المساعد الشخصي الرقمي

مشاهدة النسخة كاملة : طالب الفزعة من أصحاب الخبرة بالكاميرات


رعد الضحى
06/04/2007, 03:51 PM
السلام عليكم ...




يا اخوان اشتريت كاميرا (سوني ) وأنا مع ( جنبها ) بالتصوير !!

لكن حنا يا حقين الأمطار نستخف بشهر ( ابريل )

المهم الصور لما أحملها على مركز التحميل ماترضى تطلع الا بشكل صغير مرة !!

ماالطريقة للتحكم بحجم الصورة من خلال الكاميرا ؟ ..

علما ان الكاميرا ( سوني ) (7.2)

أريد المساعدة جزاكم الله خيرا
عيناوي
06/04/2007, 05:00 PM
سم طال عمرك

اضغط على الزر الي يفتح لك القائمه على الشاشه
بيطلع لك عمودين فيهم اعدادات..
رح للي باليمين ..اخر واحد
اضغط عليه وبيطلع لك احجام الصوره الي تقتدر تختارها
وشف الي يناسبك طال عمرك

تامرني بشي ثاني؟

فالك ما يخيب ان شاء الله
:)
رعد الضحى
06/04/2007, 09:27 PM
عيناوي الله يبيض وجهك ..أسأل الله أن يعطيك من الخير أكثر مما ترجو ..

ويعيذك من الشر أكثر مما تحذر .. أنت وجميع من مر على هذه الصفحة والمسلمين أجمعين

دخلت حفظك الله كما طلبت مني ولقيت زر مخصص للحجم وضغطت عليه

وجاء عدة أحجام احترت بينها وهي 3m/2m/5m/3.2/vga/16.9

كل حجم والآخر فصلت عنه بالعلامة /

اختار أي واحد فيهن ؟؟؟ مناسب للتحميل ؟؟ أفيدونا جزاكم الله خيرا
عيناوي
06/04/2007, 10:07 PM
عز الله ان دعاءك اثلج صدري
وانا والله ما حرصت على مساعدة اخواني الا طمعنا بدعاهم الصادق
لا عدمتك يا غالي

وابشر بكل ما يسرك..
انا عن نفسي مختارvga
اشوف ان حجمها مناسب ويستوعب الذاكره كميه صور عاليه
وغير كذا حجمها جدا رائع للرفع على الانترنت ولا تاخذ من الصفحات المساحه المزعجه ابدا
واذا تبي اصغر منها بزود اختار16.9

هذا رايي يا بعدي..

فالك ما يخيب ان شاء الله
:)
رعد الضحى
06/04/2007, 11:31 PM
تسلم ماقصرت

اخترت اللي قلت ..بس طلعو بعذر جديد !!

يقول الحجم أكبر من 80 ك بايت !

وش الدبرة ؟
ياأجمل الوقت
07/04/2007, 12:22 AM
السلام عليكم

من هم اللي طلعوا بعذر؟ اذا تقصد مواقع تحميل الصور شفلك موقع ثاني يحمل سعة اكبر.

او

واذا تبي تصغر حجم الصوره

بعد وضع الصوره على جهازك الكمبيوتر رح للرسام وفتح الصوره


وبعدها رح ملف فووق واختر حفظ بأسم واختر امتداد الصوره بصيغة Jpeg

وان شاء الله يقل حجمها وتقدر ترفعها للانتر نت .
رعد الضحى
07/04/2007, 06:25 AM
لا تسرق الوقت

شكرا لك ..وبيض الله وجهك

أبحاول بالطريقة اللي قلت بإذن الله