افضل المساعدات واليايات

[ابرق حباري]

السلام عليكم

كيف حالكم اخواني
أن شاء الله تكونوا بأفضل حال

بودي ان تنصحوني في اختيار النوعية الممتازة من المساعدات (المعاونيات) والسبرنجات (اليايات)الافضل لليوكن 4x4 2002

وذلك للاستخدام المزدوج >>>off-road للبر والمطامر وطرد الصيد ولاتنزل خشة الموتر بالمطاب العالية والحمولة من العزب والماي.

>>>on-road للمدينة و السفر راسية ومريحة.






بصراحه تعبني المعاونيات (المساعدات)الخلفيه حقات الوكاله..لانهن قاسيات حيل خصوصا بالبر..وبالعكس الاماميه طريه حيل مع العلم مغيرهن بمعاونيات ونيت الافلانش ولكن للاسف ..مانفعني!!











وقد بحثت عن نوعيات أخرى ولكن اكثر الانواع اللي بالسوق متوفر للياباني فقط.

ولقيت بعض الانواع مثل :
النوع ريفلكس متوفر لليوكن عند وكيل المونرو بالمملكة
http://www.mekshat.com/pix/upload/images31/mk22847_refleks.jpg

النوع برو كومب متوفر بالكويت عن طريق الطلبية من امريكا
www.mekshat.com/pix/upload/images31/mk22847_expes9000_large.jpg (http://www.mekshat.com/pix/upload/images31/mk22847_expes9000_large.jpg)


وهاذي اليايات الاسترالية النوع اولد مان ,,,سألت وكيلها(الرماية) هل تركب لليوكن واجاب بأنها مخصصة للسيارات اليابانيه...بس شكلها ينفع للترهيم((مثل شكل يايات اليوكن))
http://www.mekshat.com/pix/upload/images31/mk22847_mk3016_msaadaa3.jpg




فياليت من جميع الاخوان ان يشاركونا بالمشورة وابداء الراي
خصوصا اخوانا الخبراء والفنيين واهل اليوكنات والجمسات

لان اخوكم متوهق..:confused:

انتظر مشاركاتكم على احر من الرمضا.. :eek: :D

اخوكم / ابرق حباري

[ابرق حباري]

ياليت احد من الاخوان يساعدني في عرض الصور مباشرة..بدون رابط

[هويدي]

وعليكم السلام ورحمه الله وبركاته

كان ودي اساعد بس مالي الا تجربه وحده مع الجمس ولن تكرر :mad:

جربت المونرو على جمس قطع عشرين صحن اماميه وكانت افضل من الوكاله بشي بسيط


وهي مشابهه للصوره هاذي بس فرق اللون اللي عندي كان لونها اسود

http://www.mekshat.com/pix/upload/images31/mk22847_refleks.jpg


مساعدات منرو
http://www.mekshat.com/pix/upload/images31/mk22847_expes9000_large.jpg

مساعدات بروكومب

http://www.mekshat.com/pix/upload/images31/mk22847_mk3016_msaadaa3.jpg

واعذرنا على القصور

[ابرق حباري]

الله يعطيك العافيه

ياطير شلوى....هويدي :good:

الله يجزاك خير على المشاركة وعرض الصور

والله اني ياخوك مستانس من اليوكن مره مره جربه ماراح تندم ;)
بس مثل ماتعرف اي سيارة للبر يبيلها تضبيط وبعض التعديلات :rolleyes:

اخونا ..المترو قد جربها(المونرو) وياليت يشاركنا..وجميع الاخوان

تحياتي للجميع

[الود طبعنا]

يهما افضل مساعد لليوكن من ناحية القوه والليونه هل هي :
مساعدات مونرو
مساعدات بلستين الفضي
او مساعدات دبنسون الاصفر
ارجو من عنده اجابه تكون اجابته من واقع تجربه او متاكد من اجابته

[بدر الثوري]

شف وانا اخوك

انا معي سييرا غمارة واتعبني مطامره في البر ونزول وجهيته
فنصحني احد الشباب اني اركب له مساعدات بليستين الغاز يجي الامامي ٣ طقات (رفعة) ١.٥ و ٣ و ٤.٥ (مدري سم والا انش)
فعلا طرب في البر! يعني المطامر تنساه نهائي ولله الحمد وفي الديرة مهو ذاك القساوة

الخلفي اذا موترك يايات فماعندي خبرة فيها

ولكن اذا سست فمحلات تزويد الامريكي يجيبون ياي يركب على السست الخلفية وهذا ايضا ممتاز جدا وهو ٢ في ١
- يرفع الموتر من الخلف
- يثبت خلفية الموتر ويعتبر مثل التدبيل لكن اكثر الليونة خصوصا اذا خففت من السست