الي عنده خبرة في الفرارات والباثفندر

[قـــــــناص]

السلام عليكم ورحمة الله وبركاته اخواني وأحبابي أعضاء مكشات

عندي جيب باثفندر م2001 وبصراحة خبرتي قليلة في الفرارات وما ادري هل يركب له وإلا ما ينفع
وش فوائدة مع العلم ان الجيب اتاماتيك وحنته مزعجتني ومشكورين مقدماً


______________

سبحان الله وبحمده سبحان الله العظيم

[محمد العبدالسلام]

وعليكم السلام ورحمة الله وبركاته

هلا بك اخوي قناص شوف انا راح اعطيك من واقع تجربه وهي مع سيارة داتسن 2003 طبعاً كان جديد السيارة اخذت عليها مشوار للجنوب من الرياض الى ابها ومن ابها الى الباحة الى الطائف الى مكه الى الرياض وكانت السيارة ثقيله وخاصة لما اقابل مرتفعات او لما اواجه هواء قوي ولما رجعت الرياض ركبتها عند السليماني وفرقت السياره كثير وخف عزمها وانصحك لا تركب الا الامريكي لانه قوي وحديد ولفه كامله اما البرازيلي فهو نصف لفه و بلاستك ولا يصلح والفرق تراه حسب علمي مئه ريال

[قـــــــناص]

مشكور يا ابن نجد وعلى ردك السريع ولكن هل يركب للباثفندر وقد سمعت انه ما يركب ما ني متأكد واشكرك على الرد

[محمد العبدالسلام]

يوم كنت اركب الفرارات من محاسن الصدف كان واقف امام سيارتي باثقندر وسألت اللي يركبها هل للباثفاندر فرارات قال الفني نعم اللي قاعد اركبها لسيارتك هي نفسها تركب على الباثفندر وتقدر تسألهم بنفسك بس ترى الباثفندر اللي كان واقف ستاندر يعني ابو جنوط حديد اظنها مقاس 16وبالتوفيق