مبروك لاصحاب اللاند كروزر 2007

[راعي ساموده]

السلام عليكم ورحمة الله ..
صراحه بعد ماشفت التغييرات اللي سووها تويوتا بموديلات 2008 من دبل كهرب وقير تيبترونيك وغيرها من هالبرابيس اللي مالها داعي ( لسيارة بر ) اقول اللي معه 2007 لايفرط فيه ( اذا هو راعي بر )

أما من ناحية الرفاهيه والفخامه لو ندورها مارحنا اصلا لجيوب اليابان بس كل اللي يدور تويوتا يدور سيارة كرف ومكده سنه استخدام زي عشر ماتفرق معك السياره لانبي زيادة احصنه ولامثبت سرعه ولاغيره نبي سياره ( دق سلف ) ولايردك الا المكان اللي تبي تنام فيه ...

[مكشاتي غير]

انا معاك في كلامك

يا حلتها البساطه

ما يبيلها تعقيدات

[راع الابل]

راعي ساموده يالله حيه وقل امين الله يحيي ارضكم والله يعوضكم بخير ياما وياما تنفس فيها الكثيرين وانشرح صدر الكثيرين فيهااااااااا

اما الجيب فربعك الحين يشرون الجيوب من جيوبهم وياخذون كورس يعنى دوره كيف قيادة الجيب وتشغيل الدبلات يعنى الجيل الجديد موالي ومدبر ومقفي هههههههههههه اخذينها من ابوانا

تحياتي

[Abu Dana]

مرحبا يا اخون .. الجيب الصحيح الانكورزر موديل 2002 .. الان اللي بعده مشاكله ديكورات وكهرباء .. وانا مجرب

[كل القصيد]

اييييييييييييييه ياراعي ساموده أجل الي معه2007 طيب 2006 وش يسوي؟؟؟

بس خل عنك هدد 2007 استبنتين واااااااااو شي خيال ،،،،،،،،،،،
تحياتي يالغالي وبعد إشتر ربع طويل هو الي مايرده شي ومساحه وتفتك من الديكورات الي ماله داعي!!
ودمت دايم بود

[الفارس3]

يا راعي سموده ممكن توضح ايش يعني قير تيبترونيك وهل تنصح بلاتوماتيك يعني الاتوماتيك افضل من التيبوترنك

[منتعش]

قديمك نديمك
صدقت أخوي الغالي

[غالي]

توضيح فقط
تيبترونيك = قير توماتيك + عادي
يعني 2 في 1

ابو دانا
الموديلات الي بعد 2002 محد اشتكى منها وانا اخوك
ولله الحمد والمنه معي 2003 الحمدلله مافيه اي مشكله ماشاء الله
وخل عنك كلام الناس
أسأل مجرب ولا تسأل طبيب :)

[مكحل الحنشان]

انا معك واوافقك الراي
كل ما زادت المطاريس بالسيارة كل ماقل الاعتماد عليها

[بواسامه]

لولا اختلاف الآراء لبارت السلع
وما يدريك
يمكن يمحط سعر السبعه اذا الثمانيه صح وكلش تمام
ويمكن يعتز السبعه ويصير بالعلالي وفوق مثل مصار للسبعه اللي قبله
بس مصير الجديد يفرض نفسه

[عاشق دمعه]

ليه من 2002وطالع ازيزن مافيهم مشاكل انا معي 2000 صافي واضرب فيه اماكن انت ماتوصله ومركب عليه تزويد والحمد لله ما وقف معي يوم والسلام عليكم

[سيل عرمرم]

مافيه شك ،،،، الموديل الحالي ناجح ومطلوب ،،، وكلكم تذكرون الباثفايندر القديم وبعدين جابو بعده الشكل الجديد ولكن لك عليه ،، مهوب زي الاول في البر ،،،، وسلامتكم

[حنوش]

الجديد كلها كم سنة ونتعود على شكله

[mansoursh]

ياخواااااااااان :o الناس تمشي قدام ،،،،،،،

[التسعه شفر]

السلام عليكم ورحمة الله ..
صراحه بعد ماشفت التغييرات اللي سووها تويوتا بموديلات 2008 من دبل كهرب وقير تيبترونيك وغيرها من هالبرابيس اللي مالها داعي ( لسيارة بر ) اقول اللي معه 2007 لايفرط فيه ( اذا هو راعي بر )

أما من ناحية الرفاهيه والفخامه لو ندورها مارحنا اصلا لجيوب اليابان بس كل اللي يدور تويوتا يدور سيارة كرف ومكده سنه استخدام زي عشر ماتفرق معك السياره لانبي زيادة احصنه ولامثبت سرعه ولاغيره نبي سياره ( دق سلف ) ولايردك الا المكان اللي تبي تنام فيه ...

اقول مادوك تبطل القيل والقال وكثره الكلام الي ماله سنع ..
الجيب 2008 هو نفسه 2007 خل عنك كلام التحلية ...

[قلم برسم]

السلام عليكم
انا من ناحيتي أقول : اليابانين أبخص وما قصروا ,وأما من ناحية البربسه الله يعين

[راعي ساموده]

السلام عليكم

ياأخوان يمكن مافهمتوا كلامي صح ( بعضكم ) ..

انا معكم ان الجديد دايما أفضل ومواصفاته وان اليابانيين اكيد يهمهم سمعتهم ولكن ...
ينطبق هذا دائما على جميع السيارات ماعدا( سيارة البر )

مستحيل واحد راعي بر ومقناص ويقعد ايام وشهور وراعي ابل يروح لاقرب وكالة سيارة دفع رباعي ويشتري

لازم ولازم وضروري يدور سياره سمعتها معروفه وسياره مجربه ( ولاتكون مجربه سنه ولا سنتين )

وانتم تقولون ماعندي سالفه ( اذكركم اذا نزل الموديل بالمكينه اللي هم ذاكرين ) كم بيكون سعره ؟؟؟ وكيف راح تتحمل كرف ومكده لا ( ودبل كهرب ) علشان حبتين رمل تخليك تقشر بطاطس بالبر ههههههههههههه

واخيرا كل هذا مجرد توقع شخصي احتمال كبير يكون خطأ

[دحيم العبود]

انا معك اخي راعي ساموده وازيدك من الشعر بيت السياره تعليق مستقل امامي وخلفي ( ذكرتني الارمادا الله لايعيده )
يعني تبي خطوط خذ ولد لكن بالبر ماعندك احد بس قوة مكينه بدون اي متانه ( رخوه رخوه رخوه )

[الشقردي]

لولا اختلاف ااذواق لبارت السلع
مع اني ما شفت اللي تتكلمون عنه
لكن سبحان الله الايام تدور وما كل شئ يبقى على حاله
نقاشكم هذا ذكرني أول ما نزل اللاندكروزر 98

[هباش]

اقول زينة الجيوب ببساطتها لايعقدونها علينا ويكثرون لنا من هالديكورات اللي مالها داعي
لو نبي الديكورات كان ماركبنا غير الجيرمني يعني الالماني
ودمتم