يا راعي الهدد ... يا شاص ونص ... يا اهل الشيصان ... يالربع

[الضاحي]

السلام عليكم ياوجيه الخير :o

انا معي شاص بريمي فل كامل يعني اللي يجي رفارف و8 ريش وبدون عمود توازن وعندي لكم سين سؤالين ونص ;) :

1- هل يمكن رفع الموتر شوي بطريقة غير السست علشان ما يصير قاسي بالمطب :no2: بس يتحمل الاحمال الخفيفة والوسط (يايات او مساعدات او بوالين او غيرها)؟ :good:

2- هل يمكن تركيب عمود توازن (اذا له فايدة) وليه يجي في بعض الشيصان وما يجي في البعض الآخر؟ :mad:

3- هل يمكن تدبيل مساعد الدركسون مثل ماسوى اخونا المبدع راعي الهدد في الربع حقه والا ماينفع؟ هل له فايدة في الشاص؟ :confused:

شاااااااااااااكر لكم الرد المصل تفصيلا مملا . :rolleyes:

[برنس777]

أخوي العافور السلام عليكم ورحمة اله وبركاته :
أما الموضوع الاول فيمكن رفع الشاص بعد طرق :-
1- تدبيل السست من سست الباترول الحوض
2- رفع لعابات السست إلى 18 أو عشرين سم
وأما الموضوع ( العامود التوازن )
فهذا ماله فايده أبد إلا لصاحب الحمول الزايده علشان يمسك توازن الشاص في الجلد والمطينات وأما مثل شغلنا عزبة شاي وعدة طبخ مع تانكي فهذا مايلزم له عامود تواز ( بنسبه لشاص كان معي وفكيته ورتحت مرة والحاصل بعد فك العامود الجيب أرتفع من الخلف وأيضا صار أريح وكذلك متماسك بالملاف )
وأما موضوع تدبيل الدركسون فهذا ماله فايده كثير في الشاص لأن أصلا المساعد شد البلد ثقيل شوي ولا سبق وإن سمعة أحد يقول أدبل مساعد الدركسون لشاص بالبلعكس يركبون أخف منه إذا كان دفلك وونش لأنه إذا لفية الدركسون كامل يمين وبعدين رجعتة يسار يثقل الدركسون عند بشكل ماتصور والسلام ختام وأما عن الشاص فسأل من الالف إلى الياء وحنا نجاوب
برنس 777

[الضاحي]

عليكم السلام يالعافور

انا ما ازيد على كلام اخوي برنس (ما شاء الله معلم في الشاص)

الريش اللي في سيارتك كافية لاغراض البر والماء ولافيه داعي تعبث بالسيارة

وسلامتكم

[المحدرة]

وأنا لو سمحت ياالعافور00 لي طلب 00
السلام عليكم 00
معي شاص ديزل موديل 2003 وأبا أشيك عليه وأبي ورشة ناصح شرواكم00أنا بالرياض00 وغفر الله للجميع00
0

[الضاحي]

مشكور يالبرنس 777 على الرد الوافي والله لا يحرمك الاجر

بس عندي سؤال: انت تقول ان عمود النوازن ماله ذيك الفايدة الا في التحميل الثقيل صح والا لا؟ وانك فكيته من سيارتك وارتحت وارتفع الموتر وصار ازين في الملاف؟؟؟ ما فهمت هذي: الحين المفروض ان عمود التوازن يكون افود في الملاف وانت تقول العكس... وشلون؟؟

آسف على الاطالة لكن تحملنا شوي .


هلا بك يا راس الشهامة ومشكور على مرورك والنصيحة

[الضاحي]

مشكزر يالمحدرة على المرور

[برنس777]

أخوي العافور السلام عليكم ورحمة الله وبركاته :
أولا: ما عمل عامود التوازن عمل عامود التوازن أنه يثبت السياره عن التأرجح والتمايل والسست ثابته ماتتمايل مثل الصوالين الباترول والتايوتا الي فيها ياي والشاص ماهو محتاج لشي يثبته عن التأرجح بحكم وجود السست العضله
ثانيا: طريقة اليابان بأنهم جعلوا عامود التوازن مع السست هذي في نظري القاصر أنها خطاء ولو ناظرت إلى صنع الامريكا والالمان مايحطون العامود مع السست نهائيا ولكن مادري وشلون جمعوهن مع بعض في الشاص وأخيرا الاحسن إنك تشوف لك حدى الربع وتفكون العامود تراه سهل مافي إلا ثمان مسامير ولو تفكون الاماميات فقط لكفا علشان تتظحلك الصورة أكثر ( إذا كان الشرح غير وافي مافي شكال أسأل لما تمل الصدر راحب لجميع الاسئله ولا فخر ولكن محبتا للفائدة والاستفاده ) والسلام ختام

[الضاحي]

مشكور يا برنس

عز الله انك امير على اسمك وعلومك غانمة

[برنس777]

طيب يالعافور ياعمده مافيه شيئ يعني خل أمرعليك بالشاص ولصمان والعاميا بس أستفسارت وأجوبه وبدون فايده

[الضاحي]

ابشر والله بعزك والشاص فدا رجليك

متى نتخاوى وانا اخوك وتراك محفول مكفول وانت راعي المعروف بعد

[شاص&نص]

ما عندي أزود من كلام اخوي البرنس

أخوك أبو عبدالكريم

[الضاحي]

شف ياخوي

مثل ما قال لك برنس 777 ما اشوف اي داعي انك تركب عمود توازن لان فايدته لاتذكر في مثل سيارتك

اما انك تبي ترفع السيارة فالشاص تراه رفيع حتى لو هو ابو رفارف اللي يجي 8 ريش . الفرق ما يجي له 4 سم والمطب بيصير اقسى عشر مرات فليش الغثا

احفظ موترك من التعبث وجيبك من الخساير وتراي ابروح معك انت والبرنس للي بتروحون له :d :d :d