اللي عنده خبره بالفورد الله لايهينه لايبخل علي

[slomi]

بسم الله الرحمن الرحيم
السلام عليكم ورحمة الله وبركاته وبعد .
شباب الله لايهينكم عندي مشكلة بسيارتي العجيبة قراند مركيز فورد :mad:
المشكله هي اني تجيني مع المكيف ريحة ماء الرديتر وأحيان اشوف بخار على القزازة الأمامية يطلع من فوق الطبلون

فا اللي عنده خبره بهالنوعية من الأعطال الله لايهينه لا يبخل علي
وغفر الله لكم ولنا ولوالدينا الذنوب

أخوكم سلومي

[Waleed1]

السلام عليكم


طبعاً التدفئة فى السيارات جاية من ماء الرديتور، فانت روح لكهربائى وخلة يعزل الهوز اللى من الرديتور والداخل على الثلاجة الداخلية للسيارة يعنى يحط بة سدة ويشدها بقفيز وشوف أذا انتهت المشكلة يعينى تحتاج الى تشييك وتصليح المشع الداخلى

ملاحظة ترى هم هوزين واحد يدخل الماء وواحد يطلعة يمكن تحتاج الى عزلها
وشكراً

[سلطان العوني]

تلقى من يفيدك ان شاء الله
تقبل مروري

[ابوشدوق]

سلومي مثل ماقال أخوي وليد1 أنا حصلت معي بالفورد الفكتوريا وفصلت الليات ( الخراطيش ) وانحلت المشكلة لكن صار المكيف الحار مايشتغل وسلامتكم

[slomi]

السلام عليكم


طبعاً التدفئة فى السيارات جاية من ماء الرديتور، فانت روح لكهربائى وخلة يعزل الهوز اللى من الرديتور والداخل على الثلاجة الداخلية للسيارة يعنى يحط بة سدة ويشدها بقفيز وشوف أذا انتهت المشكلة يعينى تحتاج الى تشييك وتصليح المشع الداخلى

ملاحظة ترى هم هوزين واحد يدخل الماء وواحد يطلعة يمكن تحتاج الى عزلها
وشكراً








مشكووووور;) أخي الغالي (وليد 1)
على هذا التفضل والكرم منك بالرد علي
وجزاك الله ألف خير وغفر الله لك ولوالديك


وكذالك أشكر الأخوين سلطان العوني والأخ أبو شدوق:D وماقصرتو وكثر الله من أمثالكم


أخوكم سلومي

[abo_saleh]

اخي الكريم خل احد يكشف لك على ثلاجه المكينه - الله اعلم انها منها لانها سارت معي في سياره كانت معي

للمعلوميه الثلاجه تجي بين الراسين في المكينه دايم تخرب بالفورد

جرب وان شا الله تدعيلي

[سدا نجد]

السلام عليكم


طبعاً التدفئة فى السيارات جاية من ماء الرديتور، فانت روح لكهربائى وخلة يعزل الهوز اللى من الرديتور والداخل على الثلاجة الداخلية للسيارة يعنى يحط بة سدة ويشدها بقفيز وشوف أذا انتهت المشكلة يعينى تحتاج الى تشييك وتصليح المشع الداخلى

ملاحظة ترى هم هوزين واحد يدخل الماء وواحد يطلعة يمكن تحتاج الى عزلها
وشكراً

:no2:أحذر تسوي كذا المكينه تخبط خلال ساعه خاصه في هذه الاجواء الحاره

[سدا نجد]

اعتقد ان السبب هو ثلاجة المكيف التي بداخل السياره اذهب الى مهندس مكيف أو سنسر منظم الماء الموجود في جنب المكيف على اليمين. اعتقد الوكاله افضل تجربتي ان معظم عمال الورش تتعلم في سيارتك. والمهندس الكويس يصلح شيء ويخرب شيء خاصة اذا كان عديم ذمة. الوكاله غاليه بس ارخص من الورش لو تحسبها صح

[abosami]

أخوي الكريم من واقع تجربة رح لورشة وخلها تمنع وصول الماء إلى المكيف الحار وسوف تنتهي المشكلة بإذن الله
وأنا تركتها مرة بسيارتي حتى إنفجرت الماسورة وتعبأت السيارة بالماء وبعدها قفلت لي الماء الوارد لمكيف السيارة الحار وللله الحمد إنتهت المشكلة

[طناف]

كلام الأخ وليد صحيح

الأخ سدى نجد وليد يقصد ألغاء الليات أثنين من الرديتر الي ثلاجة المكيف ولايوجد لها أي سلبيات سوى فقدان المكيف الساخن

وأكثر السيارات سادين الليات ببواجي !!!

وسلامة الجميع

[رقبة حاشي]

اعتقد ان تركيب كوع على شكل حرف اليو U يخلي الماء يجري في الليات ولا ياقف فقط

[جي اكس أر 3]

السلام عليكم
اخي العزيز
هذه مشكله البلف الذي بلهوز الناقل للمكيف الحار
وهذه صارت معي بكابرس قبل كذا وتم تغييره
واصبحت السياره علي مايرام،،
واذارغبت بورشه خاصه في التبريد
سوف اخبرك بورشه عريقه ولها خبره
اكثر من 40 سنه في التبريد
تحياتي ،،،،

[نبض البوسنة]

أنا عندي فورد جديد ولا أعرف هذه المشكله .

[ابو لمار]

أخي سلومي

أنا حصلت معي نفس مشكلتك بالضبط وحذاري من التراخي فيها أخوي سلومي

أولاً مشكلتك كالتالي :

البخار و الرائحة الخارجه هي بالأساس من الثلاجة الداخلية وتجدها تحت الدرج حق السيارة أمام كرسي الراكب يعني لو نزلت راسك تحت الدرج تشوفه بس فكه يوجع الراس شوي بس تطمن ولا يهمك ومشكلتك بسيطة وهي أن الثلاجة عندك خربانه وتعطلة من الحرارة الشديدة بأجواء السعودية ويلزمك تغييرها وهي الثلاجة الخاصة بالهواء الحار ...


وعلى فكرة أخوي سلومي مشكلتك لو تجاهلتها راح تلاحظ إن موية الرديتر تجف و تروح وترتفع حرارة السيارة انتبه من هالناحية وبإستطاعتك تسكير الفتحة حقت الثلاجة في أحد الورش وإلا عليك تغغير الثلاجة بالكامل وراح يكلفك تغييرها ما يقارب 500 ريال في أقل الأحوال لأن المشكلة في تغغير الثلاجة مشكلة عويصه جداً خاصةً بالماركيز لأنهم راح يفكون الطبلون بالكامل حتى يصلون للثلاجة ........

وأنا أنصحك بتغيير الثلاجة قيمة الثلاجة بالوكالة ما بين 250 إلى 350 ريال إلا إذا كنت لا تحتاج للمكيف الحار فعليك سد الليات فقط وتنحل المشكلة .....

ربي يوفقك ولا تخاف المشكلة سهلة بس تجاهلها يسبب الكثير من المشاكل..

لك تحياتي

[slomi]

وعليكم السلام ورحمة الله وبركاته للجميع
هلا هلا هلا والله بهالنشاما عز الله انتم اللي ينشد بكم الضهر مو هالميكانيكيين اللي يجون يتفلسفون عليك
والله ماقصرتو كلن باسمه

أبو صالح ادعيلك ان شاء الله مندون تنحل هالمشكلة والله يغفرلك ولوالديك اجمعين
سدا نجد جزاكا لله ألف خير على هالنصيحة الله يكفينا وياك شر تخبيط المكاين اللي بسياراتنا واللي بنا هههههه:D
أبو سامي الله يخليلك سامي وإذا ماجاك جعل ربي يرزقك باللي تجيب سامي
طناف جزاك الله خير الجزاء على التوضيح
الأخ رقبة حاشي مشكور وماقصرت ووصلت الفكرة
الأخ جي اكس أر3 ماقصرت يالغالي لكن الورشة بأي مدينة
عقمر وين الله يكفيك شرالمشاكل
الأخ ابو لمار بيض الله وجهك وألف شكر على هالمعلومات الطيبة من انسان أطيب ونبي نسوي اللي قلتولنا عليه وأشرتو به علي
وهو سد الليات اللي تدخل للمكيف وعسى الله يعين على هالخرابات



لكن الحين ماتقولون لي هو انتم ماعندكم دوامات لأني شفت أوقات الردود كلها من س 2:30 ليلا إلى الساعة حوالي 10 الضحى :j

وتقبلو تحياتي
وعسا الله يغفر لي ولكم ويوفقنا لرضاه ويرزقنا جنته إنه سميع مجيب الدعاء


أخوكم سـلومي

[Mohammad]

اخى ابعد عن الفورد سياره هزيله بكل شىء الا بالمنظر

[slomi]

اخى ابعد عن الفورد سياره هزيله بكل شىء الا بالمنظر



يقال ((وشحادك على المر قال الي أمر منه ))
ولا يقولي الوالد دايم الله يحفظه ويخليه غير التايوتا (لايوتا ) يعني لاتجي شي غير التايوتا لكن ............... انتم أدرا وش الباقي

ههههههههههههههههههههههههه
أخوكم سلومي

[طناف]

سلومي ولايهونون الأخوان لاتغير ثلاجة ولاتخسر نفسك الحل بسيط جداً وببلاش .
يوجد ليات أثنين سود بنفس عرض (النص ريال ) رايحة للثلاجة حط لها سدات وريح نفسك وأنتبة الليات الكبيرة لاتجيها خاصة للمكينة .
وشغلتها أسهل مما تتوقع تقريباً 3 دقايق .