المساعد الشخصي الرقمي

مشاهدة النسخة كاملة : ابغا حل الله الايهينكم يااصحب البترول


باترول98
07/04/2007, 09:54 AM
السلام عليكم ورحمه الله وبركاته






:confused: عندي جيب باترول 98 مهبل بي بصرفية البنزين ابغاء الحل الله لايهينكم

تصدقون عاد اني بعض الاحيان اطل تحت التانكي اشوف كانه منشق وسووسبي :rolleyes:
ما ادري وش الحل
sagan200
07/04/2007, 09:58 AM
الله يطرح فيك وفي الجيب البركه ؛؛؛؛ انت توه يهبلبك انا من شريته وهو مهبلبي بالصرفيه وبيني وبينه شين نفس بس يوم كتب الله عقب كم سنه وانا اغير البواجي واسلاك البواجي وتزين الخطر وتقل صرفية البنزين .
راع الابل
07/04/2007, 10:00 AM
اخوي باتروووووووووووووووو 98 حياك الله عند راع البل الحل ونا راع البل

شف في نظام جديد يستخدمونه في الطيارات وهو تعبئة الطيراه بانزين (كوروسين) وهي في الجوء،

انت عاد خذ هذي الفكرة وطبقها في موترك واي سيارة تمر عليك او من جبنك اشبك الليات عليها هههههههههههههههههههههههههههههههههههههههههههههههههه

تبي الجد عاد يوجد في محافظة الرس ومحافظة عنيزة من يسويها لك وهي بسيطة ولكن يمكن يقلل من عزم الموتر شوي وهي ليات يركبونها تقل من دخول البانزين الى الكلبليتر او البخاخ

وانا ابي احاول اجيب اسماء الورش

تحياتي
باترول98
07/04/2007, 10:15 AM
تبي الجد عاد يوجد في محافظة الرس ومحافظة عنيزة من يسويها لك وهي بسيطة ولكن يمكن يقلل من عزم الموتر شوي وهي ليات يركبونها تقل من دخول البانزين الى الكلبليتر او البخاخ


الله يهديك يارعي الابل من زين عزمه عشان يخف باترول وتماتيك وين تبي يصيرله عزم معه؟؟؟؟؟؟؟؟؟؟؟؟؟؟



مشكور وماقصرت
راع الابل
07/04/2007, 10:18 AM
اجل شكه ديزل موترررررررررررررررررك ههههههههههههههههههههه


ياخوي اذا هو ديزل ركب تيررررربوا احسن لك

تحياتي
باترول98
07/04/2007, 10:39 AM
اخوي sagan200 البواجي واسلاك الي تتكلم عنها رياضيه
باترول98
07/04/2007, 10:42 AM
لوانه ديزل كان امشي على رجلي اصرف لي باترول وتماتيك وديزل والله من الهم والبروده والغثاء
Mr.Patrol
07/04/2007, 10:52 AM
اخي(باترول98)

افضل حل فك مروحت المكينه وركب مرواح كهرباء(مرواح سوبارو او ماكسيما) وركب دفلوك للدفرنس الى قدام وصافى المكينه يعنى غير البواجى واسلاك البواجي بالاضافة الى فلتر الهواء ونضف البخاخ وللمعلوميه طريقه سهله لتنظيف البخاخ هى تضيف محلول لتنظيف البخاخ عند محطات البنزين وتمسك به خط وانشاء الله يضبط موترك اتمنى انى افدتك.
باترول98
07/04/2007, 11:04 AM
اخوي Mr.Patrol المراوح الي فيه مراوح سوبارو و الموتر فيه دفلاك وكالة. والبواجي الي انت تقصدها بواجي رياضية ولا حقت وكالة
Mr.Patrol
07/04/2007, 11:10 AM
اخي(باترول98)

وكاله
باترول98
07/04/2007, 11:11 AM
الموتر باسمي وكالة
باترول98
07/04/2007, 11:15 AM
اخوي Mr.Patrol انت تقصد الدفلك ولا الفرارات الي تركب عند السليماني الي تفصل الدبل ؟؟؟؟؟
Mr.Patrol
07/04/2007, 11:19 AM
اخي(باترول98)

هى بالضبط
باترول98
07/04/2007, 11:35 AM
بنسبه للفرارت ماركبتها لكن هل هي عمليه يعني تستاهل من يركبها
Mr.Patrol
07/04/2007, 11:48 AM
اخي(باترول98)

لااعلم لم اقم بتركيبها لكن على حسب علمي فيه انواع مختلفه واظن فيه وكاله وامتنى الشباب يفيدونك.