وش رأيكم بالكفرات هذه..؟ وهل تصلح للـ... [الأرشيف]

ع.ف.الدرويش

27/03/2007, 11:57 PM

السلام عليكم ورحمة الله وبركاته

وحياكم الله جميعاً..:cool:

عندي إستفسار بسيط..بخصوص ماهو موجود بالصور المرفقة..:confused:

http://4x4land.com/graphics/tires/TSLradial.jpg

http://www.4x4land.com/graphics/tires/bfg_krawler.jpg

http://4x4land.com/graphics/tires/xterrain.jpg

http://natltire.com/uploadedimages/xxdirtgrip.jpg

http://4x4land.com/graphics/tires/irok.jpg

نوعية الكفرات هذه أشوفها على مواتر كثيرة ومنها إللي شفته على سيارات حكومية .. لكن أسئلتي موجهة لمن جربها..

هل هي جيدة للإستخدام اليومي..؟ وهل هي عملية..؟

وهل يا تُرى هي جيدة في المناطق الرمليـــة والنفود..؟

أرجو أن أجد منكم الإجابة ولكم كل الشُكر.....:rolleyes:

أخوكم.. أبو فهـــد

ع.ف.الدرويش

28/03/2007, 01:25 AM

للرفع بإنتظار الرأي والإفــــادة..

الرجم العالي

28/03/2007, 02:16 AM

السلام عليكم أخوي
بالنسبه للكفرات والله يالطيب ماعندي خبر لكن مادام أن الحكومه مركبينها فأعرف انها مابه أمل تخرب ولا اخوي وقف واحد من الي مركبينها واسأله ...
وترى يالغالي السبله على كيف كيفك أن كنت منت حولها الحق عليها عقب المطر أمس

المطيري 1

28/03/2007, 04:00 AM

السلام عليكم \
اخوي ابو فهد بالنسبه للكفرات الي موجوده بالصور ماتصلح للاستخدام اليومي لانها ثقيله على السياره وبالاسفلت لها صوت يشبه صوت الونين بالعربي مزعج وانا برأيي انها ماتصلح الا بالحجره
وفالك التوفيق انشالله

الدليه

28/03/2007, 11:16 AM

السلام عليكم ورحمه الله وبركاته..
هذه يا عزيزي التواير هل امريكا هم اللي يوردونها على ونيتاتهم.. مثلك خابر وناستهم في الطين و و الحيود عشان كذا يستخدمون هذه التواير في بقعهم.. لكن اذا كان موترك عليه سوبر و إلا توربو حطهن و ما بتخيب في الرمله ان شاء الله..
تقبل تحيات اخيك

شبح الصحراء

28/03/2007, 11:35 AM

هذي إطارات حجرية تناسب البيئات الجبلية ومناسبة لقطع الحرات وصعود التلال الصخرية لأن طبيعة نقشة الإطار وارتفاعها تحميه من الصخور الحادة كما تقلل من نسبة انزلاق الإطار عند الصعود في زوايا حادة فتحمي السيارة من الإنقلاب ولا اظن هذه الكفرات تناسب البيئات الرملية كالنفود مثلاً لأن النفود يحتاج لإطارات ناعمة .

محمد الحريقي

28/03/2007, 05:22 PM

انا في رأيي انها ماتبلى بس شكل مطبها يفجر الراس!!!!!
يعني انحش..

بواسامه

28/03/2007, 05:32 PM

هذا النوع جبلي ويتحمل الحصا والقصى
واما للنفد فالكفر الناعم الوطيه مامثله مثل البالون والشاهين

ومن عيوبه له ونين كن في حضنك بزر يحن
وكذلك مطبه في العلباة وحده بوحده

والحقيقه هذا دواء الشعبان الحجريه مع لستك
ارجو اني قد افدتك يالغالي

ع.ف.الدرويش

28/03/2007, 05:50 PM

مرحباً بالجميع.. هاكم بعض الصور.. ولي عودة بإذن الله..;)
.

http://www.dubai4x4.com/albums/albuo47/Desert_009.sized.jpg
.
http://www.dubai4x4.com/albums/albuo47/IMG_0884.sized.jpg
.
http://www.dubai4x4.com/albums/albuo47/IMG_0887.sized.jpg
.
http://www.dubai4x4.com/albums/albup82/Nissan2.sized.jpg
.
http://www.dubai4x4.com/albums/albuq21/0080_G.jpg
.
.
.
.
.

:)

شعال

28/03/2007, 06:59 PM

اتوقع انها تصلح في المناطق الضخريه (الحجره و الحرات)خاصه اول كفرين واخر كفر.
هذا رايي

ع.ف.الدرويش

28/03/2007, 07:02 PM

الرجم العالي..

المطيري1..

الدليه..

شبح الصحراء..

السلع..

بو أسامة..

بدايةً سعيد جداً
بتواجدكم
وبطرح آرائكم
لـكن حبيت آخذ رأي مجرب
الصور الموجودة بالرد السابق فيها نوعية هذه الكفرات
وفي مناطق رملية وبـ الإمارات..:)
حاليـــاً استخدم كفرات بالون (أبوجمل)..:good:
لكن الغريب إن البعض يقول النفود تحتاج الناعم وأغلب الكفرات الموجودة بأسواقنا ليست ناعمة
بغض النظر عن الرملي..
بشكل عام سألت أحد مجربي هذه الإطارات.. وأثنى عليها في المناطق الرملية.. وبين لي أنه من مميزاتها حسب قوله ما فيه أمل تغرز..!
فهل أجد بينكم يا أحبة من قام بتجربتها..ليؤيد أو ينفي كلام الأخ الذي سألته..:confused:
الغريب إني ألاحظ إن أغلب أصحاب المرهمات يستخدم الشكل هذا من الكفرات..فلماذا يا تُرى..؟!

أنتظركم يا أحبة..

ولي عودة بإذن الله..:cool:

الربذي

28/03/2007, 10:11 PM

لهن صوت مزعج بالاسفلت وهن حجريات ومطبهن قاسي

قاطع شعيب

28/03/2007, 11:28 PM

في امريكا يستخدمونهن للاماكن الطينية

والله اعلم.....

ابوسند شقراوي

28/03/2007, 11:40 PM

يستخدمونها اهل المرهمات حتى لاتحفر في الرمل وتعطي قوة دفع عند القومة وفي الغاب تسخدم اذا كانت النفود ممطورة

ع.ف.الدرويش

29/03/2007, 01:05 AM

الربذي..

قاطع شعيب..

أبو سند شقراوي..

حياكم الله.. ويا هلا بكم
وأشكركم على حضوركم وتواجدكم..والله يعطيكم العافيه..
حقيقة سألت عنها في الغرابي اليوم وحصلت نوع ماكسس نفس مقاس الوكالة بالنسبة للباترول 235 \ 85 \ 16 وحصلتها بسعر مناسب نوعاً مّا.. طبعاً هي نفس مقاس الوكالة لكن كجم أكبر بقليل يعني حجمها مقارب لمقاس الـ275.. وحصلت أنواع كثيرة لكن أسعارها عالية وأحجامها كبيرة جداً..
وإضافة إلى ذلك سالت أحد الزملاء في العمل عنها لأنه مركبها على يوكون وما شاء الله أثنى عليها..:good: وقال طيبة جداً في النفود..ومعها الواحد ينسى الغراز..
لكن وكما تفضلتم يعيبها الصوت..:rolleyes:

لكم الشُكر يا أفاضل على الحضور.. وانتظر بقية الآراء..

أبو فهـد..

مريقب العيفار

29/03/2007, 02:16 AM

ودي اعرف الكفرات الحجرية كيف يركبونها في الجنوط

عندي احساس انها عضلة جدا فكيف تركب؟

الكفرات الأولة تجي شنبر وهذي سهلة

لكن مثل جنوط اللاند كيف يركب عليها الحجري؟.!

ع.ف.الدرويش

29/03/2007, 02:39 AM

مريقب العفار هلا وغلا..

انظر إلى الصورة..
.
http://www.dubai4x4.com/albums/albuq23/tire.jpg
.
http://www.dubai4x4.com/albums/albuq23/tires_mod.sized.jpg
.
منها أعتقد بأن تركيب هالنوعية من الكفرات عملية سهلة ويمكن بالطريقة التقليدية في أي محل كفرات..
بصراحة أنا خاشه براسي هالكفرات و أفكر أجربها..:)
.
ولحظتها أشوف النتيجة..:cool:

مرة أخرى شُكراً لك على حضورك
والله يعطيك العافيه
:good:

شبح الصحراء

29/03/2007, 08:44 AM

أصلاً تركيبها للمناطق الرملية غلط انا مستغرب في الصور اللي وضعها الأخ الدرويش جيوب عليها هالكفرات في مناطق رملية ونفود!!!!! ما تصلح أبد!!! هذي كفرات حجرية !! .

abu rana

29/03/2007, 08:12 PM

روافد

29/03/2007, 08:20 PM

انا في نظري انها جيدة للبيئة الصخرية و ليست للنفود ولكن بها ميزه انها طويلة العمر لاتفنى بسهوله هذا والله اعلم
تحياتي للجميع

ع.ف.الدرويش

30/03/2007, 02:37 AM

http://www.mekshat.com/pix/upload/images30/mk16071_pic1.jpg

http://www.mekshat.com/pix/upload/images30/mk16071_pic2.jpg

:)

أحبتي بالله.. حياكم الله من جديد

أبشركم إشتريت مثل هالكفرات لكن مقاس مناسب لجنط سيارتي.. طبعاً نوعها ماكسس Bighorn والمقاس كان 235 / 85 / 16 يعني جداً مناسب وكان سعرها نوعاً مّا معقول..:rolleyes:
في الفترة القادمــة بإذن الله ستكون هناك تجربة لهذه الإطارات..لكـــن متى الله أعلم..:cool:
لكن وإلى أن يحين موعد التجربة.. سأوافيكم بتقرير مبسط عنها بعد إستخدامها لعدة أيــــــام..
فكما تعلمون عملية الجزم بكونها جيدة أو سيئة صعبة جداً..:)

لي عودة بإذن الله..
محبكم بالله.. أبو فهـد..

abdulrahmanfd

30/03/2007, 02:56 AM

يالدرويش :) الظاهر انك استعجلت وبالرغم من آراء الافاضل الكرام من هنا نقول يعينك الله ونشوف وش نتيجتك

شبح الصحراء

30/03/2007, 07:34 AM

ابو فهد انصحك تطلع جبال السروات تجربها :D ولا عندك الحرات كانك راعي صيد أرانب :p على العموم مبروك الكفرات الله يعطيك خيرها ويكفيك شرها والله يعينك على رملة النفود :no: .

ع.ف.الدرويش

30/03/2007, 08:29 AM

شبح الصحراء.. صبحك الله بالخير

الله يسلمك ويبارك فيك.. إلى الآن ما جربتها بالنفود لكن الظاهر ما عاد فيه إلا ضلعـــان..;)
نقول إن شاء الله التجربة تكون خير برهــــان..

وشاكر لك مرورك يا كريم..

شبح الصحراء

30/03/2007, 09:27 AM

بالتوفيق :good: .

بواسامه

30/03/2007, 11:28 AM

اخوي بو فهد
ماكسس هذه صناعتها اندونيسيه
ووكيلها بن شبيب بطريق الخرج وانت رايح شمال اظن قبل بنك الراجحي بشوي
بس نصيحتي لك
ترى مهيب اللي انت تبي
زد جربتها على باث فندر سابقا
يعني ماينغزبها ولا هيب حقت كرف
فالحذر واجب جعل عمرك طويل على طاعته
وفقك الله

Abo Nader

30/03/2007, 10:27 PM

السلام عليكم...

يعطيك خيرها و يكفيك شرها.. عاد أرفق على الضلعان:) ...

بواسامه

30/03/2007, 11:05 PM

بالله اسمحولي أتكلم باسلوب علمي....

أغلب الاخوان قالوا أنها كفرات حجرية ولايمكن تكون كفرات تصلح للنفود بأي حال من الأحوال.

وهذا الكلام صحيح 100%...يأخوان الكفرات الرملية تكون بمداس ناعم علشان ماتنغرز بالرمال..

كذلك وهو الأهم أنها تكون مقوسة علشان توزع لضغط (هذا مبداْ فيزيائي لاحظتوا كيف سدود المياه تكون مقوسة)

وللمعلومية اللي اخترع كفرات البالون الرملية هو امريكي عمل في أرامكو بعدما فكر بمحاكاة خف الجمل.

ودمتم سالمين...

اؤيدك وبشدة
والدليل اللي يؤيد كلامك هي سيارات ارامكو تبع النتقيب عن البترول في الرمال كلها بالون وليست مضلعه او حجريه
وكذلك وايتات الماء لاهل البادية بالون لسقي حلالهم
عموما النوع الآخر يمشي بس موب عملي مثل البالون ذو الوطية الناعمة لان يحرث في الرمل ويسبب الغراز
والله اعلم

وبشرنا يابو فهد وش جديدك000000000000000:D
وفقك الله

عبدالله الضويان

04/04/2007, 01:42 AM

ابوفهد بشر عساها تمت التجربه
تراني مركب مركب الله لايعوق بشر بس احتريك تفيدني بالنتيجه

shaheenshah

04/04/2007, 10:55 AM

السلام عليكم

مثل ما قالوا الاخوان الكفرات الرملية تجي دعسه ناعمة وليّنه
ومن تجربة شخصية الماكسس مخيس ولا يتحمل ادنى حصاة تشقه خاصة في الجنب وبعدين لها صوت مزعج

ع.ف.الدرويش

04/04/2007, 04:38 PM

السلام عليكم ورحمة الله وبركاته

قبل كل شيء إسمحوا لي أحط هالرمز هذا :good:

ويليه..

شبح الصحراء

بو اسامة

ابو نادر

ابو المها

shaheenshah

وبقية الأعضـــاء الكرام..

هلا بكم.. وحياكم الله
صدقوني كلامكم جميعاً سليــم جداً وخالٍ من الشوائب.. لكن..
ومن خلال تجربتي البسيطة ((يعني خلال الأيام الماضية))
هذه الكفرات ما شاء الله تبارك الله أجودية
وبالذات في النفوووود رائعـة جداً ..
وإللي لاحظته وبصراحة انه وبشدة يعيبها صوتها المزعج جداً لكن وبخلاف ذلك ولا أحلى ولا أجمل
فالصوت المزعج عندي أفضل من رجة البالون لأن رجة البالون يترتب عليها ضرر كبير للأذرعة والجلد
أما الصوت فـ يبقى مجرد صوت..:rolleyes: وهذه خلاصة تجربتي لها..:cool:
نهاية إشتريت الكفر الخامس للإسبير..:)
وغداً إن شاء الله لي تجربة أُخرى................

أخوكم.. أبو فهـد..

ع.ف.الدرويش

04/04/2007, 04:41 PM

ابوفهد بشر عساها تمت التجربه
تراني مركب مركب الله لايعوق بشر بس احتريك تفيدني بالنتيجه

:)..

يرجى قراءة الرد بالأعلـى.. والله يوفقنا وإياك لكل خير..:cool:

كامرى ناصر

27/07/2009, 10:54 PM

السلام عليكم و رحمة الله و بركاته
ع.ف.الدرويش
كيف الحال أنشاء الله
بغيت أسألك وين أحصل مثل هذا الكفر

http://4x4land.com/graphics/tires/xterrain.jpg

حيث أنه راكب عندى على همر منذ سنتين و سوف يخدمنى ممكن سنه و نصف كمان مشاء الله
من يوم مأخذت الهمر إلى هذا اليوم الحمد لله لم أحفر تحت السيارة
كفر عيبه الوحيد الصوت فى السكة

faris2006

28/07/2009, 12:18 AM

هذه للطرقات الوعرة وهي انواع من5الى 10 كاندس فيه للسيارات البكب الصغيرة وفيه للشاحنات(التريلات)
تركب على جميع السيارات ولم تخصص لمدن لانه قاسيه
يوجد كتالجات عند الوكلات تختار الي ينسب السيارة(مثل هانكوك بطريق خريص يوجد عندهم كتلوج بجميع الانواع)

كامرى ناصر

31/07/2009, 12:52 PM

في جدة فين أحصلها

المرن

10/05/2013, 09:40 AM

ودي افهم ليش الرمل يبي نقشة ناعمة والحصى يبي نقشة خشنة

basbadi

10/05/2013, 11:25 AM

ياليت احد يعلمنا كم اسعارها ومواقع بيعها بجدة

دحيم الفزعة

10/05/2013, 05:32 PM

ياليت احد يعلمنا كم اسعارها ومواقع بيعها بجدة

تبي اسعارها قبل 6 سنوات أو سعر السنه هذي ؟؟!

basbadi

10/05/2013, 10:12 PM

الله يرحم اموات المسلمين
لا يادحيم الفزعه نبيها هذي السنه الله يوفقك

على رمشي تمشي

13/05/2013, 12:57 PM

الموضوع قديم - من عيوب هالكفرات صوتها مرتفع جداً

العنابي 616

13/05/2013, 01:16 PM

الموضوع قديم و لكن مفيد جدا

أنا شفت تجربتين قريبات جدا لي

الأولى حوض جمس 1500 دبل سيارة أخوي ركب عليها كفرات ماكسس حجرية مقاس 305-75-17
و بعد التجربة الكفرات ممتازة جدا بالرمل + ترفع بطن السيارة + شكلها جميل و له هيبة

الثانية Fj حق واحد من الشباب كان عليه بالون و بعدين أخذ الكفرات من أخوي و ركبها على سيارته
و بعد التجربة الكفرات أفضل من البالون في الرملة + ألين مطب بكثير (وداعا للبطانيج) بسبب ارتفاعها + رفع بطن السيارة و تنسى شي اسمه يحك بطن السيارة

أنا سيارتي عليها بالون و الحقيقة الكفر له مزايا أهمها ممتاز في الرملة + مطب لين + الرفع + شكل جميل جدا
و لكن لها عيوب قوية و هي التماسك و الرساوة تعبانة جدا للأسف + عمرها بحدود السنة مع ان سعرها مرتفع جدا
و إن شاء الله الفترة الجاية ناوي أركب حجرية نوع BFGoogrich مقاس 255-85-16 مقاسه مناسب و قريب لحجم البالون