((_ زيد بن سلامة الخوير _ ))

[ريف النشاما]

http://www.mekshat.com/pix/upload/images31/mk8178_xxxxxxssssss.jpg
>>.. نسبه :ـ هو زيد بن سلامة الخوير الحميضي الناصري التميمي ...


من آل خوير من الحماضا من قبيلة النواصر من ذريه عباد بن الحُصين من بني الحارث الحبط بن عمرو بن تميم

ذكر عبدالله الحاتم في خيار مايلتقط من شعر النبط انه توفي عام 1280هـ
له العديد من القصائد وهو من كرماء المشهورين
وسارت له قصيدة في القهوة مسير المثل
وقيل :إن احداً لم ينظم مثلها في موضوعها واستثنى البعض قصيدة محمد العبدالله القاضي التميمي الشاعر المشهور التي تكاد توازيها.
وبلغ من شهرة قصيدة القهوة للخوير ان طبق صيتها أرجاء الجزيرة العربيه.
بادية والحاضرة وتناقلها الرواة في بوادي الشام والعراق ولا تكاد تخلو مجالس الشعر في تلك البوادي في ليالي السمر من ترديد مقاطع منها او عزف بعض ابياتها على الربابه .


وزيد بن سلامة الناصري هو من اهل قفار ومن رموز الكرماء المشهورين وهو معاصر لبن عمه دخيل الخوير الناصري امير قفار وآل خوير هم أمراء قفار إلى الأن وسابقاً هي لآل عيادة من النواصر
""

[قلب حائل]

""
قصيدة جلعود بن لافي الشمري في زيد الخوير:



وزيد الخوير إلى الآن باقيه= مقصورته تلفح عليها النود
وداره لمن زاره تزف البشاره= وفيها دلال ما ارمدن بسمود
راعي قفار اللي حريص بواجبه= وفي كل درب بالوفاء محمود


وقال فيه الشيخ عبدالله بن صقيه التميمي :


واهل قفار موجبه كل جيعان= بغبر السنين يقدرونك لياجيت




وقال يذكر زيد بن خوير و ناصر بن لحيدان الناصري :



زيد الخوير وناصر بن لحيدان= يفرح بهم من ضافهم بالاواقيت
يلقى اللقيمي فوقه اذناب خرفان= ودلال ونجور رفاع الاصاويت





وقال في قهوة زيد الخوير:






لقم ببغداية كن عنقها = عنق المهاة المستحسه براميها
وعده للي مركيات دلاله= مثل الخوير اللي بالميات يشريها




وله قصيدة في القوة تشابه قصيده القاضي التميمي في القهوة في نفس الوزن والقافيه مطلعها:




با العزا ياديب قم دن الأوراق= قرطاس شامي صافي تقل غرنوق
وادنوا دواة الحبر وادنو لنا ساق= عود اليراع بشذرة الموس مذلوق
ياديب عدل لي احروفه بالأطراق=مازال قفل القلب ياديب مفهوق
وأكتب من الامثال ياديب مالاق=قبل من اكنان الصناديق منسوق




وله في الغزل قصيدتان وهذه إحداها وقد نضمها في الحجاز اذكرمنها:



ياراكبين اكوار هجن عرامس = هجن براه السير بري اليراعي
هن من المسرا دقاق كوانس= من كثر ما يرعن بقفر المراعي
لاشم اثرهن بالخلا الذيب يانس=عود وطنب بالعوا ثم اراعي
هجن يشادن للمحال الامارس=أيقن ولو هو تبعهن كان ضاعي






وله اخرى يقول فيها :







لو اعلا من علله يابن حماد= تهلي وترحيب وانا اصغى بذاتي
لو ابعيني لو تمنيت مافاد= لو تنكس الدنيا على الضيم كاني
ماهي من اللي قوطرن يم فهاد= ولا علق شركه بغير الزماني
ولاهي من اللي حطت المسك وازباد=بالجيب عن ريح الصنق والصناني
ريحه طفل كافورة عند كداد=لاشققت يمه ليال الصخاني




وهذه قصيدته المشهوره في القهوة تبين مدى العناية بإعداد القهوة ومن أن لسكبها فناً خاصاً نجده يتمثل أصدق التمثيل في قصيدة القهوة للخوير التميمي ، الذي يقول بعد أن يشير إلى شاعريته وتمكنه من نظم القوافي وبعد ان يتباهى بكرمه وان بابه مفتوح أبداً وناره لاتخبو عن دلاله يقول: إن قهوته صافيه وإن من يقوم بإعدادها مؤهل ذو كفائه لهذا العمل بداءاً من وضع الدلة الشامية على الجمر وإلى حرصه على تقليب حبات البن التي هي الكيف عنده إلى ان تصفر وتحمر وكأنها الذهب ثم طريقه سكبها من دلة أخرى خلاف الأولى حتى تكون صافيه تماماً لاتنتقد،حتى مرحله تذوقها التي هي فن آخر يعرفه المؤهلون لشربها من أبطال الرجال وممن هم في قمة من المروءة والكرم ، يشترون القهوة ولو غلا الثمن لايرجون وراء إقتنائها مكسباً أو تجارة ويجلبون ما يلزم لها من الهيل الذي يجلب من الهند.

ويقول زيد بن سلامة الناصري :





قال الذي يبدع على كل قافي = من ضامرٍ ياتن رْيامٍ مواليف
بمنومسٍ لقم على بكر صافي =عليه من شغل ابن سكران توليف
خلّه ليا ماتونس النذل غافي =وقرب دلالٍ مثل بطٍّ مهاديف
بدلال ماعنهن سنا النار طافي =بوجار من لادونهن بابهم جيف
مبرهجٍ تسفا عليه السوافي =من خلْقته ماطق في ركزة السيف
واحمس ولقّم بالعجل يالسنافي = بشاميةٍ طرّف لها الجمر تطريف
حماسها قرمٍ من الغوش شافي =دايم يقلبها حريصٍ على الكيف
وزلَّه وصَفَّه عن سريب المصافي =من خوفة أحدٍ قال بالكيف ياحيف
كِنَّه ليا منه غشاه الرّعافي =نثر الذّهب من فوق لوح المشانيف
وبهارها من يمّة الهند لافي =في مركبٍ يقداه زجر العواصيف
وان كان تزمل من طيورٍ هوافي =بيضٍ فسدّ أفواهها باشقر الليف
فنجالها لاشف بين الأشافي =لاكن يجذب من شفا شاربه شيف
يبرالها من مير فِجّ الخوافي =بكايرٍ تِرْمَهْ سهيلٍ ليا شيف
صبه لمن يثني خلاف المقافي =يوم الفرنج يقذِّف الملح تقذيف
ونفَّل بها اللي للمروات وافي =مادوَّر التَّجْرات به والمصاريف
اللي لياغليت شراها جزافي =مارطّله عند الدلاليل بنصيـف
ياسامعٍ مني علومٍ تشافي = خذها من اللي نافلٍ كل عرِّيف
دنياك لو ضحكت تراها بخافي =يبرم دواليب الشِّقا والتكاليف
إنهب منه من قبل مالعمر يافي =صيٌّور ماتقفي ركابك مواجيف
صيُّور عمرك ناهجٍ للذلافي = سمر الليالي تكمله بالتتاليف
صيُّور مايمسي لظى الجمر طافي = دنيا تفرق كل ربعٍ مواليف
وليا حصل عزٍّ مع الكيف كافي = ماني على الدنيا كثير التحاسيف





وسلامتكم

[ريف النشاما]

"

قصيدة الخوير بصوت الراوية الشرهان (http://www.5ymah.net/rm/QHOOOAH.ra)

تحميل (http://www.5ymah.net/rm/QHOOOAH.ra)


""