت بطاريه يابانيه اصليه

مويه

ولله انعا عمرت عندي وبعت الموتر وهي عليه

ولا اذكر اسمها ولاكن صندوقها ابيض
وغطاها اسود
والحامل حقها اصفر


والله يكتب لك اللي فيه خير