اخيرا اشتريت هايلكس دفرنسين [الأرشيف]

المسافر

29/04/2003, 09:19 AM

الاخوة الكرام
اخيرا وبعد مشورات الاخوان في هذا المنتدى المبارك
شريت هايلكس دفرنسين 2002ولله الحمد

اريد ان اجعل السيارة سيارة خاصة للبران والطلعات
اريد تانكي ماء وعزبة وتريهمات ومساعدات للسيارة وانوار وغيرها
اريد كل شي للبر
الرجاء مساعدتي في اختيار الافضل واين اجد تلك الامور
انا في منطقة الرياض فما افضل الورش التي تقوم بتلك الامور

laith

29/04/2003, 09:53 AM

مبروك الموتر يامسافر:good:

يعطيك الله خيره ويكفيك شره....لاتنسى عاد تمشينا شوي عن خواطرنا:D :D

تحياتي..ليث

مهيلان

29/04/2003, 11:25 AM

اخوي المسافر مبروك السياره والله يهنيك بها
تانكي الماء: انصحك بورشة الزايدي بالصناعيه القديمه شارع المنتزه
اطب منه ستانلستيل لن يفصل لك الا 2 ملم
العزبه : الغرابي فاتح بابه
ركب فرارات للكفرات الاماميه ليخف الموتر ويقل ضجيجه ويرتاح الحديد الامامي .
هذه نصائح مختصره والله يوفقك .....

الاجودي

29/04/2003, 01:08 PM

الف مبروك

الله يعطيك من خيره ويكفيك شرة

المسافر

29/04/2003, 04:13 PM

اشكركم جميعا على التهنئة
وهذي عوايدكم الله يحفظكم
وابشروا بالدورة عليه
اخوي مهيلان تقول ركب فرارات للكفرات الاماميه ليخف الموتر
ويقل ضجيجه ويرتاح الحديد الامامي وين القاها وبعدين وش المقصود بالفرارات ؟؟
ارجوا من الشباب المشاركة في الموضوع .

مهيلان

29/04/2003, 04:21 PM

مهيلان

29/04/2003, 04:25 PM

الفرارات هي قطعة حديد بحجم الكف لا يتوفر لدي صوره لها الان
لكنها تركب في الهوب الامامي من الخارج
وضيفتها انها تفصل حركة الكفر عن عمود والكرونه الاماميه
بحيث يكون الذي يدور هو الكفر فقط هذا في حالة عدم تشغيل الدبل وعدم الحاجة له
وهذا من شأن تخفيف الحمل على المكينه وقلة الضجيج لان دوران العمود الامامي
والكرونه الاماميه مزعج وزيادة عزم السياره عل الخط
وكذلك وهي نقطه مهمه فانها تحفظ جلد العكوس الاماميه والصليب من التاكل والتلف
عموما هي مفيده ركبها ولا تشاور
تجدها ان كنت في الرياض في الغرابي عند السليماني عنده نوع برازيلي جيد ورخيص يمكن بــ 400 ريال لاغير وشكرا
لا تنسى المكره تراها على الهايلكس مهيب بسيطه !!!!!!!
تقبل تحيات مهيلان

العليمي

29/04/2003, 11:15 PM

الله يعطيك خيره و يكفيك شره ، وكيف انطباعاتك عنه ينشد به الظهر والا لا :D :D ..

المسافر

30/04/2003, 01:37 PM

مشكورين مرة اخرى
اخوي العليمي والله موتر ينشد به الظهر
اخي مهيلان
عرف وش تقصد بالفرارات عندنا نسميها ( تحاضير )
لكن وش احسن نوع غير البرازيلي .
والبكرة كم سعرها وين القاها

اخيرا الكفرات اريد كفرات مناسبة للبر والديرة وتكون عريضة ولا تؤثر على الموتر وشكرا

mohamad1121

30/04/2003, 09:22 PM

الله يباركلك بالسياره ويعطيك خيرها ويكفيك شرها

اخوك ابوكاسر

بن سليم

30/04/2003, 09:35 PM

بعد التحية والاحترام :

مبروك ...مبروك الموتر يامسافر .......

لكن لا تنسانا لارحت تكشت خذنا معاك { تراني امزح }

اخوكم : بن سليم:D :good:

المرجوج2003

01/05/2003, 01:19 AM

مبروك عليك السياره يا المسافر

وانصحك بكفرات دين لوب

اسال مجرب ولا تسال خبير

المسافر

01/05/2003, 02:37 PM

اشكركم جميعا
نبغى المزيد من المشاركة وافضل الورش
في الرياض الخاصة بترهيم الهالكس وغيرها

مهيلان

01/05/2003, 03:03 PM

اخوي المسافر
نوع الفرارات اللي ذكرت لك برازيلي ورخيص

فيه نوع اسمه وارن (warn) جيد ورخيص بس عيبه انه امريكي

احسن نوع ياباني يجي مع التايوتا شد بلد افتح كتلوج السياره وتشوفه ..اسمه aisin

ممتاز جدا لكنه غالي بـ 800 ريال تقريبا تلقاه عند الضحيان لقطع الغيار.......

اما البكره فانصحك بالوارن تجدها عند السليماني بالغرابي ..خذ من 3.5 طن فما فوق ..

mohamad1121

01/05/2003, 11:25 PM

الاخ مهيلان اخوك في حاجه لتغيير كفرات سياره من نوع vxr 2000 وادور النوع الرخيص ويكون عملي لفتره مؤقته سنه وفيها، فان كان عندك معرفه فارجوا المساعده
وبما انك تقول انه وحسب شرحك السابق انه يوجد نوع بثمانمائة ريال هل هو للاربع كفرات او للكفر الواحد""" امل رد شخصكم الكريم وبمعلومه سريعه كما عهدنا منكم """""

شاكرا ومقدرا جهدكم ولكم تحياتي،،،

ابوكاسر

مهيلان

02/05/2003, 01:06 AM

اخوي محمد مساك الله بالخير
انا في المشاركه السابقه لم اتطرق للحديث عن الكفرات
وانما تكلمت عن الفرارات او التحاضير كما تسمى . وذكرت انواعها .
اما كفرات الفي اكس ار .فاقول ان حياتك اغلى من الكفرات . ومسألة تركيب كفرات
غير جيده او فترة صلاحيتها سنه فهذه غير مجديه ( خاصه انني علمت من بعض مشاركاتك انك راعي خطوط وراعي سرعه بعد )
فنصيحتي لك ان تركب كفرات اصليه خاصه اننا مقبلين على فصل الصيف (البارد)
جرب كفرات الشاهين 16 فسعرها معقول وعمليه وممتازه في الخط والرمل .
الله يوفقك يامحمد ويحميك من كل مكروه ................

المسافر

02/05/2003, 01:26 AM

اشكرك اخوي مهيلان
اشكرك واعرف اني تعبتك بس تحمل
اخي محلات الضحيان في اصناعية القديمة والا لا
ثانيا / التحاضير والبكرة تركب عند السليماني والا اي واحد يركبها
ثالثا / البكرة كم سعرها وهل تضبط على الهايلكس وشكلها جميل
رابعا / الكفرات هل تنصح بتغيير الجنوط لاني اريد كفرات عريضة .
شاكرا لك وللاخوان جميعا

مهيلان

02/05/2003, 01:59 AM

هلا بك يالمسافر وانا لم اتعب يمكن الفاره تعبت شوي!!!!
عموما الضحيان له محلين في الصناعيه القديمه واحد على الخط العام
اذا حولت من كبري غبيره وجتك اشارة القزازين اول اشاره بالصناعيه
ان كانت حمراء وقف واذا ولعت خضراء امش على طول بيجيك على يمينك وكالة الرشيد تويوتا بعدها على طول الضحيان لطع الغيار
عموما ان انصح كل من معه تويوتا ان يشتري منه لان قطعه اصليه وخصم 30% .
اما التحاضير والبكره فالسليماني يركبها وغيره يركبها وانت شف الانسب لك .
البكره تركب على الهايلكس شكلها جيد لكن لازم تفصب دعامه للسياره عشان
تركب المكره عليها لانه ليس لديك مسافه بين الصدام الامامي والاديتر مثل بعض السيارات ....سعرها ستجدعند السليماني من الالفين الى خمسة الاف ريال
لكن 3.5 طن مقبوله يمكن تلقاها باربعةالاف .
الكفرات اذا كان جنوط السياره شد بلد فلا تركب عليه كفر عريض لانه سيتضرر
حاول تركب جنوط vxr او اي جنوط تراها منا سبه
امل من الجميع المشاركه والادلاء باي فائده
وتقبلوا تحياتي .......

المسافر

02/05/2003, 11:49 PM

الله يرفع قدرك اخوي مهيلان وجميع الاخوة
اخي هل السلمياني اللي في المرسلات والا اللي في الغرابي
تراني جاي من خارج الرياض
واذا فيه معلومات اخرى ساعدونا وشكرا

مهيلان

02/05/2003, 11:56 PM

المسافر
محلات اسليماني كلها واحد والاسعار وحده
قد يكون الاختلاف في الكميه المعروضه
ودمت سالما

mohamad1121

03/05/2003, 12:40 AM

الاخ مهيلان تحيه طيبه
اخوي العزيز ترى الشوف (( النظر)) تعبان وانا رأيت كلمة الفرارات ((كفرات)) ولم استخدم النظاره الطبيه (( وترى اخوك مهوب شايب )) ولايهون الشياب ، فهم القدوه والخير والبركه . اشكركم جزيل الشكر على هذه النصيحه ولو تعطيني خلفيه عن كفرات شيهان وما معني 16 ،هل هو مقاس الجنط ( ام لا) ، علما بان احد الاخوه المشاركين سابقاً قد نصحني بعدم شرائها نظراً لتلف الدعسه مع الاستخدام الدائم على الاسفلت واكثر من غيرها من الانواع الاخرى .

شكرا ، ( واسف للسؤال عن موضوع لايخص مشكلة اخونا مسافر) ودمتم ( لابس النظاره اليوم )

اخوكم ابوكاسر

ذيب حضن

03/05/2003, 11:29 PM

السلام عليكم 00
اولا الله يبارك لك فيها ويعطيك من خيرها ويفكك من شرها وكل مسلم
ثانيا ارجو اخبارنا للاستفادة القصوى من صاحب تجربة ، هل السيارة بنزين او ديزل
وكم سعرها بدون احراج ؛ ووشي من لحيه في الرمال والشعبان والليونة والسرعة والرساوة والله يوفقك للفائدة وشكرا

المسافر

03/05/2003, 11:54 PM

اخوي ذيب حضن
الله يبارك فيك
السيارة اللي شريتها هايلكس 2002 دفرنسين بنزين
السيارة اخت الجديدة
والسيارة ما شريتها الا بعد اقتناع
لان احد زملائي معه دفرنسين 99 وما شاء الله عزم وقوة وتلقاها في كل مكان
بر وحصى وزفلت لكن للاسف ماهي مريحة ورفيعة مرة
لكنها ثابته وتتحمل كل شي .
اي استفسار انا حاضر

فـ(الجـوف)ـتى

04/05/2003, 04:33 PM

مبروك الف مبروك الله يعطيك خيرها ويكفيك شرها 0

الحُمَيدِي

07/05/2003, 10:25 AM

مبروك .. والله يعطيك خيرها ,, ويكفيك شرها

أنصحك يا مسافر إذا بغيت تغير الجنوط .. إنك تركب ألمنيوم
فإذا كنت تبغى الشكل ركب جنط (16) حق تويوتا برادو ..
أما إذا كانك ما تهتم بالشكل وتبغى العزم وتتخير من كثر أنواع الكفرات ركب جنط (15) أي شكل أهم شيء لايزود العرض أكثر من (8) إنش لأنه يثقل على السيارة ..
وإذا بعد ودك بزيادة قوة السيارة .. فعندك :
* مراوح كهرب بدلاً من المروحة الميكانكية فيزداد الموتر خفة وأقل صرفية نوعاً ما ..
* فلتر هواء رياضي أقوى للعزم وتثبيته ..
* بواجي أربع رؤوس ألماني (بوش) ..

وإذا تبغى يا أخي مسافر توانك ستيل إثنين على الجوانب مع شد (هنقلين) مع تانكي بنزين حديد كهرب ..كل هذا موجود عند واحد من الشباب باع موتره وهو نفس الموتر ,, ولا تحسبه باعه من شيء لا .. الرجال عنده ظرف زواج ..

وتقبل مني التحية ونحن في الخدمة ..:hot: :type: :hot: :bounce: :bounce: :bounce: شبرا ,,, أمرا ,,, شمس ,,, نجوم .........

المسافر

08/05/2003, 11:39 AM

اشكر جميع الاخوة في هذا المنتدى علىشعورهم الطيب
اعتذر لعدم الرد خلال اليومين المضاية لانشغالي بالسيارة .
اخوي الحُمَيدِي
الله يبارك فيك ويرفع قدرك
اخي الكريم /
انا من يوم شريتها وانا شغال تركيب فيها
بالنسبة للتوانك ليت هذا الكلام قبل؟
لاني فصلت عزبة وتوانك شاكرا لك .
اما بالنسبة لزيادة عزم السيارة فهذا الذي اريده .
اخي بالنسبة للمروحة الكهرابئة والفلتر والبواجي وغيرها وغيرها
ابغى اعرف انواعها الجيد وغير الجيد
اماكن تواجدها
اسعارها اذا امكن
ومن يركبها في الرياض
شاكرا لك شعورك النبيل
وعلى فكرة كم سعر التوانك زميلك لاني ركبت واخاف اني مغبون فيها .

الحُمَيدِي

10/05/2003, 08:15 AM

ALIGN=CENTER]أبشر بسعدك .. وما يكون خاطرك إلا طيب
وكل طلباتك .. يا المسافر ... على راسي ,,, أكلف ماعليك إنك ترسل لي رقمك على الرسايل الخاصة أو على بريدي الإلكتروني الموضح ..
أما بالنسبة لقيمة التوانك ,, فلا تفكر في شيء راح وانتهى , لكن بالضبط كم سعرهن .. ما أدري
والله يوفق الجميع لما يحبه ,, ويرضاه[/COLOR][/ALIGN]:type:

المسافر

11/05/2003, 12:02 AM

ارسلت لك رسالة اخوي الحميدي

عريب الجد

17/05/2003, 12:22 AM

أبوكاسر:
فيه نوع جديد منhankook
مقارب لموديل الشاهين ممتاز وسعرهـ 285 للكفر الواحد

mohamad1121

17/05/2003, 12:32 AM

عريب الجد سلمك الله

شكرا على المعلومه

اخوك ابوكاسر

بـــدر

20/05/2003, 08:47 AM

بالنسبه لشمعات الاحتراق او ما نسميه نحن البواجي ، أفضل بواجي بالنسبه لسيارتك

شمعات احتراق بلاتنيوم اربع رؤس (http://www.boschusa.com/AutoParts/SparkPlugs/PlatinumPlus4/)

وليس اربع رووس الي يباع عندنا في الرياض من نوع نحاس
لان البلاتنيوم اقوى واسرع احتراق من النحاس ويطابق نفس مقاييس الاحتراق الي يستخدم في سيارتك
وكن فيه مشكله مايباع عندنا ترى لازم تطلبه من امريكا وبياخذ تقريبا اسبوعين الين يوصلك ومعه ضمان (100000) كيلو متر

المسافر

22/05/2003, 02:26 PM

مشكور اخوي بدر
على الاهتمام بالموضوع.
لكن عن طريق من اطلبه من امريكا
وكم تكلف هذي العملية . وهل تحتاج الى امور اخرى من تغيير وتركيب في السيارة
او مباشرة يتم تركيبها

بـــدر

22/05/2003, 04:07 PM

لا،،، ما يحتاج لأي تغيير في السياره او المحرك فقك ركب وبس:good: .
بالنسبه ليكيفية الطلب من أمريكا انا صراحه اطلب عن طريق شخص معرفه هناك;) ، بس اسمع انه في طريقه عن طريق ال دي اتش ال( DHL) بس ما عمري جربتها.

المسافر

23/05/2003, 02:00 AM

مشكور اخوي بدر
لكن هل تنصح بها وترى ان فيه فرق بينها وبين العادية حقت الوكالة

أيمن

15/06/2003, 09:43 AM

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8666) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

ابودلـــــــه

15/12/2003, 09:35 AM

مبروك الموتر وعندي سؤالين ///

* بكم تعبي تانكي البنزين فل وكم يمشيك من كيلو

* وبعد ماتركب الفرارات ارجو ملاحظة كم سيمشيك من كيلو

مع الشكر الجزيل
اخوك ابودله

الربع

17/12/2003, 02:24 PM

الله يطعمك من خيرها ويكفيك شرها يالمسافر

فـ(الجـوف)ـتى

17/12/2003, 09:37 PM

مبرررررررررررررررررررررررررررررررررررروك

الله يعطيك خيرها ويكفيك شرها 0

عاشق عرعر

30/11/2005, 12:27 AM

مبروووك الموتر ومكفين شره باذن الله ابنصحك بكفرات عشر سنوات تجربه والله عن جد جرب التويو الياباني ويكون عريض احسن للحمل والثبات ولنفود كويس وممتاز
وهذا اللي عندي اخوك ابوفيصل

escape_man

01/12/2005, 02:41 AM

اخوي محمد الفرارات تشوفها بمعظم الجيوب ولو تلفت يمين وشمال تلاقيها راكبه بالدفرنس الامامي وتقدر تشوفها بوسط الجنط من برا وفيها زي الساعه تحركها من Lock الى Free وتسمى ايضا تحاضير. وفايدتها تريح الدفرنس الامامي وعمود الدبل من الدوران على الزفلت زتحفظه من التآكل عبر تاثير الزمن. وبالنسبه لي انا كنت مركب النوع البرازيلي وتلاقيه عند السبيعي جنب باقادر بالصناعيه واستخدمتها اربع سنوات وزي الجديده.

الكفرات مالي فيها لاني ما اسمع الا بالشاهين لاني راعي نفود بس ولا اطب شعبان لو بها رزقي

abdbd

02/12/2005, 01:59 AM

مبروووووووووووووك على الموتر يا مسافر بالسيارة او بالطيارة انزين وين مسافر

صنهات

02/12/2005, 01:15 PM

انصحك بجنوط مقاس 15 بعرض 10 انش وكفرات دانلوب نفس المقاس وبمسعدات مورو خلفيه واماميه وفرارات وتوانك سنستيل اصليه نوعية 304 واختبرها بالمغناطيس اذا يمسك لاتهمك
وانصحك بنص هنقلين مع الشراع بالمخابي الجانبيه
كذلك مراوح كهرب سوبارو سرعتين قيمتها تقريبا المروحتين 100 ريال والتركيب عند واحد مختص بالمرواح سعودي شغله احسن من اليابان وموجود بالسلي
والله يعطيك من خيره ويكفيك شره

الأبرق999

14/01/2006, 11:23 PM

ألف مبروك على السيارة الجديدة الله يطعمك من خيرها ويكفيك شرها
لكن إذا ركب ونش في الهايلكس لابد لك من أن تغير المساعدات الأمامية والخلفية((مونرو))

وعلى فكره المساعد الخلفي جهت اليمين يكون أطول من الجهة اليسار ولكن إذا أخذت المساعد اليمين طبقه على اليسار حتى يكونان متسواين في الطول

قسوره2006

07/03/2006, 02:39 AM

السلام عليكم ورحمة الله وبركاته

الف مبروك على السياره اخوي الله يعطيك من خيرها ويكفيك شرها

يوجد (( هايلوكس تويوتا - غمارتين - 2001 - داخلي احمر - Gl - دفرنسين - كفرات عريضه - فرارات - مفحوص ومجدد - الون ابيض )) السيارة بحاله جديه جدا على كلام صاحبه السيراه ما فيها صدوم المحركات على الفحص

للــــبــــيـــع للـــبـــيـــع

ابو ناصر2020

08/07/2006, 12:18 PM

السلام عليكم بنسبه لتجهيزات انا معي هايلكس 2002 دبل بنسبه لتجهيزات
1- الفرارات الامامية (التحظير)
2-الكفرات ماركة دنلوب مقاس 245
3-تانكي احتياطي بنزين 110لتر
4-دعامية بادواتها مطرقة الى اخخ
5-جهاز GPS276 عربي مع مقوي ارسال
6-جهاز ICOM 2100
7-شد +طربال تنزاني
واللة يستر عليك

ابو نقاء

08/07/2006, 12:35 PM

الف الف مبروك عقبال الشاص ان شاء الله

إمرؤا القيس

11/01/2007, 02:54 AM

الف مبروك السيارة يا المسافر وشايف على وجهها الخير إن شاء الله .

بنصحك يا الغالي نصيحة وهي لابد إنك تركب لستك للكفرات وهذا مهم جداً لأن كفرات التيوبلس

تبلش فيها في الرمال والسبب لو يدخل آي ذرة رمل ( أكرمكم الله ) مابين الجنط والكفر على طول بنشرت .

هذة من ناحية . ومن ناحية آخرى لا تنسى إنك تشرتي لك منفاخ هواء وهو مهم جداً وما يخلوا منة أي شخص .

ولا تنسى تشتري لك يا الغالي سير ماكينة احتياط تخلية معك للزمن وهذا مهم جداً ايضاً .

وعلى شان ما انسى نقول لك اشتر جهاز كهرباء . ( محمول من بطارية السيارة إلى كهرباء ) .

والله يعطيك خيرها ويكفيك شرها .

اخوك

إمرؤا القيس

قناص سدير 999

12/01/2007, 11:14 PM

الله يعطيك خيره و يكفيك شره

هولوكس2005

12/04/2007, 06:40 AM

اخوي لا تعبث بالمكينه اسمع نصيحتي بالذات البواجي واسلاكها

وحتى الفلتر الراضي صدقني بس تشيل همه لأن الغبار والماء عدوه يعني بالمكينه تخبيط

وكان ملزم تركب فلتر ركب فلتر دنه مجرب ومضمون وتشرينه من وكاله سيزو بـــ83 ريال والقاعده
تقريبا قيمتها 100 ريال وقفزان انقليزيات وخرطوش بــ 10 ريال

مراوح سوبارو ويالله فضلك

هولوكس2005

12/04/2007, 07:01 AM

بنصحك يا الغالي نصيحة وهي لابد إنك تركب لستك للكفرات وهذا مهم جداً لأن كفرات التيوبلس

تبلش فيها في الرمال والسبب لو يدخل آي ذرة رمل ( أكرمكم الله ) مابين الجنط والكفر على طول بنشرت .

اخوي أنت قلت مشكلة التيوبلس ونسيت مشاكل اللصتك

أولا اللصتك إذا بنشرت او دخلت فيه شوكه او مسمار ينشبك لأنه لازم يفك الكفر
يعني راح وقت اللصتك وغثاه

ثانياا اللصتك مايصلح تنسمه واجد لأنه راح يدخل البلف

ويبقى الافضل اليوبلس والله لي حول السنتين معمري شكيت منها مع العلم باني احط بالكفرات من 5 إلى 10

وهذا رايي وذاك رايك ويبقى رائي الاخوان