هل يوجد ورشة متخصصة بفحص السيارات

[أبو ناصر]

السلام عليكم ورحمة الله وبركاته
هل يوجد ورشة متخصصة بفحص السيارات اليابانية بالكمبيوتر في منطقة الرياض أرجو إبلاغي عن الوصف وكم سعر الفحص .
وشكرا لكم
سبحان الله وبحمده سبحان الله العظيم
:D

[الاجودي]

موجود وكثير

فحص بالكمبيوتر وبخمسين 50 ريال

لك تحياتي

[أيمن]

وعليكم السلام ورحمة الله وبركاته ..
على طاري الفحص بالكمبيوتر :)
ما أدري ليش ما اقتنعت به !!
لكن هل يفيد بشيء ما يمكنه يخرجه الميكانيكي .. طيب مثل ايش؟؟ يعني وش الأشياء التي يفحصها الكمبيوتر من الأجزاء الداخلية ما يستطيع الميكانيكي تقييمها ؟..

تحيتي

[الاجودي]

الفحص بالكمبيوتر يا بعدي

يطلع بلاوي السيارة كلها يعني سيارتك ما ودك تفحصها ابد

لكن ميزته اذا بغيت تشري سيارة

يعطيك عيوب ومشاكل وخربات السياره كله

[أيمن]

وهل فعلا يوثق بفحص الكمبيوتر ..
مع الشكر سلفا ..

تحيتي

[Y&Y_4X4]

تعريف:
يوجد في كل السيارات الحديثة تقريبا اجهزة كهربائة صغيرة تسمى حساسات مركبة في أجهزة مختلفة من السيارة على سبيل المثال حساس في الثلاجة يقيس ظغض الهواء في الثلاجة يوجد آخر في راس المكيتة يقيس ظغط الزيت في ارجاء مختلفة من المكينة وآخر لقياس خلط الوقود مع الهواء وآخر في قربة فلتر الهواء الخ الخ الخ وكل هذه الحساسات بأخثلاف المعطيات الي تتوفر من هذه الاجهزة المختلفة يقوم الكمبيوتر الموجود في السيارة بعمليات حسابية وحفظها بالذاكرة الخاصة به وعندما يشبك كمبيوتر الفحص يسوي داون لود لهذه المعطيات ويقوم كميوتر الفحص الى ترجمة هذه المعطيات الى ( بلاك اند وايت Black and Wight) ليتمكن المهندس من قرائتها ومعرفة نتائج الفحص.

الحاصل والسيارة جديدة مافية مشاكل وبعد فترة من الزمن يخربن الحساسات ويعطن نتائج خرطي بخرطي ولا تصدق اي خلل يقوله يضحكون على هالخلق ويأخذون قروش الناس ظلم يأخوان اذا خرب في السيارة شي تدري عنه بلا خرابيطهم .

هذا ما لدي ودمتم ,,,,,,,,,,

[الاجودي]

اخوي Y&Y_4X4

انا اخالفك رأي

نتائجهم صحيحة انا مجربها وعطاني خربات واجد

وطلع صحيح والي ما طلع خربان عقب شهر خرب

لك تحياتي

[أبو ناصر]

الرسالة الأصلية كتبت بواسطة الاجودي
موجود وكثير

فحص بالكمبيوتر وبخمسين 50 ريال

لك تحياتي

السلام عليكم
طيب وش أقرب محل لشمال الرياض :good:

[الاجودي]

بالرياض ماعندي علم

لكن خابر فيه محلات عند معارض النسيم

((ترى نطيحك عليمي بالرياض))

[أبو ريم]

لسلام عليكم
الفحص جيد وممتاز بس يمكن يقص ضهرك شوي يعني يكلفك قطع
لانة يطلع الخراب الي في اعماق المكينة يعني بيطفرك

وموجود في الصناعية
بكثرة ولكن انا كزلفاوي اروح لميزان العضيب بالصناعية القديمة شارع الجمعية
بس غالين شوي