المساعد الشخصي الرقمي

مشاهدة النسخة كاملة : عازل الصوت والحراره لللارضيه ........


ابونايف الروقي
31/03/2007, 08:56 AM
السلام عليكم
سمعت عن عازل يركب تحت الفرش حق السياره يعني تفك المراتب و الارضيه كامله ويركب العازل ثم تركب الارضيه والفرش الارضي حق السيار فوقه . وفائدة هذا العازل مثل ما وضحت في العنوان انه عازل للصوت والحراره و انه يقلل من صوت الطريق تحت السياره ويقلل من الحراراه لانه زي ما انتم عرفين عندنا تاصل الحراره في حدود 50 درجه وتصير السياره تطبخ من تحت عموما
انا معي باترول وانا من الرياض ابي اسال اذا احد جرب هذا العازل وركبه يعطينا معلومات عن الاتي :
1- هل هو عملي فعلا وله نتيجه ؟
2-وش افضل نوع من العازل وافضل صناعه ؟
3-وين المكان الي يركبونه وشغلهم زين ؟
4- كم اسعاره ؟

وشكرا لكل من تعاون معنا وشكرا لكم نم مر وقراء الموضوه ..

اخوكم P52
كبسولة2
31/03/2007, 02:15 PM
نصيحة لا تركب شئ

لانك ما راح ترد كل شئ مثل المصنع وراح تهربد السيارة

سويتها لفورد وبعد فتره المراتب تحرك مع المطبات واصوات

في السيارة وقربعة تحت المقاعد .... الخ
ابونايف الروقي
01/04/2007, 12:04 AM
شكرا كبسوله على النصيحه بس يمكن ما ربطو المراتب عندك زين ؟
لان ناس كثير يمدحونها وانا جاي استفسر .
ذيب الحجرة
01/04/2007, 12:43 AM
وأيضا نصيحة من راعي الديماكس سويت عزل حراري وللصوت صح طلع نسبة العزل تقريبا 30/100

بس السلبيات أكثر :
1- بخار في الأرضية عند الغسيل .
2- قشور ومخلفات تحت البلاستيك .
3- اختلاف في شدة الكراسي عن المصنع .
ابونايف الروقي
01/04/2007, 04:07 PM
شكرا ذيب على النصيحه وارجو من الشباب مشاركات اكثر واراء اكثر .
ابونايف الروقي
02/04/2007, 08:20 AM
شباب مافبه احد مركب عازل ومجربه ؟
محمد العبدالسلام
02/04/2007, 08:39 AM
والله بالنسبة للعازل انا سويته لسيارتي برادو واستفدت منه بعض الاشياء

1- بحكم ان السيارة قديمة بعض الشئ 97م فقد كان بالمراتب بعض الاصوات وبعد العزل اختفت

2- اذا بتضع العازل فحاول يكون من الطبقات الرقيقه يعني ما تتجاوز نصف سم لان بعض المسامير وخاصة مسامير المراتب تكون بالعادة مغطاه بأغطيه بلاستيكية وتكبس كبس واذا ارتفع الفرش ما راح تطبق صح او حاول انه عند التركيب ابعاد العازل عن مواقع المسامير

3- بالنسبة للفائدة بالنسبة للصوت خف بنسبة 70%

4- بالنسبة للحرارة خفت بنسبة 50%

هذا وبالتوفيق
ابونايف الروقي
02/04/2007, 09:49 AM
والله بالنسبة للعازل انا سويته لسيارتي برادو واستفدت منه بعض الاشياء

1- بحكم ان السيارة قديمة بعض الشئ 97م فقد كان بالمراتب بعض الاصوات وبعد العزل اختفت

2- اذا بتضع العازل فحاول يكون من الطبقات الرقيقه يعني ما تتجاوز نصف سم لان بعض المسامير وخاصة مسامير المراتب تكون بالعادة مغطاه بأغطيه بلاستيكية وتكبس كبس واذا ارتفع الفرش ما راح تطبق صح او حاول انه عند التركيب ابعاد العازل عن مواقع المسامير

3- بالنسبة للفائدة بالنسبة للصوت خف بنسبة 70%

4- بالنسبة للحرارة خفت بنسبة 50%

هذا وبالتوفيق

شكرا ابن نجد على المعلومه بس سوالي فيه منه انواع ووين افضل محل يركبه ؟
محمد العبدالسلام
02/04/2007, 12:45 PM
بالنسبة للأنواع فيه امريكي وكوري وصيني

ارشح لك الكوري لان سعره متوسط ومتوفر وخامته جيدة

بالنسبة للأمريكي قليل وغالي الثمن وقريب من الكوري بالنسبة للجودة

واذا كنت بالرياض فيه عندك شارع الغرابي طب وتخير
Mr.Patrol
02/04/2007, 01:27 PM
اخي(نجـ ابن ـد)

تقصد بالعازل البلاستيك الشفاف او فى شئ غيره؟
أبو مسفر
03/04/2007, 12:32 AM
وأيضا نصيحة من راعي الديماكس سويت عزل حراري وللصوت صح طلع نسبة العزل تقريبا 30/100

بس السلبيات أكثر :
1- بخار في الأرضية عند الغسيل .
2- قشور ومخلفات تحت البلاستيك .
3- اختلاف في شدة الكراسي عن المصنع .

اعتقد ان العازل اللي تكلمت عنه هو البلاستيك الشفاف

لكن انا اقول ان احسن عازل هو اللباد حق الموكيت

وحط الفرشة فوقه مباشرة
ومثل ما قالوا الاخوان يبي يعزل الصوت والحرارة
ابونايف الروقي
03/04/2007, 08:26 AM
يا شباب انا اقصد عازل الصوت والحراره ماهوب البلاستيك
الي يجي فيه مثل القطن ومثل القصدير ..
كل القصيد
03/04/2007, 10:32 AM
العازل جيد ومفيد ومهب غالي
بس رح لناس تظبطه لك وخلك على روسهم-وهذي حاول إنها تكون في كل شغل تسويه بسيارك وتقدر تراقب -
واحرص إن العازل يقدمه لك قد مايقدر من ناحية الطبلون ورا الدعاسات
والله يوفقنا وياك
ابونايف الروقي
03/04/2007, 11:25 AM
شكرا منتدي ضبان بس وين المحل الي يزبه ؟
ابو ناصر2020
03/04/2007, 05:47 PM
اذا انت تبي العازل احسن تفصيل عوازل بعنيزه بسنهم غالين شوي بس شغل عليه الكلم .
بعيد الهقاوي!
03/04/2007, 07:57 PM
ركبته في عنيزة عند الشلال حلو عزل الصوت والحرارة خصوصا في الصيف صار المكيف افضل من قبل فكوا المراتب والفرش ثم وضعوا اللباد
ابونايف الروقي
04/04/2007, 07:55 AM
بعيد الهقاوي شكرا على المداخله بس انا في الرياض ماتعرف احد في الرياض يركبه ؟
ذيب صعفيق
04/04/2007, 11:19 AM
فيه بصناعية العويضة غرب المسجد الذي على شارع علي ابن ابي طالب(0رضي الله عنه)وفي الغرابي خاصة الشوارع الخلفيه
ذيب صعفيق
04/04/2007, 11:20 AM
:redcar: :burnout2:
فيه بصناعية العويضة غرب المسجد الذي على شارع علي ابن ابي طالب(0رضي الله عنه)وفي الغرابي خاصة الشوارع الخلفيه
أبو سرهد
04/04/2007, 11:47 AM
سألتع عنه في الغرابي قالولي للاندكروزر بـ200 اذا كانك تقصد الطبقة الشفافة اللي يحطونها تحت المراتب
ابونايف الروقي
05/04/2007, 10:53 AM
شباب انا اقصد عازل الصوت والحراره ماهوب عازل بلاستيك
ابونايف الروقي
08/04/2007, 08:33 AM
...........للرفع
ابونايف الروقي
14/04/2007, 09:55 AM
الى الان ما ركبته اذا لوم اجد جواب شافي .....
ابوقاسم
14/04/2007, 10:44 AM
يا رجال خذلك فرة على شارع الغرابي وشرط منت طالع منه الا مركبه بس عطنا العلم بكم
انت بتشوف هاليومين سيارات تركب وقف هنا شوي وهنا شوي وبتعرف الشغل الزين من اللي حي الله
وبالتوفيق
ابو شجاع
15/04/2007, 03:30 AM
السلام عليكم ورحمة الله وبركاتة:

اهلآ اخوىp52 انا عرفـت قصدك بالعزل من طريقة سؤلك؟ اذا انت تبي شغل متـكـتـك فيه محل بمدينة عنيزة عزلهم جيدجدا للحراره والصوت . هو الشلال او النافورة اذا مانى غلاطان لاكن اتاكدلك ان شالله
وانا شخصيا شفت طريقة العزل في المحل وهى بسيطة جدا جدا جدا على النحو التالى
بس يبيلها واحد راعى رواق وموسع صدرة:cool:
لانى انا اشتغلتها في سيارتى الهايلكس 99بدون اي معانات؟
طريقت العزل بسيطة وسهلة

1_ فك المرتبه بلكامل.

2_ ازالت عازل الوكالة او الارضية البلاستيك

3_صب القليل من القـار بعد رفع الاسلاك الموصلة في الطبلون وهذا اختياري لأنها من اضافتى انا..؟

4_ضع اللـبـاد قماش بسماكة2ملم على القار المصبوب

5_اللباد الاسفنج المغطى بالقصدير سماكة 1ملم

6_ لاتحط العازل البلاستيك لانه يجمع التراب وانت بكرامة وبعد فترة يشوه منضر السيارة بعد تجريحه واشهباب لونه.

وهذى هي الطريقة للعزل عن الصوت والحرارة والبرودة بعد
لاوالشباب من بعد ماشافوى شغلي في الاستراحه على موترى كانو يضحكون وقلت لهم التجربه هى الحكم بينى وبينكم
ومن بعدها كل الشباب يجون عندى بقطعهم وعوازلهم وانا اشرف عليهم :good2:
ابو ســــاره
15/04/2007, 03:52 AM
ابو شجاع الصراحة انك جبت كلام منتكتك بس منين تجيب القار والخطوة رقم 4 وشو القماش الي 2 ملي .
نيتروجين xp
15/04/2007, 04:04 AM
غير الشلال لا تدور عز الله إن شغلهم تمام التمام !! . .
Mr.Patrol
15/04/2007, 08:27 AM
اخي(ابو شجاع)

بيض الله وجهك على الشرح وكثر الله من امثالك شرح كافى ووافى الله يعطيك العافيه.

الله ييسر لى محل(ن) فى الرياض يسويه.
ابونايف الروقي
15/04/2007, 08:40 AM
شكرا شباب على مروركم كلكم من اولكم الى اخركم
انا اشوف اللباد الي ينحط تحت الزل في البيوت ينفع والا لا ؟
ابو شجاع
17/04/2007, 01:43 AM
السلام عليكم ياكشاته:

اخوى ابوسارة الباد اللي تسأل عنه هذا عند اهل المفروشات والزل ويسمى لباد قماش اما بالنسبة للقار يوجد عند مواد البناء سطل صغير
وللمعلوميه انا مستخدمه للكنديشن الصحراوي عزلته من الداخل عاشان مايصداء ويتكسر من المويه وجاب نتيجة جيدة صراحة :good: الموية ماتحتر ايام الصيف .:light: