بداية موسم >> الكشتات الليلية >> وللحديث بقية ..

[قتال]

السلام عليكم ورحمة الله وبركاته ،،،

مع بداية فصل الصيف في الجزيرة العربية تبدأ الشمس بأخذ دورها المعتاد مثل كل سنة بحرق الأخضر واليابس ، وكلكم عارف بأن فترة النهار وبالذات فترة الظهيرة من أفضل الفترات الصيفية اللي يقضيها الناس تحت المكيفات .. وبهذا تنتهي فترة الكشتات النهارية أو الصباحية ..

ونبدأ بموسم الكشتات المسائية أو الليلية .. وخصوصاً الليالي المقمرة .. فهي من أفضل الليالي الصيفية والتي تكون عادة باردة في كافة أنحاء الجزيرة العربية ..

كل ما أتذكر هذه الليالي أتذكر النسناس العليل .. والنجوم الساطعة في قلب السماء .. وهدوء الليل .. ذكريات ..

هل تخرجون للبر في الليالي الصيفية .. أين وكيف تقضون أوقاتكم فيها ..

[س10]

تسلم أخوي ... قتال... على مواضيعك المميزه هذا أولاً .

ثانياً : بالنسبه لسؤالك أنا بصراحه أقضي وقتي يا بالدوانيات يا بالمزارع ولا على البحر تخبر الكل يبحث عن النسمه البارد .

أخوك / أبو سعود

[رحال]

مساك الله بالخير اخوي العزيز (( قتـــــال )) وحياك الله

فعلاً موضوع مميز كصاحبه ليست مجاملة بل يشهد على ذلك كل من في المنتدى من مشرفين ومستشارين واعضاء .
بالنسبة لسؤالك كيف نقضي الليالي الصيفيه ؟؟؟؟

بما ان البر قريب من عندنا حوالي 200 متر فقط فنحن نجتمع كل ليلة نتبادل اطراف الحديث عن السلقان ومايدور معها من تحديات :) وكل شخص وطريقته في تدريب السلق الخاص به , او التحدث عن الطيور المهاجره التي تأتينا والتي لا تأتي وكيفية تطوير انفسنا في الصيد واختيار مناطق الصيد الجديده التي لم نذهب إليها او الخوض في معارك البنادق . وهكذا

يعني المسأله كلها صيد في صيد في شتاء ولا في صيف :D

وتقبل تحياتي يالغالي ومزيداً من التقدم والنجاح
اخووووووك رحااااااااال

[laith]

وعليكم السلام ورحمة الله وبركاته...

ويامرحبا وحي باالاخ قتال..:heart:

"النسناس العليل .. والنجوم الساطعة في قلب السماء .. وهدوء الليل .. ذكريات .."

هذا شعر اخوي قتال:D ..واحساس مرهف:rolleyes: ..اللا قول الرومانسيه بعينها.:p

ويامرحبا باالاخوان/ رحاااااال / س10:)

حقيقة ياقتال ولايخفيك القول..عندنا هالطعوس في الليالي المقمراتي ان كانت شبابيه... ونفوذ يحبه قلبك:good: ..

وان كانت الكشته مع البزارين عندنا هالبحر ..وجو على كيفك..:good: ولو ان البحر بعض الاحيان يزدحم ولاعاد نحصل مكان نجلس فيه:mad: ..لكن الشغله كلها كم ساعه و وينك ياعشه اقصد "يابيت"...:D :D

اخوكم ليث

[العليمي]

صراحه انا في الصيف اطلع للنفود (( الطعوس )) في الليل ما فيه احسن منها براد و سعة صدر ...

[فرد حمزة]

قتال

أسأل الله أن تكون قتال لكل عدواً لله وللإسلام والمسلمين
:)

بالنسبة للجلسات الصيفية فجاء وقتها

يالله لك الحمد
في ديرتنا أكثر من مكان نستطيع قضاء الجلسات الليلية فيه
النفود قريب بالحيل ثلاث كيلو والزفلت واصله وكبير ومايرده إلا سكاكا واللي حوله
ويكثر في الديره القياعان وهي منقع مياه في الشتاء وفي الصيف منتزهات حيث انها تتميز بإستواء أرضها وتماسكها حتى أنك لا تجد جحور للدواب وغيرها لانها أرض طينية ومصمته يعني تسلم وتأمن بعد الله من الدواب السامة
هذا غير المزارع والتي تتسم بنسناسها العليل والبارد
بالنسبة لي لا أكثر الطلعات الليلية والأفضل لي الإقتصار على طلعة واحدة في الأسبوع

ومن وجتة نظري اذا كثرة من الشي زاد عن حده وتمله

[راعي النحل]

موضوع شيق ياخوي قتال
أفضل أقضيه مع العائله أو شبابيه
العمره ثم الطائف ... بعدين البحر والسباحه وخلاص

[قتال]

السلام عليكم ورحمة الله وبركاته ،،،


حياك الله أخوي أبو سعود ( س10 ) .. وأنت سالم يا خوي .. وين هالغيبة يا خوي .. أتمنى أنك بكل خير إن شاء الله ..

http://www.mekshat.com/pix/upload/images/qatal_Lin_2.JPG

هلا وغلا أخوي > رحاااااال< .. زميل المهمات الصعبة :D :D

أنت اللي مميز يا مال العافية والله .. وبخصوص البر تقول أنه قريب منكم يبعد 200 متر بس أقول تحمد الله .. حنا برنا كله 200 متر فقط :D :D

http://www.mekshat.com/pix/upload/images/qatal_Lin_2.JPG

حياك الله أخوي العزيز laith .. أنت وينك يا خوي .. عسى المانع خير إن شاء الله .. ولا مطعس هاليومين .. :D :D

http://www.mekshat.com/pix/upload/images/qatal_Lin_2.JPG

أخوي العليمي .. حياك الله .. والله هذا اللي نفتقده عندنا بالكويت ..

http://www.mekshat.com/pix/upload/images/qatal_Lin_2.JPG

أخي العزيز فرد حمزة .. حياك الله يا خوي و يحقلك ما تطلع إلا مرة وحدة بالأسبوع .. أما أنا فلو أطلع كل يوم مرتين ما مليت ..

http://www.mekshat.com/pix/upload/images/qatal_Lin_2.JPG

حي الله راعي النحل .. السباحة حلوة والبحر أحلى .. لكن الطايف أحلا وأحلا .. كانك تبي تروح هناك وودك بالكشتات الليلية والهواء اللي يرد الروح .. خذ عندك ..

- منتزه النقبه الحمراء ..
- الشفا أو الهدا ..
- الخط الدائري ..
- حديقة الملك فهد ..
- وادي الوهط والوهاط ..
- منتزه سيسد بالحلقة ..
- منتزه الحقبان ..
- وعد وأغلط .. ماني قايل الردف ..

أشهد أنه ما هو ضايق صدرك إن كنت مع أهلك ..