3 أسألة سريعة ونبي الأجوبة بسررررررررررعة تكفون ... [الأرشيف]

طخيمان

14/04/2007, 10:37 PM

يا شباب بكل اختصار وسرعة

عندي جيب لاندكروزر 95 وابي أسوي هالأشياء

1- اركب يايات استرالية ومحتار بين اللي تشيل 200كج واللي تشيل 300 كج وهل فيه فرق بينهم في الراحة مع العلم ان مافيه فرق في الارتفاع كلها 4 سم

2- ودي اربط الموتر وابي ورشة في الرياض شغلها زين ومهيب غاليه

3- عندي نور السيارة يقول اخوي انه اضعف من قبل وانا مالاحظت هالشيء (هل فيه محل يقدر يشوفلي اذا كانت شغالة مظبوط أو تحتاج تغيير )

ولكم جزيل الشكر

ابو عاذر

14/04/2007, 11:55 PM

اخوي ابو الطواري تحية طيبة بعد :-
اليايات 200 و300 ليس بينهم فرق من ناحية الراحة والشور عليك ان تاخذ يايات 300 افضلك من ناحية الوزن أذا ليس بينهم فرق في الارتفاع حيث ان الواحد ياخذ معه عفش كثير من غير الراكبين معه وكلما كان وزن الياي كبير كان أفضل في تحمل الاحمال هذا بخصوص الياي
اما بخصوص التربيط عندك ورشة بن مرضاح ( مركز السفريات ) ووصف موقعه الصناعية القديمة ( الدائري الشرقي / مخرج 17 / ـاخذ يمين متجه غرب بعد ثاني أشارة ألي بعد نفق سكة القطار تأخذ يسارمتجه جنوب ألين يجيك شارع كبير ( تقاطع حرف X ) تأخذ يسارمتجه شرق الورشة على يدك اليمين بعد 200 متر بالمارية يوجد علم أخضر أعلى الهنقر من الامام ) أما وصف ورشة النويصر فبعد ما توصل لشارع الكبير تقاطع X تأخذ يمين متجه غرب مع أول شارع تأخذ يمين متجه شمال ثم تأخذ يسار مع أول شارع متجه غرب الورشة على يدك اليمين بعد 100 متر بالمارية بجانبها مسجد .

وقيمة التربيط للجيوب عادة في المتوسط 1000 ريال من غير قطع الغيار

وأذا بغيت الجد أخوي أحسن ورش تربيط على أوصوله مع ضمان الشغل 100% فموجودون بدولة قطر مثل ورشة الانصاري وهم أرخص من عندنا بكثير أي تربيط الجيب في حدود 600 ريال ( هذا أن بغيت تربط سيارتك صح )

أما بخصوص النور عليك بتنظيف زجاج النور الامامي عند أحد مراكز تلميع السيارات (( الزجاج النور الامامي مأثر عليه الشمس والتراب ويحتاج إلى تلميع )) وشيك على الشمعات أذا كان غير جيدة فغيرها وسوف يطلع النور مثل مكان جديد

مع تحيات أخوك ابو عاذر