مطلوب معلومات عن المساعدات أم خمس طقات (درجات)

[شروكي]

السلام عليكم
يُذكر بأن هناك نوع من المساعدات تتميز بأن لها خمس أوضاع : للتحميل أو لجعل السيارة أكثر راحة وغيرها.
وأتوقع بأن لونها أصفر وصناعتها استرالية ( لوكان عندي صور لعرضتها)

فأتمنى ممن يعرف عنها شيئاً أن يفيدنا من ناحية :
1. السعر.
2. هل هي مناسبة لكل سيارة.
3. هل هي عملية وتتحمل!!!
4. والأهم من ذلك هل هي متوفرة في الرياض أم لا؟

وجزاكم الله خير

[القماري]

أخونا شروكي حياك الله
بخصوص المساعدات ، كثير من الشباب ينصحون بـ ( جبريال )
في مكشات أكثر من موضوع حول المساعدات ومشاكلهم ، أذهب لخانة البحث وأكتب مساعدات ( لاهنت ) وإن شاء الله تلقى جواب .
الرابط أدناه أحد هذه المواضيع
http://www.mekshat.com/vb/showthread.php?s=&threadid=877&highlight=%C7%E1%E3%D3%C7%DA%CF%C7%CA

[شروكي]

الأخ القماري
المشكلة إني مركب مساعدات جبريال وجبريالاين :D لكنها جابت لي الصداع من ناحية قوة المطب وكسرت ديكور السيارة ، صحيح إنها قوية لكن على قوية على الظهر :D

في واحد من الشباب ركب معي في الجيب ومشينا في شارع كله عرافيط وحفر ، قال الله يحلل ددسن اخوي عند موترك ، والله أنه صادق كأننا راكبين في دينا :D

عشان كذا بغيت أغير المساعدات

[هذا الكلام]

عزيزي شروكي ولا يهون القمر القماري

بالنسبة للمساعدات هذي يسمونه ابوساق الصفر الاستراليه ام خمس درجات واعرف واحد من ربعي مركبه على GXR من سنه ونص او سنتين والرجال راعي طيور يعني راعي طرد بالبر يعني يمشي 120_140 زي سلام عليكم ومايدري وش اللي قدامه اعرف انه قد انكسر عليه كرسي المكينه ثلاث مرات من المجر اللي يجيه فهي من ناحية عمليه عمليه جدا ومريحة اكثر بكثير من غيره من المساعدات .

اما بالنسبة لسعرها كانه على خبري الاربع امامييه وخلفيه بـ 1200 مب بالضبط وانما بهالحدود وتستاهل

اما بانسبة لتوفرها فهي موجودة بالرياض عند محلات الرماية على طرق التخصصي

للمعلوميه تراه بالنسبه لي افضل بكثير من جبيريال وانصحك انك تركبه تسان دراهمك متوفره

وشكرا:)

[شروكي]

جزك الله ألف خير يا : هذا الكلام.
وآسف على الرد المتأخر. :rolleyes:
تصدق إني باغي أضرب مشوار للإمارات عشان أشتريها ، لكنك قصرت العنوة :D

[mohamad1121]

الاخ شروكي مع التحيه
لاتضرب مشوار وريح نفسك ان بغيت المساعدات (( انا معرف السعر هنا في دولة الامارت)) لكن حدد المكان التي تتوفر فيه وانا اسألك واجيب افضل الاسعار بمشيئة الله ،، ومستعد وعندي اجازه بعد اسبوعين ولايهمك ( انا سوف اتمتع باجازتي السنويه في الخرج ) ،، وسوف اسالك عنها في الدوله ولايهمك.

اخوك ابوكاسر من ابوظبي

عبروها لخو عمشا تجينابه ،،يجهل القوم والمضهور قافيها

[هذا الكلام]

هلا والله ومسهلا أخوي شروكي


آمر تدلل حنا بالخدمة :D

[شروكي]

الأخ mohamad1121: ما قصرت ، بس أنها موجودة الرياض فماله داعي نكلف عليك ، خصوصاً إذا شريتها من هناك ما تقدر تتطاق أنت وإياهم إذا ما ركبت أو كان فيها خلل ( يعني بقس بالبريد ) :D
بعكس إذا شريتها من هنا يكون بقس على الهواء مباشرة :D

[شروكي]

هذا الكلام: ما يامر عليك عدو:good: