المساعد الشخصي الرقمي

مشاهدة النسخة كاملة : زرت معرض جيتيكس 2007 .. للأسف ..


فتى الدهناء
16/04/2007, 05:55 PM
السلام عليكم ..

زرت عصر هذا اليوم الأثنين .. معرض جيتيكس 2007 المقام في معارض الرياض ..

وللأسف لم يكن ..بذاك المعرض الذي يتوقعه الكثير .. فالزائر للمعرض .. يظن أنه سيجد الوسائل المتقدمة والتقنية التي تخدمه في حياته اليوميّة .. لكن للأسف .. كانت أغلب الأقسام .. مهتمّة بالمؤسسات الحكوميّة والخاصة .. ولم يكن هناك الا أقسام قليلة .. مهتمّة بالفرد .. ومتطلباته .. ومنها شركات الجوال .. يعني اللي راح يبي شي جديد .. ومالقاه .. تلقاه يروح لقسم الإتصالات وموبايلي .. ويروح يشوف كم سعر الــ n95 .. علشان يحسّ انه ماضيّع وقته :(

أغلب المعروضات والخدمات الجديدة.. لاتخص الفرد .. وإنما تخص المؤسسات الحكوميّة .. والشركات والمؤسسات الخاصة .. هذا الذي حصل .. والحمد لله

اااه لو شافو المعارض اللي شفتها ..

أجل نص المكاتب هناك .. ماعندهم الا بروشورات .. وش ذا الحسي !!
طيب وقف عند الباب ووزع بروشورات وافتح مجال لغيرك .. ولا جب منتجك واعرضه للجمهور ..

اي والله ..

:j
عيناوي
16/04/2007, 06:10 PM
اما عاد
يارجال انا مابعد زرته ومتحمس له وبالتالي يطلع تسذا
":/
يعني تنصحني ما اتعنى له؟؟
وانا الحين اشتري الدقايق بحكم البحوث والاختبارات

فالك ما يخيب ان شاء الله
:)
فتى الدهناء
16/04/2007, 06:14 PM
اما عاد
يارجال انا مابعد زرته ومتحمس له وبالتالي يطلع تسذا
":/
يعني تنصحني ما اتعنى له؟؟
وانا الحين اشتري الدقايق بحكم البحوث والاختبارات

فالك ما يخيب ان شاء الله
:)

والله يالذيب .. مدري وش أقولك ..

لكن فيه واحد قال لاتروحون .. وماسمعت كلامه ..

والحين أقول ليتني سمعت كلامه ومارحت ..:mad:
سنبل
16/04/2007, 06:23 PM
شكرا يامشرفنا...
اختصرت لي عناء المشوار
ومن حيني متردد..!!
وما أخفيك من يوم رحت لمعرض جتكس العام الماضي بدبي
اللي يبي لك ثلاثة ايام وانت تحوس وعساك يكفيك وان شاء الله ما افوته ..عقبها غسلت ايديني
يس قلت يمكن انهم تطوروا شوي ؟؟
لكن مافيه فايده على كلامك
التخلف راكبهم من روسهم الى رجليهم ..
تحياتي
أخوك " سنبل "
عيناوي
16/04/2007, 06:50 PM
دام الدعوه تسذا
ما فيه روحه من غير شر

فالك ما يخيب ان شاء الله
:)
مسافر1
16/04/2007, 06:59 PM
نقل تصور عن هذا المعرض
الذي كنا بشوق لزيارته
فا الحماس قل
.. تشكر أخي فتى الدهناء .
الماضي الدفين
16/04/2007, 07:30 PM
كم لقيت ان 95 هناك
عريدان
16/04/2007, 07:51 PM
ديرتنا الله يحفظها من كل مكروه وحاسد هاذي عوايد التجار والشركات فيها سياية فرض (هذا الموجود وعساك تلحق ولا لك منه بفلوسك غيرك يدفع) لأن السوق مولع مثل النار ياكل ما جاه من بضايع وعالم تخم و تشيل ماتدري ولا تفكر (أغلبهم طبعاً) بس شاف غيره يمعط إمعط معه لوه بدراهم لا ولا تدري من وين تجيب الفلوس الله يزيد المسلمين من واسع فضله. ومثلك السيارات المعارض مكدسه ولا يدور أسبوع إلا وتلقاها مبيوعه وبأسعار فلكيه و اكثر منها وزيها قد أشتري عقبها وإن رحت لأي حاجه قالك خلص هاذا غيره توه نازل. لكن الله يرخص الاسعار ويقضي على الفار. وبعدين أضحكتني مسمي هذا جايتكس أجل اللي بدبي وش يصير جايتكس اصلي.؟؟؟
فتى الدهناء
16/04/2007, 08:37 PM
كم لقيت ان 95 هناك

هلا بك أخوي ..

والله وانا اخوك ماعلم .. لأني مانيب مهتم فيه بصراحه .. لكن أنا يوم ذكرته .. لأني شفت الأغلبية .. لما شافوا المعرض ماوفر الأشياء اللي متوقعينها .. لقيتهم .. صافين يسألون عن سعره .. علشان يحسون انهم ماضيعوا وقتهم ..:(
الباحث_الصغير
16/04/2007, 10:49 PM
أنا مع فتى الدهناء.


زرته اليوم وماكملت نصف ساعه فيه جوله سريعه.


الشركات أغلب خدماتها للشــركـــات والدوائر الحكومية.


أجهزة الحاسب الآلي عروض قليلة جداً.


أما الكاميرات فلم أجد إلا محل واحد يعرض فقط نوعين من.


الشركات (أولومبس - كوداك) في قسم سوق الزوار.


ولا جديد عن العام الماضي.







أجل نص المكاتب هناك .. ماعندهم الا بروشورات .. وش ذا الحسي !!
طيب وقف عند الباب ووزع بروشورات وافتح مجال لغيرك .. ولا جب منتجك واعرضه للجمهور ..

اي والله ..

:j
ترتر
16/04/2007, 10:59 PM
تصدق اني ناوي اروح لهم لانهم ابلشوني يوميا تجيني رسايل منهم شكل ماعندهم احد...

خلاص هونا يارجال .... نزور عماير الراجحي اللي بالصالحيه ابرك لنا

اشكرك
محمد عبد القادر
16/04/2007, 11:04 PM
روح لجايتكس دبي :good2: وشوف الفرق وبعدين :looney:
مدار العاصفة
16/04/2007, 11:56 PM
طيب مافيه عروض على Dsl
omiran
17/04/2007, 12:06 AM
السلام عليكم

صدقت اخوي على هالمعرض واحسن مافيه بعد ان موبايلي والجوال يوزعون حلاو وبسكوت هههههههههههههه

ايضا هناك عروض على الدي اس ال من العارضين واللي لفت نظري اول نت واشتريت منهم بطاقه ثلاثة اشهر بـ400ريال وفيها زياده مدة 50% يعني صارت 4اشهر ونصف، اي زيادهع 50 % على المدة بنفس اسعارهم الاوله
راعي الهـــدد
17/04/2007, 12:08 AM
اخوي الغالي فتى الدهناء

ارحتني أراحك الله من كل عناء وأذى

وهذا حالنا نحن

تخلف وهمجية والمشكلة في كل عام ينقدون الناس هذا الواقع ولكن لم ولن يتغير شيء

حسبنا من الدنيا اننا في بيوتنا آمنين مطمئنين

فنعمة الأمن لاتعدلها نعمة

اسأل الله الا يسلبنا أياها

وأن يمحق ويشتت كل مريد وقاصد للأخلال بأمننا وعافيتنا

وان يتوب علينا ويغفر لنا

دمت بود ومحبة ياغالي




_____________


الــــــتــــوقـــيــــــع




وراء كل أســلامي مــتــشـدد ..... مــــجــرمــيـن يــذكــون نار الــفـتـنـة ويـوقـــدونها

فلعن الله مــوقـــدها ومــذكــيــها
جليس الخير
17/04/2007, 12:09 AM
بالعكس المعرض حلو