(( _ محمد بن هزاع البليهي _)) [الأرشيف]

ريف النشاما

30/05/2005, 02:35 PM

http://www.mekshat.com/pix/upload/images8/mk8178_bbbb11.jpg
الشاعر الكبير

((محمد بن هزاع البليهي))

شاعر مشهور من كبار الشعراء

لا يسعنا في مثل هذه الخيمة جهله , لذا رأيت أن أجمع ما أستطيع جمعه من شعره

فعندي مجموعة لا بأس بها في أوراق متناثرة ، سوف أقوم - بإذن الله - بطباعتها

ولَمِّ شتاتها وجمع ما تفرق منها ومن ثم وضعها في مكان واحد يسهل الرجوع إليها

عند الحاجة...

أبدأ بترجمة مختصرة له ، ثم اقدم باكورة هذا العمل بذكر بعض قصائده .

ولد الشاعر محمد بن هزاع بن عبد العزيز البليهي بالشماسية عام 1358هـ،

وهو من شعراء الشماسيةالمشهورين، له قصائد رائعة في جميع أغراض الشعر

مثل الرثاء والهجاء والمدح والغزل والوصف.

وقــد ذاع شعــــره على الألسنة لمـــــــــا فيه مـــن الحكم والتـجـــارب الصادقـــــة

مـــع قــدرة عــجـــيــبـــة عــــلـى الـتـــعــبـيـر ، وقــد استمد حكمه مــــن تجاربـــه ،

وبعد نظره ، وعمق فكرته .

وقد عركته الحياة فحلب الدهر أشطره وشرق وغرب في الأرض ذات الطول والعرض

في طلب الرزق فاكتسب خبرة في الناس وعرف طبائع النفوس البشرية ، تخرج من

مدرسة الحياة الشاقة ونال شهادتها المشرفة بجدارة ، وما زال على قيد الحياة ويتمتع

بصحة جيدة - نسأل الله أن يطيل عمره على عمل صالح - ولي فيه معرفة يسيرة وسوف

أذكر لُمعا من أخباره في حينها ...

كما أنني سوف أجمع ما أستطيع جمعه من شعر هذا الشاعر المغمور، والذي آن الأوان

لإنصافه، وبيان مكانته بين الشعراء المعاصرين.

كما أنني أدعو كل من اطلع على هذا الموضوع من إخواني الأعضاء أو الزائرين ويمكنه

أن يضيف شيئا عن الشاعر ألا يبخل علينا وأن يشارك ولو بالقليل .

قال هذه القصيدة التي يبين فيها فضل جماعته:

لي لابة بين النفود وجبلها= يا عل تسقيهم حقوق المخاييل

مدلهين النفس لا جا زعلها= ما مثلهم ربعي ارجال بها الجيل

مالوم عيني لوبكت فقد اهلها= تبكي هل المعروف ذباحة الحيل

والله ما نلقى ارجال بدلها= لا شك نفسي اتزولي تزاويل

ومن عقبهم نفسي لحقها زملها= أمشي ودايم كني في دجا الليل

احمولهم ما كلْ رجل حملها= مثل الجمال اللي تراكى على الشيل

رحنا وضعنا بالدير مع هملها= نمشي وكنا من احساب المهابيل

وله بمناسبة مرور مئة عام على استرداد الرياض هذه القصيدة:

أجيب بيت تذبه كل سماعه= واكتب ابيوت القصيدة ثم أوزعها

عبد العزيز الملك يابعد مرماعه= عقبان نجد اخضعت له يوم طوعها

راحت طقايق جموع القوم في ساعه= يوم اعتزى واتوى بالسيف روعها

أولاد وايل على اللقوات بتاعه= كم دولة فرقوها عن طمايعها

كم فارس لالتقى به كثرت أوجاعة= والقوم لا شافته تذهل قلايعها

ياما تعشى شجاع يفتل أشنابه= خلا شيوخ العرب تسمع سمايعها

يقلط على سربة للموت قطاعه= لما تعاهد وتخضع له نزايعها

من قو باسه وبعد الفكر واسناعه= خلى القبايل توالف لين جمعها

ما يبلع المخطيه لوجوه مناعه= لما اتلقي علابيها خوارعها

هو موحد الدين للإسلام والطاعه= شيخ مشت قوته تدفع دوافعها

العزشربه وحاش العز بذراعه= ونفسه عن الهازله بالطيب رافعها

يشهد له الابرق اللي سايل قاعه= دم حمر والرمك واست مرافقها

هو مشبع الحايم اللي حدر اسباعه=وشهب الضواري تعشت عن جوايعها

أهل الكرم :

ذكرت ربعي يوم جربن الأجناب=أهل الوفى وأهل السخا والشهامة

ربعي هل المدا إلى غلق الباب=الضيف يلقى حشمته والكرامة

أخطيت مير اليوم مذنب وتواب=عذر البليهي بصمته في إبهامه

نرجي السموحة من عريبين الأنساب=غلطت والغلطان شاف الندامة

من عقبكم طقيت باب ورا باب=واثر النوافذ مغلقات الجامة

اليوم ما لي عن هكا الحي مجناب=مخطي وتلحقني علوم الملامة

يا عزوتي نور القمر عقبكم غاب=ولا تتركون العود يبلع هيامه

ما دام جسمي رافض ٍ كل الأطباب=أموت في جو ٍ شربنا ريامه

يا مل قلب ٍ بالحشا يلعب إلعاب=كسّر ضلوعي لوجته وابترامه

لا لاج يقدح مقرن الصدر باحراب=لوج المبرمج لا تطلق لحامه

إلى اجتمع مع مسرب البيب وانساب=هز القواعد وانفجر بانقسامه

لا تتركونن بين ما يج وجذاب=وصلتكم والعود هزلت اعظامه

ننصى الرجال اللي يسوقون الأرقاب=والاجنبي ما سرني ببتسامه

لا بد ما نعرض على حق واحساب=والقبر نذكر وحشته مع ظلامه

نمشي على نجم الجدي ما بالانشاب=ابْحِرْوَة اللي يقهرون الجهامة

الناس صاروا ضدي أقسام واحزاب=والحوت ما نبت الشعر في سنامه

فقدت ربعي كل شيء له أسباب=والراس يجزي يوم تخلف منامه

كني قريص حس في قضع الأنياب=يا دق نيبانه ويا كبر هامه !!

وطاه باليسرى على راس مرقاب=أسود وراسه كبر راس النعامة

الموت قرب والحشى فيه نتاب=والروح بيدين العزيز السلامة

الفقر في بيتي

يا بو فهد يا شوق مدقوق الالعاس=الفقر في بيتي غدا تقل عريس

وغديت أنا والفقر حبر بقرطاس=وحظي كسيف ولابسٍ له هراديس

ويقطعك يا حظ خبيث بالاجناس=دايم يلمسني على الرزق تلميس

ماله بعايد حروته عاير الساس=ولاله دروبٍ مع بعيد المراميس

وعز الله إني بالرجا طاوٍ الياس=والرزق من دونه يبطن دبابيس

واسهر على نجرٍ ودله ومحماس=ما بهرت بالملعقة بالمقاييس

ويرزقني اللي محصيٍ خلق الانفاس=ورزقه على خلقه كثير بلا قيس

واسواريٍ من صنع شرابة الكاس=الكيفران اللي تحط الكبابيس

لا قيٍ بها في حزة الضيق نوماس=ووقدبها وإن ترسوا بالمتاريس

وافزع لنا يا صاحي الفكر والراس=وحلال صعبات الامور اللواليس

نبي سلوك الحال :

يا حظ ما تجزع ولا بك نهارة=ما تفتكر يا شين باحظوظ الاجواد

ما بيك تكسب لي ولا ابي تجارة=نبي سلوك الحال ما نبغي أزواد

وللفقر صرت مراسليّ الوزارة=حطك وكيل تكشح الرزق رصاد

وصلت أنا واياك حتى الامارة=الناس في راحة وانا طحت بجهاد

ومالي الا أجلبك واقلع دياره=مالي الا ألفيك لديار الاكراد

واشرط على الشاري ثمانين شارة=وجوّده باصكوك وارسوم واسناد

أخاف لا بعته وطفيت ناره=واجر عليك امشوهٍ يحفي الانشاد

ينكّسك يمي ياردي العبارة=وانا معيفٍ منك يوم اقلعك غاد

ومن سبتك ذقت الغثا والمرارة=ولا كن في صدري مصدر ووراد

بغيت منك الربح واثرك خسارة=نعالجك بالستر والستر ما فاد

واثرك خنوٍ ضاريٍ بالنكارة=ويزرى عليك من العرب كل نقاد