رايكم ومشورتكم وخبرتكم جزاكم الله خير

[عاشق سفاري]

السلام عليكم ورحمة الله وبركاته
الموضوع الي بنتكلم فيه قدطرح اكثرمن مره وهو اعزكم الله الكفارات ولكن هذا غير وهو عن
كفرات ماكسس والمولقبه باابو جمل المشكل التي لاحضت عليها وهي ان احد الاخوان ركبوها في
1-جيب سفاري موديل 2006وترج معه علي 80 ؛100؛رجه قويه وعمل ترصيص والا فاد ودبل الترصيص وبرضو ما نفع ورجع ركب شد بلده
2-جيب هدد موديل 2006فول كامل ومركب نفس الكفرات ومغير الجنوط الي جنوط هدد وترج معه علي 80؛100بعدها تروح الرجه
واحد مجرب يقول ركب لستك وتخف الرجه @طبعن الكفرات تيوبلس
انا ودي اركبها بس وش انسوي في الرجه الي تسويها
وهل تفيد في جميع الصحاري بي شكل عام ورايكم في الرجه الي تسويها هذي الكفارات وشكرا لكم

[القويعي]

والله ماعندي خبره فالأمور

هذي انا دخلت موضوعك

قلت مالها اطلع من دون

ما أرد



وشكرا...

[عاشق سفاري]

بيض الله وجهك ماقفصرت طالتك تكفي والبركه فل خوان الباقين والا هوب قصورفيك اخي العزيز

[ابو ناصر2020]

انا مركب بالون يكوهاما لستك ترج خفيف ورحت ورصصتهن عند محلات الطيار وصارت من احسن مايكون وبعده غيرت الساتك
وركبت لستك الي ابرتوه حديد علشان الي ابرتوه عاديه خربت وحده علطول بعد مالمسته قشعه وغيرت الساتك كلهن ومن بعده صار
الموتر يرج من 80 : 100 ورصصت ومانفع وخليته على ماهو عليه صرت معد امشي 80: 100 :D .

[Abu.Saif]

السلام عليكم

عزيزي عاشق سفاري

انا ودي طال عمرك اوضح وجهة نظر وبعدها انت بيدك القرار

يا خوي كفرات البالون والله ثم والله مافي اجمل منها على السياره ولا في كفرات تعطي السياره منظر و نصبه مثلها ولا يبي لها شهاده لكن

هذي الكفرات مخصصه فقط للاستخدام على الرمله وفكرتها انها مصنوعه من النايلون ونقشتها طوليه بهدف تصريف بسيط للعوالق وتثبيت بسيط على الرمله وما فيها نقشه عرضيه وهي اساس الثبات على الطريق طبعا ماخوذه من خف البعير ناعم وفارش على القاع وكلما زاد الثقل يفرش وتزيد المساحه الملامسه للارض ويتزع الضغط وعمق النقشه قليل ما يمسك الرمل

لهذا تلقى انها حد السرعه فيها 120 كلم وهذا الحد المسموح فيه على الزفلت والمفترض انها ما تستخدم على الزفلت الا للضروره والطريق جاف تماما

العلم يا خوي اني شفت من الحوادث ما يشيب الراس وكلها بسبب استخدام كفرات البالون على الزفلت والاسباب:
1.الكفرات تكون مستخدمه في الغالب على الزفلت وفي اجواء حاره جدا فتستهلك وتكون معرفه للانفجار
2.الكفرات استخدمت في البر ولكن مع طرق النفود يمرون بحجره وهذي مصايب البالون
3.الكفرات مخصصه للرمله وتسوقها على الزفلت وقت المطر او حتى في الصيف تمر على بقايا التريلات وزيوتها والكفر ما هو مصمم لتصريف العالق من الشحم والزيوت
4.الكفرات من هذا لنوع معروفه بضعف بطن الكفر (الجانب) وهذا ادنى ضربه لرصيف او حجره يخلي الكفر قنبله موقوته

وغيرها من الاسباب يمكن انت ادرى فيها وغيري من الاعضاء المجربين

المهم والله اننا نبغى لاخواننا السلامه والواحد لا يقدم المظهر على سلامته او من باب العجز ما يبغى ينسم وينفخ يروح يشري البالون وهو ساكن وسط الديره البالون لا صرت بهجره وسط النفود ما عليك خلاف

عندك الميشلان والدنلوب كفرات طيبه وخذا الحجم الكبير منه ولا بغيت النفود نسم واشر لك منفاخ و اعقلها وتوكل وتذكر
((ولا تلقوا بإيديكم إلى التهلكه))

وآسف جدا جدا على الاطاله


اخوك ابو سيف

http://www.mekshat.com/pix/upload/images31/mk48242_picture1.jpg

[عاشق سفاري]

اشكرك اخوي ابو يوسف علي المعلومات الطيبه وجعلها في موزين حسناتك

[عاشق سفاري]

ابوناصر بيض الله وجهك وماقصرت

[باترول98]

السلام عليكم ورحمة الله وبركاتة
اخوي عاشق سفاري انا كانت عندي نفس مشكلتك وهي رجه قويه عند سرعة 80 او100 ودخت مثلك ادور الحل وماخليت ورشه مارحت لها ولا محل ترصيص ووزن اذرعه مارحت له .
ويوم سئلت واحد من اهل الخبره في السيارات قال عنك مساعد الدركسون يبغاله تغيير ويوم غيرته اختفت الرجة .

[باترول98]

نوع السيارة باترول 98