لن تشتكي بعد اليوم من نزول كبوت سيارتك [الأرشيف]

النبقي

03/04/2007, 06:27 PM

السلام عليكم ورحمة الله وبركاته

هذه فكرة تعالج مشاكل نزول كبوت السيارة بسبب خراب المساعدات وسبب عملي هذه الفكرة اني ذهبت الى الوكالة فطلبو مني مايقارب 500 ريال للحبتين وهذه والله ( النهابة )
والمقادير لحل المشكلة هي :
واحد نشيط + كماشة ( زرادية كبس ) + ماصورتين الوحدة طول ذراعك للي مهب نشيط
الطريقة لحل المشكلة :
انك تقوم بالضغط على جرم البستم الأسود من الأسفل ضغطة متوسطة
ملاحظة :
لاتقم برفع الكبوت الى نهايته عند الكبس حتى لايكون الضغط على الصوفة الداخلية
وارجو تثبيت الموضوع لتعم الفائدة :j

http://www.mekshat.com/pix/upload/images31/mk16859_allbstm.jpg

http://www.mekshat.com/pix/upload/images31/mk16859_albstm.jpg

http://www.mekshat.com/pix/upload/images31/mk16859_alllbstm.jpg

http://www.mekshat.com/pix/upload/images31/mk16859_allllbstm.jpg

جيب خربان

03/04/2007, 06:32 PM

ياليت تثبيت الموضوع
والله يعافيك على الفكره الجميله

راع الابل

03/04/2007, 06:38 PM

بيض الله وجهك والله اني كل ما فتح احد الكبوت وانا في السيارة جالس مشغل المكيف اروح اسكر على سنوني واطالع المكانيك لا ينقص اظهره من تسكيرت الكبوت خصوصاً اذا صار البوري خبران وانت فكيتني من هالمشكلة

الله يدلك على الخير من حيث توجه

تحياتي

شبح الصحراء

03/04/2007, 06:50 PM

والله انك فنان يا راعي الدحول :good: موضوع مميز ومفيد جداً جداً :good2: .

جمس قطعه 10

03/04/2007, 07:33 PM

بيض الله وجهك

ابرق العزاف

03/04/2007, 07:38 PM

هم خوش فكره

شبح الصحراء

03/04/2007, 08:07 PM

أكثر ما اعجبني بالموضوع هو تصوير اجزاء العملية لتعم الفائدة فكم من صورة ابلغ من الف كلمة :good: .

إبن فيصل

03/04/2007, 09:21 PM

تشكر على الفكرة والحاجة أم الاختراع وأترك عنك النهابه :D.
وتقبلوا تحياتي...إبن فيصل،،،

اعقاب

03/04/2007, 09:48 PM

مشكور وماقصرت
لي مده ونا حاط حطبة سمر في الكبوت

عاشق دمعه

03/04/2007, 11:29 PM

فات الاوان ياخوي انا اشتريته 475 ريال ل جي اكس ار

shaheenshah

04/04/2007, 12:54 AM

ما شاء الله عليك
بس هل هي عملية؟ والا كم يوم وترجع زي اول؟

مبارك بن لندن

04/04/2007, 11:03 AM

الأخ راعي الدحول

الأخوة الكرام

فيه حل أفضل من هذا وهو عمل ثقب بالدريل في ذراع المساعد النيكل.
ويربط في الجزء الآخر من المساعد مسمار يتم تثبيته بسلك سيم أو سلسلة صغيرة أو (خيط سروال سباحة مثل ما سويت) وعند فتح الكبوت أو شنطة السيارة يتم وضع المسمار في فتحة الذراع النيكل وهي مضمونة وأفضل وأسلم طريقة.

أتمنى إني أفدتكم وإن شاء الله تعالى أوافيكم بالصور.

مبارك بن لندن

04/04/2007, 02:00 PM

الطريقة كالآتي:

إثقب ذراع المساعد النيكل المتحرك بالدريل بالريشة الخاصة بالحديد، وقبل ما تبدأ بالثقب حاول تحديد مكان الثقب بطرقه بمسمار حتى ما تروغ ريشة الدريل

http://www.mekshat.com/pix/upload/images31/mk7815_00001.jpg

أربط خيط أو سلسلة في الجزء الثابت من المساعد وبطرفه مسمار صغير أو قطعة من علاقة ملابس

http://www.mekshat.com/pix/upload/images31/mk7815_00002.jpg

حاول كل فترة تشحم ذراع المساعد النيكل المتحرك لأن أول ما تثقبه يخرج منه الزيت الموجود بداخل المساعد.

هذي الطريقة أسلم وتدوم ولها الآن حوالي ست سنوات ما شكيت منها.

وتقبلوا تحياتي

من قلب نجد

04/04/2007, 02:48 PM

.

الله يعافيك أخوي راعي الدحول

تقرير مصور أكثر من رائع ..

أخوك/

من قلب نجد

.

بواسامه

05/04/2007, 11:24 AM

فكرة جيدة ياراعي الدحول
وفك الله البستم مانعفط كله
زادك الله نشاطا وعافيه
اللهم بارك

الضاري

05/04/2007, 11:55 AM

مشاء الله على الناس اللي تفكر

الله يعطيك العافيه أخي العزيز راعي الدحول

وبأنتظار أفكار جديده

إلياس المطلق

27/05/2007, 07:07 AM

فكرة رائعة
وأتمنى أن يكون لدينا مصنع لصناعة مساعدات السيارات ,,

والمصنع يتطلب رأس مال مقداره (( خمس مليون ريال ))
والأرباح خيالية ,, يعنى في السنة الواحدة تكسب على الأقل ((عشرة مليون ريال )) ,

al-nashmi

27/05/2007, 09:05 AM

اخونا راعي الدحول

مشكور على الفكره مع انها فاتت علي

حيث الصيف الماضي نمت في شنطه موتري فكسار وتركت باب الشنطه فاتح طول الليل لان الوقت كان حر شديد

وبعده خربت المساعدات وغيرتها ب 500 مع التركيب .

وانصح اخواني اللي معهم سيارات تعمل على مثل هالنوع من المساعدات ان لا يتركونها مرفوعه مده طويله وخاصه
باب شنطة السياره العلوي وقته طلعات البر واصلاح الغداء او القهوة لانها مع الوقت تضعف وتخرب
تحياتي للجميع

الغزال الشارد

27/05/2007, 02:08 PM

الله يعطيك العافية

تسلم يمينك

بدوي جنوبي

27/05/2007, 02:15 PM

تم تقييم الموضوع
وسيضاف الي المواضيع المميزة

بالتوفيق

ابو عاذر

27/05/2007, 09:44 PM

بيض الله وجهك على هذه الفكرة كفيت ووفيت

مع تحيات اخوك ابوعاذر

ملاحة

27/05/2007, 11:45 PM

ويش الي يخربة علاشان نتفادا الاختراعات

المميـز

09/07/2007, 03:28 AM

مشكوووووووور اخوي وماقصرررررت

وان شاء الله ماتخرب ابد ^_^

sameer_1798

09/07/2007, 05:44 AM

مشكور ياراعي الدحول على هذا الموضوع المميز ويستاهل التثبيت
و أنت كذلك يا أخي مبارك بن لندن على هذه الطريقة المفيدة
سلمت يمناكم جميع , وأتمنى التوفيق للجميع .

abo lafi

09/07/2007, 03:30 PM

يعطيك الف عافيه

تجربه ناجحه

تسلم يمناك

قتال

09/07/2007, 04:09 PM

وانصح اخواني اللي معهم سيارات تعمل على مثل هالنوع من المساعدات ان لا يتركونها مرفوعه مده طويله وخاصه
باب شنطة السياره العلوي وقته طلعات البر واصلاح الغداء او القهوة لانها مع الوقت تضعف وتخرب
تحياتي للجميع

السلام عليكم ورحمة الله وبركاته ،،،،

أولاً .. أشكر صاحب الموضوع على هذا الإبداع ..
ثانياً .. أشكر أخونا مبارك بن لندن على مداخلته المتميزة ..
ثالثاً .. الله يجزاكم خير وأخوي al-nashmi .. على هذه النصيحة ..

الوالد الله يحفظه كان دائماً يشتري سمك ويحطه في شنطة الجيب ..
ويخلي باب الشنطة مفتوح حتى تطلع الريحة الله يكرمكم ..

مما تسبب في عطل في مساعدات الباب العلوي للشنطة ..
وبعنا الموتر و المساعدات عطلانه ..

ولا تنبهت للموضوع إلا لما قريت مشاركاتكم ..

جزاكم الله خير ..

فارس الرس

09/07/2007, 04:28 PM

فعلا فكره جيده خصوصا في ضل ارتفاع اسعار قطع الغيار حتى التجاري منها

العاني

10/07/2007, 11:38 AM

السلام عليكم

اشكرك اخوي راعي الدحول على هالفكرة الحلوة

وبالمناسبه انا خربت علي بساتم الكبوت ويوم سألت قالوا ب500 ريال وصيت الشباب بالتشليح ودوروا وما حصلو شيء ورحت لم كهربائي تركي رفيق لي وقلته المشكله وسوى نفس الطريقة واللحين ماشاء الله

maflah515

10/07/2007, 05:49 PM

أشكرك عيني وممنون لك وأتمنى لك الموفقيه
(شمالي)

al-nashmi

11/07/2007, 09:41 AM

السلام عليكم ورحمة الله وبركاته ،،،،

أولاً .. أشكر صاحب الموضوع على هذا الإبداع ..
ثانياً .. أشكر أخونا مبارك بن لندن على مداخلته المتميزة ..
ثالثاً .. الله يجزاكم خير وأخوي al-nashmi .. على هذه النصيحة ..

الوالد الله يحفظه كان دائماً يشتري سمك ويحطه في شنطة الجيب ..
ويخلي باب الشنطة مفتوح حتى تطلع الريحة الله يكرمكم ..

مما تسبب في عطل في مساعدات الباب العلوي للشنطة ..
وبعنا الموتر و المساعدات عطلانه ..

ولا تنبهت للموضوع إلا لما قريت مشاركاتكم ..

جزاكم الله خير ..

اخونا قتال الله يبارك فيك..

وانا ما سويت الا الواجب علي تجاهكم...
واحب الخير للجميع مثل ما احبة لي..

وتقبل سلامي...

طارق الحربي

11/07/2007, 10:38 AM

شكرا لك على الموضوع الرائع

ويسلم هالراس الالي اخترع :)

بالنسبه لاقتراح اخوي مبارك بن لندن

المشكله ان الزيت يطلع من البستم ويصير محجر مايرتفع :)

خياله

14/07/2007, 07:23 PM

الله يعافيك على المعلومات الرائعة

صصعفق

14/07/2007, 10:07 PM

فات الاوان ياخوي انا اشتريته 475 ريال ل جي اكس ار

وانا كماااااااااااااااااااااااااااااااااااااااااان

الصحافة

15/07/2007, 05:07 PM

رائع

مشكوووورين

بكيراوي HP

20/07/2007, 06:24 PM

يعطيك ألف عافيه
بس فات الأوان كان معي باترول ربع وبعته
وكل شوي ينزل الكبوت أخر شي حطيت فوق الرديتر عصا مكنسه

صقر20

20/07/2007, 06:26 PM

عشت
وجمل الله وجهك ياغالي :good:

راعي الخطوط

29/07/2007, 12:33 AM

الموضوع هذا يا جماعه يمر على كثير من أصحاب الباترول
وأنا واحد منهم لكن ما كنت أدري أنه بالإمكان أصلاحه
لكن يوم جيت أحل هالمشكله عندي قلت الظاهرالدعوه قديمك نديمك
وتف على التطور :mad: اللي يخرب بسرعه فإشترينا العصا الحديديه حقت الكارسيدا وركبناها على مقدمة الكبوت ومشت الأمور

في النهايه أقول ياليتني عارف من زمان
وأشكرك على موضوعك يا النبقي
تقبل تحيات أخوك راعي الخطوط

الظاغط

29/07/2007, 01:03 AM

جزاك الله الف خير .

zaxs2010

29/07/2007, 02:29 AM

بيض الله وجهك

نمر 33

31/07/2007, 05:37 AM

مشكور يالغالي

كشتة عزاب

02/08/2007, 10:13 AM

اخوي هل المسئلة بس

اني اشد على الزرادية

اسفل المساعدات فقط ..

صليب الرأس

02/08/2007, 10:51 AM

بيض الله وجهك لي فترة وانا اعاني منها

حلوة منكم ياشباب اللي عندة فكر زي كذا توفر علينا لا يبخل بها وانا من ناحيتي ماني مقصر

وبارك الله في الجميع

ساكت

03/08/2007, 05:08 PM

سويتها ولا تغير شي يمكن السبب البساتم خربانه مره
لها اكثر من سنه وخفيفه جدا

ماطر

05/08/2007, 01:47 AM

انت يا ابن الحلال ..................... اسمع ابقول لك شيء ..................... تعال قرب راسك ..... جزاك الله خير والله انك سنافي وسنع ياللي تحب مساعدة ربعك .

برق العاصفة

05/08/2007, 04:15 PM

الله يعطيك العافيه
وجزاك الله خير

مفارق الجبيل

08/08/2007, 05:06 PM

تشكر اخوي
النبقي

على الفكرة الحلوة المفيدة

هذه الإبتكارات والا فلا

الله يعطيك العافية

تحياتي

مفارق الجبيل

النبقي

03/09/2007, 05:54 PM

الشكر كل الشكر

لاخواني الأعزاء جميعا

على تفاعلهم مع الموضوع وتشريفي
بردودهم

والشكر موصولا لأخي

مبارك بن لندن

على اضافته الرائعة للموضوع

ولك اخي

al_nashmi

على اضافتك للمعلومة المفيدة

كما اخص بالشكر لمشرفنا الكريم

بدوي جنوبي

على
اضافة موضوعي للمواضيع المميزة لتعم الفائدة للجميييييييييع

تحيييياتي للجميع
اخوكم
النبقي

شليويح السر

05/09/2007, 09:59 PM

شريت تجاريات للباترول وقبل ما اركبهن بجرب طريقتك ... واعلمكم وش صار

اعقاب

11/10/2007, 08:21 AM

جربت الطريقه وللاسف انثنى الكبوت وركبت تجاري الواحد ب50 ريال ولاعندك اقوي منها ولكن ارفع الكبوت شوي شوي لانها قويه ترفعه بسرعه