أرضيته ومنقاره أصفر وهو قرناس بيت؟!! ماهو السبب ؟؟ [الأرشيف]

المري

30/03/2007, 12:38 PM

السلام عليكم

أخواني الأعزاء .. فيه موووضوع محيرني ومحير كثير من الاخوان الا وهو:

بعض الطيور اذا طلع من المقيض تحصل اكفوفه ومنقاره ومحاجر اعيونه صفر بالحيل تقول كنه قرناس هواء..

وهو قرناس بيت .. فما هو السبب ؟؟ علما ان منقاره وارضيته قبل المربط لونها ماهوب أصفر..

ياليت كل يدلو بدلوه ويعطينا السبب ...

بعض صور الطيور اللي تجيك ارضيتها ومنقاره اصفر بعد المربط..

http://www.discoverituk.plus.com/isleofskye/images/birds/peregrine_prairie_lg.jpg

http://www.surfbirds.com/blogs/stonegrouse/PEREGRINE%20FALCON%20.%20BERRY%20HEAD%20.%20DEVON% 20.%2013%20.%209%20.%202006.JPG

وبعض الطيور يجيك منقاره ابيض:

http://bijou36.tripod.com/peregrine.jpg

في انتظار ردودكم ..

اخوكم - المري

الفيتو

30/03/2007, 02:37 PM

بسم الله الرحمن الرحيم
السلام عليكم ورحمة الله وبركاته
مساء الخير يا خوي / المري
يا طويل العمر جالي قصه وودي اقولها يمكن فيها رد على موضوعك والله اعلم
فيه خواجه صقار قديم اسمه مايك الن الحقيقه تخاويت انا وياه
كم مقناص واستفدت مه كثير
من عرض ماجابيني وبينه اخر مقيض سنة 2000م
دخل على طيوري وقال طيورك ناقصها فيتامينات وبعطيك دواء يعوضها
قلت وش دراك قال
(مناقيرها لازالت خضر واصابعها والمفروض يكون غلب عليها اللون الأصفر حتى
تعطيك مؤشر على نجاج قرناسها)
وش رايك
مايك الن في شبابه رحلة صيد مع الشيخ فيصل العطيشان
http://www.mekshat.com/pix/upload/images30/mk8575_maiik.jpg
مايك الن في رحلة صيد عقب قرنس
http://www.mekshat.com/pix/upload/images30/mk8575_maiik%20(1).jpg
والسلام
الفيتو
الحجاز
11/3/1428هـ

501

30/03/2007, 02:49 PM

السلام عليكم ورحمة الله وبركاته

العالم يا ابو معيض انه@ماهو اكيد من كثر وقت الربطه التي تستغرق (سبعه اشهر)الثمان
اشهر. وفيه قول ساد واعتقد أنه ما هوب الصواب
من بيئه (او ارضية المربط).

وتقبل تحياتي يا ابو معيض

وموضـــــــــــــــــــو ع مهــــــــــــــــــــــــم جدا

501

http://www.m5zn.com/uploads/70d27a0ef4.jpg

http://www.m5zn.com/uploads/c9cfa1ae54.jpg

خيال الصبحا

30/03/2007, 02:55 PM

وعليكم السلام

أبو معيض
مالمسؤل عنها
بإعلم من السائل ، ولكن
حبيت أني أرد ولو أنه من باب
اللقافة ، لإن ماهو مثلي الي يعلمك
وأنت معلمنا كلنا ، ولكن هذا ردي الي أكتبه
الأن حتى تعدل أخطاءي لاأقل ولا أكثر

أنا أقول هذا الشيء يعود لسببين
1-نوعية الغذاء
2-أصل الطير

لإني أعتقد أن لنوع الغذاء الي يتغذاه
الطير سبب في أصفرار بوزه وأرضيته

والشيء الثاني هو أصل الطير
فقد يكون الطير فيه نسبة وكري ولو
بعيده

وقد لا يكون لا هذا ولا هذا
وشكرًا

المري

30/03/2007, 03:08 PM

مرحبا اخوي الفيتو

وماقصرت , وصحيح الفيتامينات تغير من لون بوز وارضية الطير..

بس باقي اشياء تغيره على طول..

**

مرحبا اخوي 501

وأعتقد مدة الربطة لاتؤثر على لون ارضية الطير..

***

مرحبا اخوي خيال الصبحا

وتسلم على الرد الطيب وبخصوص نوعية الغذاء فأنا معك, اما اصل الطير ماأدري عنها لانها تجي شياهين وحرار

وبعض الحرار الوافيات يجي منها اللي بوزه وارضية صفراء..

اخوك - المري

الوافي عزام

30/03/2007, 03:21 PM

شكرا اخوي الغالي على موضوعك

وبالنسبه لتغير لون ارضية الطير ومنقاره على حد علمي انها كما تفضل اخوي خيال الصبحا ( نوعية الغذاء ) فهذي لها علاقه مباشره جدا

والدليل انه كان عند واحد من الربع فرخ وقرنسه عند اللي يقرنسون بأستراحات وكان اللي يقرنس من ضمن غذائه ( البيض / وفخوذ دجاج ) ومن يوم طلع الطير من الربطه والله ماتقول الا قرناس

بينما واحد من الربع طيره ثالث وهو اللي قرنسه عنده بالبيت وغذائه ممتاز ويحتوي على جرابيع وحمام بري وضبان وتتشوف ارضيته ومنقاره ماتقول الا فرخ

وعلى فكره الطيور اللي من فارس تختلف عن الروسيه والمنغوليه باحتفاضها بألوان ارضيتها والمنقار

حبيت اشارككم الراي ولست بأعلمكم

وشكرا

حزام سبيع

30/03/2007, 03:34 PM

كلما كان الغذاء غني بالبروتينات كلما زاد الاصفرار في الاطراف
وعقب كلام عفريت لاتدوررررررررون

المري

30/03/2007, 03:56 PM

مرحبا اخوي الوافي عزام

وكلامك صحيح , السبب الريئسي هو العلف او بعض الفيتامينات..

**

تسلم اخوي عفريت واقول لك : كفوووو ياعفريت وكلامك على العين والرأس..

اخوك _ المري

أبو فيصل

30/03/2007, 04:54 PM

شوف يا أبو معيض اللي أرضيته ماهي صفراء بالأصل ما تجي صفراء و مستحيل

لكن لو قلت العكس أن أرضيته كانت صفراء يوم طرحوه خلوي و صارت باهته بعد المقيظ معقول لآن الغذاء و الشمس مهمه لزيادة الفيتامينات

والفروخ أغلبها أرضيتها بيضاء نوعآ ما و أذا قرنس تستعيد لون جيناتها الأصليه بعضها يبقى أبيض و بعضها يصير أصفر

المري

30/03/2007, 05:11 PM

مرحبا ابو فيصل وحياك الله يالغالي..

وبيض الله وجهك على هذا الكلام العلمي .. وماقصرت..

ومازلنا ننتظر باقي الربع ..

اخوكم - المري

الشـ صقرـــام

30/03/2007, 06:56 PM

السلام عليكم جميع

اخوي المري

احب ازيد شوية معلومات على ذلك

اكثر الجوارح التي تتناول في غذائها نوع من الخنافس الكبيرة تجي لون ارجلها ومنقارها فيه صفار كثير

وحتى منها فروخ ايضا ارجلها صفر

اما بعد الربط يصير لون رجليه صفر والمنقار فربما يعود ذلك للجينات الوراثية للاب او الام

والله اعلم

مع التحية

تواق

30/03/2007, 07:16 PM

السلام عليكم

الطيور فيه منها منهو في الاصل ملونه الارضيه مثل ماتفضل اخوي ابو فيصل وفيه طيور تلون من غذائها اذا ادخلت الفيتمينات عليها

وهذا حصل لطيوري دخلت المقيض بلون وخرجت صفر وبعد فتره عند انقطاع الفيتمينات عنها عاد الى لونه الاصلي

ومنكم ياهل الخبره نستفيد وجزاكم الله خير عنا

مقداد

30/03/2007, 07:45 PM

اخوي المري

كان ودي اني اول واحد ارد على موضوعك
لكن سبقوني الربع وما قصروا
كفو ووفو الله لايهينهم جميع

ماعندي زيادة على كلام الربع
بس
اتوقع انها من نوعية العلف
وفيها نسبة من الوراثة

والله اعلم

تحياتي مــقــداااد

عـــرادي

30/03/2007, 10:29 PM

مشاءالله تبارك الله ماخليتو لي شي كفيتو ووفيتو

بس حبيت أضيف شي بسيط الطير يزيد اصفرار مع ازدياد العمر

وفيه طيور من عش واحد ويكون بعضهن اصفر والبعض لا

وهن يعلفن من نفس العلف والسبب اتوقع وراثه

وتقبلوا تحياتي / عـــرادي

Falcon7

30/03/2007, 10:57 PM

ما شاء الله الشباب ما خلو شى انا فى اعتقادى والعلم عند الله
اولا" عوامل وراثيه في الطير نفسه و الدليل ان حنا شوفه في بعض الفروخ
ثانيا" عا مل التغذيه وهذى موجوده كثير فى اى شى يتعلق بدجاج مثل البيض او الدجاج الى عمره يوم واحد و هذا يستخدم كثير فى الغرب و ذلك بسبب توفره و رخص سعره
مع تحياتى و احترمي
Falcon 7

حطاااااب

30/03/2007, 11:37 PM

السلام عليكم ورمة الله وبركاته
اخونااااااااا المري
بيض الله وجهك على الموضوع الجيد للنقاش
والشباب ماقصرو الله يعطيهم العافيه
بس عندي مداخله على بعض الكلام تعدد الغذاء هو تعدد الفتامينات له لاكن اختلف في مسأله لجميع الطيور
اللون يرجع لصل الطير وبيئته اذا كان ساس ارضيته بصفار ومنسره وقللت عن تنويع العلف يجوز انه يختلف لونه الى اقل من السابق لاكن اللي مهو ساس باللون هذا مافي امل يصفر
على العموم اللي سبق واقتنا قرناس هواء او فرخ اقصد اللي وحوش مالقينا ارضيتها صفر وخاصه الفارسيه
اما للي ارضيتها صفر هي اللي تحكم عليها اذا قل تنويع العلف يخف الصفار
وباقي الاعضاء مهم مقصرين

مخبط القشع

31/03/2007, 11:18 AM

السلام عليكم
ماشالله الشباب كفوو ووفووو
لكن انا شفت واحد من الشيبان رحمة الله عليه يقرنس طيورة ومع العلف اشوفه يحط صفار البيض فلما سئلته قال هذه يلين الريشه الجديده ويعطي الطير فيتامينات وغذا للطير وكانت كل الطيور اللي عنده مثل ماقال اخوي المري كانها وحووش مناقيرها وارضيتها وعيونها
وماشالله الريش الجديد لين بالحيل
هذه اللي عندي فان اصبت فمن الله وان اخطئت فمن نفسي والشيطان

المري

31/03/2007, 06:55 PM

مرحبا اخوي حطاب

وشكرا لك على التوضيح..

صحيح تعدد الغذاء يعطي اللطير صحة ويساعد على رفع بعض نقص الفيتامينات..

***
مرحبا اخوي مخبط القشع

وبخصوص البيض هو اكثر شي يخلي الطير تصير مناقيرها وارضيتها صفر بالحيل..

***

تسلمون جميعا وماقصرتو

اخوكم - المري

المري

31/03/2007, 06:57 PM

صقر الشام _ مقداد _ تواق_ عرادي _falcon7

ماقصرتو على هذه المعلومات الطيبة .. وتشكرون على كل حال..

قلب ذيب

31/03/2007, 07:45 PM

مرحبا بالجميع 0
متأخر لكن عندي مداخله 0
انت تسأل عن قرناس الشاهين اللي في بداية المتصفح والا سؤالك عن الطيور بشكل عام ؟
قرناس الشاهين اللي في بداية المتصفح أصله قرناس هوى , ومع كبر عمر الطير يتحول الى الاصفرار في أرضيته وباذرته
وقديما كان البيض واعطاء الطير لحم الضبان هو الاساس في تغيير لون ارضيته وبوزه , وفي الوقت الحاضر تلعب الهرمونات المصاحبه لبعض العلف الى تغيير لون الطير , ولانستطيع التعميم على كل الطيور والاسباب الكامنه وراء تغير الوانها , وفي العصر الحالي وبعد ظهور طيور الجير ظهرت امور كثيره سواء في الامراض ونوعياتها او في الوان الطيور و لكن تبقى الاسباب
المغيره لالوان أرضيات الوحوش معروفه بشكل عام 0
تحياتي 0