الدربيل

[راعي السفاري]

ما هي أحسن أنواع الدرابيل ؟

[السمح]

حياك الله ياراعي السفاري .. من وجهة نظري أنك إذا تبي دربيل لك وللزمن وبارد على العين وتقطع على الشي تمام لا تتعدى واحد من هالثلاثة وهي مرتبة حسب الأفضلية :

1- زايس .
2- لايكا .
3- شوارافسكي .

وعلى أن يكون المقاس 50x7 فهو أفضل مقاس ..

تقبل تحياتي ...

[الخبير]

السلام عليكم
مثل ما قال اخوي السمح الانواع هذي هي احسن الانواع لكن ترى اسعارها غاليه إلا إذا كنت تبي تصبر للحج و تشتري من الروس الي يجون للحج ؟
ودي اشرح شوي على الارقام المكتوبه 7x50
الرقم سبعة هي حجم التقريب يعني ان الدربيل يقرب 7 مرات
الخمسين هي حجم العدسه الي هي في الطرف الثاني من الدربيل .
انا الدربيل الي عندي روسي 16x60 ورجال .

[قروي]

الدربيل اللي عندي ممتاز أمريكي ( شاريه قبل المقاطعة :))




شاريه من هناك (موصي عليه ما رحت :))


وتراه غالي فوق 500 (جايني هدية بس نسى يشيل السعر :))

[راعي كيف]

لاتتعدى الدرابيل الألمانية مهما كانت النوعيه أو السعر فهي الأفضل دائماً

وشكراً لكم جميعً

[البتار]

طيب يا شباب نصيحه لوجه الله

وخاصة اخوي الخبير لا تقربون الدرابيل الروسية أو الدرابيل الرخيصة لأنها تكون سبب لدمار العين الله يستر مثل ما حصل لأحد أقاربي وهو يستعمل الدربيل كثيراً

[opo]

والله كل مادخل على موقع ينصحوني بالألمانية

[سحــاب]

مساء الخير للجميع
انا ارشح نوعين فقــــط للقمــــــــــــه
1 - سواروفسكي النمساوي
2 - زايــز الالمــــاني

وفيه نوع ماهو ردي واعتبره جيد جدا
وهو جلوري الياباني

[الرهدن]

السلام عليكم ورحمة الله وبركاته:

مثل ماقال أخونا السمح00
الزايس : الأفضل على الإطلاق
وخاصة الموديل الأخير لأنه معبأ نيتروجين وهذا مهم جدآ
لأن الموديل السابق ( كلاسيك ) غير معبأ بالنيتروجين 0
وإنتبه ترى الزايس فيه ألماني ألماني وهذا الأصلي (ماهوب تجميع)
وفيه ألماني تجميع هنقاري ( درجة 2)
ولايقربك الروسي ,, لو يقال لك بلاش ,, واسأل اللي جربه
( حار جدآ على العين)

.

[راعي كيف]

السلام عليكم
اقول وش ذي الغبرة هههههههههههههههههههههههه
من وين اطلعت الموضوع اخر رد كان في 20-1-2002


اخوك المحب راعي كيف
ابو ناصر

[الصايد]

تحياتي راعي السفاري.

والاخوه الاعزا وفو وكفو ولا يمنع

من نقل التجربه لكافة الاخوه لتعم الفائده
وبالنسبه للدرابيل هي كالاتي
1-دربيل سوارو فسكي LC 42X10 نايتروجين هو والمقاس الي اكبر منه هم التوب بالنسبه للدرابيل وخاصه للي بيمشي وهو معلقه واجد وذلك لخفة وزنه واسعاره فوق ال6600ريال
2- الايكا وهومن اغلا الدرابيل على الاطلاق ويعيبه ثقل الوزن وينفع لحقين الفروسيه وحقين الصقور لانهم ثابتين في اماكنهم واسعاره اذا ماني واهم فوق ال22000ريال
3-دربيل زايس الماني الماني ممتاز ولاكن يعيبه ثقله قريب من وزن الايكا وسعره في حدود ال5000ريال
4- وهو دربيلي الان قلوريا رقم واحد 40على10 نوع جديد ياباني ياباني نايتروجين وهو خفيف الوزن ولونه جيشي والرؤيه به بالنسبه لي ممتازه وخاصه البط أميزبه غالب الانواع
وسعره فقط1350ريال.
وشكرا على سعت صدوركم وهذ جهد المقل وسلامتكم

[كل القصيد]

على طاري الغبار تحرون راعي الموضوع شرا دربيل ولا لا؟؟؟؟؟؟؟؟؟؟؟؟؟؟؟؟

يسلم الكل على المعلومات المفيدة
ودمتم بود

[الجندلي]

يا مرحبا..... والله انا اختلف مع الاخوان
بالنسبه لي هوايتي هي الدرابيل احبها واحب اي شي له دخل فيها... في امريكا يسمون مجموعة الثلاثه الكبار(سواروفسكي - لايكا- زايس)
طبعا الزايس عندنا الى الان هو الاشهر بسبب شهرته وجودته سابقا ..اما الان فاللايكا والسواروفسكي هي الافضل وتتنافس على المركز الاول ولن تجد الجواب عن ايهما افضل !!بالنسبه لي اما ال اي ال من سواروفسكي او الالترافيد من لايكا طبعا السواروفسكي يعتبر الهدف الارخص في العالم (عن تجربه) اما اللايكا فلازم تجيبه من خارج المملكه لان الوكيل (ثوووور) فيه موديل من السواروفسكي توه جاي 10*32 اللي يبي دربيل توب ووذف لا يفوته...واي شخص عنده من النوعين هذي فانا جاهز للشراااااء

[الجندلي]

تعقيب بسيط بالنسبه للوزن اللايكا الان الاخف وزنا في اكثر الموديلات اما الشكل الخارجي فلا يعلى على السواروفسكي

[الجندلي]

اما الاسعار فهي
السواروفسكي 10x42 $1,899.99

اللايكا 10x42 $1,995.99

[قناص سوريا 1]

الشباب كفو ووفوا بردودهم