ماهو افضل غمارتين دبل

[ذيب حضن]

ارجو المساعدة لترشيح افضل غمارتين دبل
ولكم خالص الشكر0

[mohamad1121]

السيارات اليابانيه (الدفع الرباعي ، غمارتين ) هو اجود من السيارات الامريكيه فعادتاً السيارات الامريكيه تكون كصانعيها طويلين الشاص والاطماع ، ((الله يكرمكم كالحمير تحمل اسفارا)).

وشكرا
اخوكم ابوكاسر

[المرجوج2003]

هايلوكس 4×4


ولك خالص تحياتي

[قتال]

السلام عليكم ورحمة الله وبركاته ،،،

أخوي ذيب حضن .. أركب مركب عز ..

أنصحك بجمس وبس ..

http://www.gmc.com/gmcjsp/lightduty/images/brand_photo5.jpg

[القناص]

زي ما قال اخوي قتال
مراكب عز وفخامه سيبك من التنك

http://www.dodge.com/ram_hd/model_overview/img/top_image.jpg

دودج رام

http://www.dodge.com/ram_hd/photo/img/main_image_1.jpg

القوه

تصدق هذا ونيت

http://www.dodge.com/ram_hd/photo/img/main_image_2.jpg

صوره خير من الف كلمه(مثل صيني)

http://www.dodge.com/ram_hd/photo/img/main_image_3.jpg

ايضا

http://www.dodge.com/ram_hd/durability/img/top_image.jpg

شكراً

...

[عاشق النحم]

تبي القوه والراحه وتصير لك وللزمن والرخص وكثرة قطع الغيار ورخصه ووووو
نيسان داتسون(ددسن)*
أبغز لا عدمت هالاديات http://www.fatauae.com/asyarat.htm

[ذيب حضن]

الاخوة الكرام تحية عطرة
المقصود الغمارتين الدبل الياباني وهي
الددسن الهاي لوكس الايسوزو المتسوبيشي ومن في حكمها

[Y&Y_4X4]

كلام اخوي mohamad1121 لا تتعداه !

اذا انت تبي النصيحة, اي مكانيكي يصلحها وقطع الغيار متوفر والصيانة نادرة ومتوفرة ( وملاعين الوالدين يأكلون تبن قسم بالله ويشهد مهيلان أذا هو حضر يوم الخميس, شوف العين أمريكي ملعون متعطل في وسط النفود وجديد يعني ماهوب قديم وأسأل الرجال عسى ما شر يقول لي أمريكي والله يأخوان هذا رده, سحبه VXR ياباني )

وش احسن من كذا.

[ذيب حضن]

مشكور يا اخوان جداااااااا
افضل الددسن والا الاسوزو والا الهايلوكس طبعا الدبل وشكراااااااا

[العليمي]

توكل على الله و خذ تويوتا هايلكس دفرنسين (( دبل )) .. يكفي انه تويوتا . قوه و متانه و اقتصاد و يعيش معك و خرابات قليله و قطع غيار متوفره و رخيصه ....

[جرناس]

نعم انا مع اخواني قتال و القناص
الامريكي احسن غمارتين دبل :good:

[mohamad1121]

سبحان الله خشة الدوج الاسود كنها خشة كولن باول

[Y&Y_4X4]

الدوج دجو اهله حتى الدخان مالقو يشرون ( اعتقد انها كذا ),

وبعدين يالـ المرجوج2003 لا عاد تحط النك نيم حقي جنب الهلكس تراي اخاف من الهلكسات والكوامري .

[فرد حمزة]

ما ادري
ولست بمطلع على ايمهما أفضل ... اقصد الددسن أو الهايلكس

لكن أسمع ويقالي لي أن الداسن أقل صرفيه بانزين وخصوصاً مابد موديل 2002 لانها بخاخ وايضا يتسع خزان الوقود إلى 75 لتر بانزين هذا غير أن أرتفعها مقبول بخلاف الهاي لوكس اللي تقل عمارة دورين :D
وأعتقد ان الدادسن شكلها مقبول أكثر من الهاي لوكس وأوسع من الداخل

عموماً هذه وجهة نظري من خلال ما اسمعه وأشاهده فلربما غيري وجهة نظره أفضل :)

تحياتي لك

فرد حمزة

[فرد حمزة]

تعقيب أخي الفاضل

لا حظ الفرق بين سعر الدادسن والهاي لوكس السعر أقل ببضعة ألاف لصالح الأولى

[الحُمَيدِي]

وبدون منافس لأي سيارة مو بس الدفع الرباعي الغمارتين

الهايلكس الدفرنسين البخاخ 2002 وطالع ........
لا صرفية بنزين ...

ولا مطب أقشر ....

ولا الشكل الجميل .....

ولا فيه مقارنة بأي موتر ثاني .... وترى هذا رأيي ومن واقع تجربة

[ذيب حضن]

ماقصرتو جميعا والظاهر اني ابطق بخارية ارخص واجخ000 وشكرا

[الأشهـــــب]

الحقيقة كنت من أول أقدر الدتسن(نيسان)، لكن بعد ماشراه أحد الشباب الحقيقة لقيت فيه عيوب واجد.
أولاً :الصرفيه الكبيرة للبنزين. مع إنه بخاخ إلا أنه يصرف كثيراً .
كنت راكب معه مرة وكنا مسافرين أنا وياه من الرياض إلى حفر الباطن ، وكان التانكي شبه فاضي عباه بــ 65 ريال وبعدماقطعنا حوالي 400 كيلو أوشك على أن ينتهي البنزين!
ثانياً : المرتبه الخلفية مازالت على حالها ضيقه ومتعبه للمشاوير الطويلة.
أرى بعض الشباب يمدحون الإيسوزو.يقولون قوي.
والحقيقه أن مشكلة البنزين مشكلة مؤرقة بالفعل ، وهي ماجعل الكثير من الشباب وأنا واحد منهم للعزوف عن بعض السيارات بسبب الصرفيه وغلا البنزين.
الله يرحمنا برحمته ويعجل برخص البنزين ياكريم.
وتقبلوا خالص تحياتي،،،،،،،،،،،،،،،،،،،،،،،،،،

[Y&Y_4X4]

ياربي ياقادر ياكريم ياعظيم

رخص لنا البانزين يا الله !!!!!!!!!!!!!!!

[عريب الجد]

تصحيح البيت المشهور عن الدوج:
الدوج دجوهله بأسبوع*** عجزو عن التتن يشرونه

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8666) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[السعلو]

قامت شركة تويوتا بطرح موديل لأول مرة ينزل الاسواق ولكن للأسف الظاهر اللي يبغاه لازم يشتريه من امريكا لأنه سيسوق في امريكا و مواصفاته كالتالي :

السيارة هي تويوتا تندرا
محرك 8 سلندر 4700 سم يولد 250 حصان
غمارتين
فتحة سقف
نوافذ كهريائية وحتى الزجاجة الخلفية تنزلق جانبيا بالكهرباء
شكل جذاب وجميل

اكبر سيارة غمارتين يابانية

الذي يرغب في رؤية السيارة يزور الرابط التالي
http://auto.consumerguide.com/auto/editorial/photos/index.cfm/id/feature12/img/tundra_ext1.htm

اخوكم
السعلو

[مهبول هيلكس]

الصراحه انا اشوف انة مافية غير الهيلوكس الغمارتين الدفرنشين سيارة وبس ولاكن من يفيد نا بلى موجوده فى الامارات دركسون يمين يقولون انها احسن ورخص بس كيف تدخل الى السعوديه يانشاما وياجماعت الربع:p :rolleyes:

[طيـــ بر ـــر]

!!!! ألاحظ أنكم نسيتوا موتر ... من أفضل المواتر في البر ... خاصة الدبل الحوض ...

إنها بلا شك

isuzu

<<<< يصلح في دعاية ... كت كات ..

ايوه أقولكم السيّارة هذي مجنونة ... في البلد وفي البر .... وهي يابانيّة .. وقطعها متوفرة ... وأنا معي isuzu 2003 حوض 4×4 .....والسيّارة ماشية معي تمام .. ولله الحمد .. في البلد .... لينه ومطبها رهيب .. وطامنه شوي ..مهيب رفيعة مثل المدعو ( هايلكس ) لو تلف به تخاف تنقلب ... وهي مكينتها 3000 .., وستة 6 سلندر على شكل v .. وعزمها جنان .... وفي البر .... لينه في الجلد .. وفي الطعوس حطها بالثاني وانس يوقفك أي طعس ,, ماشاء الله .. الخلاصة السيّارة منتاز بالحيل .. ولكن الناس مايعرفون عنها .. والآن بدت تنتشر .... لأنها أفضل بكثير من الددسن والهايلكس .. في القوة والمواصفات ...

وهذي صور لها ... 2003 مثل اللي عندي ...

2004 اللي تغيّر شكله ..
==============================

وهذي صور موديل 2003-2002-2001

http://www.mekshat.com/pix/upload/images2/Isuzu%20Mega%20silver%201.jpe


http://www.mekshat.com/pix/upload/images2/gsview.jpe


http://www.mekshat.com/pix/upload/images2/isuzu1thumb.jpe



http://www.mekshat.com/pix/upload/images2/Isuzu%20Mega%202%20Red.jpe



http://www.mekshat.com/pix/upload/images2/isuzu_mega.jpe

http://www.mekshat.com/pix/upload/images2/mv195300.jpe

يتبع بقية الصور .. لموديل 2004

[عروان]

صراحة الايسوزو أفضل موتر في فئتة.

عزم جيد جداً مع محرك الديزل

صرفية لا تذكر ( تعبيه فل بـأقل من عشرين ريال )

أرتفاع مقبول

شكل حلو

سعر أرخص

وأنت الحكم.


تحياتي للجميع

[محمد العبدالسلام]

بصراحة يا اخي العزيز ارشح لك النيسان الداتسن لانه معي ومجربه وبالنسبة للبنزين ما يصرف انا اعبيه بستين ريال ويمشي 700 كيلو وواسع ولا رفيع ولاشي وسعره معقول وقطعه متوفره ورخيصه ويكفيك انه فل كامل يعني زجاج اتوماتيك ودراكسون هواء ويقولون اسأل مجرب ولا تسأل (يقولون) وبالتوفيق اخي

اخوك نجـ أبن ـد

[ذيب حضن]

مشكورين جدا يالربع
ولو انكم قلبتو راسي
والسلام عليكم

[اسيزو 4x4]

السلام عليكم ورحمة الله وبركاته

الاسيزو الاسيزو وبس اسالو مجرب :good:

والله ماشاء الله يتمشى على الطعوس وهذا من واقع التجربة;)

والهيلوكس مع احترامي للشباب:)

اقرب لفة وانت منقلب والله هايلوكس دبل اخذ مطب وهو مسرع شوي يعني 40 انقلب والله قدام عيوني

والددسن ظيق من الخلف بعدي الاسيزو الديزل تسوقة كانك تسوق بانزين ما شاء الله

يعني لا تفكر ولا تحتار غير الاسيزو لا تختار.............

ولكم تحياتي:D :D :D :good:

[اسيزو 4x4]

السلام عليكم ورحمة الله وبركاته

الاسيزو الاسيزو وبس اسالو مجرب :good:

والله ماشاء الله يتمشى على الطعوس وهذا من واقع التجربة;)

والهيلوكس مع احترامي للشباب:)

اقرب لفة وانت منقلب والله هايلوكس دبل اخذ مطب وهو مسرع شوي يعني 40 انقلب والله قدام عيوني

والددسن ظيق من الخلف بعدي الاسيزو الديزل تسوقة كانك تسوق بانزين ما شاء الله

يعني لا تفكر ولا تحتار غير الاسيزو لا تختار.............

ولكم تحياتي:D :D :D :good:

ولكم الصور

http://www.mekshat.com/pix/upload/images4/mk6834_3-15.jpg



http://www.mekshat.com/pix/upload/images4/mk6834_466205_6.jpg


http://www.mekshat.com/pix/upload/images4/mk6834_466205_5.jpg

[راعي الفزعه]

:D ارشح لك الداتسون الدبل تراه قوي وعملي ... وسعره رخيص :good:

[الملثم]

ثلاث حروووف وبس :confused:


GMC


حروووووووفه تطير النودة ;)

سم طول الله عمرك ..



http://www.mekshat.com/pix/upload/images4/mk6159_YYYYYY.jpg


http://www.mekshat.com/pix/upload/images4/mk6159_248416_3_107[1].jpg

http://www.mekshat.com/pix/upload/images4/mk6159_248416_11_107[1].jpg
http://www.mekshat.com/pix/upload/images4/mk6159_248416_7_107[1].jpg
http://www.mekshat.com/pix/upload/images4/mk6159_248416_6_107[1].jpg
http://www.mekshat.com/pix/upload/images4/mk6159_248416_8_107[1].jpg
http://www.mekshat.com/pix/upload/images4/mk6159_248416_9_107[2].jpg

[الضاري]

أنصحك بالددسن 2002 غمارتين دفرنسين.. رغم أن فيها عيوب مثل صغر المرتبه الخلفية الا أن فيها مميزات مثل عدم أرتفاعها مثل الهايلوكس وصرف معقول للبنزين ( مشيت 715 كلم بتانكي واحد مليته بـ 70 مقاس 75 لتر والسرعه 100)) كذلك عزمها جيدجدا في النفود والشعبان..

( هذا رائيي وكلن له رائيه )

تقبلوا تحيات أخوكم / الضاري

[متاخر]

الله يهديك يا اسيوزو لا تحط صور سيارات اسرائيليه :p
شف الكتابات العبريه على الصوره
http://www.mekshat.com/pix/upload/images4/mk6834_3-15.jpg

[ABO^SHANAB^]

السلام عليكم ورحمة الله وبركاته
انا رأيي الشخصي كل موتر قديم قوي ومال كد ومد اما مواتر هالايام قص ولزق انا ارشح وانيت الجمس او الشفر من 77 الى 82 دبل قير يعني دفرنسال والماكينه ان حصلت 350 ظغط عالي والقير 400 واهم شي انه احمر ما يغرّز 0000 خزانين بانزين وايدك دايما على بوكك وقلبك وسلامتكم واتعيشون امريكي واقط لا ياباني ولا كوري ولا خرابيط والسلام ختام0

[دعيج]

السلام عليكم ورحمة الله وبركاته

بصراحه يا اخوان انا جربت الددسن ( كان عندي منذ مبطي ددسن )...

ولا استطيع ان اوصفها الا بكلمه واحده ( مخنزه ) .....

- تتهرقل بسرعه اي يرج راسك صوت الغماره كانك في ساحة معركه ...

- للاخوان اللي يتعدون ( 120 ) البنزين يتبخر ما تمشيك 400 كيلو ...

- صوت المكينه تقول مجموعه من الضبان يفحون ( وانا اتخيل ان البستن سوف يخرق الكبوت )...

- مطبها وما ادراك ما مطبها ....

- لك ان تجرب الجلوس في المرتبه الخلفيه للددسن لمدة نصف ساعه ( الله يعينك ) ...

والتيوتا اجمد وما تصرف بنزين ويكفيك اسمها ....

الامريكي شغله كله كهرب ...

نعم مريح وقوي وصرفه زين لكن ماعاد هوب نفس اول شغله كله معقد وبذيك الحكايه ....





وشكرا .......

[ABO^SHANAB^]

والله صدقت ياخوي دعيج00 بس ما نختلف انه الجيبات الياباني وخصوصا الكروزر والباترول انا عندي اققوى واحسن من اليوكن اقصد المواتر الجديده بس ياخوي الامريكي تقدر اتعدل وتزيد مثل ما تريد عليه ياخي من الله محبة الوانيتات خصوصا موديلات السبعينات وان جتك مكاين ال 455 الحمر والا الزرق وشكمانين بعد !!!!!! يطير قلبك مع نفخة البانزين ودبات الرش ياويلي وسلامتكم

[بن نويشر]

عند يا مال العافية الأسوزو الجديد تراه مسكت مره بالحيل شكل وقوة وحتى رزه ... لا ويجي منه ألوان جداً روعة ، وإذا ركبت له عضاء فيبرجلاس ورشيته بنفس الون يغدي :good:

يا شيخ أن يصير مثل الباثفيندر .. يمكن أحسن لأن السعة تكون أكبر ، وقم بفصل الجزء السفلي بغطى من الفيبرجلاس وخل الجزء السفلي للعفش والتحميل والجزء العلوي مثل الكبينة الخلفية للأطفال أو حتى للتحميل أيضاً .. تراه فكرة زينه والرأي لك .

بس نصيحتي لك بارك الله فيك ، تجنب السيارات الأمريكية ، وقاطع المنتجات الأمريكية بقدر المستطاع ، وترى السيارات اليابانية أفضل بكثير منها ..


وتقبل تحياتي ،،

[ابو بالود]

1.الصراحه على الاجربوه الدفرنسين الايسيزو شكل حلو و مركب وارتفع طيب ورخيصه
2.الددسن معليها زود لكن مااعرف احد جربها
3.الهلى والله شكلها قبيح وخطره والله واحد جربه وخرب عليه الدبل وسعرها غالي


وهذا الاعندي

[اسيزو 4x4]

السلام عليكم ورحمة الله وبركاته

الاسيزو افضل غمارتين على الاطلاق لاسباب وهي:

1 ارتفاع معقول ومناسب لركوب العوايل (الهايلوكس يبيلك سلم:D )

2 اقتصاد في البنزين مع ان المكينة 6 سلندر والديزل ياويلي;) :good:

3 خفيف على الطعوس والنفود اسالو مجرب:)

4 وسيع جدا من الخلف وكانك راكب جمس:cool:

5 مريح على كافة الطرق (ما ينطط):mad:

6 الوان جذابة

7 الصندوق اكبر من الهايلوكس والددسن

8 ويجي مرتبة مفصولة

9 تسارع ممتاز على الطرق السريعة حتى ولو كان ديزل:good:

10 الديزل الاسيزو كانك تسوق بنزين

وتحياتي لكم

[alferis]

السلام عليكم ورحمة الله وبركاته
بالنسبة لى أأيد رؤية الاخوان الذين يقولون ان الاسيزو افضل والصراحة ان جربت وحدة موديل 2002 ديزل مع واحد من الشباب الصراحة خيل الصوت قليل جدا وممشاة مع الصحرا والطريق ممتاز جدا صراحة ماكنك راكب ديزل ابدا
والموديل الجديد شكلة حلو ولكن ماجربتة وهو اكبر مكينة من الاول لكن لا حظت فية مشكلة ان الدبل فية كهرب وموقع الازرار غير مناسب لانة قريب من الاطفال فلو ضغطة طفل والسيارة تتحرك فمالذي سوف يحصل ؟؟؟ وهي حصلت لواحد من جماعتنا لكن صلحة على الضمان
والسيارة التى تليها هي الددسن الصرفية ممتازة وممشاة بالرمل زين جدا ومريحة وهذا شئ معروف عن الددسن ورتفاعة معقول جداً
ولكم تحياتي

[ابودلـــــــه]

الهايلكس صرف بانزين عالي
الداتسون صرف بانزين اقل بس يتفكك اسرع من الهايلكس

وافضلها كلها ايسوزو 4x4 تيربو ديزل اذا كنت ترغب بالتوفير ..... والبانزين ايضا ممتاز

الميتسوبيشي يمكن غير مجرب بكثره ولم اسمع عنه شيء


و السلام عليكم ورحمة الله وبركاته:cool:

[قناص الحبارى]

بسم الله الرحمن الرحيم

مع أحترامي لجمييييييييييييييييييييييييييييييييييييييييع الردود والأخوان الحبابيب

والله أحبكم وأعزكم وأحترمكم ......( يا بعد تسبدي ) أشتر مركب العز

على قولت الأخوان (( أمريكي )) والله أني كم مره سحبت مغرزين (( غايصين )) بين النفود

والله سفاري 2001 و GXR ومن شباب الرحلات والكشتات ماهم بعليميه في الدهنا

وأن بغيت الحق ؟؟ لا بطناج تحس به ولا ضيق الله لا يضيق علينا...

أمريكي يشيل عفشك كله وخيمتك وجراكل المويه والعزبه وهو مرتاح ياقلبي

تحياتي/ قناص الحبارى

[قناص الحبارى]

http://asel.host.sk/upload/uploading/151632_61_full.jpg

[الربذي]

ياخوان انا بصراحة ومن وجهة نظري ارشح ايسزو 2004 الشكل الجديد مع واحد من الزملاء جربتة بصراحة كانك راكب جمس اعني بالركادة وصوتة هادي جدا واقتصادي بالحيل 50 رياااااااااال 1000كيلو يابلاش ويفللة ب23او24 ريال وقوى عزمة زي السفاري بصراحة روعة طامن مو زي الهلى كود سلم عشان تركب :( وشكلة نظرة ووسيع يعنى كذا :good: :good: :good: :good: :good: :good: :good:

[ابوفزعه]

وعمليه وبعدين اوسع من الدتسن والهيلكس

وميزتها انها ديزل وقطع الغيار متوفر بكل المدن

[الفهد454]

انا مع الشباب اللي فوق لاتاخذ غير الجمس واعطيك عليه شرط موتر يعجبك في كل مكان

[عليمي]

السلام عليكم
متسبيشي وبس كأنك راكب صغيرة ...............

[صالح المطيري]

شوف يا ذيب الحصين إجابة سؤالك تعتمد على عدة أمور ...
فحسب خبرتي البسيطة إذا تبي القوة والعزم والفخامة انصحك بالجمس أو الدودج بشرط يكون جديد وهذي حط تحتها خطين .
إذا تبي سيارة تكدها سنين ما تشتكي خذ ددسن أو هايلوكس وتوكل على الله ولكن في هذه الحالة تكون ضحيت بالقوة والفخامة المعهودة بالأمريكي .
حل وسط عليك بسيارتك الأوله واشتر مقطورة جر فهي أرخص وأنسب وتستطيع إستخدامها مثل حوض أي سيارة وتستطيع الإستغناء عنها والرجوع لها وقت الحاجة كحمل الخيام وأغراض البر .

[K6I6N6G]

خذلك ايسوزو ديزل وتوكل على الله
الموتر قوي وفيه نشاط البنزين
ماشالله امس ماسكين فيه خط ونمشي فيه حول 190وهو ديزل
والفخامة ماشالله فخم
بعدين الموتر وسيع
والراي الاول والاخير لك

[العطة]

السلام عليكم ورحمة الله وبركاتة

الايسوزو دبل ديزل او بنزين ممتاز وافضل من التويوتا

[الوشاح]

إذا تقدر تدفع80الف خذ سوزو الشكل الجديد
ديزل او بانزين
انا معي هايلكس
يوم سقت السوزو
اقتنعت اني راكب حمار
اسمع شوري وانا اخوك
ولاتنسا ان شركة سوزو ملك لجنرل موترز
والي مشتركين بتصميمه امريكان
علشان كذا جامعه فخامة وقوة الامريكي
وصلابة الياباني ....
ولو تقولي وش استخدامك
اقدر اشور عليك

وبتوفيق......

[اسيزو 4x4]

الاسيزو وبس وبتدعون لي

أسأ لوا مجرب

.

[دليل غصون]

السلام عليكم

مع احترامي للجميع

لا أؤيد الإيسوزو

وذلك لإرتفاع سعر قطع الغيار

يكفيك سعر فلتر الزيت (( السيفون ))

ثمانون ريال وبعد الخصم 60 ريال

يعني قيمة 4 فلاتر زيت لسيارة نيسان

وهي صناعة تايلاندية


والنيسان بصراحة اعشقه من زمان ولكن عيبه الضيق بالمرتبه الخلفيه

ولا أرى مثل تويوتا هايلكس وإن شاء الله ناوي أشتري هايلوكس


شكرا للجميع

[العطة]

السلام عليكم ورحمة الله وبركاتة

اخي دليل غصون اذا كنت تقصد الديزل الزيت والسيفون يغير كل 15000 كيلومتر
يمكن هذا سبب ارتفاع سعر السيفون
السيارة غير معروفة او منتشرة ولذلك سبب قلة محلات قطع الغيار وارتفاع الاسعار
ولكن مع الموديلات الجديدة وانتشارها اتوقع زيادة الطلب على قطع الغيار وزيادة المحلات ونزول الاسعار
اهم شي في السيارة انها ماتطلب قطع غيار

[دليل غصون]

هلا بك اخوي العطة


اللي اعرفه ان الفورد الديزل ينقص بإستمرار مش البانزين


واكيد الإيسوزو الديزل ينقص


ولكن سيفون بقيمة 80 ريال مبالغ في سعره


واشكرك على مرورك والرد


تحياتي

[داب الرمث]

نصيحتي لك تاخذ هاي لوكس دبل انا معي وحده الصراحة انه صلبه ومطبها الين من الهاي لوكس العادية بكثير ومعروفه انها نشيطه تحياتي ...............

[صالح المطيري]

يا شباب شفتو الهايلوكس الجديدة ؟

http://www.mekshat.com/pix/upload/images8/mk11967_hilu_gal_09_im_800.jpg
http://www.mekshat.com/pix/upload/images7/mk6834_Hilux-Vigo-hr.jpg
http://www.mekshat.com/pix/upload/images7/mk6834_554tff.jpghttp://www.mekshat.com/pix/upload/images7/mk6834_vigo4.jpg

هذا رابط بالموضوع المعروض في خيمة السيارت في مكشات الذي نشره الأخ العضو أسيزو 4x4:
((هــــا يــــلوكــــس فــيــقــو الجــديــدة لاتفوتك)).......2006 (http://www.mekshat.com/vb/showthread.php?t=30307)

[ذيب حضن]

يامال العافية

[متفائل جداً]

وش رايكم بالفورد غمارتين -دبل - بنزين موديل 2001
هل هو حليو وكم يسوى

[السنافي 666]

والله انك وجعان اذا شريت غير الددسن
سلاااااام

[مرقاب]

اخوي ذيب حصن انا رأي من راي اخوي فرد حمزه الددسن افضل من حيث الارتفاع والراحه والمناوره في ا لطعوس والسعر اما الهايلكس محله الجبال والمناطق الوعره والدروب الصخريه.

[ذيب حضن]

اليوم أخذت ديماكس

[فتى الدهناء]

على البركة الله يعطيك خيره ويكفيك شره

واختيار موفق بإذن الله

[ابو شلش]

نصيحو من خذ هلي دفرنسين

[ابو ناصر2020]

الهلي مافيه اي كلم العتماد الكلي في كلن من قارة افريقيا صحاري وغابات في السعودية في الامارات وفي كل الدول المتقدمة

الاسباب:
قوة
استحمال
صبر
اقتصادي بالوقود مقارنة بلجيوب 4*4
واسعارة المتداولة
والقطع الغيار المتوفر

[نيشان نجد]

السوزو مايحتاج طير شلوا

[غيانا24]

الددسن الدبل ديزل

[ولد المشقر]

مالك إلا السوزو غمارتين ودفرنسين اسئل مجرب

[OTHMAN65]

يقول الشاعر

الدوج دجو هله بسبوع عجزو عن التتن يشرونه

[azd]

ديمكس وبس الاسوزو

[قنااااااص]

انا أقولك الددسن الدبل زينه والهايلكس أزين في المنظر والسعه من داخل

واستخر قبل كل شي

[برق الصمان]

غير الددسن لاتدور موتر يعجـــــــــــــــــــــــــــــبك

[ابو عقلين]

طيب ابش اخبار الـ Fj محد جاب خبرة ناوي اشري واحد حد ينصح بيه خصوصا الست سلندر ها هل هو موتر يصمل بالبر
ومشكوررر مقدما

[((ابوملاك))]

^^^
لاننا نتكلم عن الحوض ؟ بس طايرين مع العجه بعض الاعضاء


عثمان البيت الصحيح هو :
الدوج دجوه هله باسبوع عجزو من القاز يسقونه

شف طال عمرك لا تعدا الياباني نيسان ولا تويوتا

[مقلع الرمث]

سيرااا خاصتن اذا صرت كبير بالعمر افضل شي اريح ومريح

[جواد النفود]

(( من واقع تجربة ))
مع احترامي لكل هاليابانيات التنك ..!!

لو تجراب الدوج الرام 5200 كان تقول اثري كل عمري أركب حمير الله يعزكم..!!

قريبي يقول 80 % من الأمريكان ما يركبون الا الدوج..

وفقك الله أخي والجميع لكل خير..

[جواد النفود]

(( من واقع تجربة ))
مع احترامي لكل هاليابانيات التنك ..!!

لو تجراب الدوج الرام 5200 كان تقول اثري كل عمري أركب حمير الله

يعزكم..!!

قريبي في امريكا يقول 80 % من الأمريكان ما يركبون الا الدوج..

وفقك الله أخي والجميع لكل خير.

[جواد النفود]

وطالما إنك شريت سيارة ما نقول الا الله يطعمك من خيرها ويكفيك شرها..

[((ابوملاك))]

(( من واقع تجربة ))
مع احترامي لكل هاليابانيات التنك ..!!


لو تجراب الدوج الرام 5200 كان تقول اثري كل عمري أركب حمير الله


يعزكم..!!


قريبي في امريكا يقول 80 % من الأمريكان ما يركبون الا الدوج..



وفقك الله أخي والجميع لكل خير.


قل لقريبك الله لا يهينه لا يتفلسف

واذا قال قريبك يعني استفتاء عالمي

ثلاث ارباع الامريكان فورد

[ليزر 97]

بصراحه انا من اصحاب الامريكي بس ما اصمل اروح مكاشيت بعيدة (مقطعة )الايكون معي أخويا
ليس من خوف ولكن من الموتر (الطفيه المفاجئة ) مع أن الموتر أشيك علية بصفه دوريه ولكن يبقا امريكي
ولايغرك القوه والعزم كم مره اتورط معة وأسحبة الي الرياض ويطلع من حاجة ماتستاهل & يفشلك &مع اخوياك والله وصلت لمرحلت اخوياى قالولي ياخي وقف موترك عند البيت وتعال خاونا فكنا من اقشرك
ولذلك انا مع الياباني قلبا وقالبا خصوصا المروك الهلي الي كل ماشفتة اقول في نفسي والله ماعني وعنك

[قائد السريه]

ماتلاحظون ان الموضوع له 8 سنوات
من 2003

[ماجد105]

هايلكس 2006 وفوق

[ابوياسر1971]

ماتلاحظون ان الموضوع له 8 سنوات
من 2003

يخيي , يحُي العظام وهي رميم .

[Tamimi.fars]

من الياباني نيسان الفرونتير يشبه النافارا بس 6 سلندر 4500 http://www.google.com.sa/url?sa=t&source=web&cd=2&ved=0CD8QtwIwAQ&url=http%3A%2F%2Fwww.youtube.com%2Fwatch%3Fv%3DFI1 JGY4NCNs&ei=-i3xTc38F8ap8AO9vvikBA&usg=AFQjCNGg70A0TxJM8VmG1M2JCPgdDrSQKw

^^^^
هذا

[* ابو باسل *]

ياناس الموضوع قديم والرجال شرى والحين موتره خبط بعد هههههههههههههههه

[المنيعي1]

هايلوكسسسس

[الخديوى]

المازدا 4ء4 بي تي 50
ما قالت شى وشيخه وارخص من الهايلكس وتقوم مقامها التويوتا صار شراها (حلم)

[هواوي]

الجواب جايك بعد عشر سنوات من طرح السؤال

والجواب خذ هايلكس وانت مغمظ

[sgl2002]

الشاص ٢٠١٣ غمارتين

الزين كله في سيارات الحوض غمارتين

وترقبوا الشاص النيسان الفتك غمارتين

[أب رحي]

السلام عليكم ورحمة الله وبركاته


أخوي انصحك بالهايلوكس...
تيوتا يخدمك وين ومثل ماتبي...
قطع غيار متوفره بكل مكان...
يخدمك فتره طويله...
وقت البيع بتحصل قيمته فيه...

تقبل مروري.

[الوانيت1]

الله يمد بعمر كل من شارك في هذا الموضوع تذكرت زملاء لنا في المنتدي وشفت معرفاتهم كانوا يصولون ويجولون في المنتدي ومشاركاتهم تملاء المواضيع بالردود لكن اختفوا ونادرا تراء لهم مشاركة الله يطول بعمرهم وعمر من يقراء والله يعين علي الدنيا بالطاعة .

[Abu hmaid]

خذلك هايلكس
الددسن نصيحة لاتقربه اذا انت كل وقتك فالبر
معي ددسن وبهذلني خسرت عليه قيمة شاص توضيب مكاين وقير وجميع مسمار فاكه
تويوتا وبس

[قناص الوعول]

شاص غمارتين الى الان يارد صناعه ياباني بس خذ الفل كامل مطبه الين من الهايلوكس الدبل

[الحربي حاتم]

يمدحون الإيسوزو اللي جربوه .

[مسمار شداد]

اذا تبي الراحه وعملي ورساوه ولاكن طويل شوي فورد F150

ولا هايلوكس عمليه ووذفه بس في السفر لاتدور غير الامريكي

[حادي العيس]

اذا اردت غمارتين بفخامة وراحة الامريكي وجودة وتحمل الياباني _ إيسوزو ديماكس دبل ديزل تيربو ٣٠٠٠

[الجنوبي2020]

الموضوع له 12 سنة



الله يذكرهم بالخير من كانوا هنا وغابوا عنا

[سفاري فتك]

هايلكس بدووووون منازع

[الاطار]

لااله الا الله .....سنين تجري .....عموما للفايده انا جربت جمس ودتسون وهايلكس وشاص غمارتين.....الراحه لقيت الجمس لكن كثير الخيانه ....والقوه والصبر والوفاءلقيت شاص تويوتا غمارتين .....والفشيله وضياع المال لقيت الوانيتات دفع رباعي دتسون وهايلكس ....

[الرحال2222]

يالله الموضوع من عام 2003 لنا 13 سنه امدا الرجال شرا سياره وتهربدت وباعها