المساعد الشخصي الرقمي

مشاهدة النسخة كاملة : تانكي السيارة الألومنيوم لا زال الماء يطعم فيه..!!!!!! هل من حل؟؟؟


علي الشهري
02/04/2007, 06:48 AM
فصلت لي تانكي ماء سعته 90 لتر ألومنيوم
والشغل ما يعلى عليه صلحته عند سوافي بالرياض
التانكي له معي 3 أشهر
وإلى الآن لا زال الماء يطعم فيه ولا يبقى على طعمه الأصلي!!!!!
مع إن اللحام ألمنيوم

هل هذا طبيعي ؟؟؟
وهل لديكم من اقتراحات؟؟؟

بارك الله في الجميع
علي الشهري
02/04/2007, 04:51 PM
up>>>>>>>>>>>>>
الكوسه
02/04/2007, 06:50 PM
هلا حياك الله
اخوي هي تعتمد على حسب استخدامك
انت عب ربعه وخله كل ثلاث ايام فض التانكي وغير الماء كل شوي غير حتى يروح الطعم

واهم شي من الحين لاتخلي التانكي فاضي حتى اذا فكيته من السياره خل فيه ربعه او اقل علشان مايصدي
واذا كان بالصندوق نجده لان جا الصيف
مريقب العيفار
02/04/2007, 07:19 PM
أخوي الكريم التنهات أهلا بك

غريبة ان تجد الطعم في تانكي المنيوم

فانا مركب واحد المنيوم ولم احد طعما للألمنيوم يذكر

اللي اعرفه ان الفيبر هو يبين الطعم بالحيل

لكن تأكد من الماء

أخاف انك تعبي من ماء فيه صدأ والطعم هذا طعم الصدأ

جرب انك تعبي من ماء تكون متأكد من طعمه ثم بعدها احكم

اخوك مريقب العيفار
منتعش
02/04/2007, 09:19 PM
أهم شي الله يحفظك
عند تركيبه لازم تعبيه وتمشي فيه وتفتح الصنبور وأنت تمشي
عشان صاج الألمونيوم واللحامات تروح
وجربها ثلاث مرات وبيروح الطعم إن شاء الله
والله يرعاك
الرهدن
02/04/2007, 11:39 PM
ياجماعة الخير00

فيه نقطة يغفل عنها الكثير وإن لم يكن الأغلب00
ألا وهي نوعية اللي 00
هناك نوعيات ولا بالقرش الأول :confused: 00 تتأثر بحرارة الشمس
وهناك نوعيات أمريكي أو إيطالي 00 لكنه غالي الثمن 00 لايتأثر بالشمس وحرارتها وبالتالي لايطعم أبدآ00
لن تخسروا شيئآ00 جربوا00

.
اسهيل
02/04/2007, 11:44 PM
صح المشكله مشكلة اللي زي ماقال اخونا
aflaj12
02/04/2007, 11:51 PM
مثل ماذكرو الاخوان لابد ملاحظة لي الماء اللي تعبي فيه ولايتعرض للشمس حتى مايكون للماء طعم وايضا توصيلة اللي للتانكي تكون نوعية جيدة ثم عدم ترك التانكي فاضي بل يبقى فيه شيء من الماء يفرغ بين وقت وآخر
وبالتوفيق للجميع
علي الشهري
07/09/2007, 05:25 AM
أشكر جميع الإخوة اللي تفضلو بالمشاركة في طرح الحلول
والمشكلة فعلاً كانت في لي التعبأة
ملفوف في مدخل البيت ومعرض للشمس
وأثر الطعم منه

بارك الله في الجميع
عاشق السيل
07/09/2007, 10:22 AM
كنت ناوي أعطيك بعض الاقتراحات لكن الحمد لله بردها الله بالعافية ،،

وألف مبروك ،، تقبل مروري يالغالي ....




.
راعي المسرى
07/09/2007, 01:59 PM
السلام عليكم ورحمة الله وبركاته ... الشهر عليك مبارك والله يتقبل منا ومنك صالح الأعمال :
الحمد لله على سلامة الوصول ....

ما يحصل لنا شوفة قبل رمضان المبارك هذا أمر ...

بعدين توك تذكر ترد على هالمجتهدين اللي ردوا عليك ههههههههه :D

بعدين أنا معلمك من ذاك اليوم اللي شفتك فيه ..............

تحياتي أخوي ......
رعد النجدي
07/09/2007, 05:07 PM
يالربع ما فيه تانكي الومنيوم
ولوفيه بيكون سعره نار وغالي لانه راح يكون قطعه وحده
اعتقد الرجال يقصد التنك العادي لونه مقارب للون الألومنيوم
وهذا ما ينفع للمويه ابد
اما اذا كان التانكي ستيل والتلحيم ستيل وكذلك السده ستيل
ما يطول الطعم 10 ايام بالكثير وهو رايح
انا مفصل ستيل والسده ستيل بغطى سنه بلاستيك وخلال اسبوع وهو من احسن ما يكون وله معي 4 سنين ما تغير ولا صدا
ياليت تنزل صوره
snnar
07/09/2007, 07:21 PM
مثل ما قالك الاخ الرهدن المشكلة في الي الي تعبي منه قبل تعبي التانكي افتح الماء لمده حتى يخرج الماء الباقي با الي ثم عبي التانكي
أحب القمرا
09/09/2007, 04:06 PM
اخوي الكريم
انا جربت ( ماء الورد ) في تانكي فيبر قلاس وراحت الريحة
حط مقدار بيالة من ماء الورد وعب التانكي وخلة ليله كاملة ثم أفرغه وقم بتغسيلة عدة مرات ثم استمتع بالطعم .
علي الشهري
10/09/2007, 01:46 PM
السلام عليكم ورحمة الله وبركاته ... الشهر عليك مبارك والله يتقبل منا ومنك صالح الأعمال :
الحمد لله على سلامة الوصول ....

ما يحصل لنا شوفة قبل رمضان المبارك هذا أمر ...

بعدين توك تذكر ترد على هالمجتهدين اللي ردوا عليك ههههههههه :D

بعدين أنا معلمك من ذاك اليوم اللي شفتك فيه ..............

تحياتي أخوي ......

حيا الله الحبيب الغالي
والله إني مشتاق حيل لك وللربع
وعسانا نلتقي الثلاثاء إذن الله
وبالنسبة للردود فأنت خابر الديرة اللي صيفت فيها ما هنا انترنت يسوى
اتصال ديل أب وبطيييييء جداً
والعذر والسموحة من الإخوان كلهم
والحل عز الله إنك أول من أشار علي فيه
وبيض الله وجهك ووجيه الإخوان كلهم
علي الشهري
10/09/2007, 01:49 PM
يالربع ما فيه تانكي الومنيوم
ولوفيه بيكون سعره نار وغالي لانه راح يكون قطعه وحده
اعتقد الرجال يقصد التنك العادي لونه مقارب للون الألومنيوم
وهذا ما ينفع للمويه ابد
اما اذا كان التانكي ستيل والتلحيم ستيل وكذلك السده ستيل
ما يطول الطعم 10 ايام بالكثير وهو رايح
انا مفصل ستيل والسده ستيل بغطى سنه بلاستيك وخلال اسبوع وهو من احسن ما يكون وله معي 4 سنين ما تغير ولا صدا
ياليت تنزل صوره

حيا الله الغالي
وما لك لواء
التانكي ألمونيوم ولحامه ألومنيوم 100% ولا يمكن ينغش فيه مثل الستيل ممكن يغشون فيه بلحام حديد
وإن بغيت مكان تفصيله ففي سوافي بالسلي والرياض
وصحيح إنه غالي... بس شغل يستاهل