((_حمد المخلفي _))

[ريف النشاما]

(_بسم الله الرحمن الرحيم_)
http://www.mekshat.com/pix/upload/images31/mk8178_xxxxxxssssss.jpg


الشاعر/ حمد بن محمد المخلفي - (_الجسار_)
http://www.mekshat.com/pix/upload/images30/mk8178_hmad-al-mhamad3.jpg
""
شاعر ترعرع في ربوع الصحراء حيث صقلت موهبته الفذه والكامنة والتي زادها قوة كونه من عائلة شعرية ... فكانت قصائدة ذات حروف مميزة وجودة متزنه في المبنى والمعنى
وشاعرنا - خريج جامعة الملك سعود بالرياض ويعمل حاليا في سلك التعليم التربوي وله العديد من الأنشطة الثقافية
والرحلات المتعدده
""

"""""""""""""""""
""""""""""

[ريف النشاما]

"""
تل قلبي تل قير السبرماني = سايقه عاشق وشاف اللي كونه
شاف شوقه شاف وضاح الثماني = قدم جول من العذارى يتبعنه
ناظرت له نظرة فيها حناني = ثم صدت والعذارى حقرنه
قال ليه الزين عدى مادعاني = وارتفع ضغطه وثور فيه جنه
وش سبايب صدة سهيل اليماني = من يجيب العلم والأخبار عنه
قال مابه غير خشم الأحمراني = طير جو والقطا ماعانقنه
جمسي اللي لا نخيته ماعصاني = يوم بعض الناس صنع العذر فنه
دق سلفه وانتهض مثل الحصاني = ماسمع في دقته قعه وحنه
عشق الأول وثالث دون ثاني =وارتفع صوته وهوباته شكنه
يوم داس البنص واقلع في ثواني = والتواير للمزفلت حفرنه
وصله للي تواصيفه حساني = شوقه اللي وصفها بالقرب جنه
قال ليه تصد ياشمعة زماني = مادريت ان الجفا ياصعب كنه
قالت شوقك ياحمد ماهو باناني = وحبكم بالعين جاراتي قرنه
خايفه عليك من حسد الغواني = وانتبه قلبك يغير بي مظنه
أنت شوقي وأنت حبي والأماني = وأنت بس اللي عيوني ناظرنه

@@@@

""

[ريف النشاما]

http://www.mekshat.com/pix/upload/images8/mk8178_dwannnn-mkkkk000.jpg
((( ديباج )))
ياماحلا في ساعة الضيق مسهاج= في سهلة مافيه حي وطاها
من الورود منقشه تقل ديباج =تجلى عن النفس العليله عناها
ما حددت بحفوت ورسوم وسياج =وراع الغنم من خلقته ما رعاها
ممطورة بالوسم من غيث ثجاج =مشى الشغايا والخباري ملاها
ارض خلا من دون ضجه ولا ازعاج= الا ام سالم شاديه في غناها
تلقى الحباري تجتول فرد وافواج= وراع الولع كل المشاغل نساها
تقضي نهارك داخل الروض دواج = بين الخزامى اللي تفوح بشذاها
تكز وضحا لونها بارق العاج =حتى ولا برغش بوقته قناها
والشمس لا هفت وسارت بالادراج =شبيت نار تصتلي من سناها
تحت النجوم بدون لمبات وسراج =وقلطت صفرا معتني في سواها
كيف الرجال اللي يحلون بالتاج =قياصرة نجد وحامين ماها
متخلص من كل حاسد وهراج = اللي لحوم الناس باثمه كلاها
حلو الكلام وقلبه اسود من الصاج =وليا بدت لك حاجة ماقضاها
هذا هوى قلبي وكيفي ومااحتاج= ومناي جعل النفس تاصل مناها

""

[ريف النشاما]

http://www.mekshat.com/pix/upload/images8/mk8178_dwannnn-mkkkk000.jpg

بديت باللي رافع سبع من فوق = رب كريم للمخاليق رزاق
رب غفور سامع كل مخلوق = مهما يكون بكل ردهه بالافاق
ومن بعدها بديت في نظم طاروق= تعبير عما جال في وسط الاعماق
ياراكب اللي لا مشى يسعد الموق= جيب جديد للمطاريش تواق
ساده بياضه زاهي تقل غرنوق = يلمع كما لمعة جديدات الاطباق
مابه خطوط ولا ضرب وسطه الطوق = ولا حط به زينات مع كل الاشناق
حده على ضرب المتاهات معشوق = درب الوعر عشقه ولنفد شقاق
لو تعترض دربه متاهات وعروق = واصل عسى دربه تساهيل واوفاق
فوقه غلام للمطاريش شبروق = يوصل اليا اوصيته سلام لمشتاق
يابن نهير والله القلب محروق= من عقبكم كل البلد والفضا ضاق
حيثك من اهل الطيب والعرف والذوق = ولكسب المعالي خابرك دوم سباق
يعذر لمن يشره ليا غاب له شوق = ياكيف منهو للمناعير عشاق
وانا هواي البر ومعافر النوق = لا الفن ثمانين كما العاج في ساق
في ديرة ما طبها كل مطفوق = واشب ناري بالفضا عقب الاشراق
واقلط الدله بها البن مدقوق = منزهه ما حافها كل دقاق
مبهره هيل وصبه على السوق =مع حلوة لونه كما لون الأشفاق
مع ربعة وافين عرافة حقوق = متسلسلين الطيب من يم الاعراق
يوفون من يوفي على الطاق مطبوق = لافعال فتخان المناعير شفاق
عن طيب الافعال ما عاقهم عوق = لو يجلس المهموم في وسطهم راق
هذا مناي وكل مطرود ملحوق = وياسعد من يظفر بزينات الاخلاق
وصلاة ربي عد من طب بالسوق = على محمد كل مادق خفاق



""

[ريف النشاما]

((الموارد))


يا هاتفي جريت بالصوت موال = قاف ن بنيته والموارد رويه
لا ني بمتغزل بمن لبست الشال = أم الخدود الناعمات النديه
اللي إليا مرت مع البيض تختال = غريافة فازت بطله بهيه
ولا ني بطالب حاجة من هل المال = ولا أبغى أتوسط بالنفوس الرديه
الحمد لله حالتي بأطيب الحال = مبسوط وأدي واجب الله عليه
أسج لا من ضاق صدري مع سهال = اطرد بكاري ذيك وأرد ذيه
أصيح لنياقي وأهوبل تهوبال = وليا زعجت الصوت جني سرية
أشوش كني بالوغى وصف خيال = سمع الصياح ولا حسب للمنية
شهم شجاع معرب الجد والخال = مجناه من روس الهضاب العلية
تنخاه بنت تنهمه بين الأزوال = تعرف فعوله ليبسن الشفيه
وسل املح ما يشبعه غير الأبطال = ولعيونها لوح بظهر العبيه
وقبل شعاع الشمس ينذر بمرسال = في عبلة خضراء ودار خليه
أشب ناري وأقدح البن بدلال = واضبط على كيفي هوى الشاذليه
بنيت قافي مدح في طيب الفال = الشاعر اللي مسند القاف ليه
حييت يالي شوفته تشرح البال= وتنبت سهال القلب لو هي سنية
وافي ودايم للمراقيب نزال = مراقب الطولات لوهي نحيه
لك في رياض القلب يالقرم مدهال = ولك منزل عالي ولك مقدرية
والوقت مهما شان والبعد لو طال = مايقطع حبال الوصال القوية
وترى الرجال ألوان وأطوال وإشكال = لكن معادنهم علينا خفيه
ماكل من حط الشنب صار رجال = ولا كل تاجر يستطيع العطية
ولا كل من حط المغاتير جمال = ولا كل حي سد بغياب حيه
دنيا تخلي صاحب العقل يهتال = متقلبه مابين صبح وعشيه
فيها ارتفع رقم المؤشر للأنذال = وفيها انخفض طبع الشرف والحميه
فيها انقلاب وميل في كل الأحوال = ولا عاد به راعي ولا به رعيه
راع الرديه صار مضرب للأمثال = كل يبي قربه ويصبح خويه
وراع العلوم الطيبة زيح للجال = بلية ياكبرها من بلية
وختامها مني تحيات وإجلال = وصلاة لمحمد رسول البرية

""

[ريف النشاما]

((سجن المحبة ))


يا إدريس شب النار وأرك الدلالي = لين الدلال بكيفهن يسكرني
ثم صب فنجال ترى الرأس خالي= ظن الهجوس اللافيه يذهبني
كنت احسبني من عنا الوقت سالي = يالين شفت اللي خذا العقل مني
غرو حباه الله بملح وجمالي = وعليه نجلن بالهوى صوبني
زوله كما عود يجيبه ميالي = وليل غشى متونه نجومه سرني
وزود على حسنه زهى بالدلالي= طبايع به ياعرب يذهلني
الشر جنبه خير والمر حالي = ماغيره بسجنه بسجن المحبه سجني
جاني خياله يوم نومي هنالي=طيوف خلي بالمنام هجدني
ونويت أبسال من تناسى وصالي= دامه قبالي والمشاعر رجني
وفزيت مثل اللي به الجال مالي= والشوق في وسط الضلوع امتحني
أثره لفاني بالمنام بخيالي= خل خذنه سود الأيام عني
و إلا مكانه بالمعاليق عالي = ومن صدته حدب الضلوع اقنبني
راح وتركني في زماني لحالي = لا والله إلا خيب اليوم ضني

""

[ريف النشاما]

@@@@@

يا عام ودعناك و أقفيت يا عام = والله ما نذرف عليك العباير
عام النكد والبرد وإعدام صدام = عام المصايب كلها والخساير
با يامك الأولى تتالن الأحلام =بملك المزارع والدبش والعماير
جتنا المرابح والفوايد والأنعام = فضل من الله ماعلينا ذواير
وبسوق الأسهم صرت تاجر وهمام = ولأخبارها الزينه نسوق البشاير
وفكرت اسويلي محلات بالشام = ولكل البلاد أروح سايح وزائر
ونويت لي فله ولكزس وخدام = ونويت اجمع ناقضات الظفاير
ونويت أحط الجيب والطير غنام = ونويت لي مهره وذود العشاير
ونسيت ما وصيت من وصل الأرحام = وبعض الذنوب أشوف ماهي كبائر
وكتبت بعض أسماء الخلايق بمرسام = أوقول ماني للمساكسن ساير
لكن تفاجأنا بدورات الأيام= دارن علينا فيك كل الدواير
قمت اكتب الأرقام وامسح للأرقام = وعجزت أبين خافيات السراير
ياليتني حطيتها بصفقة أغنام = أشوفها لاجيت وسط الحضاير
ياثروة كونتها كلها أوهام = ياسلعة بارت على سوق باير
يارسمة ماخطها كف رسام = متخلبطه مافاد فيها بصاير
لكن نقول إنه مقادير وأقسام = رزق من الله ما تفيد الحساير
وياعامنا المقبل عسى الحظ مانام = تقبل بخير عكس ماكان صاير

""

[ريف النشاما]

@@@@


يابو عايض يارفيقي على طول السهول = صاحب ما أبغى بديله ولا لا وألف لا
ذاخرك في وقت يظهر مكامين الزحول = للمواقيف الصعيبه تنادي ياهلا
وش كلامك في علوم بعالمنا تجول = حيرتنا بين فهم البراءة والولا
القضية شايكة والبلا مامن حلول = والظلام اللي تغشى عليها ما أنجلا
كل يوم تزود والعاقل أصبح في ذهول = وسقفها يالله دخيلك تعلى واعتلى
والجمال اليوم عجزن على نقل الحمول = الحمول ثقال وشيالة الحمل جهلا
درهم المقهور والذود في ساق الرحول = طبعت يادافع الضر في طبع البلا
تتبع الغادي وتمشي على درب ميول =ساليه لكن راع الركايب ماسلا
في طريق ألا نهايه وتجميد العقول = مثل من ضيع طريقة وهو بأرض خلا
قصة العشاق للي برجيلها حجول = تبهر العاشق بنظره ومافيها حلا
ياعجوز ذا هب عمرها شمطا جهول = تسحر قلوب دخلها من الذل دخلا
من تبعها ماعرف مطلعه قبل الدخول = ضاع في دوامة العالم اللي ماخلا
قبل ترميه بشبكها لها طرف خجول = تنهصر له غناجه ويحسبها غلا
لين تكتف يدينه وتطربها الطبول = والزمان اللي صفاله تمظحل وأمحلا
قام يتغدى زبادي ويفطر حق فول = ونوب يمسي عليه الليل جايع ما كلا
ذي نهاية عاشق الظلم نجمه للأفول = تمتلي عينه ظليمه وقلبه ماجلا

@@@@@

[ريف النشاما]

لاجتك زلة من رفيق توده = رفيقك اللي ماتعدد مزاياه
رفيقك اللي تقصده وقت شده = وتنحل لامن شفت طلة محياه
بينك وبينه خوة مستجده = متجول في قلبك أدناه وأقصاه
حبل الوصل بينك وبينه يمده = يمك يسوقه قلب وتشيله خطاه
نفسه يطمنها ولو فيه حده = لجل الرفيق يكب شي تمناه
مايتركك في سهلة مجرهده = طيب وهذا طيب ساس ومجناه
صقر ينومس بالقنص من يهده = وافي شبور وطيبات نواياه
احذر خطاه لغير نفسك تعده = وأحذر يجي غيره ويجلس بمركاه
ادمح له الزلة وحذرا تضده = ودور على عذر يعذره وتلقاه
لاتشيل نفسك والجبل لاتهده = وأحذر تكون اللي نقل داه برداه
باب الجفا لافك عجل بسده = وابليس لا أبلس بالقطاعه تحداه
أوصل رفيقك عاتبه في موده = وبين له اللي حس بك من خطاياه
وأحذر مجالس راكبين الأشده = أشدة الغيبة رجال المحاباه
أهل النكد وأهل الوجيه المصده = قوم على نقل السوالف مضراه
رجالهم دايم معشي ببده = عزاه ياللي غير الدرب عزاه
ماينفعه طيب مسويه جده = لاصار خايب مايسوي سواياه
والقاف الأول يارفيقي نرده = رفيقك الطيب من الصعب تجفاه
لاجتك زله من رفيق توده = أحذر تنكر له وبالشر تجزاه


""

[ريف النشاما]

ياعاذلين القلب في سجاته = يم الرجوم اللي سلى راقيها

خلوه يسلى عن زمان غابر =وقت نوايا الغدر مايبديها

يا ماتجاهلنا علوم جتنا = هاذي نبررها وذي نرفيها

وحده نقول العذرفيهايمشي = غلطة رفيق والخطا غاشيها

والثانيه لو هي كبر طميه =واجب نسامح لو قصد راميها

واجب رفيقي دامني رافقته =خطيته لا جاتني ما اجزيها

الله حسيبه والوفا من طبعي = خصله وابوي العود مسقينيها

الله يغفر زلته ويبيحه =وعساه بالجنه منعم فيها

قد قالي دنياك لا تامنها =لابد مايرتج ماء صافيها

دنياكفى الله شرها ماتصفي=متشابه سراقها لحاميها

فيها حوادث تبهر المتصفح =تبين لو كان الدهر يخفيها

ياسامع قولي طلبتك حاجه =فهم القصيده دامني باديها

دقق بمعناها ووش ترمز له =هدية من خاطري مهديها

دنياك حاذرها لاتعمي شوفك =ترى حياتك موتها قافيها

احذر يغرك مالك المتزايد =وتظن خلق الله سلع تشريها

الناس مختلفه سلوم ومعدن =لكن نفس الرجل مايدنيها

الكبر لو صابك تراه اهانه =تنذل وحقوق العرب تهفيها

صفه ذميمه قول والا معنى =تقلب حياتك فوقها واطيها

تبقى لحالك والهموم تلوفك=وتشك بأية سالفه توحيها

تظنها يمك تحاك ولاجلك =لو كان جلباب النقا كاسيها

دايم تصدق هرجة في ربعك = غاوي ونفسك بالغوى مغويها

ربعك عضودك باحتماي الموقف = وترى الرجال عدودها ترويها

لا تنخدع في كلمة المتزلف = خبيث نفس وبالقفا مشقيها

يفرح ليا شافك بليا ربعه =مبسوط فاز وغايته قاضيها

وده تعيش بذل بين العالم =ما هو صديق وذلتك ناويها

واختامها ياسامعين الجابه =صلوا على اللي دعوته معليها

محمد المختار خير الصفوه =عدالحصى سبحان من يحصيها

[ريف النشاما]

http://www.mekshat.com/pix/upload/images8/mk8178_dwannnn-mkkkk000.jpg