المساعد الشخصي الرقمي

مشاهدة النسخة كاملة : هل تعبت من ربط الحزام ؟؟ عندي حل بسيط تفضل وشوف بالصوره


مهيلان
29/04/2003, 05:08 PM
الحاجه تفتق الحيله
http://www.mekshat.com/pix/upload/images/kaeat.jpg
mohamad1121
03/05/2003, 01:43 AM
الاخ مهيلان والاخوه المشاركين احلى التحيات
mohamad1121
03/05/2003, 01:58 AM
الاخ مهيلان والاخوه المشاركين احلى تحيه واحلى سلام

اشكركم على هذه المشاركه وهي حلوه للغايه ولتسمح لي بأن ادلي بدلوي(( لغه عربيه بحته، ولا مدرس عربي لأبتدائي)) قل ماشاء الله .
اريد ان اطرح فكره على هذه المشاركه الجميله ( وبعد اذنك ) وهي تتلخص في من يؤيد ربط الحزام ومن لايرغب بربط الحزام والكل يعطي رأيه ،، امل السموحه من اخوي مهيلان على طرح هذه الفكره على موضوع يخصه وشكرا.
امل تفعيل هذا الفكره من الجميع بدون استثناء ، وانا على ثقه بان رواد هذا المنتدى من اعضاء ومشرفين ومستشارين سيكون لهم الدور الاكبر في ايضاح اراءهم النيره ،واسف على الاطاله .

اخوكم ابوكاسر
Y&Y_4X4
03/05/2003, 10:31 AM
اما من ناحية التأييد نعم أؤيد وبـ عنف .
مخاوي الصقور
04/05/2003, 04:33 AM
يمسيكم بالخير يااعضاء منتدى المناعير
والله احب ابدي رايي المتواضع
انا كنت مااطيق الحزام ولا افكر فيه
ويوم صار الزامي كنت اذا شفت تفتيش على طول الحزام ياولد (( شد حزامك))
ومع التعود والتكرار صرت مااحس اني مرتاح الا اذا ربطته
المهم صرت كذا كل ماركبت قبل مااشغل اربطه
وفي يومن اقشر صار علي حادث وانا رابط الحزام وخويي اللي معي ماهو برابطه
طار وصفق راسه في القزازه اللي قدام ولا رده الا الكيس الهوائي
وانا الحمدلله ماجاني ضرر الا من الدركسون في يدي اليمنى لاني كنت احذف فالموتر
والحمدلله على كل حال
ومن يومها مستحيل اركب السياره مااربط الحزام حتى مره فالبر ضحكوا علي العيال يوم
ركبت الموتر وناوي اوخره شوي وعلى طول ربطت الحزام لا شعوري (( خذ عاد محشات لليل)) ...
اسف على الإطاله
تحياتي ...
Y&Y_4X4
04/05/2003, 09:25 AM
أخوي مخاوي الصقور ولا يهون الربع من قالك انه مهوب مهم في البر بالعكس ترى في الحزام خاصية اكيد انكم منتبهين لها يأخوان،

الا وهي الثبات ماهوب ضروري ان الواحد يصدم علشان الحزام بعد ارادة الله سبحانه وتعالى يرده عن الاحتكاك بجسم السيارة،

تخيل انك مثلا في البر او في الشارع وطاح منك شي تحت او معك اثنين يمزحون والسيارة تمشي او وانت في البر طبيت في حفرة او رقيت لك قشعة ماضربت لها حساب تخيل نفسك يصفقك الباب الايسر الى الباب الايمن والعكس، تبي تفقد السيطرة على السيارة من مزايا الحزام انه بأذن الله تعالى يثبتك في المرتبة مما ينتج عنه سيطرتك الكاملة على الوضع ومن ثم تصرف السيارة بحكمة .

نعم ،،،،،،،،،
Y&Y_4X4
04/05/2003, 09:26 AM
مناعير يعني وشلون ؟
مخاوي الصقور
05/05/2003, 11:56 PM
بس شكلك مافهمت قصدي من ناحية الحزام في البر
انا ماقلت انه مو مهم فالبر
بس اللي قلته اني كنت ابي اوخر الموتر شوي ورى وقمت بربط الحزام


اما من ناحية معنى مناعير

فارجو من مناعير المنتدى ان يخبروك بمعناها ....
تحياتي,,,
مهيلان
06/05/2003, 01:37 PM
ابو كاسر شكرا على المشاركه التي اضفت للموضوع الكثير من الاهميه

اما رايي في الحزام فانا ولله الحمد اربطه دائما
وسبق ان حصل لي حادث بالرياض اصيب معي ثلاثه جميعهم تكسروا اما انا بفضل الله لم اصب بشيء وكنت رابطا الحزام .
اما عن البر واستخدام الحزام فاعرف منهو مصاب في ظهره بانزلاق والسبب انه مسرع
وطمر ت السياره فطمر من المرتبه وارتطم بها مره اخرى وهو الان طريح الفراش !!!!

* المناعير كلمه معروفه قديما وحديثا .. قالت مويضي البرازيه ..:

نفسي تمنيني رجال الشجاعه ............. ودي بهم مير المناعير صلفين ..

شكرا لجميع مناعير المنتدى وعلى راسهم محمد

*محمد قرأت ردك على مكينة الديزل لكن انا الان اجري اتصالات لاتأكد من صحة المعلومات ...
تحياتي
Y&Y_4X4
06/05/2003, 09:36 PM
يعني انت هالحين منعااار ؟
كمشتكين
07/12/2005, 04:20 PM
شكلك شارب عصير مارجيته
راعي العوجاء
08/12/2005, 11:55 AM
حلوه الصورة
salehhd
08/12/2005, 03:55 PM
خخخخخخخخخخخخخخخخخخخخخخخخ

اضحك الله سنك
مقام البدر
08/12/2005, 07:57 PM
شكلك شارب عصير مارجيته

الله يرجك ياشيخ يوم قريتها شرقت بالشاهي وتنثر على ثيابي وعلى الكبيورد من الضحك

اللي يسأل عن معنى المناعير : يعني الرجال الشجعان

.
Y&Y_4X4
08/12/2005, 10:02 PM
يعني انت هالحين منعااار بعد ؟ :o
الورد
28/12/2005, 02:44 AM
اويد ربط الحزام والله يجزاهم خير انهم يشدون علينا بربطه اقصد الشرطه
anas
29/12/2005, 02:14 AM
انا احب ربط الحزام واتمنى ان اتعود على ربطه لكن ... يشد على البطن وخاصة اذا كان الشخص شبعان .