نويت أشتري باترول ،،،،،،،،،،،،، ولكن ؟؟؟؟؟؟؟؟؟؟؟ [الأرشيف]

مشاهدة النسخة كاملة : نويت أشتري باترول ،،،،،،،،،،،،، ولكن ؟؟؟؟؟؟؟؟؟؟؟

ابو عاذر

15/04/2007, 09:53 PM

ياشباب وش أقول لقد قلبتوا عندي الموازين أخوكم عنده جيب هدد ولقد كثر الكلام حول الباترول أنه أفضل من أول ولا أخفيكم علم لي تجارب مع الباترول لسيارات متعددة ومن موديلات مختلفة وكلها فاشلة وأنتم تعرفون خرابات الباترول ولآ احتاج أن أذكرها فلقد بهذلتني والله ما أرتحت لين شريت الهدد فنعم السيارة هي ،،،،،،،،،،،، لقد أغريتوني بالباترول من جديد من خلال مدحكم له وأنه تغيرواصبح أحسن من اول والحين ناوي أشتري( نفسي أجرب ) ومريت على المعارض وقد وجدت التالي
1- سفاري 1 2007 بـــ 118000 ألف ريال
2- Gl باترول ديزل مكييفين وثلاجة 2006 بـــ 98000 ألف ريال
وكلها أصفار
وش تنصحون فيه من هاتين السيارتين ولا أبقى على سيارتي الحالية الهدد فلا أريد أن أكرر نفس التجربة السابقة مع الباترول لآنه سد نفسي فيه فأليكم الشور (( لا خاب من أستخار ولا ندم من أستشار ))

مع تحيات اخوكم ابو عاذر

مزاجي

15/04/2007, 10:30 PM

اهلين اخوي ابو عاذر

السفاري 1 اللي لقيته قير عادي ولا تماتيك

تمساح

15/04/2007, 10:34 PM

السلام عليكم اخوي ابوعاذر انا من عشاق النياسين وللعلم والعلم مايخفاك انت وربع ان مامعي موتر وقاعد وصابر لي في حدود الخمس لي الست اسنين ومع خبرتي البسيطه في دخولي لي المنتديات ومعرفتي وخلفيتي عن هذا الشي او عن هذا الموضوع الا اني اقولك خلك على الهدداطيبلك وحسنلك لي ان التويوتا ما سكن سعره ولين صرت بحاجه لي الدراهم لينك ماتقول والله موتري مايجييب السعر الي في بالي نعم وتويوتا عز ونيسان فخر لاكن ان كنت ناوي على النيسان فلاتاخذ الاالسوبر سفاري4800 اما السفاري و الباترول فما انصحك بها ونت لك حرية الاختيار وشي هذا راجعلك ولا تحتار ون احترت فستخر ربك وعليك بشور عقلك وشف عاد انت

وتفبل مروري وأطالتي عليك بالرد وتقبلو خالص تحياتي من اخوكم التمساح وشكراً

ثعل البرد

15/04/2007, 10:39 PM

انتبه ... احذر ... انتبه ... احذر

:no2: :no2: :no2: :no2: :no2: :no2: :no2:

تستبدل الهدد بباترول

خلك على الهدد وطع شوري وأنا أخوك

ابن بدران

15/04/2007, 10:44 PM

ما دام معك الهدد وأنا اخوك ومتبارك لا مشاكل ولا شي
وش لك بالتغيير ووجع الراس ؟؟؟!!!

تميراااااااوي

15/04/2007, 11:10 PM

لالالالالالالالا تغير
لاأحد يسمعك الله يهديك
أحد يستبدل التايوتا ولا الهدد بالنيسان

برق شقراء

15/04/2007, 11:12 PM

أخوي
"تمساح"
تقول أنصحك بالسوبر سفاري 4800 أما السفاري فلا انصحك به
أخوي ترى السفاري 4800 لا وقير عادي يعني أحسن في البر وفيه مكيف ورى وثلاجة
يعني ينقص عن السور التخشيبة وجهاز الهرارة والبوصلة والمراتب
...................
أخوي صاحب الموضوع أنا أقولك والله الباترول السفاري معي قير عادي والله إنه موتر وفيه نشاط غير طبيعي -الله لا يضره-

راعي الهـــدد

15/04/2007, 11:18 PM

أخوي الغالي والعزيز ابو عاذر

لي رد سابق على أحد الأخوة يطلب المشورة في النيسان

وها انا اطرحه لك هنا بكل تواضع واحترام

اليك الرد مقتبس من موضوع سابق

وفيه رد آخر ايضاً مقتبس من موضوع آخر

فالدعوى مقتبس في مقتبس

والله يكفينا شر جريدة القبس هههه

وأي خدمة ابشر ياغالي

اليك الرد

أخوي الغالي

نصيحة محب

انا جربت الكثير من المواتر المخصصة للبر حتى الهدد شريت فيه وبعت وآخر شي هدد 2006 تويوتا

وللأسف ماصلح شي منها

وشريت آخر شي الربع باترول 2006 ووالله انه موتر وينغزى به

ولاشفت اخف نفس منه في النفود ولاشفت اقوى منه في الجبل

ولاشفت اطرب منه في الخط

ولا شفت ازين مركب منه في البلد طبعا اقصد الجيوب عدا اللكزس فهو اصلاً ماهوب موتر بر

ولاشفت اقصد منه في البنزين

حتى البنزين انا عن تجربتي ارآه اقتصادي اقصد 2006 وهذي تجربتي واشتر ولاتشاور

والله يوفقك ياربي

وترى ممكن الي غرز به مايعرف يسوق خلقه او دفش في السواقة

اقول اليك بعض الصور من طلعات في البر لي سابقة ومواضيعها موجودة هنا في مكشات

اليك الصور واي خدمة ابشر بالي تبيه يمناك الي ماتعصاك

http://www.mekshat.com/pix/upload/images27/mk33838_1111111111111111.jpg

وهذي بتعجبك

http://www.mekshat.com/pix/upload/images30/mk33838_63e.jpg

ولو ركبت تانكي ماء صار شي خيال

http://www.mekshat.com/pix/upload/images30/mk33838_37e.jpg

شف هالرزة

http://www.mekshat.com/pix/upload/images30/mk33838_62e.jpg

واووووووووووك مابه كلام

http://www.mekshat.com/pix/upload/images29/mk33838_5d.jpg

هذا اقتباس لي من رد سابق لعله يفيدك ياغالي

اقتباس:
المشاركة الأصلية بواسطة راعي الهـــدد

اذا عندك عائله واولاد وليس عندك غير الجيب الربع باترول

فلا انصحك لأنك بتنشب باولادك

أما اذا عندك موتر رديف له يحمل اولادك او اولادك واحد

فأقول لك

اشتر ولاتشاور والله انه موتر ماهو هين

ويطربك طرب في البر والجبل وقوي ومتين ومريح في الخط وخفيف بالنفود

ومناسب جداً جداً لصاحب المقناص

توكل على الله وخذه وانصحك تآخذ 2006 بيكون طايح عليك فيه كثير

واعطيك نصيحة واحد حايس السوق حوس حوس

افظل من تشتري منه وهو يعتبر اقل سعر في السوق

معرض نجد وهو موزع معتمد للحمراني

سعرهم اقل مافي السوق

والله يوفقك ياربي ويدلك ويهديك للصواب وللرأي الحسن

وللمعلوميه

أنا كنت ممن يسب الباترول وممكن بعض الأخوه هنا في المنتدى يتذكر كلامي عن الباترول وذمي له

لأنني كنت اسمع عنه ولم املكه اللهم فتره محدوده لاتعتبر شيء

وبعد أن جربت الموتر وملكته وقنصت عليه ومشيت عليه بر وديره

فوالله أني مالقيت افظل واجود واريح وارسى وأخف من الباترول الربع

وظع تحت اخف الف الف خط

انا لي تجربه متعبه جداً مع السيارات وارهقتني مادياً

فملكت عدة سيارات

GX الهدد 2006 جديد

الددسن دفرنسين 2003 أخو الجديد

الهايلكس غماره 2001 على وقته

الددسن غماره 2002 جديد

الشاص 99 شبه جديد

الفكس آر 95 شبه جديد

الشاص 94

الهايلكس غمارتين 91 اخو الجديد

الاند روفر شاص 91 مخزن

الجمس دفرنسين قير عادي 91

ونسيت والله الكثير الكثير مما جربت

أخوي والله كلها جربتها وملكتها وجلست معي فتره ليست هينه وفي الأخير اقرر بيعها واستبدالها بنوع آخر لعل وعسى يكون مناسب

وفي الأخير

وآخر ما اشتريت الجيب الربع بترول 2006

ويعلم الله انه موتر ولم املك افظل منه والى الآن لم ارى منه الا كل علم طيب

وتوني جاي من أطراف الرمله من شرق الأسبوع الماضي والله أطربني طرب ماقد اطربنيه موتر من الي ذكرت لك أعلاه

هذا ملخص تجربتي مع المواتر وتجربتي والله متعبه ومنهكه مادياً وخذ نتائج أخ تعب وفي الأخير ارتاح لموتر اسمه

الربع الباترول

اذا عزمت وشريت ارسل لي رساله بالخاص اقول لك عن بعض التجهيزات الي تخليه لك شي خيال وعملاق غير ماهو عملاق اصلاً

هذي نصيحتي اهديها لك محبة وتقديراً لشخصكم الكريم

أخوك ابو حمد

_________________

تــــــــوقــــــــيـــع

وراء كــل أســلامي مــتـــشـــدد .... مـــجـــرمـيـن يـذكـون نار الــفتــنـة ويوقـدونها

فلعن الله موقدها ومذكيها

باترول للأبد

15/04/2007, 11:57 PM

أسمعي كلامي وخذ لك سفاري 1 وفك عمرك .. صراحة موتر حلو وقوي ورزة وكل الزين فية .. وبالنسبة للخرابات أخذة وأرتاح لاتفكر في شي .. وصراحة منت بخسران أذا أستبدلت الهدد بالباترول

ع.ف.الدرويش

16/04/2007, 12:12 AM

1- سفاري 1 2007 بـــ 118000 ألف ريال

ابو عاذر..:)
توكل على الله وخذ السفاري..
وبصراحة انا ما جربت الديزل وارجو اني ما اكون مبالغ بكلامي لكن الديزل علة نيسان وتويوتا وكل موتر ديزل عذاب فابعد عنه..
:cool:
والله يكتب لنا وإياك الخير..

أخوك.. أبو فهـد..

الاعتدال

16/04/2007, 12:15 AM

عليك بالاستخارة

ولا تتبع اهواء الاخرين

سيارتك وانت من سيقودها فقط

ويدفع قيمتها بلا شك

ونصيحة أهم شي القناعة

والله يكتب لك وللمسلمين الخير

أخوك الاعتدال

أبو_خالد

16/04/2007, 12:27 AM

نفس الكلام بالنسبة لي ..

ما ادري أشري هدد والا باترول

لأني ما جربتهن كلهن!!

لكن المدح كله للباترول في مقابل الـ جي اكس ار

.... ما زال التفكير جاري.

دحيم العبود

16/04/2007, 01:30 AM

اخي الغالي من خلال تجربتي الشخصيه يتميز السفاري بمايلي
السفاري حتى الان ياتي دفرنسين ( الاند خلفي فقط )
اريح من الاند
اخف في البر
انشط في العزم
ياتي قير تماتيك وعايدي في نفس الوقت
مثبت سرعه في سفاري 2
انوار الزنون في السوبر للعالي والواطي

انا كنت مثلك محتار وذهبت لوكيل تويوتا اليحيى وقيمت السيارات من كل النواحي واخيرا استقريت على السوبر سفاري
كل من يسب السفاري لم يجربه ولو جربه لبدل رايه وبدل سيارته
من قال ان السفاري يتفكك : ( لي قريب لديه سفاري 99 ماشي 308 الاف وركبت معه ولم اسمع في السياره اصوات )
وتقبل تحياتي

عرقوب

16/04/2007, 01:57 AM

إذا شريت سفاري بتلعن ساعة الهدد .. وسألني موتر بر وبس

راعي الهـــدد

16/04/2007, 02:00 AM

الهــدد أخذ سمعة

وظجة اعلامية هائلة

ووالله لقد جربت ولايستحق كلام فيه

وقديماً قالو

العربة الفارغة اكثر ضجيجاً

فافهم يالبيب

ضاري خان

16/04/2007, 09:34 AM

الهــدد أخذ سمعة

وظجة اعلامية هائلة

ووالله لقد جربت ولايستحق كلام فيه

وقديماً قالو

العربة الفارغة اكثر ضجيجاً

فافهم يالبيب

اخي راعي الهدد

ياليت تغير اسمك من راعي الهدد بما ان الهدد مو عاجبك

ضاري خان

16/04/2007, 10:14 AM

اخوي ابوعاذر

السعيد من اتعظ بغيره

الباترول مجرب ومعرف عيوبه و مميزاته

بعض العيوب
1- ارتفاع اسعار قطع الغيار
2- يتفكك ويهرقل
3- رجه
4- دخول الغبار داخل السياره
5- ضيق المساحه الداخليه و متعب بالسفر البعيد
6- صرفيه عاليه نسبه لحجم السياره
7- هبوط سعره عند البيع
8- هبوط عزم السياره بعد استعمالها

بعض المميزات
1- خفيف
2- قير تب ترونيك

اخوي ابحث في المنتدى وقارن بنفسك اي اكثر مشاكل الهدد اوالباترول من مشاركات الاعضاء لسياراتهم الشخصيه
وشوف ايهم يداوم اكثر بالصناعيه او ايهم يريد حلا لعله سيارته وياشينها اذا مالقيت حل

وللاسف فيه ناس تمدح بضاعتها وتطيرها فوق السحاب وتزهد بما تملك وهذا نوع من انواع الغش

اخوي اسف على الاطاله

وتقبل تحياتي

باترول للأبد

16/04/2007, 10:19 AM

باللنسبة للي يقول الباترول يتفكك .... أقولة ماعندة سالفة عند الشباب فوق 10 باترولات ولاواحد فيهم يخترب الأ خراب بسيط ولايتفككون كلهم جامدين ماشاء الله عليهم .. هذي نيسان مركب العز والأمان ... توكل على الله بس وبتشوف الفرق

راعي الرصاصي

16/04/2007, 10:36 AM

باترول للأبد

16/04/2007, 10:50 AM

http://www.nissan-arabia.com/vb/uploaded/13142_1176709403.jpg

http://www.nissan-arabia.com/vb/uploaded/13142_1176709343.jpg

بيالة

16/04/2007, 11:05 AM

ظبي

16/04/2007, 02:16 PM

السلام عليكم وبعد: أخوي أبو عاذر أنا أنصحك بانك قبل لاتشري اي موتر أول شي تستخير ثانيا تستاجر سفاري من محلات الايجار وتجربه وأنا انصك من واقع تجربه انك تاخذ سفاري 2006رقم 1 4800 أنا ماشي معي مظبوط و الحمد لله لأكن ما أنصحك بلون البني ترا بتندم اذا كنت راعي مكاشيت الله يعينك على المخوش بس عيبه واحد وهو طبعا في كل السفاريات الي هو قرقعة الباب الخلفي والله يوفقك وطبعا الي معي قير عادي:d

العنابي 616

16/04/2007, 03:07 PM

انا ما جربت الباترول ولكن كثير ما اشوف ناس يشتكون من الخرابات

وانا انصحك خلك على الهدد وابعد عن وجع الراس

أبونواف42

16/04/2007, 04:12 PM

السلام عليكم ورحمة الله وبركاته أخوي ما أزيد على ردود أخواني المكاشيت وانا اوايد كلام أخوي ظبي انك تستأجر جيب باترول وأطلع به للبر وشف يمكن يجوز لك يمكن لا وبعدين ممكن اخوي انك مليت من سواقة الجيب وحبيت تغيره بجديد فأنا بعد ملول من السياره كان معي يوكون وبعته مليت من سواقته وان شاء الله نواي السوبر سفاري بس خوفي امل منه لكن عندي حل ثاني وهو انك تشتري سياره صغيره للبلد وتخليها مع الجيب . وفي النهاية لالا تنسى الأستخاره والله يكتب الخير ويوفقك. أخوك ابو نواف

شخاط

16/04/2007, 04:43 PM

انا اييد الاخوه الي قالوا استاجر 500 ريال طقها مرض

وجرب بنفسك ولاتنسى صلاه الاستخاره

الحر القطامي

16/04/2007, 05:00 PM

يالربع الموضوع مايبغاله نقاش من قديم وذا الشي معروف الحرب بين السفاري واللاند كروزر
وانا اقول ياراعي الهدد وش حادك تستبدل ذا الشيخ اللي عندك بسفاري اسمحلي اقولك انك غلطان بمجر التفكير في ذا الشي
مااقولك السفاري مب موتر لاوالله موتر يتميز بخفته وقوة المكينه فقط ..
لكن لاجيت في الرساوه والرزه والنصبه مايحتااج مالك غير الهدد قاهر الصحراء
ونصيحتي خللك على الهدد اللي عندك وطع الشور وأنت ورايك كيفك هذا مجرد راي من أخوك
وتقبل تحياتي وشكراا...

مطحن

16/04/2007, 05:02 PM

السلام عليكم ورحمة الله وبركاته

نصيحة لوجه الله لاتدور غير الهدد واترك عنك الالنيسان وخراباته والكهربا التعبانة خللك مع التيوتا ملك الصحراء بلامنازع وسيارة البدو المفضلة معها تنسا الورشة والسطحة واترك عنك الصندقة اذا مشيت عليه تسمع قرقعة في كل مكان وانا مستخدم اللاندكروزر 95-99-2005 وحياتك مابعدها موتر

يا جماعه تكفون احد يقول لي اني فهمت غلط،،، لا حول ولا قوة الا بالله.... كنت اتوقع هالالفاظ بالافلام بس.

اخوكم عبدالرحمن

فتى التويم

16/04/2007, 05:56 PM

اقول وانا اخوك ان كانك تبي لك موتر فأنا من رأيي انك تاخذلك الباترول

ان كانك تبيه للبر فهو يشفيك وان كانك تبيه للديره فهو وجه ووجاه

والمهم فيه سعره مقارنه باللاند كروزر يعني ارخص بواجد

ولا تنسى تستخير وتجرب الموتر من محلات الاجار

اكرفه وامسك به خط وشف صرفيته وشف راحة مركبه

ان جاز لك فتوكل على الله

وهذا اللي عندي وان شاء الله ان الاخوان مهوب مقصرين معك بيعطونك الراي الزين

ابو عاذر

16/04/2007, 09:36 PM

جميع الاخوة الاعضاء :-
مزاجي
تمساح
ثعل البرد
ابن بدران
تميراااااااوي
برق شقراء
راعي الهدد
باترول للأبد
ع.ف. الدرويش
الاعتدال
azzah
دالق الكشرة
عرقوب
ضاري خان
راعي الرصاصي
بيالة
ظبي
العنابي 616
اليوكون أسود
شخاط
الحر القطامي
مطحن
فتى التويم

تحية طيبة وبعد:-

مشكورين على الرود الطيبة وفي الحقيقة ما كنت أظن أن يكون هذا تفاعل كبيرا ً لهذه الدرجة ( 27 رد من قبل 23 عضو في أقل من 24 ساعة) مع هذا الموضوع الذي شورتكم فيه وأن دل هذا فأنما يدل على موصل إليه أعضاء المنتدى من محبة وتعاون كبير وحرص شديد على الرد على أي أستفسار أو تساؤل أو مشورة فيما بينهم حول جميع الموضوعات التي يطرحونها للنقاش فالكم جزيل الشكر والتقدير.
لقد أنقسم الاعضاء بين مؤيد لشراء الباترول ومعارض للشراء وأبقاء الهدد ولذلك قررت بأذن الله أن أشتري الباترول وأبقي الهدد وأجعله يخلد لراحة لبعض الوقت حتى أجرب الباترول (( أقضي حاجة في نفس يعقوب )) وبعد التجربة سوف أقرر من سوف يبقى منهم ( حلوة صاروا ضراير < طباين > هههههههه ) وسوف أعلمكم أن شاء الله بنتائج .

وتقبلوا تحيات اخوكم ابو عاذر

القويعي

16/04/2007, 10:41 PM

والله كانك

تبي رأيي

لا تغير خلّك

على الهدد

وااله مهن أزين منه

وفي الأخير اقول مجرد رأي

أ ه م 111

16/04/2007, 11:39 PM

توكل على الله وعساك على القوه

ونحن بإنتظارك في المنتدى

تعطينا النتائج

ونحكم من خلال تجربتك

راعي الهـــدد

16/04/2007, 11:46 PM

نصيحة لوجه الله لاتدور غير الهدد واترك عنك الالنيسان وخراباته والكهربا التعبانة خللك مع التيوتا ملك الصحراء بلامنازع وسيارة البدو المفضلة معها تنسا الورشة والسطحة واترك عنك الصندقة اذا مشيت عليه تسمع قرقعة في كل مكان وانا مستخدم اللاندكروزر 95-99-2005 وحياتك مابعدها موتر

راعي الرصاصي

ومن باب قول الله جل وعلا (( وذكر فإن الذكرى تنفع المؤمنين ))

وقول الحبيب صلى الله عليه وسلم (( المؤمنون نصحة والمنافقون غششة ))

وقول اهل العلم بأن المنكر العلني ينكر علناً

وجب علي قول التالي

انت حلفت بغير الله في كلامك وهو قولك (( وحياتك مابعدها موتر ))

وهذا شرك ولاشك والعياذ بالله

قال حبيبنا صلى الله عليه وسلم (( من حلف بغير الله فقد كفر او أشرك ))

فقولك (( وحياتك مابعدها موتر )) شرك

وكلمتك هذه محتملة امرين

إن اردت بقولك وحياتك التعضيم لهذا الشخص المحلوف بحياته

فهذا شرك اكبر مخرج من الملة ويجب عليك التوبة والإنابة

وإن اردت بقولك وحياتك مابعدها موتر انها فقط دارجة على لسانك ومتعود عليها ولاتقصد بها شي من تعظيم او تسوية بالله

فهذا شرك اصغر غير مخرج من الملة

ولكن يبقى محرم واثمه عظيم وهو اشد من الكبيرة

وانا اضن والله اعلم انك لم ترد التعظيم فحاشاك حاشاك

وارجو منك ان تحاول ابعاد تلك اللفظة عنك

وتحاول جاهداً عدم التعود بقولها

تاب الله علي وعليك فذنوبنا كثيرة اسأل الله ان يغفرها

وارجو ان تتقبل مني فلشفقتي عليك قلت ماقلت

وفقك الله للحق والصواب

السلام عليكم ورحمة الله وبركاته

يا جماعه تكفون احد يقول لي اني فهمت غلط،،، لا حول ولا قوة الا بالله.... كنت اتوقع هالالفاظ بالافلام بس.

اخوكم عبدالرحمن

النصيحة منك اولا من هذا كله بارك الله فيك

_____________

الــــــتـــــــوقــــــيـــع

وراء كل اســلامي مـــتــشــدد ..... مـــجـــرمــيـن يــذكـــون نار الــفــتـنـة ويــوقــدونـها

فــلـــعـن الله مــوقـــدها ومــــذكـيــها

ابو شموع

17/04/2007, 01:47 AM

لاتعدا التويوتا لك ولزمن
أرجو أن تقبلو مروري
والله يوفق الجميع............................................ .......

هويدي

17/04/2007, 02:35 AM

والله الشباب ماقصرو وكلن ادلى بدلوه او اني انا جيت متأخر

بس ماني مادح اي واحد فيهم

ابي اشور عليك ونت اللي بتقرر والله يدبرك على الصالح

استأجرلك باترول جديد وجربه بالخط والنفود وشف وش نفسك تبي

وصل صلاة الاستخاره واتكل على ربك

أبونواف42

17/04/2007, 02:58 AM

الله يوفقك للخير بس لالالا تتأخر علينا بالرد وشو من لحيه وبعدين من المعرض على البر على طول جربه ههههههههههه الله يعطيك من خيره ويكفيك شره

الربذي

17/04/2007, 06:21 AM

وعليكم السلام
اخي ابو عاذر سلمه الله
اولا وثانيا وثالثا استخر صلاه وذكر الاستخاره معروف ولامانع ان تصلى ركعتين وتستخير كم مره وبعدها اذا راين انك جازم اتكل
لكن احد ردودك تقول ديزل فيه ديزل نحن نتكلم عن الفتك بس الديزل الددسن اخف منه عزم بفرق وقرف الديزل تعرفه
انا اعرف ومقتنع ان التويوتا صبوره لكن اعشق النيسان وتصدق احترم اهل النياسين اول ولاول تحول اول زمان كانت الاسفلتات قليله والحين تشتري جيب ويمكن ماتمشي جلد الا كم الف على مدى سنين يعني ان اللي يقول يتفكك قوله لالالا يالحبيب خبرك قديم
ونشوفك على فتك باذن الله
الفتك اقوى عزم من الفي اكس ار 8 سلندر نعم نعم نعم

راعي الرصاصي

17/04/2007, 07:01 AM

اخي عبدالرحمن - ماهكذا تورد الابل لانك لم توضح قصدك
الاخ راعي الهدد انا لم اشرك وانما مجرد كلمة عفوية وشكرا على التوضيح

مطحن

17/04/2007, 09:30 AM

السلام عليكم ورحمة الله وبركاته

اخوي راعي الرصاصي، والله العظيم من الروعه ماكنت عارف وش اكتب. والحمد لله انك قلت انه عفويه واخوي راعي الهدد ما قصر كتب اللي بالخاطر كله. ياخي والله ان جلد الواحد يكعشر ما يدري وش يقول، والمقصد التنبيه لكن للجهل وقلة العلم الواحد ما وده يكتب شي مهوب متاكد منه وكان الطلب واضح من الشباب انهم يبينون الصح، واخونا راعي الهدد ما قصر الله يجزاه خير. امل انك تقبل عذري لجهلي.

اخوك عبدالرحمن

سفاري نجد

17/04/2007, 10:05 AM

أخوي أبوعاذر السلام عليكم ورحمة الله وبركاته وبعد :-

( أحب لأخيك ماتحب لنفسك ):confused: لي تجربه في السيارات وخاصة الدفع الرباعي
فالباترول يتميز عن الاندكروزر بأنه أريح منه قليلاً فقد كان معي باترول 2005 قير توماتيك وعادي وكنت في وسط نفود الدهنا من جهة الشمال الجيب عزمه جيد جداً ولكن!
في وسط النفود علق القير بنمرة معد يعشق الا بواحد وأثنين بس توهقت كان الوقت الساعه سبع ونصف صباحاً وأنوياه أنوياه الين وصلني عند تنهات بالحسرة وضيقات الصدر كانت الساعة السادسة وعشرين دقيقية المغرب:(
وديته للرياض للوكاله قالولي القير مخبط لازم يغير وقالولي سوء استعمال ؟ ياجماعة ياجماعة ماأستفت شيء
القير ب12الف هبال صلحته ( أي كلام ) وبعدها بعته وخذت لاند كروزر وشفت الهناء والسعادة:p لاتعداه شوري عليك خذلك هدد وريح راسك من الوجع يالذيب موتر ينغزابه شيوخ المواتر كلها:good: وآسف على الإطاله

أخ بياله

وين الضمان اذا كان خراب مصنعي ،،،

من كلامك وموافقتك على كلام الشركه فهو سوء استخدام

واحد من عيال عمي معه جي اكس ار مخبط وغير مكينته وش السبب !!!

سوء استخدام واهمال

السياره من تجربه النيسان ما يعلى عليه من القوه والمتانه ،،، يكفي ياباني 100%

ولا تجميع تايلند وقص ولزق معقوله سيارته قيمته 200 ريال تخشيبه لصق وتخرب مع الشمس ،،،

وخطوط وبدون خط ،،، وعشر أنواع تحتار وموضة الهدد ...

ونصيحه مجرب لا أحد يشتري سياره إلا هو مجربها ومقتنع فيه

والله قبل ما اشتري سيارتي موديل 2003 سوبر سفاري

جربت الجي أكس ار ،،،

وجربت السوبر سفاري ،،، وقارنت والله فرق كبييييير بالمواصفات

وقررت على السفاري اعجبني اكثر مواصفات وقريب من سعر الجي اكس ار

ما شفت من الخربات اللي تكلموا عنها الاخوان

وللأسف ما زال الاخوان عندهم فكرة التفكك والخرابات معششه من 20 سنه عن النيسان ،،،

راعي الرصاصي

17/04/2007, 10:12 AM

[QUOTE=مطحن]السلام عليكم ورحمة الله وبركاته

اخوي راعي الرصاصي، والله العظيم من الروعه ماكنت عارف وش اكتب. والحمد لله انك قلت انه عفويه واخوي راعي الهدد ما قصر كتب اللي بالخاطر كله. ياخي والله ان جلد الواحد يكعشر ما يدري وش يقول، والمقصد التنبيه لكن للجهل وقلة العلم الواحد ما وده يكتب شي مهوب متاكد منه وكان الطلب واضح من الشباب انهم يبينون الصح، واخونا راعي الهدد ما قصر الله يجزاه خير. امل انك تقبل عذري لجهلي.

مشكور يابوعوف والله يزيد من امثاللك لكن بعض الناس:no2: يتستفزك بالرد ممايؤدي بك الى تصمييك على الخطاء رغبة في العناد وهذه طبيعة للنفس البشرية ووفقك الله انت وراعي الهدد الذي كان كلامه واضحا وسلسا وجزاالله عنا خير الجزاء

الربذي

17/04/2007, 05:12 PM

ياحبي لكم ياعضاء مكشات قلوبكم قريبه وفاهمين بعض الله لايفرقنا قولوا امين وايضا اللهم اجعلنا من يستمع القول ويتبع احسنه بقية المنتديات تصدقون ياخون ان الموضوع يطلع وسب وشتم وتلعين والعياذ بالله لكن اخونا الغائب الحاضر راعي الرصاصي غلط لكن اعتذر بلباقه والاعتراف بالذنب فضيله تعجبوني ياعضاء مكشات الله لايغير علينا لكن اسلوب اخي الفاضل مطحن ابعده الله عن النار هو ووالديه وجميع المسلمين قلبه على الفطره عشان كذا ثار ولكنه اعتذر بارك الله بكما من اخوين متحابين
والله اعجنتني ردودكم وافرحتني
همسه لاخي راعي الرصاصي ابتعد عن هذة الكلمة وحاول عدم استعمالها والتعود عليها قد يقلدك احد وتسن سنه عليك وزرها ووزر من عمل بها الى يوم القيامه

اقول الف احترام وتحيه للجميع على رحابة الصدر
ولايهون اخونا صاحب الموضوع وايضا راعي الهدد والبقيه الطيبه

المرجوج

20/04/2007, 03:23 PM

توكل على الله وخذ " هدد " وخل عنك السفاري وخرابه

هاوي الزلفي

06/07/2007, 02:44 AM

اقوووووووووول اخووووي ابو احمد

خللك على الهدد ياخي الباترول تطب مطب يحطيح مسمااار

انا عرف ناس كثار كان معهم باترورل وشروا الاند وسبوا الباترول

وتقبل تحياتتي اخوكم/هاوي الزلفي

عرش السفاري

06/07/2007, 06:30 PM

كفو يا أبو عاذر ونعم الأختيار...........وستبيع اللاند أجلا أم عاجلا،،،،،،،،،،،وأنصح بالعاجل لتكسب الوقت والمال!!!!!!!!

والسفاري اللي شافه أبو عاذر قير عادي!!!!!!!!

ودمـــــــــــــــــــتم على الود

القناص

06/07/2007, 06:58 PM

خذ السفاري
واترك عنك التايلندي
سفاري
وتمتع بالقوه

مفتاح الفرج

06/07/2007, 07:28 PM

وصيتي لك .....وصية عمر رضي الله عنه .
.

.

.

.

.

.

.

.

.

أ وكل ما اشتهية ........ اشتريت

وريح بالك ..... والشي اللي يقوم بغرضك ...... لا تعداه .... وتشهيه نفسك ...