الفزعة ...يا أهل الخبرة (وارد اليحيى)

[أمجد]

السلام عليكم ورحمة الله وبركاته
بعد أخذ وعطاء وشيل وحط وضرب وخبط
قررت أن أشتري جيب جي اكس ار (اليحيى) رقم 2 والله يكتب اللي فيه خير
بس حبيت أسأل
لما سعرت النوع (البريمي) حصلته ب 167,500 ريال
ووارد اليحيى حصلته ب157000 ريال
طبعا تلاحظون فارق السعر الكبير بين السيارتين 10500 ريال
وش سالفة الفرق؟؟
ليه اليحيى أرخص؟؟
هل هو ياباني شد بلد؟؟
أيهم أفضل؟؟
هل تشيرون علي بوارد اليحيى؟؟
سمعت فيه فرق بالدبل لكن ما ادري وش السالفة
أرجو من اللي يبخصون بها الأمور التكرم بإجابة شافية عاااااجلة
وآسف على كثر الأسئلة لأني خابر فيه نشامى يفرح لما تطلب مشورته
الله يعطيكم العافية ويسلمكم

[بواسامه]

امجد
صدقني
خذ من اليحيا وكبر الوساده
كلها في الهواء سواء
وفي سوقنا ماتفرق معهم ان جيت تبيع هو بريمي ولا فطيمي ولا يحيا
لانها مثل بعض
خذ من اليحيا ورح افتح له ملف في البازعي ولا عند الوكالة
ووفر 10000للبنزين خمس سنين قدام
وفقك الله
وجعله اردى ماتملك

[أمجد]

امجد
صدقني
خذ من اليحيا وكبر الوساده
كلها في الهواء سواء
وفي سوقنا ماتفرق معهم ان جيت تبيع هو بريمي ولا فطيمي ولا يحيا
لانها مثل بعض
خذ من اليحيا ورح افتح له ملف في البازعي ولا عند الوكالة
ووفر 10000للبنزين خمس سنين قدام
وفقك الله
وجعله اردى ماتملك




الله يعطيك 1000 عافية
لكن كيف أفتح له ملف؟؟
وليه أفتح الملف؟؟
إذا كان للضمان فكم مدة الضمان؟؟

[ابو نجود]

خذه ولا تشاور وانا اخوك..
ابو نجود

[أمجد]

يعطيكم العافيةوما زلت محتاجا للآراء النيرة

[الخادم]

اخوي الله يكتب مافية خير
لكن مشكلة اليحي مافية ضمان من تدفع الفلوس ينتهي الضمان

[راعي ساموده]

السلام عليكم ورحمة الله ...

أخوي امجد انا معي سياره من اليحيى ودخلته على الوكاله ضمان بدون اي تكلفه اضافيه زيها زي اي سيارة تويوتا ( اشتر وانت مغمض )

بس ماتركب صراحه ( أمجد + هدد ) ههههههههه امزحمعك اخوي بس اصبر شوي باقي على الموديل والشكل الجديد ثمان شهور ان شاء الله

[مورد القيفان]

يقول القايل الرخص مخيس بس انا اقول خذ الرخيص وش لك بالخساير

[سيف463]

البازعي عنده قبل ثلاث اسابيع gxr 2 2006 ب 148 الف فتحة ولحية بدون هزاز وبدون شاشة