فصل الدبل عن جيب الهوندا

[rhyb15]

السلام عليكم

مرحبا
حبيت اسال اذا فيه ورشه او طريقة نقدر نفصل الدبل الخفيف في الجيب لانه دائما شغال ويفصل عند سرعه معينه

الجيب هو ام ار في الفين وثلاثة

شاكر لكم

[أبـو فـايـز]

لايوجد اي طريقة لفصله وحتى لو فيه ماينصح فيها ابد
العبث بهالامور موب زين

[shaheenshah]

شي زين إذا كان الدبل شغال ويفصل عند سرعة معينة هذي ميزة حلوه
بس أنت متأكد من الميزة هذي
لان اخوي عنده Mrv 2003 بس ما فيه الميزه هذي

بعدين مثل ما قالوا لك نصيحتي لك اذا الموتر ما خالف عليك لا تحبرش فيه

[rhyb15]

ابو شنب وشاه مشكورين على الرد بس الدبل اذا كان دائما شغال يثقل السيارة ويسحب بنزين بعد وكل جيوب الهوند1 2003 نفس الميزه بس يمكن انه ما سال عنها

تحياتي

[salehhd]

السلام عليكم

الmr-v فيه نظام دبل يختلف عن الجيوب الثانية لانه الكتروني يوزع القوة حسب الحاجة وهو نفس النظام المستخدم في دبابات الفهد العسكرية لذلك من الصعب جداً فصل الدبل

حتى لو ركبت فرارات ماراح تعطيك النتيجة المرجوة وغير كذا التوفير قليل جداً مقارنة بقيمة الفصالات

[بواسامه]

نصيحتي لك لا تتعبث
واللي اعرفه انه مالك تحكم بالدبل لامن زر ولا عصا كي تتحكم بالدبل
انما هي حركه دينماكيه00000حلوة دينماكيه ماادري وش معناها 000
قصدي انه يشتغل الدبل بتوزيع بضغط الزيت على عمود خلفي اذا حس بثقل العجلات
لهذا تجده دايما يثولث
فنصيحتي خله على بلده احسن له ولك وارسى للموتر
وبعدين الموتر صرفيته معقوله ودفع امامي

وفقك الله

[كتاب]

الدبل الدائم يختلف عن الدبل اللي تشغله وتوقفه لو فصلت العجلات الأمامية من الدبل الدائم فالكفرات الخلفية ما راح تمشي معاك .

القضية مثل لو أنك أخذت هايلكس مثلا ورفعت السيارة من الجانب الأيمن وشلت الكفر الخلفي اليمين وعشقت تتوقع تمشي العجلة اليسار على الأرض ؟ أبدا . العزم بيكون ضعيف جدا لأن قوة المكينة بتروح للكفر اللي حركته أسهل وهو الجانب الأيمن ، ونفس الشي لما تفصل الأماميات في الدبل الدائم (لو شلت العمود اللي رايح للكفرات الأمامية مثلا) بتشوف ان القطعة اللي طالعة من علبة التروس وكانت مربوطة في العمود تدور بروحها والثانية المربوطة في عمود الكفرات الخلفية يا لله أنها تتحرك.

مثل ما قالوا الشباب لا تتعبث بالموتر .

عندي تعليق يمس هذا الموضوع . وهو أن في الدول الخليجية ما فيها اختيارات كثيرة مثل السيارات اللي تروح للغرب . هناك يطلبون مثلا حتى جيب السوزوكي يجي دفرنش واحد لتوفير البنزين خاصة للي ما يحتاجون الدبل . أما عندنا فيعرفون أن عندنا فلوس نبعثرها فما فيه إلا موديل دفرنشين سواء احتجته أو ما احتجته .

شوفوا مثلا سيارات الأمن في المؤسسات والبنوك والشركات ، كلها جيوب دفرنشين مع أنهم دائما موقفين هالجيوب على الزفلت . في دول الغرب يشترون جيب دفرنش واحد لأغراض كثيرة منها بعض الجهات الأمنية أو بعض الشباب االلي يبون يتفاخرون بمنظر الجيب وفوقه عشرين لمبة بس بدون دبل. ويكون سعره أرخص من جيب مع دبل.

آسف لأني كثرت الهرج عليكم .