شمعات السوبر سفاري الزنون .............. تكفون يا شباب

[عابر سبيل]

السلام عليكم ورحمة الله

مساكم الله بالخير ...... ياشباب

اولا اسأل الله سبحانه وتعالى ان يقيكم من كل شر ومكروه ...... آمين

ثانيا : قدر الله وما شاء فعل ....

نبي فزعتكم يا شباب لا هنتم ...... انا عندي شمعات الزنون حقت السفاري تكسر الزجاج الخارجي حقها فقط ولكن الشمعات سليمه ( القواعد وجهاز الزنون والهيكل ) سليم .....

المهم اني رحت للوكالة وقلت لهم يا جماعه انا عندي كذا وكذا ما ابي الا الزجاج الخارجي فقط .. قالو ما عندنا لك إلا شمعه كامله بـ ( 3200 ) ريال للشمعه الوحده يعني ( 6400 ) ريال للشمعتين :confused: :confused: :confused:

طبعا هالشي ما هوب معقول على شان الزجاج الخارجي فقط ، اشتري شمعه كامله جديده ؟؟؟؟؟؟

سؤالي لكم يا أحباب فيه احد يخبر طريقه ثانيه لحل هالمشكله بدون اللجوء لجشع وطمع هالوكالات اللي همها الكبير هو اللعب بالمستهلك الضعيف وأسأل الله ان لايحرمكم من الأجر ...


أخوكم / عابر سبيل .....

وآسف على الإطاله .......

[قتال]

السلام عليكم ورحمة الله وبركاته ،،،

أخوي عابر سبيل .. حياك الله .. والله يستر عليك ويحميك لأهلك ..

أنا أنصحك بالتشليح .. إنشاء الله تجد المطلوب بأسعار مناسبه ..

[Y&Y_4X4]

طيب يأخوان مافيه اسلوب طيب للترهيم وتوفير هالمبلغ الي ماهوب معقول البته :mad:

[عابر سبيل]

أخوي قتال ...... :heart:


آمين واياك وكل مسلم انشاء الله ....
المشكله وانا اخوك ما بقيت تشليح ولكن مالقيت ....

أخوي / Y&Y_4X4 ... :heart:

المشكله في الزجاج الخارجي .... لو لقيته انتهت المشكله لانه يتم تثبيته على الجرم بسيليكون عايدي لاني قد فكيتها من اول ونظفتها من التراب .. تكرمون .. ورجعت وركبتها بالسيليكون ..

الحقيقه فكرت بحل هو اني احاول اطابق زجاج الشمعات العاديه مع جرم شمعات الزنون .. بحيث اني اشتري الشمعات العادية وافك القزازة حقتها وانطلها والشكوى على الله .... ولكن ما طابقت ..

المشكله يا اخوان ان جهاز الزنون نفسه في الغرابي تلقاه بحوالي ( 1900 ) ريال فقط من دون اللمبه .... ولكن ماتقدر تركبه الا على شمعة السيارة الاصليه سواءا للنيسان او التايوتا ....

شاكر لكم تواصلكم ...

[عابر سبيل]

مدري يا أخوان أنا سمعت ان الشمعات في الامارات بحوالي ( 1000 ) ريال ..... فهل هذا الكلام صحيح


ارجوا من الأخوة اللي عندهم فكره عن الموضوع انهم لا يبخلون علينا بالمعلومه ..

وجزاكم الله كل الخير

[أبو ناصر]

السلام عليكم
أنا رأيي من رأي أخوي قتال إنك تروح للتشليح وتأخذ الوجه الخارجي للشمعة تبي تلقى جيوب مصدومة ومنقلبة .
أو طريقة عشان ماتخسر إلا ريالان هو إنك تشتري لازاق شفاف ينباع في المكتبات ولازق وجه الشمعة تراه مجربة أنا أعرف واحد معه جيب لاندكروزر إنكسرت عنده وجه الشمعة وجاب الزاق ولزقها وصارت يا سلام .
مع تحيات أخوك أبو ناصر
سبحان الله وبحمده سبحان الله العظيم :good:

[Y&Y_4X4]

سلام الله على الجميع

انا اقصد ياخوي ترهيم يعني حاول مثلا لو تروح للقزازين الي تحت كبري دوار الخرج في الصناعية القديمة أسألهم، يمكن يسرلك الله واحد منهم يصير مخه نضيف مع العلم انهم تقريبا فنانين ورسامين وراعين فكر وبعدين عندهم اشكال وانواع القزاز مضغوط مدبل سميك وغيره تكفى رح وأسال وعلمنا وش صار معك انا الحقيقة احب مثل هالحركات الي تذل الي مايخافون الله الي يحتكرون البضائع ويخلون الاسعار على كيفهم وهي فكرة ان مانفعت ماضرت .:rolleyes:

[عابر سبيل]

مع كل تقديري واحترامي للاخوان اللي شاركوا في الردود .....


أنا الحقيقه خربتها بعد محاولات مضنيه لحل مشكلة الشمعات .....


وهو اني قمت بتغيير الواجهة الأمامية كاملة من موديل 98 إلى 2003 ( كامــــل ) ولا ننسى الاصطبات الخلفيه بعد ..... لان اساسا عندي الصدام القديم كان يبي له شوية شغل .... بعد ما حسبت قيمة القطع للـ 98


طلع علي فرق بسيط واقلبه 2003 ...... وهذا هو اللي صار


الغريب في الموضوع ان قطع الـ 2003 ارخص بكثير من الـ 98 ..... ماكلفت الواجهة الأمامية كامله ( من وإلى ) إلا حوالي ( 4500 ) ريال ... الشمعات طبعا عايدي حقت 2003


وطلع الموتر صراحه ما يحتاج مسامير القواعد ومحل التركيب نفس الشي اللهم تغير قاعدة الصدام والأشياء الخارجيه لكن محلات تركيبها في البدي نفسها ..........

وفي اقرب وقت انشاء الله انزل لكم الصوره ( للي مهتم ) ومفكر في الموضوع

والسلالالالالالالالالالالالالالالام

[المرجوج2003]

السلام عليكم ورحمة الله وبركاته ،،،

أخوي عابر سبيل

أنا أنصحك بالتشليح إنشاء الله تجد المطلوب بأسعار مناسبه

ولك خالص تحياتي

[عابر سبيل]

اخوي المرجوج 2003 .... :) :) :)

الله يسلمك على هالرد بس الحمدلله انتهى الموضوع والظاهر انك ما قريت آخر رد لي


وما قصرت على العموم




سلالالالالالالالالالالالام

[Y&Y_4X4]

الله يوفقك ويوفقنا جميعا لما يحبه ويرضاه ,