المساعد الشخصي الرقمي

مشاهدة النسخة كاملة : استفسار بخصوص البالونات اللي تركب داخل اليايات للجيوب ؟؟؟


علي عليوه
24/03/2007, 05:49 PM
عندي واحد من الشباب اشترى سيارة لاند كروزر وكان صاحبها الاول مركب لها

بالونات داخل الياي وكانت ماشية معه تمام ويوم الخميس الماضي عبينا البالونات 40 باوند

وكانت الحمولة زايدة شوي

عموما انفقعت وحدة من البالونات

المطلوب

ما الحل مع البالون المفقوع

هل له صيانة مثلا هل يرقعونه

وإذا كان له حل وين ألاقي المختصين فيها

أو اللي يبيعونها

وشاكر للجميع تعاونهم ...
ابو عاذر
24/03/2007, 06:03 PM
أخوي علي عليوه تحية طيبة وبعد :-
أفضل ورشة متخصصة في توريد و تركيب بالون الياي في مدينة الرياض هو ورشة مركز الدفع الرباعي بطريق العروبة وأنت متجه غرب صوب مستشفى العيون بجانب ماي كار قبل محطة البنزين على يديك اليمين .
أما عن رقع البالون فليس لدي فكرة عن ذلك ولو تسئل الورشة يفيدونك أكثر

مع تحيات اخوك ابو عاذر
ابرق الكبريت
24/03/2007, 06:43 PM
أنا كان عندي بالونات في الجيب اللي بعته و مركبها عند مركز الدفع الرباعي...
واتذكر انهم قالوا لي ان اعلى حد للهواء 30....
علي عليوه
26/03/2007, 12:51 AM
أبو عاذر الله يخليك لعين ترجيك

ولا يحرمك الأجر

ـــــــــــــــــــــ

أبرق الكبريت

استفدت منك معلومة كبيرة وعن تجربة

الله يجزاك الجنة ووالديك

وجميع المسلمين

والظاهر نرجع للاسترالي أصرف

وبلاش بالونات
ع.ف.الدرويش
26/03/2007, 01:26 AM
حبيت أسأل عن قيمتها..؟
وهل هي عملية..؟
وكيف طريقتها..؟
وهل يتم تركيبها لكل أنواع الجيوب..؟

أرجو أن أجد إجابات.. ولكم جزيل الشُكر

أبو فهـد..
جلوبلستار
26/03/2007, 01:41 AM
الأخ الدريويش انا مركبها من أربع سنين عند مركز الدفع الرباعي يوم كان جنب الفيصليه .. بــ 900 ريال وضمان 6 أشهر .... وقالوا لي لا تعبيها اكثر من 30 .... والأفضل تخلي الضغط الهوا على 20
وتركب على كل انواع الجيوب داخل اليايات الخلفيه ويكون لها بلف مثبت جنب الكفر على غطى الرفرف من تحت .
وانا انصحك تركبها لأنها عمليه .... واذا ما حملت السياره خل الضغط على 15 .
الصاحب الغالي
02/04/2007, 06:14 AM
طيب وش فايده البالونات
بواسامه
02/04/2007, 10:55 AM
طيب وش فايده البالونات
فايدتها وانا اخوك ان تساعد الياي انه ما ينظغط وانها تمتص المطب ويتحمل الموتر شيل عفش زود
ولكن عدوها الاول
شوكة الطلحة :d وكذلك الهواء الزايد عن حده
شماريخ
02/04/2007, 11:24 AM
السلام عليكم ورحمة الله وبركاته... اخوي علي عليوه انا لي تجربة مع البوالين مركبة على الباثفندر الي معي ومثل ماافاد احد الاخوان ان الهواء في البالون لايقل عن الضغط عن 10 ولا يزيد عن 30 حسب افادة الورشه تقدر تحمل الموتر 1000كيلو ماينزل الموتر الا شي بسيط ولا تحس بالمطب ولله الحمد مركبها اكثر من اربع سنوات وسالكه بس اني وازن الضغط على 20 مع ملاحظة ضغط الهواء قبل كل رحلة بعيار الهواء العادي وانا في رأي تثبيت ضغط الهواء على 20بأذن الله يعيش معك سواء محمل عفش بالسيارة او بدون والمعذرة على الاطالة وارجو اني افدتك وافدت الاخوان الكرام السنافية 0
علي عليوه
03/04/2007, 11:45 PM
الأخ جلوبستار , شماريخ

وباقي الاخوان

أشكركم جزيل الشكر على المشاركة

والله لا يحرمكم الأجر ....