المساعد الشخصي الرقمي

مشاهدة النسخة كاملة : وصبا ما بين الغلا والميانه


سبيع الغلباء
06/04/2007, 04:35 PM
ياموت مادورت لك غيـر سلطـان ماشفت لك ياموت شخـص بدالـه
ماهو اعتراض لحكمة الرب سبحان سبحانـه المعبـود جـل جـلالـه
لاوالله الا ضيقـة البـال واحـزان في خاطـر مهمـوم ماهـوب دالـه
جانا الخبر في شهر رحمة وغفران لعل رحمـة والـي العـرش فالـه
الحزن عم النـاس حظـر وبـدوان شرق وجنوب وغرب نجد وشمالـه
تبكـي فراقـه نجـد دار وسكـان وطويق الادنـى والحجـاز وجبالـه
وعتيبـه الهيـلا شبـاب وشيبـان ترثي وريـث المعرفـه والشكالـه
وسلطان ابو فيصل سلايل كحيـلان عون لمـن وقتـه وطاه..وشكالـه
موسوعة تمشي على هيئة انسـان من كل علم وعلم لـه فـي مجالـه
في حق ربه مكمل خمـس الاركـان وزود عليهـا ريـف للـي عنالـه
كل شهد له جود وايمـان واحسـان تنفق يمينه مـادرت عـن شمالـه
في العرف له صيت ومكانه وله شان وعلم النسب والشعر له فيـه طالـه
له كلمة يرجـح بهـا كـل ميـزان كـنـه ليامـنـه تكـلـم لحـالـه
عساه عند الرب في نعيـم وجنـان ويجبر عزانـا والبقـا فـي عيالـه




منقول
الشاعر/معيض العتيبي
العتيبي العال
06/04/2007, 04:42 PM
صح لسااااااان الشاعر معيض العتيبي

وبيض الله وجهك يالسبيعي ولا هنت

تقبل مروري
سبيع الغلباء
06/04/2007, 04:51 PM
العتيبي....
حياك الله
مشكور على مرورك
راع الابل
06/04/2007, 04:54 PM
اخوي سبيع والله انك مكس مكس مشاء الله عليك mix

وصح لسان الشااعر وانت بيض الله وجهك

تحياتي
سبيع الغلباء
06/04/2007, 05:37 PM
راع الابل...
حياك الله
ومشكور على مرورك
بس لو تعبري mix
وش معناه
سلطان العوني
07/04/2007, 02:30 PM
صح اللسان قايلها وناقلها
مشكور اخوي سبيع الغلباء
تقبل مروري
سبيع الغلباء
07/04/2007, 02:58 PM
سلطان العوني....
حياك الله
مشكور على مرورك
ماء شاء الله عيلك
سبيع الغلباء
07/04/2007, 10:17 PM
يا جبل ما يهزك ريح








لاياجبل ماهزتك ريح العواصف والسنين"

"ترسي على ارضك مثل ماترسي على نجد جبله



صحيح حفتك المخاطر من يسار ومن يمين"

"شامخ وهذا اجمل وصوفك ياعظيم المنزلة



تبقى على اسمك..رغم انف الحاقدين..الشامتين"

"وكر الحرار المدميات... وكل حر يدهله



والصاحب اللي شرهتي يمه تعود شرهتين"

"والله لاسوق له الملامة لو تطول المسأله



واعلمه ان الزمن مايرحم.. الا...الميتين"

"ولا ترى مثلي ومثله كل يوم يزعله



والوقت ماهو خصم حنا اللي هنا متخالفين"

"اول سنة ثاني سنه ناقع بنفس المشكلة



ياليت لو تصبر علينا شوي والقاسي يلين"

"ويقول غير سيرت الموضوع صبري ما اطوله



انا وصلت لمرحلة.... تزين.. ولا..لاتزين"

"واقول له يمكنها تفرج بعد هالمرحلة



ناديت لك قبل امس محتاجك وانادي هالحين"

"مافيه داعي كمل الموضوع الاول كمله



وان كان ماجابك هنا الطاري ووداك الحنين"

"ارجوك حل وخل تفكيري معي لاتشغله



وان طولت دعواك مادون الحلوق الا اليدين"

"هذي تراها الثالثة والثانيه والاوله



اقول لك...والليل كله سلوة..للعاشقين"

"انا صراحة مابقابي عشق واشعار ووله



تدري بلاش اشرح زياده واسمع الهرج السمين"

"الرجل يارجال ماهو رجل لولا المرجله



والطيب فطره للرجال الطيبين العاقلين"

"واللي مايملك طيب غير العقل ماله منزله



واكبر مصيبة كان مافي يده كل الخصلتين"

"في وقتها كل يبا بعده لونه من هله



تم الكلام اللي كتبته ياعشير الغانمين"

"وانته بكيفك ترفض الموضوع ولا تقبله





الشاعر

معيض العتيبي
سبيع الغلباء
07/04/2007, 10:24 PM
وصبا ما بين الغلا والميانه


البال..واحة شعر..ياهاجس الشعر "
" لاتختبرني.. في غلا ..الريم أمانه

اللي بطلة وجهها...يخسف البدر"
"وبرموشها..تضمن..هدفها ضمانه

كن الصويب بعينها تآمره أمر"
"يطيعها..لو.. مايطيعه..زمانه

يضيع بين الليل والثلج والجمر"
"والصوت وأسلوب..الكلام.. وحنانه

سؤالها عني..جناية على الحبر"
"وضيم..على -دفتر قصيدٍ وزانه

ضج المكان ابها من العصر للفجر"
"وانا أحتفل.. وأحس.. للشعر خانه

وما للكرى طاري..من الفجر..للعصر"
"وانا.. هناك..وكل.. شي بمكانه

سؤال.. له.. مفعولٍ أقوى من السحر"
"اللي.. تروجله.. دعاة.. الكهانه

لانها في بالي ..أصلا... من الصغر"
"والعشق ..توه ناعمٍ.. في بنانه

ولأنها من لابةٍ...تكسب الحمر"
"ولأن -ابوها- اله القدر... و..المكانه

ولأن حاسدها.. شرب موية.. البحر"
"لحظة.. نسى نفسه..ورام.. الخيانه

لو ماكتبها الشعر..من وين له عذر"
"من..شاعرٍ...قلبه...وعقله.. لسانه

وانا بعد سؤالها ما أقدر الصبر"
"وصلت... مابين.. الغلا والميانه!!!





الشاعر
معيض العتيبي
سبيع الغلباء
07/04/2007, 10:27 PM
اغلى ضيوف الصيف






هلا يافرحة ايامي هلاياغلا ضيوف الصيف
هلابك والغلا كاسيك من ساسك ليا راسك

هلاوالله مشاعر صادقة ماتقبل التزييف
هلا واكرر الترحيب من راسك ليا ساسك!!!

بعد حليت في نجد الشريفة زدتها تشريف
هنا ناخت بك ركابك وعندي دقت اجراسك

هلاياضيف..لالا..يالوفي تدري معدك ضيف
اعد البيت هو بيتك واعد الناس هم ناسك

بلاش من العنا ومن التوجد والسهر والطيف
تعال وخل احاسيسي تلامس صادق احساسك

تعال اسرف بوصلك ياشعور يرفض التحريف
وانا ابا املا عيوني من سنا خدك ونعاسك

لعينك..جيت اسوق لك الغلا فنجال هيل وكيف
واسوق لخدك مزون الغلا والعطر لانفاسك

تجول في فؤادي مثل تجوالك بوسط (الريف)
تجول دام ربي ميزك عن باقي اجناسك

حويت الحسن كله ثم جيت بقمة (التصنيف)
على عرش الحسن متربع ويزهابك الماسك

احبك ليه لا..ايوالله احبك بلاتكليف
احبك حطها في راسك وفي وسط كراسك

هلاياضيف نجد العامرة واغلا ضيوف الصيف
هلا واكرر الترحيب من ساسك ليا راسك





الشاعر
معيض العتيبي
راع الابل
07/04/2007, 10:38 PM
اخوي سبيع الغلبا ء حياك الله

اخوي ياليت تعطينا شوي عن الشاعر معلومات قبل القصيده


تحياتي وبيض الله وجهك ولك الامتياز في حضور القصايد

تحياتي
سبيع الغلباء
13/04/2007, 01:00 PM
راع الابل....



حياك الله

ومشكور على مرورك

وابشر مايصير خاطرك

الا طـــيـــب
فرحان77
16/04/2007, 05:01 PM
بيض الله وجهك يالسبيعي
الوافي عزام
17/05/2007, 09:50 PM
بيض الله وجهك يالسبيعي

وعز الله قصايد طيبه من شاعر اطيب

ونشكرك على اختيارك لهذه القصائد الرائعه