استفسار عن الشوزن النص

[الهارف]

بسم الله الرحمن الرحيم


السلام عليكم ورحمة الله وبركاته

تكفون يا اخوان انا جزمت اشتري شوزن نص

ولا اعرف عنها شي ابد لكن من مدح الناس لها حبيت استفسر قبل اشتري:-


1- ما افضل انواعها؟

2- هل فشقها متوافر؟ وأنواع الفشق جيدة؟

3- هل تصلح للصيد الطيار؟

4- تصلح لصيد الطيور الكبارمثل البط والرهو.....؟

5- كيف اعرف ان الشوزن زينة ولا لا ؟

6- فيه ام خمس وام حبة ولا لا ؟ اذا كان فيه وش أحسن؟

7- الفشق يسوق ( يروح بعيد ) ؟

واتمنى انكم تفيدوني واكون شاكر لكم وممنوون.

تحياتي

[أبو جواهر]

السلام عليكم

بخصوص الشوزن ام نص انا جربتها والله ماتنفع ألا للطيور الصغيره أو الموقعه على
الارض واذا كان فيه طير كبير بالأرض وقاسمه الله لك يمكن بعد.وبخصوص أسالتك:

1-افضل انواعها هي ألأيطاليه.
2-الفشق حسب دولتك(لا أعرف انت وين وأجيبك بسراحه)افضل الانواع الفشق الطويل.
3-لا تصلح أطلاقا ألا أذا كان قاسمه الله لك .
4-يمكن اذا جت الطقه بالراس وهي حدها للحمام ممتازه.
5-شف حالتها الخارجيه وجربها.
6-صحيح وأم حبه افضل لأن ام خمس مع كثر الاستخدام تشكل وتعلق.
7-الفشق الطويل يسوق اكثر من الصغير لأن القرام البارود فيه اكثر.
ملاحظه :
صورة البندق هي لأم خمس أما بنللي أو بلجيك النوع الجديد(قولد هنتر)
افضل البنادق للصيد عامة هي البنللي وسلامتك.:good:

[نجمة سهيل]

اخوي الهارف:heart:
حياك الله.
بالنسبه للنص شوزن هي ممتازه للشي المتوسط الي ماهوب بعيد مره . لاتها اقل من الشوزن تقريبا تطرح حوالي 30 او35متر. وبالنسبه لي. عندنا نص امريكيه لها حوالي مع اخوي6سنوات. ماقد خبرته اشتكى منها. حتى يوم جلست معي فتره مالاحظت عليها اي شي. بس مشكلتها انها تزم((ترتفع عن الصيده)) .والحل حقها انك اذا جيت ترمي الطير تحطها عند رجلينه. او انك توديها لاي محل وراح يصلحها لك وانت واقف.
وبالنسبه لاسئلتك. فشقها سعره مثل سعر الكامل.
والسوق مثل ماقلتك مااتوقع انك بتطرح اكثر من 30 او35 متر.
اما بالنسبه للطيار. ممتازه بس للشي القريب .
وبالنسبه للطيور الكبار. انا طارح فيها دجاج حبشي((2)). بس قريب من عندهم . تقريبا بيني وبينهم 10 متر.

[الهارف]

مشكور اخوي الله يعطيك العافية

وانا بالسعودية بالقصيم

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

مشكور اخوي نجم سهيل

الله يعطيك العافية ماقصرت والله

بس ياليت لو يحصل صورة للشوزن

ومشكوووووووووووووورين

[العليمي]

مره كنت طالع مع واحد من اصدقائي نصيد حجل و معه شوزن ام طلقه كامله لاكن ما اعرف وش صناعتها صراحه ، لاكن ماشاء الله رميها زين و تروح مسافه زينه و رمينا فيها حجله في الجبل على مسافة 50 متر والله العالم انها اكثر من 50 متر و الحجله على طول جت مجاوبه ولا تحركت ....
وسعر فشق الشوزن الكامله تقريبا شريناه ذاك اليوم بـــ 90 ريال للعلبه الواحده نوع بولندي ضغط 32 .

[الهارف]

مشكور اخوي على المعلومات

بس ابي منكم صورة للشوزن النص الأمريكية ( أم كلتش )

[عليان الليل]

هذا بندق عندي
ممتاز وقوي بالحيل لكن مادري
وش صناعته وبعد نادرة
وهي زي الخرازة شكله
http://www.mekshat.com/pix/upload/images/56.JPG
http://www.mekshat.com/pix/upload/images/5567.JPG
وهذا شعار المصنع
http://www.mekshat.com/pix/upload/images/444.JPG
http://www.mekshat.com/pix/upload/images/900.JPG

[العليمي]

لاكن هذي الي بالصور نص والا غير ....

[عليان الليل]

هلا بك والله
ايه هذي شوزل نص

[الهارف]

مشكور اخوي عليان الله يعطيك العافية

وما قصرت