مشكلة الوزنية (في الساكتون) واستفسار عن الخرّازة

[قروي]

السلام عليكم

مشكلة عندنا وهي أن معنا في الصيد ساكتون 80 وكلما وزنّاه خربت الوزنية والمشكلة أننا نطوّل جداً إذا أردنا وزنه السؤال هل يوجد شيء يثبّت هذه الوزنية وبذلك نضمن تعبنا


سؤال عن الخرّازة هل صحيح أن الخرازة وزنيتها ثابته ما تتغير ؟

[الساكني]

الاخ الكريم القروي
السلام عليكم
في اعتقادي ان اسم الساكتون هو نفسه يعني الخرازة بس الاسم يختلف من منطقة لاخرى ، ويمكن ان البندق اللي تعنيها هي ام صتمه والعلم عند الله .
من ناحية الوزنيه فانا عندي ام صتمه موديل 27 وموذيتني بالوزنية واخرتها وديتها لورشة تصليح السلاح وركبوا عليها علمان ثابت مايتأثر ابد ومن عقبها وهي ماشاءالله مضبوطة
:D

[جساس]

السلام عليكم ,,
أخوي القروي ، إذا كانت أم صتمه الي تقصد المانية مقاس 80 فهذه ا لمشكلة عند الجميع ، بس
سمعت أنهم يركبون لها ميزانية انجليزية وتضبط معك ، والي يركبها محل الرماية في الرياض .
هذا العلم قاله لي فني صيانة عندهم .
وشكرأ

[قروي]

بالفعل أنا أقصد أم صتمة لكن هكذا سموها ربعنا

يعني مالها حل إلا أنك تركب عليها علم أو دربيل ؟؟؟ وكم أسعارها ؟؟؟ أنا سمعت أنه يكب عليها شمع أو شيء عشان تثبت ولا أدري يمكن اللي قايل لي نصّاب

وإذا أمكن تجاوبون السؤال الثاني عن الخرّازة؟.

[البري]

اخوي قروي بجاوبك على اسئلتك بالنسبه للساكتون 80 الي تتكلم عنها وهي طبعا يسمونها أم صتمه والله العظيم انه عندي وحده نفس الي انت ذكرتها ومأخذت سنه من يوم شريتها ألا ووزنيتها خربانه بس لو توديها لمحلات تصليح البنادق الهوائيه مثل الرماية في الرياض وله فروع كثيره في المملكة مثل الزلفي والجوف وعدة مناطق ومحلات الرميح ومحلات صاب للرمايه كلهم يصلحونها . أما بالنسبة للخرازة عندي خرازة ماشاء الله لها ثلاث سنوات ماتغيرت وزنيتها ولاحتى حركت وزنيتها كل الي عليك الرمي وبس.

[قروي]

جزاك الله خير ومشكور وما قصرت


طيب بالنسبة لأم صتمة ودينها وما فيه فايد


المشكلة إذا طلعنا نعتقد أن وزنيتها تخرب مع أية لمسة هل هذا صحيح ولا هذي طبيعتها؟

[البري]

صراحه ماعندي علم ان كثرة تحريكها يخرب الوزنيه بس اذا انت وديتها للمحل خله يضبطها على وزنيه معينه وجربها عنده فيه بعض المحلات عنده اشارات تصويب ورقيه ويخليك تجرب الساكتون عليها وعلى العموم كثرة العبث في الوزنيه تخربها خاصة الساكتونات الهوائيه . واذا ماضبط معك الوضع عليك بالخرازة وريح بالك من الاسئلة . واتمنى لك التوفيق.

[قروي]

السلام عليكم



معليش أزعجناك معنا :)

[abu-moffareh]

عندي لك حل يالقروي ركب لك دربيل وفك نفسك من الوزن كل شوي

[abu-moffareh]

لا مافيه اي ازعاج خذ راحتك

[وبل الحياء]

اخوي القروى مساك الله بالخير ....
ومسا الله جميع الاخوان ......
اخوي تراي جاهل بالسلاح لكن اللي أعرف ان الساكتون ( أم صتمه ) ما يركد عليه لا دربيل ولا غيره لكن فيه السكتون الانجليزي ( أوميقا ) اعياره ثابة وشده بمسامير واللي أعرف انه يركب للسكتون اللي معك 85 ويثبت عليه ميه من الميه بدون تلحيم أو ترش عليه شمع .
وشكرا والله يوفقك

[قروي]

الشكر موصول للجميييييييييييييع

[قزاز]

اخى العزيز السلام عليكم

عندى مداخلة ان بغيت راى لوزنية ام صتمة تراة مثير للجدل لاكن ان كانك راعى دخخل ولا معك ربع فاللة وعلم مالك الا هاطريقة
1- يجب وظع جميع الميزانيا العمودية والراسية على النصف
2- ثم اكسر البندق و ناظر بالماصورة اكيد ان بة ميلان بسيط..... بعد تحديدة فوق تحت يمين يسار...
3- الان يمكنك وزنها بحفنة من الصتم على هواك مع تخيلك ان قدامك بزبوز وتصوب علية اربع مرات حتى تاكد من وزنية يدك وهو المهم ثم تبدا على هوا ميلان الماصورة بالتصويب مرات عديدة حتى تصيد هوا الصتمة و يدك وعليك ايظا باالصبر ...و اللة من ورا القصد.

[عليان الليل]

اسمع يا خوي المشكلة ماهي بالسلاح المشكلة براعي السلاح ياخي 80 حرام عليك ثقيلة بالحيل ولا تقوى تمسكه عن الرج وان بغيت الزين تراه ام 35 المانية فايروخ ممتازة جدا
اما الخرازة ترا التشيكية زينة والالملنية ازين ان لقيته

[قروي]

أخوي قزاز شكراً لك ووصفة حلوة وما قصّرت بس بيني وبينك يبي لها جلد وصبر



أخوي عليان ترا الثمانين ماهيب رشاش :) يعني خفيفة ولا تتوقّع أنها من اليدين (الله يسامحك :))



الألمانية إذا لقيتها هل لها صتم خاص ؟ أو كل الصتم لجميع الأنواع واحد ما يتغيّر ؟

[عليان الليل]

لا جميع الصتم واحد وانا اسف ان كان جرحتك

[جساس]

مساكم بالخير ، عندي مشاركة بالنسبة للخرازة الألمانية ،
تراها ممتازة جداً ، ورصاصها مثل الخرازة الثانية .وأنا عندي وحده وادي أبيعها ، إستعمال خفيف ، والي له خاطر حياه الله .

[قروي الأول]

أنا قروي الأول = قروي

بس صار لبس وأنا في طريقي لمحاولة التخلّص من هذه المشكلة بالتعاون مع المشرف العزيز أيمن

_______________________



السلام عليكم ورحمة الله وبركاته

أخوي عليان وش الدعوة لا عادي وترا بعد لا تحسب أن خويّك (بواردي) :)



أخوي جساس صاير موضوعي لتسويق بضاعتكم :D




أمزح معك

[فتى القصيم]

البندقية ام صتمة ( 80 ) ممكن تثبت وزنيتها من خلال تركيب منشاف بلاستيك ....يباع عند أهل الصيانة ..
والخرازة غالباً ما يتغير وزنيتها لأنها أقل رجف من الثمانين لكن ممكن تركب دربيل عليها وتشد الدربيل بـ القفيز ...زيادة بالتثبيت .....ولاتسعمل بعد الوزنية لها مرة رصاص مفجر ومرة رصاص خارق بل اثبت على نوع واحد

أي خدمة ...؟؟؟

[قروي]

أخوي فتى القصيم وضّح أكثر :) (تركيب منشاف بلاستيك ....يباع عند أهل الصيانة )

وش القفيز (وتشد الدربيل بـ القفيز ) ؟


وضّح أكثر هنا :) (ولاتسعمل بعد الوزنية لها مرة رصاص مفجر ومرة رصاص خارق بل اثبت على نوع واحد )

على فكرة تراي مثل خوينا اللي يجيه شيطان يوسوس له وثلاثة يفهمونه :)

يبي لي توضييييييح

[فتى القصيم]

ههههههههههههه
البلاستيك شكله مثل الحديد اللي في السكتون بس إنه بلاستيك
الرصاص العادي غير المفجر يعني المفجر أقوى ولذلك يغير وزنية الخرازة

والقفيز .... هههههه ......حديدة دائرية فيها مفتاح يستعمل لربط الليات البلاستيكية ....ترى هو ما يحتاج شرح
تحياتي لك يل الــــ قروي

[قروي]

وين يحط البلاستيك

والباقي عرفته

:)

[القرني]

مشكور
أخوي

[القرني]

مشكور اخوي

[outwar]

السلام عليكم...

انا بعلمكم بسالفة ال 27 الاسبانيه والوزنيه الخايسه ...


المهم السالفه ان البندق جديد واضبط الوزنيه على زقاره (الله يكفيكم شرها) وزي العسل مرت الايام مر عليها 3 اسابيع طلعنا نصيد انا وولد عمي وعينت ذي الحمامه البريه اللي يحبها قلبك واحد اثنين بسم الله وارميها وخربي يالوزنيه وانفكي من البندق يالييييل قلت اوكي ودور السبرنق حق الوزنيه بعد الموت حصلته واقعد ربع ساعه لين ضبطت ومن عقبها ترمي 9- 10 رميات الا وهي خربانه وضاع علي السبرنق ضاع علي يوم الربوع الساعه 12 بالليل المحلات مقفله وانا مواعد واحد من العيال بنروح مزرعته على الفجر وش اسوي وش اسوي بدت الافكار الجهنميه واطلع بفكره شريت قلم ابو ريال ضغاط وافكه وطلع السبرنق واركبه على البندق وطلع احسن من حق الوكاله وعلى الموال ذا كل يوم وانا شاري اقلام لين قفلت وفكيتها وركبت دربيبل ... طبعا جاتني فكره اني الحم الوزنيه بس سهلها الله.... هذي السالفه وافيدونا افادقم الله.

[بيرتا]

والله الصتمه ال 80 موذيتني حتى انا بالوزنيه

والصراحه ان الفايروخ ثقيله