صديقى معه 130000 ريال ويبغى جيب وش يختار ؟

[شعيب الفويلق]

السلام عليكم ورحمة الله وبركاتة وبعد صديقى محتار يبغى جيب صالون ومحتار بين الاند كروزر Gx-r ووبين السفاري رقم 2 علما ان اسعارهما متقاربه والمبلغ اللى معه بحدود 130000 ريال وسلامتكم

[هويدي]

وعليكم السلام


انا من عشاق التايوتا والنيسان


بس من تالي طاح من عيني التايوتا بسبب غش عبداللطيف جميل

انصحه ياخذ سفاري 2 قير عادي ياباني 100% وخل الصيني يقعد بحلق عبداللطيف

وذا هو متردد ومحتار يجرب الفتك والجي اكس آر يا من حدا ربعه او يستأجر ويستخير والله يدبره على الصالح

[شعيب الفويلق]

مشكور اخوى هويدى بس ليش ياخذ قير عادي ؟

[راع الابل]

عليك بالفي كس ار واسئل مجرب ولا تسئل طبيب ههههههههههه صارح مرض هههههههه خبير خبير وترى فيه فرق بين الجي اكس ار والفي اكس ار من حيث الرساوه في الخط والبر والدليل شف القصايد عن الفي اكس ار وش كثرها


والحبيل يقول ::: يتموج كن في الرجل اعرجه ............صادق

ودراهمك تجيب لك مديل 2004 ودور لون عسلي

تحياتي

[شعيب الفويلق]

مشكور اخوى راع الابل بس صديقى يبغى موتر جديد

[الحر القطامي]

ماله الا التيوتا وهو مغمض
ياخي فلوس خويك تجيب له جي اكس جديد من قطر
واذا مايبي عنده اليحي في الدمام وارد البريمي
ولا يمر جهة النيسان

[anas]

الجكسار ما فيه مثبت سرعة وبيتغير شكله قريبا اما الباترول فيه مثبت سرعة وكنق الصحاري بلا منازع

[شعيب الفويلق]

شكرا على مروركم اخوى الحر القطامي واخوى anas بس تصدقون انه محتار لان كل السيارتين مافيها كلام

[الكوسه]

باترول جديد
ولا جي اكس 2006 وتحت

[عـhddـاشق]

السلام عليكم

أخوي

أنا أنصح خويك يأخذ له هدد جي أكس

بس لاياخذه من عبدالطيف ياخذه من قطر ولا واد البريمي أزين

واذا يبغى جي أكس أر ياخذ

أزينله من النيسان لان النيسان مايمسك سعره ويتفكك بسرعه وخراباته واجد

والتويوتا العكس

وبالتــوفيـــق ....,,

[شعيب الفويلق]

مشكور اخوى الكو899 سه والله يعطيك العافيه

[شعيب الفويلق]

مشكور اخوى عشقي هدد بس يقولون ان الهدد مافيه مثبت سرعه عكس السفاري

[حمد الذكي]

انصحه بجيب باجيرو
2007
الشكل الجديد
الفل 127000
ويبقى لرفيقك 3000

[شعيب الفويلق]

مشكور اخوي حمد الذكى مشكلة صديقى انه ملزم ياتويوتا ولا نيسان والا الصحيح ان الباجيرو موتر ممتاز خاصة يوم تغير الشكل 2007

[مكشاتي غير]

ما عليه الا بالزعيمه ملك التيوتا اللاند

[الربذي]

ومن اللذين يمدحون الفي اكس ار الشاعر المخضرم عبدالله زويبن الحربي يوم يقول


الله على اللي مقدمه تقل مبروم ********شدالوكاله مابديه هشومي
وماجيب عند السمكريين مصدوم ********ولاقيل هو مسيوم ولانسومي
مقوس الصدام وجنوطه كروم *********فكسار منوت كل راعي لزومي
ماقصله لوحات بحروف ورقوم *******الاسند جمرك بدفع الرسومي
وليمشا بالخط والخط مزحوم ********يروج مثل السيل بين العقومي
بالوصف كنه فارس(ن) يمنع القوم ***يرخي العنان ولايعقد الكمومي


اخي الفاضل
hgfd0987 (http://www.mekshat.com/vb/member.php?u=49700) شوري عليه ياخذ فتك الفين وسبعه وكاله ماركب قبله يجب له رقم اثنين شكل روعه اقوى من الفي اكس ار بالعزم يحلفون انه يقوم على الماكسما افا صرنا مراهقين بس اقصد فزته تطربك وجديد ياسلام تخيل جايبه ويفرج اهله عليه والكل يبارك له
اما مستعمل فارى انه قهر يحط 130 الف بسياره مستعمله ماتدري لو ملعوب به لعب لاني اشوف ناس والله ياتسوي بسياراتهم سوايا مايسويهن السكران واتحسر على اللي يبي يشريهن بعدهم بكل انواع السيارات

[الربذي]

ماعليش مكرر

[ابوقاسم]

انا اشور عليك بالسفاري 2007 تراه موتر كنج البر بلا منازع وانحش من اللي يقولك اللاند تراه بس سمعه واذا وقت الجد ما عندك احد وشوفهم في البر على الحزوم وشكثرهم مغرزين ويسحبهم باترول والاختيار لك

[شعيب الفويلق]

مشكورين اخوانى على التواصل

[مـدحـدر]

الجي اكس آر الميزه الوحيده فيه انه شيك

انا كان معي جي اكس آر سعودي 2003 وطلعت فيه للبر والنفود

مشكلته سبيره يحك وقريب للأرض وعزمه لك عليه وصطباته الاماميه تطيح مع المطناج او البطناج

ولاحظت فيه انا القير الاوتومتيك يتحرك وانت بالنفود كل ما قوا التغريز وقزاز باب السواق ينسم يعني صوت الهواء واضح بقوه

ضيق صدري وبعته مع اني فاكه وكاله

والله يوفقك

[شعيب الفويلق]

ملاحظات هامه اخوى ابخص ومشكور على التواصل

[عرقوب]

باجيرو بدون ماتشاور .. الموديل الجديد متطور في الدفع الرباعي لأبعد درجة

وافضل بمراحل من الأند كروزر والباترول

[شعيب الفويلق]

مشكور اخوي عرقوب مشكلة صديقى انه ملزم ياتويوتا ولا نيسان والا الصحيح ان الباجيرو موتر ممتاز خاصة يوم تغير الشكل 2007

[شبح الموت]

سفاري 2 اوتوماتيك

اوعادي اللي يريحه وهالايام السفاري

قاب سعره في المعارض اغلى من التويوتا خاصة الفتك

والله يوفقه ان شاء الله لما يحبه ويرضاه

[عرش السفاري]

غير النيسان لا يدور وهذا بدون تعصب لكن فصلنة هذا الكلام من قبل!!!!!!!!!!!!

[دحيم العبود]

اخوي السفاري 2 يجي قير اتوماتيك وعايدي في نفس الوقت يعني سيارة مدينه وبر وفالك التوفيق

[الغوااااص]

مالك غير الزين ادخل الرابط ومبروك مقدماً
http://www.mekshat.com/pix/upload/images31/mk48626_images.jpg


http://www.mekshat.com/pix/upload/images31/mk48626_imags.jpg

[.أبوعبدالرحمن]

السلام عليكم

اخو الغالي انا من المؤيدين لاخونا عشقي هدد وكلامه عين الصواب


وترا فكرة اخوي حمد الذكي ماهيب شينة والــ3000 يلبس بها المراتب ههههههههههههههههههههههه


ابوقاسم ههههههههههههههههههههههههههههههههههه كلام مايخش العقل ما طلع لاندكروزر هذا طول الله عمرك على الخير والطاعة يمكن سفينة خاشة للرمل والنفود وشفتها من بعيد وتحسب انها لاند ههههههههههههههههههههههههههه


حبيت امزح واعذروني

[anas]

اما بالنسبة للتجربة فأنا استأجرت سفاري موديل 2006 واخي معاه gxr وارد اليحي لأني كنت بأشري سيارة ، وسوينا مقارنة بين السياراتين في العزم ، والتطعيس ، والمطبات والبطناج ، وصوت الهواء وصوت الماكينة في السرعات العالية الى 160كلم/ساعة : صدقوني يا جماعة طلع الباترول يفرق كثير عن اللاندكروزر جكسار حتى اخي بنفسه استغرب وقال لي ازين ما في التايوتا شيك بجيبك بس .
فنصيحة اللي يبي يشري لاندكروزر لا يشري إلا فكسار اما الستة سلندر فأرجح وبقوة ان يشري كنج الصحاري وبدون منازع الباترووووووول

[ابو عاذر]

نصحية من أخو محب خل خويك يشتري Gx خليجي هدد قيمته في حدود 126000 ريال سيارة عملية جداً جدً بر وبلد كد ومد خرابات لاتذكر ( هذا الذي يميز التويوتا عموماً ) واترك عنك النيسان أنا لست من الذين يسبون في النيسان البترول ولكن كان لي معه تجارب كثيرة ولموديلات متنوعة اثبتت عدم تحمله وخراباته الكثيرة ولعل أذكر أهم العيوب الجوهرية التي لا أحد من مالكين البترول ينكرها وهي ( الرجة / التفتفه تعليق الكبليتر او البخاخ طيحة العزم /صرفية البنزين ( أول سنتين حده جديد ممتاز بعدها يوريك الويل في الصرفية )/ التفكك السريع والهربده ) ولو قالوا فيه حلول لهذه المشاكل أقول حلول وقتيه جرنبنها ولا نفعت هذا الذي جعلني أتركه وأستخدم التويوتا لاندكروزر ( قاهر الارض ) الذي أثبت تحمله في الرمل والجبل
والجيب التويوتا أشبه بالرجل الراشد الحكيم الذي لا يخطو خطوة ألا يحسب لها حساب أما البترول فمثله مثل الشاب المراهق الطائش صحيح نشيط لكن ما يدخل له في موضوع الا خرج منه بأصابات .
ولعل الميزة التي في صالح البترول هو الخفة نظراً لنوعية الحديد والمواد الداخلة في بنائه الهيكلي بعكس التويوتا الذي أثقل منه نسبياً ولكنها في صالح التويوتا في قدرة تحمله وصلابته وتكيفه مع جميع التضاريس وخصوصاً الجبلية .
لعل لي اكون منصفاً ان قلت ان مسمى ملك الصحراء الذي اطلق على البترول ليس في محله والصحيح أن ملك الصحراء بلا منازع هو لاندكروزر الشاص .
أما الباجيرو المستوبيشي فسيارة لحد الان غير شعبية نظراً لعدم رغبة الناس فيها قديماً في الثمانينات والتسعينات الميلادية لأشكالها الغير متناسقة الجميلة لا خارجياً ولا داخلياً ولقطع غيارها الغالية جداً مما حداهم للأبتعاد عنها فكون عنها فكرة سيئة في وقتنا هذا فلم تجد قبول الا من الاجانب وبعض الجاليات العربية التي تشتريها نظراً لرخصها بعد الاستعمال والسيارة هذه يبغلها وقت حتى تثبت جدارته بغض النظر عن الامور الدعائية التي تروج لها فالتجربة خير برهان .

مع تحيات اخوكم ابو عاذر والشكر موصول لصاحب الموضوع ولعله يعذرني أن خرجت عن الموضوع قليلاً

[خشم سنار]

أخي الكريم
السلام عليكم ورحمة الله وبركاته
أسعد الله صباحكم بكل خير ومبارك عليكم الخير من المطر وأعاذكم الله شر هذه العواصف.
أخي تجربتي الشخصية كان معي سفاري 2 جديد توماتيك عادي لمدة ستة أشهر والان معي جي أكس أر 2006 جديد هو معي أيضاً من حوالي السبع أشهر وسوف أعطيك تجربتي وعلى خويك بعد الاستشارة أن يستخير ولن يندم.
السفاري أخف نفس وأرسى في البر أكثر من الجي وأسرع قومه وقيادته في المدينه أفضل بكثير من الجي
الجي أوسع من السفاري وخاصة من الخلف وهو الاهم لدى أصحاب البر تقريباً الصرفية أفضل بقليل المقاعد أريح الثلاجة أوسع
بالنسبة لسرعة التخلخل فالجي تخلخل معي أكثر من السفاري مع العلم بأن قيادتي عفله شووووووي
ولو سألتني عن رأي الشخصي وعن السيارة التي سوف أشتريها مستقبلاً لا زانت أموري سأقول لك أنه السفاري وهذا رأي الشخصي وآسف على الإطالة.
أخي أبخص
بالنسبة لمشكلة الاسبير للجي ركب ياي أسترالي 65 بنفس مساعدات السيارة الاصلية ولن يحك الاسبير نهائي إن شاء الله.

[الربذي]

اسمحوا لي ادلي بدلوي عن السفاري واقولكم وبالله التوفيق
ابن عمي معه سفاري ربع فاكه عام 94 موديل 93 هو راعي بر وطلعات بر وليس سفر باعه قبل سنه ماشي عليه 420الف كم
تخيل 420 الف ولاخرب عليه ولاتفكك اللهم انه سواله اصلاح كبريتر لانه يتفتف والمكينه والقير تمام وشكله روعه
والناس هابين فيه هاليومين صحيح ان تويوتا صبوره جدا وليس بعد عام 98 لان بعض الناس قام يشكي منها
ولنا في الددسن نيسان مثل حي على صبر نيسان لكن البعض معميه التشنج على شي اسمه تايوتا لانه من طلع لدنيا وهو يسمع ابوه وعمه يمدحون التايوتا
نعم اقول الى موديل 98 وهي سياره سفينه الصحراء بلا منازع روعه تصدق واحد يقول لي(انا ) ان اخوه معه جيب فاكه موديل 83 وماباعه الا يوم عدا مليون كم تخيل يحلف ان الطبلون صفر وهو ماوضبه بس يحافظ على الزيت لاشك تويوتا سياره لم ارا اصبر منها قط قط وبعدها نيسان والباجيرو بينهن اذا ماتقدم عليهن بقله الاعطال لانه قليل اعطال بل اقل اعطال وفاز بالمركز الاول عام 99 لقله السيارات اعطال باستبيان شمل 180الف شخص حول العالم وبصراحه جاء بالمركز الثاني هوندا

[شعيب الفويلق]

مشكورين اخواني على تواصلكم معي وماقصرتم فى هذة المعلومات المفيدة

[* Storm *]

Gx-r والله العضيم يخدمك واللي عندي
2004 تماتيك من نزل ماخرب ماشاءالله ومايطلع صوته ولله الحمد

[شعيب الفويلق]

شكرا اخوي مراقب السحاب على تواصلك

[سبيع الغلباء]

باترول
فتك ياخذ جديد
ازين لوه
بل تايوتا بلا نيله

[شعيب الفويلق]

مشكور اخوى سبيع الغلباء بس ليش ما ياخذ جيب التويوتا وش فيه ؟

[عبدالرحمن]

التويوتا - النيسان

الهلال - النصر

كلها عمالقه و كلها ما يتنازل عنها جمهورها

ولكن ابحث عن من تغير من اللاند للباترول
او من باترول للاند

اي صاحب تجربه طويله مع الاثنين كلهم و في الموديلات الجديده
لأن القديمه معروفه كلها بالكد و الجديده مصنوعه عشان تخرب ( إستهلاكيه )

[شعيب الفويلق]

مشكور اخوي عبدالرحمن على تواصلك

[باترول للأبد]

أسمع كلامي وخلة ياخذ سفاري 2 2007 كامل المواصفات سيدي وتخشيبة وثلاجة ومثبت سرعة وطولات خلفية وغير تروبينك وجنوط 17 وغطا للكفر الخلفي ولحية أمامية والكثير من المواصفات .. ويكفي قوتة ورزتة وهيبتة .. وصراحة اللي يقولك يتفكك كذاب .. عند الشباب أكثر من 10 باترولات ولا واحد يشتكي منهم والحمدلله والرأي لكم

[شعيب الفويلق]

مشكور اخوي باترول للابد على هذة المعلومات عن السفاري

[شعيب الفويلق]

اشكر جميع الاعضاء الذين تفاعلوا مع الموضوع وبالنسبة لصديقي اختار وشراء سفاري 2 موديل 2007 بعد ما قراء جميع الردود من الاعضاء

[ابو ريان .]

يالحبيب ما يبغالها تفكير النيسان وبس ، مع العلم ان دبله أحسن بكثير ، بحيث انه تروس ماهوب عكوس وأزارير ، صح القديم من تايوتا إلى موديل 97 هذا مافيه كلام ، وادخل موقع نيسان وشف ، وان عزمت على تايوتا فانحش من جميل ، وعليك بالبازعي تراه موجود عندنا في السعودية ، والله يعين .

[غالي]

انا ابختلف مع الاخوان
معليش اسمحولي
ان صار خويك ذكي يسوي الي انا ابقوله
اول شيء واقفه على عائلته او انه عزوبي
على كل:
من رايي
يشتري جيب ب40-45 الف تقريبا مستعمل نظيف يا باترول السلقه او تويوتا ربع او شاص ويخليها للأمطار وللبر
وباقي الدراهم يشتري له موتر جديد صغير للديره والخطوط كانه راعيها
مثلا كابريس الجديد (رغم انه صغروه وانا ماعجبني ذاك الاعجاب) لكن الناس اذواق
او يشتري له كراون فكتوريا لو نظيف ومستعمل ويبقى معه دراهم .......... جايز هالسيارتين ماتكلفه ولا 80 الى 90 الف ريال ويستفيد من الدراهم الباقيه يابقطعة ارض في ديرته او شيء (لو يخلي الباقي مهر له كانه ماتزوج) :)
هذا رايي والاختلاف وارد بين البشر
والله اعلم ... السلام عليكم

[الفهد 3407]

مساك الله بلخير اخويه عليك وعلى اليكن 2007 وا لله سيارات والعلم عند الله والله يوفق في الزين:good:

[باترول للأبد]

مبروك يعطيك من خيرة ويكفية من شرة وصراحة عرف يختار

[شعيب الفويلق]

الله يبارك فيك اخوي باترول للابد واشكر جميع من تواصل معي في هذا الموضوع

[شعيب الفويلق]

اشكر جميع من تواصل معي في هذا الموضوع

[رجال أشاوس]

كانك تبغى شوري خله يأخذ شـــــــــــــــــــــــــــــــــــــــــــاص وشكراً....................

[شعيب الفويلق]

خلاص اخوى رجال اشاوس الرجال شراء جيب باترول سفاري رقم 2 الله يباركله فيه ومشكور اخوي على تواصلك مع الموضوع

[دحيم العبود]

الحقيقه انه شرا موتر
قيرين في واحد
مثبت سرعه
تحكم صوتي في المقود
متعة القياده والخفه والعزم
الله يطعمه من خيره ويكفيه شره

[شعيب الفويلق]

مشكور اخوي دالق على تواصلك مع الموضوع و الله يطعمه من خيره ويكفيه شره

[abufahad2008]

مع اني من عشاق الباترول بس انصحه

بـــالانــــد GX وارد قطر

وبالتوفيق للجميع

[المرجوج]

مبروك " الله يطعمه خيره ويكفيه شره "

[بيت طين]

يجيب له vxr 2005 ابرك له من الجكس الهايلكس المغطيه ويسمونه جيب اخذ 8 سلندر لا يضحكون عليك الفكس اللي يطربك ممشاه مع الخط وفزته الي بغيت تطرد وانتبه نصيحة اخو لا تاخذ اي موتر 6 سلندر اخذ 8 سوا تويوتا او فتك فل نيسان.والله يطعمك من خيره ويكفيك شره.

[القويعي]

مبرووك


الله يطعمه خيره وكفيه شره

[شعيب الفويلق]

مشكورين اخواني علي تفاعلكم مع الموضوع والله يعطيكم العافيه

[ابوسفرجل]

اشكر الاخوان على مشاركاتهم وردهم لكن الحقيقه اني عندي سؤال ؟ وش تقصدون بالصييني عند عبداللطيف جميل ووش يغش فيه يعني الاند كروزر مصنوع في الصين والنيسان في اليابان ؟ ارجو الاجابه

[بيت طين]

السلام عليكم اخوى ابو سفرجل كثيرمن قطع الاند كروزر اللي يجيبه او يورده عبداللطيف جميل صيني او تايواني ولو تفتش القطع اللي تحت الصدامات وبعض الوصل تلقاها تايوان حتى المسجل يطلب الموتر من غير مسجل ويحطله سونى او باناسونيك صيني والكفرات ستوك خربان من يوكوهاما تستعملها 3 شهور وتغيرها والاكيد ان الشايب يوم كان حي كانت طلبية عبداللطيف جميل علي اسمه جميله الين مات وجو العيال الله يهديهم وجابوا مستشارين من مصر العربيه وهم اللي يديرون العمل مثل مستشفيات مغربي للعيون وامثله كثيره وشكرا

[المميـز]

عرف يختار والله

مبرووووووووووووووووووووووووووووووووك والله يطعمه من خيره ويكفيه شره

[fadhil]

انا ابختلف مع الاخوان
معليش اسمحولي
ان صار خويك ذكي يسوي الي انا ابقوله
اول شيء واقفه على عائلته او انه عزوبي
على كل:
من رايي
يشتري جيب ب40-45 الف تقريبا مستعمل نظيف يا باترول السلقه او تويوتا ربع او شاص ويخليها للأمطار وللبر
وباقي الدراهم يشتري له موتر جديد صغير للديره والخطوط كانه راعيها
مثلا كابريس الجديد (رغم انه صغروه وانا ماعجبني ذاك الاعجاب) لكن الناس اذواق
او يشتري له كراون فكتوريا لو نظيف ومستعمل ويبقى معه دراهم .......... جايز هالسيارتين ماتكلفه ولا 80 الى 90 الف ريال ويستفيد من الدراهم الباقيه يابقطعة ارض في ديرته او شيء (لو يخلي الباقي مهر له كانه ماتزوج) :)
هذا رايي والاختلاف وارد بين البشر
والله اعلم ... السلام عليكم

تصرف سليم..جدا.

[شعيب الفويلق]

مشكور اخوي المميز والله يطعمه من خيره ويكفية شره