الجيب صابة السكر ...

[ابن فيحان]

عندي جيب شروكي 98 ما شاء الله عليه فوق الممتاز

لكن جاتله مشكلة في البخاخات .. بسبب واحد أقشر حط ( سكر ) في التانكي .. يعني نذل

وبعدين غيرت غطا البنزين ( بـــ بمفتاح )
المهم :

سعرت البخاخات قيمة الواحد

340 ريال أصلي ,,,, وتجاري 240

للي عنده خبره في الشروكي في أقل من السعر هذا

لك الشكر

وتحياتي

بنظافة الصورة أدناه

لكن لونه أسود مظلل

واللي عنده شروكي يتجود فيه لأنه أفصل سياره للبر

http://www.areaguidesmall.com/storeimages/196/100_0484.JPG

[راع الابل]

فيه احبوب حجم 1000 زينة للسكر ههههههههههههههههههههههههههههههههههههه

اول مرة اشوف سيارة من فصلية اكلات النشويات ههههههههههههههههههههه

والله ماعندي علم هههههههههههههههههه

تحياتي

[salehhd]

السلام عليكم

الله يعوض عليك ويعينك على بلواك

اعتقد ان اسعار القطع في الكويت ارخص اذا لك معرفة

ولا دور في النت والله يعينك

[ابن فيحان]

الف شكر وتحياتي

[مـدحـدر]

هلا بالزميل

صحيح قطع الغير بالكويت ارخص بس ما ادري الفرق يسوا والا لا

عندي موتر مثل موترك يأخي فيه رجه اذا ضرب مطب على سرعه بزفلت فقط الرمل لا

عندك خلفيه قلي ترى مريت الصناعيه ما اقتنعت بكلامهم

[جي اكس أر 3]

السلام عليكم
اخي العزيز ابن فيحان
لدي خلفيه ان علاج تنظيف البخاخات هو الفك اولأ وتنظف جيدأ ولا يحتاج اخي العزيز لتغيير
وكذلك تنظيف التانكي اما عن طريق تنزيله او عن طريق السره الخاصه فيه ولا تنسي
نفخ المواصير الخاصه بنقل البنزين من التانكي حتي المكينه طبعأ بعد فك البخاخات
وسبق ان مرت علي بنفس السياره ومن بعد العمليه هذي اصبحت علي مايرام ،،
(وبعدين الله يسامح من وظع السكر بتانكي هذا مزح ولا ايش)
ارجو انني افتك اخي العزيز

[ابن فيحان]

الاخ / جي اكس ار 3

وعليكم السلام ورحمة الله وبركاته

الف شكر وما قصرت على هذه المشاركة

بداية مشكلة الجيب

* صار تقطيع في الموتر وأستمر فترة وكل ماله يزيد ما تعدى السرعة 100

* قالوا هذي طرنبة البنزين وغيرتها

* وعند فك التانكي تفاجئنا بوجود السكر داخل التانكي بما يعادل كمية ( كاس كبير ) وهو متكتل وحسب قول الميكانيكي بأن السكر لا يذوب في البنزين

* وتم تنظيف التانكي وتغيير الطرنبة .ــــــــــــــــ ولم يصلح الموتر

* بعدها قمت بتنظيف البخاخ بالجهاز ولم يصلح ...

* ثم قمت بتنظيف التأنكي ومجاري البنزين كلها إلى البخاخات ... وكذلك تنظيف البخاخات .. وتعدل وضعه فقط أسبوع ... ثم رجع إلى خرابه .
ذهبت به إلى كهربائي متمكن ... وبعد الكشف ... ظهر أن عدد (2) بخاخ متوقف ..

ونصحني بتغييرها جميعها

وما زاد الطيب بله أني أستخدمت البنزين الجديد 91

والف شكر ..لمن إطلع على الموضوع ... ومن شارك

وتحياتي للجميع

عسى أن تعم الفائدة

[جي اكس أر 3]

السلام عليكم
اخي العزيز/ ابن فيحان حفظه الله
نعم السكر لا يذوب بلبنزين ولا الزيت ؟
# هل تم فك البخاخات وتمت عمليه التنظيف ام لا، وهل اكتفي بتنظيف الجهاز فقط؟
لا بد من فكها وتنظيفها لانها حساسه جدأ وهنا يتظح لك تحسنت السياره ثم رجعت
علي ماهي عليه يعني فيه ترسبات مازالت عالقه ، اما بخصوص البخاخات التي لا
تعمل مالها علاج الي التغيير ،، الله يكون بعونك لا بد من فكها وتنظيفها ثم صب
بنزين 95 ومعه علبتين تنظيف بخاخات تجده عند محطات التسهيلات وامسك
خط فيه وانشاء الله تجد الفرق واظح ،، هذا ماعملته في مشكله
سيارتي السابقه ،، ارجو انني افدتك ولو بشي بسيط
تحياتي

[راعي كيف]

السلام عليكم ورحمة الله وبركاته
هذي ورشه بعنيزة وهذا رقم العامل فيها انا اسميه كنق الشروكي بالنسبة للميكانيكا ماشاء الله علية وتبتلقاله حل ان شاء الله عند 0501328782 رشيد

قطع الغيار تشليح في عنيزه الطريف 0566181062 ابو علي السوداني.

وإذا بغيت شيئ راسلني على البريد الخاص وبشر بعزك الشروكي بداء يهبلبي ههههههههههههههه

اخوك المحب راعي كيف
ابو ناصر

[ابن فيحان]

الاخ / راعي كيف

وعليكم السلام ورحمة الله وبركاته

والله ما قصرت .. لكن وينا وين القصيم .... لونا في القصيم .... ما شاء الله القصيم ... الشروكي مستخدم ومع الجميع

لكن ما قصرت ... ولك كل التقدير

وبالنسبة للشروكي ... إذا شريته نظيف .... نعومك ...

قوي ولا يهمك ... ما هو مثل باقي السيارات ... الي أخذه دعاية

أنا جربته ... له معي سنين

طلعتلي فقط هالمشكلة

وكنت أجيب القطع من جده إذا أجتجت .

خربت طرنبة الماء ... أكثر من سته شهور ...وانا اسمع لها صوت ... حتى زاد الصوت ... وأنا أسافره ...

في كل مكان ... وبعدين غيرتها بـــ (250) ريال

الشروكي ... وبس

http://www.theautochannel.com/media/photos/jeep/1998/98_jeep_cherokee_classic.jpg

[ابن فيحان]

هذا الرابط مفيد للي عنده جيب شروكي ... ولو أنه E

http://www.quadratec.com/help/shop_by_brand.php

[ابن فيحان]

أقدر للجميع مشاركاتهم ومرورهم على هذا الموضوع

ولتعم الفائدة على الجميع

أخبركم بما يلي :

عطل السياره ( خراب إثنين من البخاخات)

ففضلت تغييرها جميعها ...

أشتريت عدد (6) بخاخات من جده... كانت تكلفتها (1890) ريال

وذهب بها إلى الميكانيكي وكلف عمل يده (100) ريال ولم يستغرق تعييرها نصف ساعة

ولله الحمد

شفي الموتر من السكر

والآن السيارة على مايرام ...

بعد بهذله بين الورش ...

تنظيف بخاخات ، تنظيف تانكي البنزين ، واللي يقول وزن بلوف، واللي يقول بواجي ، اسلاك بواجي

وتحياتي للجميع ... ولهذا الموقع الرائع ... وللقائمين عليه

[ابرق العزاف]

نظف التانكي والبخاخات مره واثنين وثلاث وعشر

حتى يضبط الموتر معك ولايحتاج شيل وحط جديد

[المرجوج]

الحمد الله على السلامه

[(((المهااااجر)))]

مشكوووورين

[مكحل الحنشان]

عليك بالاصلي لانه مافي فرق يسوى وبعدين البخاخات من القطع الحساسه اللي تخلي الواحد يحرص انها تكون اصلية

[شامخ ألهيلا]

لاتنسى تغير صفاية البنزين يابو فيحان

ودورلك قفل حديد وفصلات ولحمها على التانكي
علشان لايجيك مره ثانيه ويحطلك ملح
ويرتفع الظغط عندك وعند الشروكي

[سلطان 22]

الحمدلله انه زبط

[ابن فيحان]

الف شكر للجميع على المرور والتفاعل مع هذا الموضوع .

وما قصرتو

تنبيه ( كما ذكر الاخ محميمد 2005)

اللي تانكي البنزين ( بدون مفتاح )

ياليته يشتري غطا بمفتاح ... وقيمته ما تعدى 50 ريال

الشروكي سيارة ... أكثر من ممتازه وصبوره

ولا يحتاج كل شوي تغيره قطع غيار ...قماشات ، صفاية ، طرنبة ماء ، ....

قطعها كلها أصلية ( ووتحمل ودوم وقت طويل )

[ابن فيحان]

شروكي 98 سبورت أخو الشروكي اللي معي من الرضاع.

http://www.galenetworks.com/Pictures/Jeep015.jpg

[المميـز]

الله يعينك والله ياغالي البخاخ

وان كانك تبي تستخدم خذ اصلي