فزعتكم يا الطبيخه تكفون

[شويحط]

السلام عليكم ورحمت الله وربركاته

يا شباب انا اواجه مشكله في الطبخ في الكاتم ابي اعلمكم طريقتي وانتم احكمو
اول شي احمس البصل لين يشقر وبعدين احط اللحم واقلبه واحط عليه البهار وبعدين الطمام واحط علي ماء واكتمه لين يتستس واحسبله ساعه وبعدين اجهز الرز الي هو المهيدب بنجابي وبعدين انقعه شوي واحطه على اللحم وخلي المويه فوق شوين بس واكتمه لين يتستس واحسبله عشر دقايق بس مشكلتي هي الملح ما عرفت ازن الملح

والي عنده طريقه خطييييييره لا يبخل علينا وابي كيف اضبط الحاشي

[عرقوب]

شف كل واحد وله طريقته الخاصة في الطبخ

بالنسبة للكبسة .. احبك الكشنه ويزبط الطعم

واحبك وزنية الماء ..

انا لي طريقة اخذتها من لبناني في الحمس .. وهي عدم التحريك للمحموس:light:

يعني لما يسخن الزيت لين يقول تس تس:D يعني لين يدخن الزيت من الحرارة ويفضل ويستحسن ويجب ان يكون الزيت من زيت الزيتون

فقط .. بعد تسخين الزيت كب اللحمة اولا وحمسة بالزيت .. والطريقة اللبنانية هي عدم تحريك اللحمة او تقليبها في الزيت

بس حطها وخلها 5 دقايق ثم حرك وقلب شوي بعدين خلها بدون تحريك .. وبعدها اللحمة ببتحتفض بالماء بالداخل بدون ماينزل
ويخرب اللحمس لأن التحريك يطلع ماء اللحمة ويخرب الزيت
بعد خمس دقايق ثانية كب البصل على اللحم وحرك حتى يختلط البصل مع اللحمة ثم هز القدر حتي يتواس وتركة لا تحرك لمدة خمس
دقايق وثم حرك بعد مرة واحدة وتركه لمده ذاتها .. ثم كب الطماط ولازم يكون قطع صغيرة وعليه ملعقة صلصة .. ثم هنا حرك بستمرار
حتى ينهرس الطماط وبعدين كمب الماء المغلي عليه وبدون بهار وملح .. هذولي في الأخير خلهن وبعد كذا خلة بالكاتم على اعلى درجة حرارة يعني خل اللقز كل بو قوتة:hot: لمدة 15 دقيقة بعد ذلك افتح القدر وحط البهار والملح وخله يغلي شوي لين تتأكد من قياس الملح واظف ملعقه خل ابيض لاتكثر .. واهم شي البهار لازم يكون من نوعية ممتازة لأنه هو الي يجيب الطعم ولا تحط ماجي دمار للكبسة وشوي زعفران وهيل وقرفة وتكون سالق لك كم بيظة قشرهن وحطهن وكب الرز والماء يغلي وخله يغلي 5 دقايق بدون ماتسكر الغطى وإذا ظهر حبات الرز وهن ينطنطن :burnout2: وشفتهن بعيونك ولا تراك مكثر الماء اسحب شوي منه بعدها قصر للقز لأخر شي تقدر عليه اخر شي وكتمة لمدة 15 دقيقة إلين 20 دقيقة وبعدها طف عليه ولاتفتح على طول .. خلة 10 دقايق بقدرة بدون فتح بعدين افتح وكب الرز وبالهناء والشفاء

[شويحط]

مشكور والله لا يهينك على الطريقه الي احس انها سحريه الله لا يحرمنا من مشورتك

[عاشق سوريا]

انا احط البصل والطماط والبهارات ولحمة الحاشي والماء(من الجركل) واحسب له عشر دقايق من ينسم ثم احط الرز واحسب له عشر دقايق.وبس

وتطلع كبسة على مستوى............. كل العملية 25 دقيقة.

لأن القناص شغله عجل......................... حار بحار

[طرطيع]

اسمع انت مشكلتك بي الملح خذ ملعقه كبيرة ملح وحطه وحرك وخله تغلي غلوه واحده ثم ذق اذا بغاء زيادة زد نص ملعقة وخليه تغلي شوي حتي يذوب الملح وهكذا حتي تعرف المقدار المناسب لي طبخك

ارجو اني افدتك

[مجازف2010]

اقول اخوي العزيز الملح وزنته تختلف من طيبعة لطبخه من حيث كيمة الرز واللحم ومقاس القدر ولكن الطريقة السهلة لوزن الملح هو انك تحط مقدار قليل مع اللحم ثم تكتم اللحم الى ان تبي تحط الرز بعدين افتح القدر وذق اذا هو مناسب او لا واذا ماهو مناسب حط ملعقة ملح وشف وطبعا النار شغاله والرمق يغلي غلى ان يضبط معك الطعم او زيادة لان الرز ياخذ شوي من الملح يعني اذا كان مناسب زود نص ملعقة عشان الرز

تحياتي لك

[سلطان العوني]

اخوي
كيف حالك
اول شي لا تكتمه لين تحط الملح كميه قليله
وكل خمس دقايق شف المرقه كيف ملحها ناقص زيد شوي وخله خمس دقايق
وبعد خمس دقايق شف المرقه كيف ملحها وكرر العمليه لين تضبط الملح
ومع التكرار راح تعرف وزنية الملح
حبه حبه تحكر الكبسه

تقبل مروري

[حمدولدسليمان]

شف ياحبيب الكبسة لا تحط مع الكبسة طماطم والملح قلله وقبل ما تستوي بخمس دقايق اعصر حبة ليمونة وربع فنجال خل طبيعي ورشه على الكبسة ولا تنس الفلفل 0 علوبه 0 حمر فوق الكبية عشرة عشرين بون ما تفتحها 0 وبالصحة والعافية 0