طريقه تشبه طريقة القصدير

[الصـ عاشق ـيد]

بعد السلام وزين الكلام ابي اعلمكم بطريقه انا اول مره اشوفها وهي كالتالي :

تجيب علبه من العلب المعدنيه ( مثل علب الحليب نيدو وما شابهه)

وتحط اللحم المبهر في ها العلبه
وتقفل العلبه بالقصدير زييين وتربط على القصدير سلك علاق والا سلك حديد
ثم تبرح للعلبه وسط الجمر وتحطها في هذا المكان
ولازم ما يكون فيه لهبه للنار عشان ما ينحرق اللحم
وبعد ما تحط العلبه بوسط النار تجمع الجمر حووولها الين ما تغطي نصها
وتفتح فتحه في القصدير بشوكه او بعود اسنان بحث تكون الفتحه كبر عرض عود الاسنان مرتين
وياخذ على النار اذا كان لحم طيور من 30 -- 45 دقيقه
واذا كان لحم واذا كان لحم توييييييــــس او ما شابه فهو ياخذ ساعه وربع تقريبا
لاكن تقدر تتاكد من انه استوا من ريحة البخار اللي يخرج مع الفتحه

وثم ذوقه وادعيلي

[...الطوقي...]

هلا بك اخوي
والطريقه هذي موجوده بالمنتدى من قبل:)
اتمنى تشوفها
فيه كذا طريقه شفهن انت

الطريقه الاولى (http://www.mekshat.com/vb/showthread.php?s=&threadid=6481&highlight=%E4%ED%CF%E6)

الطريقه الثانيه (http://www.mekshat.com/vb/showthread.php?s=&threadid=652&highlight=%E4%ED%CF%E6)

الطريقه الثالثه (http://www.mekshat.com/vb/showthread.php?s=&threadid=7811&highlight=%E4%ED%CF%E6)

وانشاء الله تكون استفدت منهن








تحياتي لك
...الطوقي...

[راعي النحل]

تحفظ ....

مشكور يا خوي عاشق الصيد على هذه الطريقة...
مشكور يا خوي الطوقي على وضع الروابط ....
=========================
لكن اتحفظ على استخدام ادوات غير مخصصه للطبخ ...
ونستخدمها نحن في الأكل والطبخ ... هذا غير صحيح لأن قوطي النيدو
مخصص لحفظ الحليب الجاف ومعالج على هذا الاساس وتم تصنيعه
بمواد تحفظ الحليب وليس شوى اللحم والدجاج ....مع العلم أن ادوات
الطبخ لها معالجه ومواد مختلفه حتى تتمكن من حفظ الحرارة ....
يا أخوان كلها 50 ريال واشتر لك قدر دائري عميق وانتهت المشكله ..
كلام صحيح والا ما هو صحيح .... ادوات الطبخ تختلف عن ادوات الحليب.
==========================
اتمنى من الجميع المحافظه على صحته .... حتى لا تندم..
والله يحفظكم ويرعاكم...وننتظر مشاركة الجميع للفائده

[al-nashmi]

مشكور اخونا عاشق الصيد على اجتهادك.....

ونا اضم صوتي لصوت اخونا راعي النحل:good:

يجب ان نستخدم للطبخ الاواني المخصصه لطبخ فقط...

والسلام

[...الطوقي...]

مشكووووووور اخوي راعي النحل على تعليقك
والطبخ بالنيدو للضروره او للتغير من القدر ملينا قدر قدر
ولا اظن ان فيه ضرر من الطبخ فيه
واللي عنده شي عن اضراره يحطها لنا عشان نستفيد










تحياتي لكم
...الطوقي...

[الصـ عاشق ـيد]

مشكووور اخو الطوقي على التنبيه
بس انا جديد على المنتدى وما كنت ادري ان الموضوع هذا سبق ونزل!!!!!!

=======================================
اما خوينا المتحفظ (راعي النحل ) فنشكرك على هذي النصيحه لاكن

اولا/ هل فكرت باهلنا الاولين من وين كانو يجيبوون ادوات الطبخ وكيف كانو يسووونها
اكيد ما كانت عندهم معالجات ولا اي شي بهذا الخصوص!!!!!!

اجد وشلون حالة علب الحليب اللي تكون معالجه ومعقمه 100%100
وغير كذا انها ما استعملت الا في حفظ حليب مجفف لا غير
وهذا راي ممكن يكون صحيح او خاطئ

===============================
وثانيا/ تلقا ان هذه الطريقه مشوقه وممتعه اكثر
ومثل ما قال اخونا الطوقي فهي تغيير للروتين المعتاد

[راعي النحل]

النشمي .... الحمد لله على السلامـــــــه
ما شفنا مشاركاتك من فتره ...
==================
الطوقي .... فعلا نحن بحاجه لمختص
يفيدنا في مثل مكونات هذه العلب...
=================
عاشق الصيد ..... وش حال المزاع عندكم
سمعت أن تربية النحل مزدهره بسب المزارع
ياخوي الاوليين لهم ما يناسبهم والاخرين كذلك ..
المهم هو حفظ الصحة .. والقاعده العامه هي
ادوات الطبخ للطبخ .. وادوات الحليب للحليب ... وخلاص

[الصـ عاشق ـيد]

صح السانك يا راعي النحل
المهم هو حفظ الصحه

اما بالنسبه لتربية النحل فهي مزدهره صحيح والحمد لله
لان الجو بتبوووك مناسب لكثير من اشجار الفاكهه
وما نقوووول غير الله يديم النعمه ويزيدها