المساعد الشخصي الرقمي

مشاهدة النسخة كاملة : وش رايكم في الباترول 2005 ...


arab
18/04/2007, 12:39 AM
السلام عليكم و رحمة الله وبركاته

...
... أخواني الأعزاء ... كيف حالكم ...

وش رايكم بالباترول أربع أبواب الشكل الجديد 2005 فما فوق من عدة نواحي :.
1 / القير وتحمله.
2 / متانة الموتر وراحة المركب.
3 / صرفية البنزين.
...
وأرجوا أبداء ملاحضاتكم التي ترونها ...

** وأنا مانا من أهل الرياض... , هل إذا رحت لمعارض الرياض أجد مطلوبي بكثره والإ لا ؟؟؟

وتقبلوا خالص شكري .
beznas
18/04/2007, 03:01 AM
وعليكم السلام ورحمه الله وبركاته
انا معي باترول 2005 سوبر سفاري تماتيـك
ماشي 95 ولا واجهت مشاكل ولله الحمد,,,ما غيـر فحمات لانه تماتيـك :)
والقيــر 100 %
واعرف شباب معهم 2002 تماتيـك (( نفس قير ال 2005 )) ولا اشتكو منه ابد ابد بالعكس يمدحووونه يا الغالي,,
وبالرمل وبالديــره زيــن ويقبل البنزيـن الرخيـص والغالي...
ومصرفه اكثر من اللاند شوي لكن معقوووول.
لكن سعره بالسوووق غالي لان الناااس رغبوووه من تالي
هذا والله اعلم ...
وان كانك ناوي على جديد يمدحون الجبر بالشرقيـه
والسلالالام
beznas
18/04/2007, 03:03 AM
نســيت اظيــف ان سواقته حلوه (( وغيــر ممله )) لكن اللاند ارسى فالخطووط الطويـله :) ((( الحق يقال))) والسلالالالام
ابونايف الروقي
18/04/2007, 07:58 AM
وعليكم السلام ورحمه الله وبركاته
انا معي باترول 2005 سوبر سفاري تماتيـك
ماشي 95 ولا واجهت مشاكل ولله الحمد,,,ما غيـر فحمات لانه تماتيـك :)
والقيــر 100 %
واعرف شباب معهم 2002 تماتيـك (( نفس قير ال 2005 )) ولا اشتكو منه ابد ابد بالعكس يمدحووونه يا الغالي,,
وبالرمل وبالديــره زيــن ويقبل البنزيـن الرخيـص والغالي...
ومصرفه اكثر من اللاند شوي لكن معقوووول.
لكن سعره بالسوووق غالي لان الناااس رغبوووه من تالي
هذا والله اعلم ...
وان كانك ناوي على جديد يمدحون الجبر بالشرقيـه
والسلالالام



لا تعليق كفيت ووفيت ..
arab
18/04/2007, 08:43 AM
صباح الخير ...

مشكورين على تجاوبكم السريع ...

طيب بالنسبة للمعارض بالرياض ...
fadhil
18/04/2007, 09:07 AM
اهم التجربه والفحص اذا بتاخذه من المعارض جرب الموتر وبسرعه فوق 120لانه ماتظهر العيوب بالسرعه الخفيفه.
**عندى 2005 فى تقديرى ممتاز الملاحظه الوحيده الصرفيه ولو انه يهونها 91


بالتوفيق
باترول للأبد
18/04/2007, 12:55 PM
صراحة الباترول 2005 موتر ماعلية كلام كل النواحي
arab
20/04/2007, 08:05 PM
مشكورين على المرور

...

وشكلي إن شاء الله نويت ...

لاكن المشكله البنزين.
آبو غلآ
20/04/2007, 08:45 PM
وعليكم السلام والرحمه ،،
مر11حب بالجميع ،،
هلابك اخوي انا معي باترول 2006 الشكل الجديد نص فل قير توماتيك ؟
تبي الصرآآحه يتفكك بسرعه وما يتحمل اذا انت رجال رااعي بران ومقانيص
والقير خرب عندي ووديته الوكاله ويالله بعد المرمطه صلحوهـ ومع ان الموتر جديد
وحتى الوكاله حقت نيسان فاشله لا عندهم خدمه ولا تعاامل فيه فرق بينهم وبين ابو جميل
وانا ناوي ابيعه طابت نفسي منه ،،
اما اذا انت روحاتك قليله للبر واكثر شي في المدن اشترهـ مهوب شين ،،

لك احلى التحيه ،،
Abo Nader
20/04/2007, 09:13 PM
أخوي شارب فينتو...طيب بالنسبة للقير العادي لراعي البر...كيف خراباته..وهل المشكله مع القير الأتماتيك بس...
طحنون
20/04/2007, 09:14 PM
الاخ العزيز شارب فيمتو
اكيدانك من عشاق الكروزروجربيت الباترول الجديد وما ظبط معك والسيارات حظوظ حتى لوكانت جديده من الوكيل
وخذ الملاحظه
لازم يكون فيه سياره تكون منحوسه ويتوهق فيه واحد
ونسمع سوالف كثيره
ان فلان شراء كابس جديدوخرب عليه القير
ويوكن وسبربان وجيب لان كروزر
ورنج روفروجميع السيارات لازم يكون فيه سياره منحوسه ويكون فيه شخص هوالضحيه للسياره المنحوسه والتوفيق بالله والله يوفقك يارب
وكثيرناس معهم الباترول الجديد اللي يمدحونه اكثرمن اللي يذمونه ونا واحدمنهم السياره ماعليها كلام والكمال لله عزوجل
ملاحظاتي عليها انها في الخط السريع وفي حاله اشتدادالرياح السياره ماهي راسيه مظبوط بالنسبه للبنزبن اشوف ان صرفيته تعتبر
ممتازه جدا مقارنه ببعض الجيوب طبعا الجيوب السته سلندر من نفس الفئه يكفي ان الموترهب ريح ويبيض الوجه



هاذي وجه نظرشخصيه بحكم استخدامي للسياره ولم امتدح السياره واذم سيارات اخرى كل السيارات ممتازه ولها عشاقها








تراني احب السيارتين الباترول والكروزر
لاحد ينط من اصاحاب الكرورز تراني احب الكرورزوله تقدير




الله الموفق
آبو غلآ
20/04/2007, 11:53 PM
هلابك يابو نادر ،،
والله ياخوكـ مادري بالظبط عن القير العادي بس اتوقع انه يتحمل
أكثر بس الي يبي يرتاح التوماتيك ازين له ،،،

لك احلى التحايا ،،
_____________
مرحبتين يا طحنون ،،
والله احبهن كلهن الباترول والكروزر ،،
بس الكرورز يتحمل اكثر من الباترول معروف هالشي ،،
ولا يتفكك زي الباترول وخاصه لراعي البر ،،
والقير خرب معي من كثر طلعات البر والمطاب ما عاد تحمل
ما قلت انه خرب معي من نفسه ويمكن اني صرت ضحيه على كلامك ـ مدري :)

ارق التحايا واعذبها لكم ،،،
سفاري نجد
21/04/2007, 08:36 AM
السلام عليكم ،،،

النيسان الجديد مواصفات ومركب خفيف وراسي بالخط ،،، على قول الشريطيه "" بلكه على الخط ""

انا معي سوبر سفاري 2003 ماشي 120 الف كيلو كد ومد ،،، ولا مشاكل ولا تفكك عجزت ادور التفكك طوال هالسنين ،،،

والصيانه الدوريه عند الحمراني ،،، طبعا يبغى لهم لسان طويل (: وكل الوكالات يبغى لهم شد معهم ،،،

وافضل السيارات بعد السوبر سفاري اللاند كروزر v8 vxr وبس ،،،

موضة الهدد ماش عجزت اهضمها ،،،
سدا نجد
21/04/2007, 08:54 AM
باجيرو موديل 2005 فل كامل ماشي 40 الف أو اقل ممكن تحصله عند الوكالة بسعر 70 الف. سياره بما تعني الكلمة بر مدينه. مواصفات الامان مع القوة
أبــومنــصور
21/04/2007, 11:33 AM
أخوي السفاري مافيه كلام وخاصه الجدد لامن خفه ولاقوة مكينه وبنسبه للبنزين مافيه ذاك الفرق بين الكروزر والسفاري
انا مجرب سيارات اخواني والصراحه السفاري جازلي اكثر من الكروزر وبنسبه للتفكك كل السيارات الجدد تتفكك على حسب الاستعمال
وانصحك بالفير العادي كانك راعي بر كانه سفاري ولا كروزر
(خذ السفاري وماراح تندم)
تحياتي....................
arab
21/04/2007, 03:35 PM
مرحبا بكم جميعاً ...

لاكن بالنسبة لممشى الموتر إذا عبيت التانكي فل , كم يمشي داخل الديره وكذالك بالخط ؟؟؟

لأن الناس خوفوني من هالنقطه ...
عرش السفاري
21/04/2007, 05:15 PM
ما علية كلاـــــــــــــــــــــــــــــــــــــــــــــــ ــــــــم أبدا أبدا...............!!!!!!!!!!!!!!!!!!!
أبومطلق
21/04/2007, 07:37 PM
والله شف وانا اخوك انا معي سفاري 2006 قير عادي ماعليه كلام الموتر قوي ومريح وقنصت عليه مقانيص وااجد من سوريا وانت جاي مافيه عذروب بس يقولون القير التماتيك أريح وانا مارغبه كان عندي واحد وبعته العادي احسن منه بالبروالي يقول يتفكك سراحه ماعنده سالفه والبانزين جيب مثل هالجيوب صرفيته زينه وانت ورجلك تبي من أول ماتمشي تخليه على الفصله 210 يبي يصرف تبي تمشي 140 مايصرف
abo naser 21
21/04/2007, 07:44 PM
خذه ولاتشاور. .
أبو_خالد
21/04/2007, 08:14 PM
من خلوا البترول ما عينوا خير ... طاحوا بجويب هدد لينه لهدها
خلك على البترول ماعنه تغيير ... واترك التايوت علومه سردها
صنعة الماليز بلا وقار وتقدير ... صنعة المطراش بيدينه مردها
وارد النيسان خطوط ومشاوير ... يرقى نايف الضلع وينزل مهدها







مع وافر احترامي وتقدير لأشخاص أصحاب التايوتا الكريمة..
fadhil
22/04/2007, 10:12 AM
50 ريال لكل 500كم السرعه بين 110 &120

ارجو ان اكون افدتك
arab
22/04/2007, 10:12 PM
مشكورين جميعاً على المشاركات والإضافات ...
ســـرحـــان
23/04/2007, 01:43 AM
السلام عليكم .. حبيت اضيف للموضوع ولا يهونون الاخوان ....

كان عندي سفاري الشكل الجديد اول ما نزل 2005 قير عادي ... ومشى عندي الى تقريبا 40.000 وانسام سومه طيبة وبعنه واخذت اخوه 2007
طبعا انا عندي تجربة بالاول مع اللاند بس الشكل القديم وكان اخر دفعة VXR 97 وطبعا كان 6 سلندر في ذاك الوقت ومايحتاج موترلايعلى عليه ... وجربت الجديد بس موشخصيا يكون احد من الربع معاه واحد ... موتر راسي بس مو بقوة القديم والسفاري بالبر ... (هذا رأيي الشخصي)
الحين ابي اعلمك الزين والشين بالسفاري .... والحق لازم يذكر
- السفاري بالبر راسي وقوي وبالرمل ... خصوصا النفد تلقاه مثل الغزال خفيف واحيانا كثيره ماتحتاج الدبل من خفه وقوة قيره
- قوة سحب رهيبه
- عزم ممتاز سواء في الطريق او عند التجاوز ... الخ
- شكل جميل
- بالنسبه لصرف البنزين ... لاتزيد على الـ 120 الى 130 يكون طبيعي .... بس ان تعديتها 140 + كل محطة وترك بتوقف تعبي
- عيب شرعي بالبترول انه يتفكك بسرعه ... يعني بعد الــ 20.000 كلم تبتدي القرقعة بالموتر (من الداخل طبعا .. البلاستك)
- الرجه بين الــ 90 و 100 ... قصة لها بداية بس النهاية الله العالم ... ويقولون الشباب في المنتدى ان لها حل .
- السفاري ( مو السوبر ) يعني رقم 2 مجهز بمثبت سرعة ...
امل اني ماطولت ... وان تكون المعلومات مفيدة وماتجنيت على الموتر او عطيته اكثر من حقه
ان اصبت فمن الله وان اخطأت فمن عندي والحدلله رب العالمين