يالربع اقلطوا عطونا رايكم ارحبوا [الأرشيف]

.أبوعبدالرحمن

26/03/2007, 12:58 AM

بسم الله الرحمن الرحيم

والسلام عليكم ورحمة الله وبركاته

اخواني اعضاء وشباب وزوار منتديات مكشات اريد نصيحتكم

في شراء احد تلك السيارتين

اليوكن دفرنسين

أو

البرادو

طبعا جديد

وش رايكم من جميع النواحي حتى اللون

تكفون لا احد يدخل ولا يرد

ولاتنسون رد السلام

وللاخوة الزوار هذا ايميلي

nawras-855@maktoob.com

ولكم مني خالص الدعاء بإذن الله

ابرق العزاف

26/03/2007, 01:07 AM

السلام عليكم ورحمة الله

طبعا حسب غرضك للسياره
وكل سياره لها ميزات
في نظري البرادو افضل بكثير وعموما اليابان افضل من الامريكي
بالصبر والبقاء مده اطول وقيمته فيه وان بقاء سنه واكثر شكرا

ع.ف.الدرويش

26/03/2007, 01:22 AM

أخي الكريم..هلا وغلا
بصراحة..
ميولي وترشيحي بصراحة يكون لليوكون..
على الأقل سعره فيه ويستاهل بالذات الجديد
وأخيراً..
الله يرزقنا وإياك كل خير
ولا تنسى تستخير..(((وتسأل من جرب الفئتين)))

أخوك..أبو فهـد

راع الابل

26/03/2007, 01:25 AM

يارجال البرادواااااااااااااااااااااااا وانت مغمض وما جاك عنددي وخذ اللون موف تراه كنه جيب لكزس من بعيد وطع شوير راع البل واتكل على الله

هولوكس2005

26/03/2007, 01:29 AM

برااااااااااادو والله العظيم أنا مأدري وش لون يركبون الناس هال سياره لالها طعم ولا لون

أنا عندي اليوكون راحه خياليه
وموتر عائله وجخه

مجرد راي

ذيب الجزيرة

26/03/2007, 12:47 PM

برادو ولا تفكر بغيره عشان لاتندم بعدين يصلح للبر وللعايله وقطع غياره متوفره وأستخير والله يوفك

برادو

26/03/2007, 12:53 PM

السلام عليكم
بما ان عندي برادو أقولك كيف نركب انا عن نفسي أطب مع الفتحه وفيه ناس أضعف مني شوي ولا عندهم فتحه بالبرادو يركبون مع الشكمان وفيه ناس مع دعسة البنزين تختلف من واحد لواحد أنت كيف تركب اليوكن؟

برااااااااااادو والله العظيم أنا مأدري وش لون يركبون الناس هال سياره لالها طعم ولا لون

أنا عندي اليوكون راحه خياليه
وموتر عائله وجخه

مجرد راي

شبح الصحراء

26/03/2007, 01:04 PM

برادو وبس! ولا تنسى مقاطعة السيارات الأمريكية :no2: .

shaheenshah

26/03/2007, 01:39 PM

اعتقد ما فيه مقارنه بين البرادو (6 سلندر) واليوكن

- من ناحية القيادة والسلاسه ما فيه مقارنه بين البرادو واليوكن (البرادو احسن)
- من ناحية صرفية البنزين وقلة الأعطال.
- سبحان الله العظيم الأمريكي اول ما تطلعة من الوكالة كويس بس بعد سنه ما أدري وش يجيه تحس انه خجمه ويقربع ويطيح من عينك وودك تتخلص منه
- بعد كم سنه دخل السيارتين للمعارض وشف كم يجيبن لك

انا اشوف البرادو احسن من اليوكن 200 مرة

ولا هو تحيز لتويوتا لانها مهيب وكالة أبوي ولكن السيارات اليابانية افضل من الامريكية

.أبوعبدالرحمن

26/03/2007, 02:39 PM

الله يوفقكم ولا يحرمكم الاجر

ولكن ايضا لا نستغني من بقية الاضاء والا يهونون اللي ردوا والله يوفقهم وييسر امرهم ويجزاهم خير ويزوجهم

هولوكس2005

26/03/2007, 03:52 PM

يشبااب لأحد يقارن الراحه بالخط بين الامريكي وأي صناعه ثانيه

الامريكي ملك الخط

والامريكي كان طلعته وكاله وأستعمالك حشمه وماتعطيه هال بزارين أضمن لك بأن مراح يجيه غير العافيه لأعطال ولا يحزنزن

عيناوي

26/03/2007, 06:41 PM

صدقت يا هولوكس بما ذكرت
وانا من عرفت نفسي مااركب الا صالونات امريكيه
جي ام سي و شفروليه
ولا احلى
وانا مثلك كنت باشتري اليوكن الجديد وجا واحد من معارفي وشراه
قلت باشوف انطباعه عن الموتر و عقب لكل حادث حديث
جيت للرجال وسألته..بشر كيف الموتر؟
ما تتوقع قد ايش شكى منه..واكثر ما ضايقه انه يتفكك الموتر
بالعربي الموتر لون ماهوب عون
عاد انا الله اراد اطق السوبربان ..و لايوكون ولا هم يحزنون
صحيح مظهره حلو..لكن تأكد انه من الي يطيح موديله بسرعه البرق..
كلها شهور ويشين بعيون العالم..

عاد انت استخر ربك و توكل على الله

فالك ما يخيب ان شاء الله
:)

قرقاص

27/03/2007, 01:31 AM

اذا كنت تحب الراحه والكشخه وسنتين ثلاث وتبيع الموتر فعليك باليوكن

واذا كنت تحب موتر يطول معك ومشاكل قليله بس على حساب الراحه.... اليوكن اريح في المركب فعليك بالبرادو

وفي الاول والاخير ..... اختر اللي يناسبك

:)

برادو

27/03/2007, 10:34 AM

السلام عليكم
مالك لوا ياطويل العمر البرادو مررررره مريح ولا تحس بالخط ولا الجلد بس المقارنه مو في محلها لأن السيارتين فئتين مختلفه عن بعض.

اذا كنت تحب الراحه والكشخه وسنتين ثلاث وتبيع الموتر فعليك باليوكن

واذا كنت تحب موتر يطول معك ومشاكل قليله بس على حساب الراحه.... اليوكن اريح في المركب فعليك بالبرادو

وفي الاول والاخير ..... اختر اللي يناسبك

:)

هولوكس2005

28/03/2007, 12:31 AM

أبو عبدالرحمن حبيت أسألك البررادو بالمواصفات يالي أنت تبيها كم قيمته جديد

دحيم العبود

28/03/2007, 01:13 AM

عنديلك حل وسط خذ (( سفاري ))

.أبوعبدالرحمن

29/03/2007, 05:51 PM

هولوكس 2005

والله ما ادري عن سعره لكن اليوكن والبرادو معجبيني ولكن اردت المقارنه فقط لاني ما ابغي اشتري يوكن واندم على اني ما شريت البرادو او اخاف اشتري البرادو وندم على اني ما شريت يوكن

اخوي دالق الكشرة

ما اداني اي سيارة نيسان بحكم التجربة لاغلب سيارات نيسان

روافد

29/03/2007, 08:16 PM

الاخ ابو عبدالرحمن
انا شخصيا لااوئيد اين من السيارتين اذا انت وصلت 130000 ريال اشتر سفاري افضل منهما جميعا

عبدالرحمن

30/03/2007, 05:02 AM

البرادو حسب كلام واحد من الشباب يقدره تقدير الولد ويعشقه يقول انه مصنوع الارتفاع ما يتناسب مع المحاور وابحث في النت , مما يسبب انقلاب لا سمح الله .

والسيارتين جيده ومطلوبه في السوق الخليجي , اذا كنت اغلب الوقت في المدينه وطلعتك للبر موسميه خذ لك يوكن لانه صراحه فخم جدا.

واذا كنت انسان طروق خذ لك برادو لانه قطعه وحده ويعجبك في البر .

الدحبول

30/03/2007, 10:59 AM

اليوكن أفضل ولايتقارن بالبرادو
اليوكن يقارن بلاندكروزر أو البترول
البرادو يتقارن تريل بليزر والانفوي وباجيرو والبثفندر

خذ اليوكن وانت مغمض
هذا الروابط بيفيدك
http://82.96.75.104/sahat?14@175.vOSpbqtkzI1.1@.3ba974e8

http://www.mekshat.com/vb/showthread.php?t=65198

القيادي

30/03/2007, 11:34 AM

وعليكم السلام ورحمة الله وبركاته

اسمع يامن تتقاطع مع مكشات ( العهدة على التوقيع ) اسمع كلام مجرب أنت تبي تطرب عمرك وعيالك وتحس بالفرق بالفخامه والنشاط و00و000 خذ يوكون أو تاهو (الفرق 8000) ريال يفرق الشكل فقط ، وبالنسبة للأخوان اللي يقولون برادو أنا متأكد إنهم ماجربوا ( GMC ) والله ياخي أنا جربت ألإثنين (جيب)(95 و 98) فكيتها- والله- جدد وبعد بيعتها أخذت(GMC8100) دفرنسين والله فرق ولو سألتني قبل أجرب ألأخير ابقول لك خذ جيب ، لكن بعد التجربة والله ماأقارن بين الإثنين ،،، الزبدة متع عمرك وخل عنك أرغب عند البيع ،أوذف ،ومن هالكلام اللي مايدخل في محيط( متع عمرك) وانت وانا أخوك تبي السيارة تخدمك وتمتعك أثناء الإستعمال ماهو عند البيع

.أبوعبدالرحمن

30/03/2007, 01:29 PM

الله يوفقكم على مروركم

الذي استفدت منه جدا والله لا يحرمكم الاجر

الصقار2007

30/03/2007, 01:44 PM

الموضوع فعلا محير بس الظاهر أن اليوكن أفضل

هولوكس2005

31/03/2007, 01:53 AM

القياااااادي صراحه جبت الزبده حمست الموضوع

أما ال 8100 جربته مشألله خيالي بس دبله مساعدات

والتاهو الجديد فضيع لا شكل ولا مواصفات ولا بعد الجديد معه هديه دباب قيمته 7 ألاف ريال واحد من أقاربي شاريه وأفضل من اليوكون كأشكل

والعمده على الاستخدام

bmw_07450

31/03/2007, 06:34 PM

يوكون بلا منازع بعدين لاتقارن اليوكون بالبرادو
اليوكون تاريخه عرييق بعدين وخذ المميزات الي يفتقر لها البرادو
1- راحه خياليه على الطريق ودك تنام فيه
2-صرفية البنزين أقل من البرادو
3-وسيع من الداخل
والخيار لك اتمنى لك التوفيق

برادو

01/04/2007, 09:11 AM

السلام عليكم
بس حبيت أوضح شي
1- صرفية البنزين بالبرادو ميزه ما أعتقد اليوكن يقدر ينافسها 75 لتر تمشيك بين 550 و600 كيلو يعني 12.5 لتر لكل 100 كيلو تقريبا. أرجع لمواصفات اليوكن وتأكد إذا كان ينافس هالأرقام.
2- الراحه في البرادو خياليه وتماسكه مع الطريق مو طبيعي.
3- البرادو ما يقارن مع اليوكن لأن كل واحد فئه مختلفه.
4- اذا الموضوع موضوع عراقه! التويوتا صنعت الجيوب للإستعمال التجاري (عامة الناس) قبل جنرال موتورز. وفوق هذا كله شركة لاند روفر هي أعرق شركه بالمجال هذا بس مانفعتها عراقتها بأسواقنا!

يوكون بلا منازع بعدين لاتقارن اليوكون بالبرادو
اليوكون تاريخه عرييق بعدين وخذ المميزات الي يفتقر لها البرادو
1- راحه خياليه على الطريق ودك تنام فيه
2-صرفية البنزين أقل من البرادو
3-وسيع من الداخل
والخيار لك اتمنى لك التوفيق