كم مرة كشت هالسنة ........ ؟

[نفل]

:flog: السلام عليكم ورحمة الله وبركاته

بمناسبة قرب او انتهاء الربيع حبيت اعرف كم مرة كشت ( يعني كم مرة طلعت للبر وكم لليله امرحت )
لقافه زايده :D وماهو الافضل انك تكشت للبر وترجع بنفس اليوم والا تمرح ( تبات / تنام )
وبالنسبة لى انا ماكشت واجد هالسنة لقلة الربيع ( حوالى 20 مرة والامراح 5 ليالي فقط )

[القصيمي]

أنا كشت هالسنه حوالي .................................

خمسة وعشرين وثلاث مية وخمسين الف مليون مره
:D :D :D

[...الطوقي...]

عد واغلط
كشتاتي واجد بالربيع اغلبها امراح
وازين شي انك تمرح بالبر ازين من الطلعه الفجر الى الليل
والا وش رايكم









تحياتي
...الطوقي...

[نفل]

:) الاخ القصيمي مشكور على التجاوب

الاخ الطوقي مشكور وفعلا النوم بالبر افضل

وودى اسال الاعضاء الباقين كم المسافة الى ممكن اكشت لها بدون امراح وبدون تعب يعنى انت من سكان الرياض وطلب منك زميل انك تكشت معه للصمان ( 350 كيلو ) وتروحون الفجر وترجعون بنفس اليوم
هل توافقه ولا تقوله المسافه هذه بعيدة ولابد من الامراح
وماهي ابعد مسافة تكشت لها وترجع بنفس اليوم بدون امراح ( المسافة المثالية ) وبدون اجهاد ؟

[Najd^Prince]

بسم الله الرحمن الرحيم

ماشاء الله عليك يالنفل <<<< ( حوالى 20 مرة والامراح 5 ليالي فقط )
20 مره وتقوووووول ماطلعت ههههههههههههاي ,, انا والله طلعت للبر بس مدري كم مره << على باله من كثرهم مايذكر :D بس اطلع في الفجر ولا ارجع الا في اخر الليل يعني تقريبا ممرح في البر .


أميـــــــر ^ نـــــجــــــــد

[...الطوقي...]

هلا بك اخوي نفل

المسافه الله يسلمك اللي ماتمرح فيها من 100الى 130كم بالكثير
وانا بصراحه طلعت للبر الفجر مصلي الفجر بالمحطه على طريق الحجاز
كنا طالعين جهة الدوادمي في منطقة اسمها لبخه وحويته ((نصيد ضبان))
حنا هناك طالعين ورجعت الليل بنفس اليوم
بس بصراحه تعب تعب تعب تعب تعب تعب تعب تعب تعب تعب تعب
لا نوم زي الناس ولا شي
اااااخر مره اطلع لمسافه بعيده وارجع بنفس اليوم
المسافه تقريبا 200وشوي
بس الخط اقشر وكل بعارين
وااااسف على الاطاله






تحياتي لك
...الطوقي...

[نفل]

الاخ أميـــــــر ^ نـــــجــــــــد

مشكور على التجاوب لاكن ودي اعرف المسافه كم تقريبا اذا رحت ورجعت اخر الليل ومشكور مرة اخرى


الاخ
الطوقي

مشكور على التجاوب ومن قال انك طولت ؟ وبصراحة كلامك صحيح المسافة ان تجاوزت الـ 130 كيلو
تكون متعبه خاصة ان كان الجو حار وبالنسبة لى اطلع حتى 200 كيلو وارجع بنفس اليوم لاكن بشرط
ان المكان الى رايح له ربيع تام وما تكون طلعت صيد رغم المتعة المصاحبة له

وتقبل تحيات اخوك نفل:

[العليمي]

لا مانع لدي من الذهاب إلى مكان يبعد 250 كيلو رايح و 250 كيلو راجع في نفس اليوم و سبق و جربتها في رحلة صيد لمدة يوم صراحه ترجع للبيت متفقعه عيونك من الخط :D .
لاكن اشوف انه المسافه المناسبه لرحلة من الفجر الى الليل هي 120 كيلو الى 140 كيلو فقط ...