المساعد الشخصي الرقمي

مشاهدة النسخة كاملة : استفسار ياجماع الخير


RUMAIHA
05/04/2007, 01:33 AM
السلام عليكم


لدي سيارة باترول 97 واريد ورشه تربيط مضمون وشغل نظيف جداز


واشكركم على الحرص والاهتمام
وجزاكم الله الخير
عرقوب
05/04/2007, 01:53 AM
شف فيه بالصناعية ميزان .. نسيت اسمه بس مب اليرموك حوله .. اسم عائلي ..

عليه تربيط ياولد .. شي .. ترى اليرموك بعد ممتاز بس حرامية بالأسعار

ذاكرتي خرطي ذا اليومين .. من يوم شفت جيب الكزس الجديد ههههههه


إية ذكرت الدرع .. ميزان الدرع بالصناعية القديمة
RUMAIHA
05/04/2007, 02:48 PM
جماع الخير

مادري لي بعض اخوان يقرا الموضوع ويطنشتون
ابو عاذر
05/04/2007, 11:42 PM
جماع الخير

مادري لي بعض اخوان يقرا الموضوع ويطنشتون

ما أحد يطنش ياخوي يمكن بعض الاعضاء مشغول ولا شيك على المنتدى أثناء المشاركة وأن كان لاحطت كثرة الزيارات للموضوعك فهي في مجملها لضيوف المنتدى الغير مشاركين فيه والان أبشر بعزك فيه ورشتين في الرياض في الصناعية القديمة وهما الابرز أو الوحيدتين في المملكة وهما
1- ورشة النويصر :-
ووصفهم وأنت جاي من الدائري الشرقي مع مخرج 17 بأتجاه الغرب تأخذ مع ثاني أشارة بعد نفق سكة القطار يسار متجه جنوب يجيك شارع كبير ( شارع الجمعية ) تقاطع x تأخذ يمين متجه غرب ثم مع اول شارع يمين متجه شمال ثم مع اول شارع يسار متجه غرب الورشة على يدك اليمين بعد 100 متر بجانبها مسجد.
2- ورشة بن مرضاح ( مركز السفريات ) :-
ووصفهم وأنت جاي من الدائري الشرقي مع مخرج 17 بأتجاه الغرب تأخذ مع ثاني أشارة بعد نفق سكة القطار يسار متجه جنوب يجيك شارع كبير ( شارع الجمعية ) تقاطع x تأخذ يسار متجه شرق الورشة على يدك اليمين بعد 150 متر بالمارية يوجد علم أخضر أعلى هنقر الورشة في الامام.
,اسعار التربيط في كلا الورشتين متقاربة في حدود 1200 ريال

مع تحيات اخوك ابو عاذر
RUMAIHA
06/04/2007, 01:14 AM
اخوي ابو عاذر

اقول بيض الله وجهك