لخبراء الصيد فقط افضل دربيل موجود بالسوق

[ابو خرازة]

يا اخون ودي اعرف الدربيل زوم للخرازة وافضل دربيل موجود وين في اي محل ممكن اني اشتريه وين القا الميزان الخاص بالدربيل



الموقع في الرياض

[جارمن]

كيف الحال يابو خرازه

اذا انت بالرياض رح للهدف اكيد تعرفه اللي بالمرسلات عند محلات الاتصالات
اكيد تلقلا عنده احلى درابيل واذا حصل ياباني تراه على كيف مخك

[ابو خرازة]

ابشرك عرفت احلى دربيل موجود بالرماية شريته بخمسمية ريال مع الوزن بالكمبيوتر

ماقصرت أخوي جارمن
الوعد الجرارة

[راعي الهدباء]

كيفكم شباب .. انا ودي اشتري دربيل لان اللي عندي جاب فيني العيد صراحه الميزانيه شرق والصيد غرب :( عاد خويكم جديد في الهوايه ولاعندي خبره ابي دربيل يبيض الوجه وبس :)

ابو خرازه ياليت تعلمني وش احسن شي لقيته بحكم انك سئلت ولفيت .. وياليت تعطيني اسم ونوع الدربيل اللي شريته عشان اسئل عنه ...


بعدين يا شباااااااااااااااب عندي سؤال ومشكله في نفس الوقت مالقيت لها حل ... الحين لما اوزن الدربيل على نيشان على بعد 30 متر تقريبا ويضبط ميه ميه ... واجي ارمي على شين ابعد والا اقرب تختلف الميزانيه صح؟ طيب وش الحل؟ يوم سئلت قالوا لي كانه ابعد حطها فوقه شوي وكانه اقرب تحته !! بس مايصلح كذا على الحروه نبي شي مضبوووووط ... يعني مافيه دربيل مثلا له اكثر من وزنيه .. او بالكمبيوتر او باللي هو به المهم شغال وبس:D

ياليت تفزعلون لنا يا شباب لان الموضوع كذا ماااااش مهوب مضبوط .. والشي اللي مهوب مضبوط يعل وانا اخوكم وحنا اللي فينا مكفينا وزياده بل وعندنا استعداد للتصدير الخارجي اذا الدعوه بها قروش خخخخخ .. المهم الفزعه يالنشاما لاهنتو ... سلام عليكم

الموقع الشرقيه كانكم تخبرون لنا احد يبيع والا شي ...

[المصك]

انا علمتك حط على الجدار خس بيضات وجرب الوزنيه:D :D :D

اذا مافادت هذى العمليه اعلمك بعدين الطريقه الثانيه:confused:

المصك:good: :good: :good:

[ابو خرازة]

السلام عليكم ورحمة الله وبركاته
راعي الهدباء كيف الحال ابشرك الدربيل الزين ألي جربته هو اسمه زيد وتراه زوم سعره 400 ريال والقاعدة اصليه تراها مهمه بالمرة تكون القاعدة اصليه وقيمتها 100 ريال اما الوزن تراه فيه جهاز يباع 280 ريال خاص بالوزن جيد جدا انا مجربه الخرازة على مسافة بعيدة تقريبا 700 متر وكانت اروع منها مافيه اما اذا كانت المسافة قريبه فحاول قدر الممكن ان تكون المسافة بعيدة عن الهدف اما اذا لم تستطع فصوب على الهدف من تحت قليلا هذا للعلم

[دغيم]

أنا ممن لايحب أستخدام الدربيل في المقناص فالرمايه متعه بحد ذاتها
ولقد أشتريت در بيل ليزر من أمريكا وهو ممتاز في اليل والنهار ركبته
فتره وفكيته منذ عشر سنين ولم أرجعه أبدا لاني لاأحس بمتعه الرمي
وإصابه الطريده فهو فن بحد ذاته وعيب الدربيل الشرعي هو إذا وزن
على ثلاثين متر لا تستطيع الرمي فيه على بعد خمسين متر

[نجمة سهيل]

صدقت يادغيم:heart:.

شباب صراحه الدربيل مافيه متعه المتعه ماتحصلها الا بدون الدربيل. وللمعلوميه ترى الي يداوم عليه يخرب رميه يصير خلاص مايعرف يرمي الا بالدربيل.

لكن فيه بعض الساعات ينفع . وفيه نوع شريته من الرمايه ب310ريال WeBly . ممتاز ماعليه كلام.

وعلى فكره اخوي ابو الخرازه. دربيلك ماهوب نوعه زيد طال عمرك الرمايه كل شي يجيبونه لازم الختم حقهم مكتوب عليه زيد (( من زين هالختم:D )) عشان بس مظهر قدام العالم. والا تراه خرطي برطي. اذا تبي تعرف نوع الدربيل تلقى مكتوب عليه باللون الابيض او الاحمر كتابه عريضه نوعه ودقته.

تقبل مني احلى تحيه،،