المساعد الشخصي الرقمي

مشاهدة النسخة كاملة : ياشباب عندي مشكله في السيارة ارجوا الحل



رووس الشواهيق
04/04/2007, 09:37 PM
السلام عليكم ورحمه الله وبركــــــــاته

مساكم الله بالخير جميعا وبارك الله فيكم ياشباب

ياشباب انا عندي مشكلة في السيارة مالقيت لها حل ابد ارجوا من كل من لديه خبرة في السيارات ان يهتم في موضوعي الذي اتعبنا كثير ؟؟؟؟؟؟؟؟؟ المشكله ياشباب هي ( الحــــرارة ) تستغربون إذا قلت لكم سيارتي
دادسن --- الكثير من المشاركين يقولون ان الدادسن مايحصل فيها حرارة وهذا الشي نسمعه كثير إن الدادسن ماترتفع حرارته لكن انا سيارتي حرارتها بالهبل .

ماخليت ولا مهندس في الرياض الا وجيته ... رحت لمهندس مشهور في صناعيه في النسيم وفك
المكينه قال هذا من ---- الراس ---- وقلت خلاص فكها وشف المهم فكها المهندس وغيرت جميع متطلبات المكينه من شنابر , وجيه ماكنيه, وكلفتني كثير وغيرت الراس (جديد ) وبعدها خلصت السيارة وطلعتها من الورشه ولكن النتيجه (0) الحراره هي هي ماتغيرت وديتها لمهندس ثاني يقول الاديتر مافيه شي وطرنبة الماء
مافيها شي والشكمان مافيه شي والخرطوش مافيه شي الراس جديد والمروحه شغاله والسرندل ممتاز
ياشباب ابحثوا لي عن حل
ارجووووووووا رجاء خاص ممن لديه خبرة في السيارات وفي قضية (الحرارة ) أن يسعفني بالرد السريع
علما ان جميع محركات السياره سليمه على فكره انا نسيت معلومه مهمه الحراره توصل عندي الى( النص)
انا ماني عارف ايش المشكله .... الله الله بالتعاون في حل مشكلتي التي اصبحت (قضيه )
وجزاكم الله خير

الشقردي
08/04/2007, 09:01 AM
آخاف ان بلف الحرارة فيه مشكلة
كم موديل موترك؟


للرفع

باترول98
08/04/2007, 09:10 AM
السلام عليكم ورحمه الله وبركاته

اخوي روس الشواهيق كانك الرياض فيه واحد سعودي في الشفا له بخص في السيارات وهو انشاءالله الي بيفيدك اكثر مني

اذا كنت تبي رقمه

راع الابل
08/04/2007, 09:18 AM
اخوي العزيز

تحية انا اقولك واحدة من الثنتين

اما الايدتير وسغ ولا ينفع فيه التسييخ او فيه مواصير داخليه متسدده

او المشكلة في الساعة او الحساس حق الحرارة قد يكون فيها زيادة كهرب ومع دوست البانزين يزود الكهرب

تحياتي

صليب الرأس
08/04/2007, 09:29 AM
اخوي جربت وسيخت الراديتر او بلف الحرارة مثل ماقال احد الاخوان . بعدين تقول ان الحرارة توصل النصف اعتقد عادي الا اذا كانت تفور

ودممممممممممممممممممممممممممممتم

جي اكس أر 3
08/04/2007, 09:38 AM
السلام عليكم ورحمة اللة وبركاتة
اخي العزيز انا اجزم وبلا شك ان ساعه الحراره لا تعمل بشكل الصحيح مثل ماذكر اخي العزيز
راعي الابل او احد الخراطيش ينصفط ولا يسمح بمرورالماء عند الظغط علي دواسه البنزين او
يكون حساس الحراره الراكب براس المكينه غير سليم ،،
هذا وتقبل فائق تحياتي

shaheenshah
08/04/2007, 09:54 AM
السلام عليكم
- هل الأديتر يفور والا لا؟ (شيك على تهريبات المويه يمكن يكون فيه تهريب بس يتبخر مع الحرارة وما تشوفه)(من متى ماغيرت خراطيش المويه؟)

- اذا فتحت كبوت السيارة هل تحس ان الحرارة غير طبيعية او عادية (يمكن تكون ساعة الحرارة خربانه او حساس الحرارة اللي في المكينة)والموتر ما فيه شي.
- شيك على بلف حرارة المويه او غيّره يمكن يكون قافل واذا كنت فاكه رجعه لانه ضروري لتبريد ماء الأديتر
- يمكن يكون فيه سدد في مجاري الماء سواء في المكينة او في الاديتر

رقبة حاشي
08/04/2007, 10:34 AM
هل الأديتر يفور ؟؟؟ هل الحرارة اذا فتحت الكبوت تحس انها غير طبيعية وهل تسمع الماء يطبخ او يفور ؟؟ وهل اذا ضغطت على الخرطوش بيدك يكون قاسي مره ؟؟؟؟
اذا كان ماذكر اعلاه طبيعي ....... فغير الخراطيش اصلي
واذا استمرت المشكله فساعة الحرارة خربانه او حساس الحرارة خربان 100% ولافيه اي كلام اخر ........

هاوي الله
08/04/2007, 11:42 AM
لاتعتمد على مهندس واحد ولا إثنين ولا ثلاثه

كم موديل السياره ؟ وكم كيلو متر ماشيه ؟

الكاسر23
08/04/2007, 03:29 PM
اخوي رووس الشواهيق

كلمني على الجوال 0505207656 ان شاء الله أدلك على الحل.

اخوك
ابو محمد

Waleed1
08/04/2007, 03:59 PM
السلام عليكم


زى ماتفضلوا الاخوان وزيادة على ذلك شيك التايمنق حق المكينة

engine timing.

يعنى وزن الديلكوا ترى أذا مقدم حيل الماكينة يقل عزمها وحرارة عالية.

وصدقوا الاخوان يمكن مؤشر الحرارة خربان، لازم يكون هناك زى فوران الماء يعنى تحس أن حرارة الماكينة عالية لما تفتح الكبوت واللة يعينك.

سكب
09/04/2007, 12:29 AM
اخي تاكد من الكنداسه والبلف الى بعد القزوز يكون الهواء الخارج محشور