المساعد الشخصي الرقمي

مشاهدة النسخة كاملة : سفاري 98 نبغا نغير واجهته الى 2002


ابو مطير
17/04/2007, 11:36 PM
السلام عليكم ورحمة الله وبركاته
شباب اذا عندك سفاري 98 وتبغا تغير واجهته الى موديل 2002 هل يمكن ان تركب عليه وكم تكلف الشغله باعتقادكم يعني النور والاسطبات الامامية مع الصدام الامامي 0
باترول للأبد
18/04/2007, 12:17 AM
وعليكم السلام ورحمة الله وبركاتة .. صراحة تفكير حلو وبالنسبة لوجهية 2002 تركب على 98 بالراحة .. بس يبيلك صدام مع كشافات وأنوار أمامية مع أصطبات أمامية وشبك ..... وأتوقع تكلفتها من 1700 كذا .. لأن واحد من الشباب شاري وجهية أصلية بنفس هالقيمة
ابو مطير
18/04/2007, 12:30 AM
طيب القيمة اخوي تشمل الصدام الامامي
علي الشايع
18/04/2007, 12:44 AM
وعليكم السلام ورحمة الله وبركاته
اخوي ابو مطير مثل ما قال اخوي باترول للابد تفكير سليم وهي تركب على 2002 بالراحة لكن يبيها واحد فنان انا موتري 99 ومركب له وجية 2003 وصار شكله ما عندي أزين منه لكن تكلفتها إذا كانت أصلية فهي أكثر من السعر اللي ذاكر باتورل للابد خي على سبيل المثال
الصدام الأصلي 550 ويبغاله بويه فرن أفضل شئ
الشبك النيكل خذ التايلندي وهو اخو الياباني 160
الأنوار على ما أعتقد انهن على 200 الواحد
السكنات الواحد على 110 يعني 220
ولا تنسى الاسطبات الخلفية على 190 الواحد
واذا كنت بيغى كشافات أصلية فهي على 780 وأنا ما أنصحك تاخذها لأنها غالية والتجاري يقوم مقامها .
لكن تبي تواجهك مشكلة وهي أن الصدام 98 جوانبه فيبر والنص حديد بينما 2002 كله فيبر وبيله قاعدة قيمتها 490 لكن اذا كان ما لك حاجة بالصدام القديم خذه لورشة فاهمة وهي تعدله وتقص منه ما يناسب 2002 وما يلكفك 150 ريال .
ابو مطير
18/04/2007, 02:57 AM
جزاكم الله خير 0
لكن تبي تواجهك مشكلة وهي أن الصدام 98 جوانبه فيبر والنص حديد بينما 2002 كله فيبر وبيله قاعدة قيمتها 490 لكن اذا كان ما لك حاجة بالصدام القديم خذه لورشة فاهمة وهي تعدله وتقص منه ما يناسب 2002 وما يلكفك 150 ريال .
اللي افهمه من كلامك ان الصدام القديم ما اغيره بس اسويله تعديل ويركب او لا 0 ارجوا التوضيح :)

يعني لو نحسبها يطلع 0
صدام أصلي 550+ نيكل تايلندي 160+ الأنوار الاثنين 400+ السكنات اثنين 220+ الاسطبات الخلفية اثنين 380 = 1710
طيب يبقى بوية الفرن بكم :alarm: + الكشافات التجارية :BUTT1: + تعديل وتقصيص الصدام القديم 150 ريال + شغل اليد لكل ماذكر كم يطلع تهقون :confused:
رغم ان الصدام القديم مالي حاجة به للبيع :D
علي الشايع
18/04/2007, 02:56 PM
هلا أخوي ابو مطير أذا كنت تبغى وجهية حلوة فعليك تغيير الوجهية لأن الصدام شكله ممتاز لكن مثل ما قلت لك المشكلة هي قاعدة الصدام والحل هو أنك تأخذ الصدام فقط من دون القاعدة لأن القاعدة غالية وخذ الصدام القديم ورح لأي ورشة فاهمة وقلهم يقصون من القاعدة اللي على الصدام القديم بما يناسب الصدام الجديد .
بالنسبة لبوية الفرن فهي تختلف من ورشة لورشة لكن هي في محاري 200 والكشفات التجارية بيقمة 190 تقريبا .
حط في بالك أنها راح تكلفك بحدود 2000 أو أكثر لكن ما أتوقع أنها تعدى 2500 لو حسبنا قيمة شغل اليد من فك الوجه القديم وتركيب الجديد لكن كل شئ يهون اذا غير الوجهية لأن الموتر يبي يتغير عليك كليا ويبي يصير له نظرة ما عندك أزين منها
ولو احتجت مزيد من المعلومات هذا رقم جوالي 0503221233
ابو مطير
18/04/2007, 06:43 PM
جزاك الله خير وماقصرت اخوي اسير الهيش 0
اليوم رحت لصناعية وحصلت شمعات النور اثنين 800 ريال اصطب ركن امامي اثنين 380 نيكل تايلندي 160 ريال0
بس المشكلة بالصدام الامامي حصلت تجاري 400 ريال والاصلي 900 ريال 0
على العموم شكرا لكم وماقصرتوا وجزاكم الله كل خير
باترول للأبد
18/04/2007, 07:24 PM
طيب يأخوي ابومطير مارحت التشاليح .. دورت وجهية يمكن تلقى رخيصة
علي الشايع
19/04/2007, 01:50 PM
الخير إن شاء موصول للجميع لكن أخوي أبو مطير اي صناعية رحت وعلى فكرة ترى قطع النيسان فيها تفاوت بالأسعار وبشكل كبير واذا أنك ما بعد شريت القطع فاتصل علي اصفلك محل بالصناعية بالرياض يعتبر هو الأقل سعر بين قطع الغيار بحكم أني سعرت كل المحلات ولقيت هو أرخصهم والقطع أصلية ما يحتاج .