موقع تفصيل الهدرزات بالرياض

[escape_man]

سلام عليكم ورحمة الله وبركاته

باختصار ياجماعة الخير

انا عندي جمس قطع 10 وخربانة قزوزه

وبدل ما اركب قزوز بذيك التكلفة ... ودي افصل قزوز رياضية وايضا دبات

لاني جربتها ببليزر وكانت تجربة ممتازة

خف الموتر وخفت الحرارة وصار نشيط بدرجة فاقت توقعاتي

طبعا ركبته بمصنع العتيبي بـ 1500 ريال والظاهر انهم طمعوا تالي

وطلبوا الان فوق 3000 فقط للقزوز بدون تشعيبة

فاذا في مكان بالرياض يفصل نوع جيد فياليت من اهل التزويد والخبرة يدلونا عليه

وبوركتم

[escape_man]

ركبنا كعكات ورفعنا الموضوع

[قماري]

فيه محل في الصناعيه القديمه اسمه قايد

[خاشقجي]

أخوي :

ما فيه يفصل تقريباً هدرزات بالمملكة إلا العتيبي على خبري .

أزيلك هدرزات الإمارات مجربة وأرخص بكثير من حقت العتيبي ..

طبعاً اللي يركب في السعودية قايد في الصناعية القديمة بالرياض شغله حلو ..

آسف على الإطالة ..

لأجل....................... مكشات

[escape_man]

بيض الله وجيهكم يارجال مكشات على المعلومة

وللاسف شكله مافيه الا العتيبي يفصل هدرزات

وماني ضارب مشوار اجيب لهالخردة هدرز من الامارات

وقايد مو كل مره تصدف وتحصل عنده هدرز مستعمل


الغينا المشروع للصيف يمكن ينكسر سعره عند ابو عتب

[الدرندس]

السلام عليكم

بغيت انشد عن الهدرز وش فايدته على السياره وهل له اضرار انا موتري 2005 هايلكس4*4

وشكرا وارجو الافاده با التفصيل

[rpk]

المميز يفصل في الصناعيه حقت الدائري

[escape_man]

اخوي الدرنس

اذا لك غرض معين وفكرة براسك وماسكة معك تحققها فراح تهمل بعض السلبيات الي تترتب على تركيب الهدرز
الهدرز شيء مو standard او قياسي بالسيارة .. واكيد الي صنعوا السيارة مراعين كمية الهواء الي تطلع منها وكمية الضغط العكسي المطلوب. بالاضافة ان قزوزك الي راح تفكها تحمي المكينة من الطلولة او الندى لانه يجي معها عوامه تفتح وتسكر حال شغل المكينة وحال تطفيتها وما يخلي الندى يدخل على المكينة وهذا غير متوفر بالهدرز.


بالعربي ( النفس وماتهوى ) واحنا حقين الجموس نحب الازعاج والطرطره

اخوي
rpk (http://www.mekshat.com/vb/member.php?u=28400)

بيض الله وجهك يالغالي وترقب مني اخبار جيدة انفعبها اخواني بهالمنتدى

انا لقيت شخص يبيع هدرزات ودبات ولو تبي يطلبلك ويوفرها لك لكن خلنيييييي

اتاكد من مصداقيته ولا اتفشل معكم

[كاشت في الحوش]

اخوي اسكيب تكفى ان كان لقيت بلغني لاني بصراحة كلمت قايد وقالي إن المكاين 454 مايسويها وارسلني لشخض قال ماعنده فإذا حولك ولا عرفت شي الله لايهينك لا تنسى اخوك وسلامتك

[escape_man]

تابع الموضوع وابشر بالرد الاسبوع الجاي بأذن الله

اتوقع هالرجال ممكن يطلبها لك طلب من امريكا لاني سبق وكلمته عن 454 قال اطلبها لك

ولما قلتله 350 قال موجود عندي

[escape_man]

اخوي كاشت بالحوش

راح ارسلك بالخاص رقم المهندس الي يركب هدرزات

والي مهتمين ايضا بهالموضوع ياليت يراسلوني على الخاص ويبشرون برقمه وعنوانه

دعواتكم

[rpk]

اخوي

escape_man (http://www.mekshat.com/vb/member.php?u=10578)شكرا وما قصرت واضنك تقصد المحل الي في مخرج 5 على ما اضن

[ابو؟؟؟]

عندك محل بالبحرين تفصيلة زي العتيبي بس ارخص اسم المحل 77اكزوز مارت اذا بغيت الوصف بالضبط ارسل لي علي الخاص

وسلامتكم

[escape_man]

الله يرضى عليكم ياخوان

الحمد لله ركبنا الهدرز ومشكورين لتفاعلكم واي شخص يبي زيادة معلومات يراسلني على الخاص لان الشخص الي ركبلي الهدرز رفض الاعلان عن محله وانا مستغرب هالشي وانا احترم وجهة نظره لكن مايمنع اني اخدم اخواني ... الزم ماعلي.

[ابوعقيل الخرج]

السلام عليكم ورحمة الله وبركاته اخوي انا موتري فورد f-150 بركبله هدرز و ودي محل زين ورخيص

[أبـوأسـد]

السلام عليكم ورحمة الله وبركاته اخوي انا موتري فورد f-150 بركبله هدرز و ودي محل زين ورخيص

وعليكم السلام ورحمة الله وبركاته

اخوي ابوعقيل رفعت موضوع قديم جدا

كان الافضل تكتب موضوع عن طلبك

سمعت عن ورشة بالرياض أسمها المميز بالصناعية القديمة يفصل هدرز لكن وين موقعه بالضبط ما ادري وكيف شغله ماعندي خلفية كبيرة عنه لكن البعض يمدحه

فيه أفضل منه لكن في البحرين في مصنع أسمه أقزوز مارت أنا مفصل عندهم لجمس ومشهورين جدا بالتفصيل أهم شيء لا تستخدم دباتهم لأنها تقليل وأصواتها سيئة خذ دبات أصلية رياضية وتبي نصيحتي من تجربة ركب الكواتم حتى وأن كانت بتضعف القوة وبتخلي فرق زيادة القوة اقل من السابق لكن من تجربة ماقدرت اتحمل سواقة الموتر على طول جاب لي الصداع بسبب صوته ومسوي أزمة بالحي حتى لما اسوق الموتر وادخل الحواري اتعمد ان ضغط الموتر مايتعدى 2 علشان ما ازعج احد فركبت كواتم وريحت بالي وبال من حولي