يطفي الموتر

[mohamad1121]

السلام عليكم ورحمة الله وبركاته:

عند كل اشاره لا لفيت يسار او يمين يطفي الموتر (م 2001) صالون ازود السياره دائماً بالبنزين ويتكرر معي مثل هذه المشكله ؟!!.

[منتج رسمي]

السلام عليكم

تأكد من طرمبة البنزين الخلل منها بنسبة 90 %


تحياتى

[مجنون نيساني]

السلام عليكم
اتوقع ان كلام اخوي (منتج رسمي)صحيح
شكراً

[المميـز]

يمكن من اطرمبة البنزين ويمكن لا

انا ابسألك سؤال// انت تلف يمين او يسار والسياره واقفه ؟؟؟

اذا كانت اجابتك ايه ( نعم )

فمعناته والله اعلم ان المشكله بالدنمو ضعيف مايجيه كهرب زين



هذي المعلومات اللي عندي ويمكن فيه اعضاء اخبر مني يفيدونك

[الكلاسك]

ودها المعارض بعها ماركت وخذ لك يانوراما ولا اقولك اشتر لك بانورامين ههههههه مثنى بانوراما وريح راسك خخخخخخ ولا اقولك لا عاد تلف يمين ولا يسار امش سيده ههههههه

[Abo Nader]

مسوي تنكت يا كلاسك...
إحترم نفسك...

أخوي و الله ودي أفديك..و الي خلاني أرد هو الي فوقي مسوي خفيف دم..

[العنقري]

طيب وش نوع السياره

[سيف463]

اول شي سو اعادة برمجة للكمبيوتر عند محل متخصص ولا تلمس شي ابد الا بعد ما تفحص الحساسات والبخاخ كثير من الناس يتعبون من الخرابات والسبب هالورش اللي يتعلمون بروسنا بعد ما تخلص من البرمجة وفحص الحساسات اللي بنضام البخاخ ولا تغير شي ابدا بصفاية البنزين وان بغيت شوري وما حصلت واحد متخصص رح للوكالة خلهم يحددون لك المشكلة كله ميتين ريال للفحص وبعدين انت حر تصلحها عندهم ولا عند غيرهم المهم لا تغيير قطع مالها داعي تتغير والله يعينك

[bmw_07450]

حبيبي نظف طرمبة البنزين وغير الصفاية
نفس المشكلة مع واحد من الشباب خصوصا مع الفات القوية
وانحلت المشكلة...
اتمنى لك التوفيق

[mohamad1121]

اشكركم جميعاً على الردود المشكله في الدوران بالسياره مثلاً عند اشاره بلف الى اي جهه يسار او يمين تطفي اذا تانكي البنزين حول النصف واذا كان التانكي فل لا تطفي السياره وقد لاحظت ان امبير البنزين غير سليم فاحياناً يكون التانكي مليان والامبير يشير الى ان التانكي فاضي .