المساعد الشخصي الرقمي

مشاهدة النسخة كاملة : Gxr 2006يا أهل العلم


سيف463
08/04/2007, 02:58 PM
احد الأصدقاء اشترا جيب GXR 2006 تعرض لمشكلة غريبة الا وهي ان القير يفلت عند الطلوع بعد التعشيقة الثانية (اتوماتيك) الموتر ماشي 5000 فقط :no: الرجال منحاس الفزعة يالربع شاكر لكم مقدما
سلطان العوني
08/04/2007, 03:24 PM
تلقى من يفيدك ان شاء الله
تقبل مروري
هاوي الله
08/04/2007, 05:29 PM
هل مايزال على الضمان ؟
M o b d a
08/04/2007, 05:43 PM
ما فهمت عليك أخوي ..

طيب هو مسوي فيه شيء

رافع الموتر ولا مغير له يايات ؟..
الدحبول
08/04/2007, 07:28 PM
أنا عندي فيكسار 1997
وان أطلع طلعات في البر يفلت القير
لادرجة أنه يضع نفسه في ال R وساعات P

ولد عمتي عنده خبرات ميكانيكية قالي كراسي القير تعبانه أو يبغاله شد

أنصح توديه الوكالة
سيف463
08/04/2007, 09:47 PM
مرحبا فيكم جميع الرجال وداه للوكالة وما غير يبربرون عليه لين داخ المهم الرجال نسم الكفرات 15 وطعس والحمدلله القير ما فلت عليه اللي فهمه الرجال من التوصيه الأرتجالية من احد الشباب انه المفروض ينسم الكفرات شي غريب
الموتر جديد ولا مسوي فيه اي شي المهم الرجال غمض عيونه وتلطم عقب ما راح الوكالة وكنه ما سوى شي الله يعينه وشكرا لمروركم
Abo Nader
08/04/2007, 10:31 PM
أخوي خله ينشب بحلوقهم الموتر فيه بلا..

لو أن الموتر قديم يمكن لكن نصيحه..مدامه على الضمان خله يروح لهم..
سيف463
08/04/2007, 10:43 PM
والله انا بقوله بس الرجال ضايق صدره وكن ميت له احد يقول لاند كروزر جديييييد وقيره يفلت وييين وشكرا لك اخوي وببلغه وخصوصا اذا رجع وفلت عليه مره ثانية
Abo Nader
08/04/2007, 10:58 PM
هلا أخوي...
بالنسبه أنه إذا نسم ما يفلت القير مو معنا أنه حل المشكله..معناه أنه خفف الضغط على القير فما يفلت..لأنك إذا نسمت تريح الموتر من الحنه..لكن بدون تنسم يتعب الجيب فيحن على المكينه و القير فيطلع العلم..

أتمنى أني أفدتك..و إذا كان على الضمان إن شاء الله لا يخاف..و الله يوفقك أنت و خويك..
سيف463
08/04/2007, 11:27 PM
جزاك الله خير اخوي ابونادر وشاكر لك تفاعلك ونفع الله بك اخوانك المسلمين ببلغ الرجال باللي قلت
الموتر مضمون من البازعي الى 15000 ك حسب ما فهمت من الرجال
غالي
09/04/2007, 01:40 AM
اخوي سيف
موتري من البازعي 2003
ونفس مشكلة خويك
قمت اوديه لهم لييييييييييييييييين خلص ضمانه
ولاصلحوه ويقولون مافيه شيء
وفعلا مال خويك الا انه ينسم الكفرات
عنده لين ضغط 23 الى 25 ان شاء الله مايفضي
انا موتري يفضي على ال N
فا قل لخويك ان شاء الله مايشغل باله
وعلى فكره
لا قدر الله لو بالشارع يرقى رصيف كبير على سرعه تراه بيفضي
انا حصل معي هالشيء
وان لقيت له حل تكفى لاتنسانا تراي تارك الامر بيد الله سبحانه ونسيت السالفه بس قلبت المواجع الله يهديك :)